劉一手重慶火鍋 (又一城)

營業中

休息中

最愛火鍋🍲最愛麻辣火鍋🍲🌶約左人去九龍塘當然要食返餐！呢間高質～ 係我的最愛之一 今日打算食埋海鮮, 所以揀左個鴛鴦鍋 （麻辣+皮蛋芫荽湯底）真係不得了, 一心想黎食麻辣鍋佢既lunch set 竟然仲可以揀幾款精緻前菜 同埋 迷你魚生飯😱😱仲要唔係格硬配合、 而係高質好食既～ 除左魚生飯、仲有沙律啦, 特式小食係合挑銀魚仔～精選主菜每人可以揀三款所以我地兩個揀晒六款 ：鹿兒島黑無豬五花腩、A4鹿兒島黃牛三角腩見到腩紋就知不得了～ 放埋落口～ yum yum 🤤好滿足呀美國牛小排、嫩雞肉、豬頸肉而精選海鮮⋯有長腳蟹腳、鮑魚、卜卜大蜆、魷魚同埋皇帝蟹柳真係超值架！配菜都極豐富：麻辣火鍋必食鴨血、魚皮餃、貢丸、墨魚丸、蔬菜豆腐拼盤～ 放晒落皮蛋芫荽湯底～連湯飲埋都仲得連麵食都可以揀兩款最愛紅薯粉 + 重慶小麵🍜仲有甜品： 黑糖糍粑🍢 野飲我地一樣揀左： 酸梅洛神花茶🍹呢一餐真係好爽呀

一見到網上講九龍塘又一城新開劉一手重慶火鍋即刻約埋朋友黎試下，真係好耐無食過重慶火鍋餐廳環境好舒服，位置都幾闊落每張枱都會有一個調味架，仲有圍裙，好貼心店員先送一罐香油，兩人一罐食物煮完後沾上，話會無咁刺激個胃點左個鴛鴦湯底，一邊係招牌麻辣紅油湯底，另一邊係椰子雞湯鴛鴦湯底無另人失望，帶點中藥材香氣，辣得過癮椰子雞湯相當滋養，裡面更有不少雞件個人鐘意用黎煮蔬菜，特別鮮甜牛小排，油花幾靚，牛肉細嫩招牌內臟拼盤每樣少少，個人最鐘意食毛肚，好爽口田園蔬菜拼盤有生菜，娃娃菜，冬菇，金菇，本菇等等都幾新鮮重慶小麵呢個又係必點，吸哂d麻辣湯真係好好食麵質又有咬口黑糖糍粑可以即食，熱辣辣，入口軟硬適中蘸上少許黑糖醬黎食，不得了百香芒果茉莉茶解下辣都幾好飲，又唔會太甜，裡面仲有冰粉

午巿去食，都係要嘟安心出行、量體温等正常動作。門口一個比較高級的知客，會先問你食咩套餐。呢度午巿提供小鍋或打邊爐。如果你答食小鍋或丼飯，會被安排坐商場出面。由於出面太焗，同會有個大喇叭喺身邊，所以我哋要求換位。呢位高級知客答你：「商場有冷氣㗎啦！裡面只係畀打邊爐嘅人坐。」吓，我夠知商場有冷氣啦？知客待客態度惡劣，完全冇諗過幫手解決問題，只係想顧客越食越勞氣~臨走想拎走餐單望又唔畀，非常神奇的飲食體驗。

特惠刺身丼火鍋午市套餐 💲228 /位A4 鹿兒島和牛三角腩 +💲68✅ 成個套餐好豐富🤤 放到成枱都係食物，款式精緻🍱✅ A4和牛三角絕對係入口即溶🧊 而且充滿和牛脂肪既甘甜，雪花簡直係靚到令人唔捨得擺落去淥❄️✅ Prime牛小排同雞肉有水準🐮🐔 肉質都比出面食到嘅更加嫩滑👅Taste：7.25/10💰CP值：7/10🙋🏻‍♀️Service：6.75/10👁‍🗨Stylishness：7.25/10

收咁嘅價錢竟然限時入座90分鐘，仲要去到先話你知，唔通成家人臨時轉場再揾地方咩，人手又唔夠，個鍋上枱淨番60分鐘，最後10分鐘已催埋單，服務質素員工態度亦麻麻。由接待到落單到埋單，都係趕客咁樣。啲卡位又迫，健碩啲或者腳長啲都會坐得唔舒服。隔離嗰枱出聲話好迫想轉枱，服務員竟然叫我哋起起身，原來卡位張櫈係郁得嘅，佢想移過啲我哋嗰邊，其實我哋都迫迫地。最後為咗趕交枱要擒擒青咁食，仲一路食一路有員工收緊枱。雖然唔係叫最貴嘅嘢，但4個人埋單都over$3000，係咪應該有好啲嘅服務呢？雖然服務質素差，但食物質素不錯，尤其牛肉同海鮮。而麻辣湯底羶味很大，不是一般人可接受。

