包販子 (已結業)

行完花墟來這裡飲啡非常就腳叫佐杯ice latte 見到有點surprise 因為比坊間的size小了一個碼望落咁多奶，還以為啡未味會較淡但飲落有驚喜，竟然飲到啡未濃郁還飲到果酸味咕嚕雞包這個fusion 都唔錯炸雞+咕嚕汁+菠蘿+香香脆脆的包鬼佬西多臨走加多個西多足足等佐20分鐘但超級值得食落似梳乎里，有濃郁的蛋香加埋cream cheese 同水果真係又滑又香總括來講，可以來試多幾次因為味道真的不錯加上menu裡有好多野未試

星期日上完晨操瑜珈堂，食個晏就再去街街😌12點啱啱開店，唔洗排隊仲有位，坐咗一陣人流就慢慢多.店內環境都幾舒服，張枱夠大，同埋枱與枱之間夠寬闊，冬天著到成隻糭咁行過唔會撞到人😂採用自助形式所以無加一，大個仔啦要自己倒水同拎餐具🤪Jumbo All Day Breakfast $118大菇，牛油果，炒蛋，煙肉，蕃茄，沙律菜，德國腸仔，包～好豐富嘅早餐！好少見到有牛油果嘅all day😳半個牛油果入口即溶🥑😌厚厚嘅煙肉，加埋新鮮沙律菜🥺食完真喺頂到all day🤣煙三文魚賓尼迪蛋 $98Eggs Benedict with Smoked Salmon 切開隻蛋，隻蛋流心嘅一刻🥺每次見到都感到好治癒🥰蛋汁流落三文魚同底下個包上面，食落有蛋黃嘅juicy味同三文魚嘅香氣，難以抗拒嘅誘惑☺️食咗一個已經半飽😂

呢度都好自助餐具斟水各樣都可以自己去我地叫左個二人餐有推介嘅咕嚕肉堡同牛油果軟殼蟹堡同炸杏鮑菇炸杏鮑菇偏淡味自己加啲鹽就更正喇！咕嚕肉堡相對濃味其實係一件炸雞扒加菠蘿漢堡煎過，脆香得黎都鬆軟👍牛油果軟殼蟹堡呢個醬汁幾特別，幾fresh!雖然都係炸物，我就鐘意呢個多啲喇！🤤

Follow @pigfoodiexhk for more food!🐷#pigfoodiexhk_包包#pigfoodiexhk_黃店-------📍自家製fusion包包 -- 包販子🍞Bokmark咗呢間小店好耐 前排又同包控朋友仔 @hungrypiggiess 去拔草😍試咗佢地嘅招牌fusion包包💕-------⭐咕嚕雞包 ($66)包包係自家製 上檯嘅時候微熱好脆口👍但係食落口感都幾空氣，冇乜存在感，有小小失望😭內餡有炸雞同焦糖菠蘿片😆炸雞啖啖肉，仲幾juicy，不過炸粉略為厚咗啲😕菠蘿用焦糖腌過，所以食落甜度較高，小編反而覺得唔另外調味用返佢天然嘅甜味會仲好食🙊------⭐牛油果紫菜軟殼蟹包 ($88)兩個牛油果控見到呢個諗都冇諗就決定叫😂軟殼蟹好大隻，炸至金色，非常吸睛，食落仲好脆口💕軟殼蟹上面仲淋咗特製嘅紫菜醬，令味道提升唔少💛除此之外，內餡仲有牛油果，食落幾creamy但可惜份量好少 唔夠喉😭包包方面，小編都係覺得存在感唔太高😭如果包包嘅密度高一點滿足感會大啲🙊-------⭐陀地西多 ($66)食到最後緊係食埋甜品啦💕呢個西多同樣用左自家製嘅麵包，口感鬆軟😆包

排咗成晚...要不是因為黃店...我地應該走咗...排到已經諗好食乜即嗌！🔹牛油果紫菜軟殼蟹包 $88🔸北京填鴨包 $65牛油果配搭本身就冇得輸，creamy完熟牛油果疊住好肉地嘅軟殼蟹，仲有啲紫菜味添。不過北京填鴨個種甜味夾呢隻包原來怪怪的😂但包嘅質感好軟熟，外皮脆得黎都唔會超級硬～本身有紙包住好好，可以直接拎起咬！🔹溫泉蛋白汁忌廉菇菇扁意粉 $118意粉超多忌廉汁同菇菇，加埋溫泉蛋，啖啖都好濃郁好滿足～🔸薯條 $42🔹阿媽雞翼 $48薯條啱啱炸起，非常香口！雞翼都分成單骨，食起黎方便好多。🔸latte $40🔹蜜糖牛奶 $40🔸花茶 $40我杯latte個紋好靚，幾好飲🤎🤍仲有用不銹鋼飲管架！店內環境靚，坐得舒服，食野hea下都幾好feel(◍ ´꒳` ◍)/包販子太子通菜街254號地舖

自包販子開業起曾路過多次，但因為抱著懷疑，總是過門而未有一嚐 店家主打各式夾包，即不同口味的漢堡、三文治，款式配搭有趣新鮮，確是我所喜 只是近年碰壁不少，曾到一些人氣店家，然而有數回都覺略伏，現在有點卻步了北京填鴨包　Confit Duck Leg Bao　$66選用Brioche製作，更添鬆酥空氣感並更脆口 然而吃起來卻頗乾硬而粗糙，吸收鹹甜兼備的海鮮醬後才較好吃 鴨肉肉瘦不老柴，留有肉味而不腥臊，添上北京填鴨必伴的青瓜和大蔥，層次更是豐富 還有料滿滿的123豬手三文治　Braised Sweet and Sour Trotter Open Sandwich　$66想不到豬手很入味