好耐冇食過劉一手啦！原來而家下晝時間有特惠刺身丼火鍋午市套餐！刺身丼加埋火鍋真係一個好新絴既組合！套餐 $228/ 位！包括咗前菜迷你刺身丼、特色涼菜同埋沙律！鍋底可以選擇鴛鴦鍋，所以我哋揀咗麻辣湯同山珍雜菌鍋！雜菌湯係開始打邊爐之前大家都可以飲返碗先！主菜有美國牛小排或者鹿兒島黑毛豬五花腩， 或者可以加錢升級要和牛或者精選海鮮！我同朋友就叫左美國牛小排，個質素都幾高呀！另外套餐仲會有蔬菜豆腐拼盤、鴨血、魚皮餃、頁丸同埋墨魚丸！仲會有一款主食， 我哋揀咗烏冬同埋紅薯粉！ 紅薯粉用麻辣湯去煮，入晒味好好味！最後仲會有甜品䉺糖糍粑同埋飲品，䉺糖糍粑外脆內軟，煙煙韌韌！成個套餐我地 2個女仔食都好飽，套餐仲可以額外追加其他配料！偶然午餐食吓火鍋都唔錯

上星期和媽媽一起到九龍塘又一城行街，順道在商場食lunch😚因為太耐沒有食火鍋，所以決定去這間重慶劉一手食辣嘢，看到餐牌上的特惠刺身丼火鍋午市套餐，只有$228，但就包含火鍋、迷你刺身丼、沙律、甜品、飲料等等，真是很豐富😋——————————🔹前菜 (迷你刺身丼/特色涼菜/時令沙律)前菜份量都有不少，刺身丼有三文魚、吞拿魚、油甘魚、青瓜和蛋，整體很新鮮足料，壽司飯亦夠凍😋沙律也有我喜歡的芝麻醬，旁邊的焦糖合桃炒魚仔是媽媽最愛，不錯☺️🔸主菜 (鹿兒島黑毛豬五花腩/美國牛小排)我們湯底選擇了招牌麻辣鍋和山珍雜菌鍋😋前者是小辣，但食起來不算辣，亦沒有麻的感覺😆而且有少少羊羶味😳 而山珍雜菌鍋本身都有不少蟲草、冬菇等雜菇，所以一開始都飲咗幾啖，健康好飲。放入五花腩和牛小排，即時變得很惹味！五花腩的肥膏比較多，但一點油膩感都沒有，食起來很嫩不鞋口😋；牛小排則切得薄薄，油花分布明顯，牛味亦很夠👍🏼🔹配菜配菜方面，有蔬菜豆腐拼盤、鴨血、魚皮餃、貢丸和墨魚丸。特別喜歡這裏的丸類，絕對不是平價貨，煮完後仍然保持彈牙爽口！🔸稻庭烏冬/重慶小面原來稻庭烏冬已經簡單煮過，大大縮短煮的時間，果然很彈牙；重慶小面

我本身自細就唔食得辣 一食親就會個頭好鬼痕所以咁多年嚟都冇乜點食 但朋友今次話呢一間 劉一手出名得嚟又真係好食 所以都叫做半推半就 陪朋友試下呢一間喺湯底嚟講 朋友為咗保險我唔會被辣死所以除咗必嗌嘅招牌 麻辣紅油湯底仲幫我叫咗個 皮蛋芫茜湯底雖然皮蛋芫茜唔係招牌 但睇得出好足料唔係求其俾個湯就算 再加上本身都係好味而我有少少驚嘅麻辣湯底 雖然朋友係叫中辣反而試咗之後 真係小小驚喜首先佢嘅中辣我都係勉強頂到但重點係佢係香辣 再帶少少麻感唔係坊間一般嗰隻普通死辣所以湯底嚟講 真係都幾出色因為我同朋友都係食肉獸所以主力都係叫肉類 另外再加多一個甜品首先想講下呢一個 醬油醃製豬肉片出面火鍋店 牛嘅質素數會好啲而豬肉通常都普遍一般麻麻但呢一間 再度令我有少少驚喜首先佢本身用醬油醃 拎上枱嘅時候已經感覺到嗰陣香味肉眼睇都都睇得出唔係超一般嘅肉肉嘅份量我都覺得好大塊的確係我喺出面食過 數一數二好食嘅豬肉片嚟到專食辣嘅火鍋店 冇理由唔點份 麻辣牛肉雖然我食得唔多 但都食咗三塊牛肉上面嘅香辣配料 係多到見唔到塊牛肉咁濟聞上去亦都係香香地嘅辣再配埋個麻辣湯底 食落去感覺係一種爽辣朋友就食得好爽好開心 但辣

「劉一手重慶火鍋」今年喺香港開設首間直營店，選址九龍塘又一城，地點方便就腳，裝修加入京劇臉譜元素，別具特色，我同朋友二話不說來朝聖。◾️湯底◾️🉐招牌一手辣方麻辣紅油湯底 （$98/半鍋）🌶🌶🌶 （+$10）🐓養生滋補花膠螺頭燉雞湯（$128/半鍋）麻辣湯底可選辣度，用料優質，包括：牛油脂肪、郫縣豆瓣醬、永州豆豉、貢椒、二荊條、漢源花椒，以及十多種中藥材香料，香辛麻辣，超正！我對花膠湯都係情有獨鍾，含豐富膠質嘅美味湯水，非常滋補，打邊爐前都忍唔住飲咗兩碗。⋄◾️牛肉◾️🐂麻辣牛肉（$198）基本上睇唔到牛肉片，因為全部都被辣椒覆蓋，係嗜辣朋友必點的！⋄◾️豬羊雞◾️🐷一手醬油醃製豬肉片（$98）⋄◾️內臟◾️🫁招牌內臟拼盤（$158）一個拼盤就包含多款內臟：鵝腸， 豬肝，鴨血，腰花，毛土。睇色澤已知用料新鮮，鴨血更是大塊厚切，性價比頗高。⋄◾️劉一手特色配料◾️🍢牛骨濃汁牛丸（$78）牛丸膠香滑彈牙，又大粒又美味，一份六粒，份量剛好。⋄◾️滑類◾️🐙油炸鬼墨魚滑（$88）喺炸油鬼中釀入墨魚滑，炸至金黃色，鬆脆香口，好食。⋄◾️手工餃子◾️🥟黑松露餃（$108/6隻）⋄◾️一手小食◾️🥠黑糖糍粑（$68）經典重慶甜食，

見到呢間嘢評論大部分都幾好先跑去食，但係結果真係完全唔掂。間野嘅嘢食真係又貴又唔係好好食，跟住服務態度又差。兩個人就食咗千二，但係其實個味道仲不如出邊兩百幾三百嘅嗰啲任食火鍋。跟住喺服務態度嗰度啦，我哋嗌完嘢食之後，就問過服務員話有冇嘢飲，跟住佢話一陣攞嚟但係其實係勁唔耐煩嘅語氣，但係等咗好耐之後都未嚟。我哋一開始仲以為係免費所以要好耐，結果係來張餐單？！我唔明點解張餐單要客人問三四次先送來？仲要個態度好差，好似爭佢錢咁！但凡係好食態度好貴都唔係問題，但係而家係又貴又唔係好好食個態度又差！

雖然9月嘅香港天氣仍然出奇地酷熱，今晚都約上朋友專程來試下重新登陸香港嘅重慶劉一手。新店採用大紅色及臉譜搭配淺木，會令人聯想起重慶紅油麻辣火鍋嘅湯底。餐廳當晚幾乎滿座，睇黎都仲係相當有人氣。新店嘅火鍋湯底選擇有好多種，除左招牌嘅紅油麻辣湯底之外，仲有好幾款唔辣嘅選擇，好似芫茜皮蛋湯，花膠螺頭湯，沙爹湯底等等。我地就揀咗一鍋三款唔同嘅湯底。火鍋配料方面也好吸引，我自己就最滿意個劉一手招牌鮮切三拼，裡面有鹿兒島和牛，豚肉腩同美國牛小排，而且放係一個直立式嘅拼盤上面好有創意。海鮮同蔬菜拼盤都好新鮮。另外餐廳嘅生啤都好好飲，不過想再order嘅時候就要等比較耐先上，後來仲同我哋講啤酒賣曬。最後嘅兩個甜品味道都好令人滿意，尤其係個紅糖糍粑，非常煙韌。總體來講食物嘅質素係唔錯嘅，服務方面可以再做好啲。

前排經開又一城，發現呢間餐廳係新開，好熱鬧，所以決定試試，結果果然有驚喜😍😍😍😍😍湯底椰子雞湯，重慶湯，椰子雞湯味道鮮甜，落足料煲，辣湯愈食愈過癮🥰🥰🥰🥰🥰🥰🥰🥰🥰毛肚一啲都唔硬，令人食極唔停口😛😛😛😛😛😛😛😛😛😛🧐😛😛😛🥳🥳🥳🥳🥳🥳🥳🥳🥳🥳🥳🥳🥳牛拼盤 3款肉都好好食，有肉味，和牛入口即溶，打卡都一流😍😍😍😍😍

期待很久的店舖。食物是可以的，價錢偏貴，一碟鱔片，只有四件。用餐時間實在太短，只是個半鐘。雖然入座時已經表明還枱時間是1小時半個鐘，我們已經是準時到達，但侍應於還枱半小時前已經強迫你先埋單，食餐飯趕到咁，真係慘過爭人錢。跟着那半小時，我們要非常趕急地將所有食物到入鍋中，我們已經沒有時間傾談，只希望能於法定時間內完成所有食物。但侍應於結帳後，還要不停地清潔你枱面的東西，感覺不太好。但是我們二人共消費了$1600。用咁嘅價錢，咁嘅服務，相信短時間內不會再去。

劉一手重慶火鍋 @ 九龍塘又一城日式麻辣火鍋🤣？配刺身飯又一城新開既餐廳Lunch終於有得打邊爐啦不過價錢偏貴每位$228 未計加一價錢包前菜 刺身飯 沙律 湯底 一碟牛 蔬菜拼盤 麵 野飲👍🏻湯底紅油麻辣味好夠辣屎忽一流芫荽皮蛋湯底都好味芫荽好新鮮好好味*建議食鴛鴦湯底食到後期真係好辣🥵*唔食芫荽既朋友都有雜菌鍋牛可以+$98轉A4鹿兒島和牛三角腩吾加就係美國牛小排*個人認為吾轉抵啲如果牛小排肉味都夠重不過就好薄 而且份量好少另外都有得加配料每樣加$20 鴨血、魚皮、墨魚丸都有呢個CP值好抵絕對建議要加🤣🤣麵底都有薯粉、米線、重慶小麵三樣都有試 都正常野飲選擇有涼茶Or加錢飲沙冰 珍珠奶茶但佢無水提供🤷🏻‍♀️要加錢買囉👎🏻前菜 刺身 沙律 都OK整體野食質素都唔錯 幾新鮮但價錢lunch黎講偏貴人均都$350 夜晚唔知要幾錢😒😒

最近去又一城都比較多，學完車順便食個午餐經過見到原來劉一手重新開業之前一直想試餐廳提供室內或室外用餐室內主要係打邊爐午市除咗有火鍋套餐仲有提供午市輕盈重慶一人小鍋麵和川渝風刺身丼飯套餐。室內餐廳環境保留中國風又有比較新潮既裝修仲有京劇面譜係裝上面，成個氛圍融入中國經典文化午市火鍋套餐有兩款其中款係壽喜燒鍋套餐基本上除了湯底不同，火鍋套餐都有沙律、迷你刺身丼同一款前菜小食及配菜沙律、刺身丼同一款前菜小食都係固定嘅配菜有蔬菜豆腐拼盤、魚皮餃、鴨血、墨魚丸及貢丸客人可以揀湯底、主菜、飯麵及飲品沙律前菜係魚仔配焦糖芝麻合桃甜甜地又煙韌有鴛鴦鍋鴛鴦鍋有麻辣湯、皮蛋芫荽湯同埋山珍雜菌鍋另外加$48就有招牌一手方麻辣紅油鍋我哋揀咗麻辣鍋同埋山珍雜菌鍋迷你刺身丼，如果醋飯再軟淋一啲會比較理想主菜方面有美國牛小排、嫩雞肉豬頸肉鹿兒島黑毛豬五花腩我地只揀咗牛小排，呢度係兩人分量麻辣個麻香味撲鼻，食食下個湯底濃縮咗，會比較辣啲灼一灼牛肉，麻辣汁掛滿係牛肉上面麻辣口感令人想食完再食基本上另一邊雜菌鍋，我地主要係灼菜除咗有本菇、金菇、冬菇仲有蟲草花麵食可揀稻庭烏冬重慶小面米線紅薯粉重慶小面幾好食，似幼身既拉麵甜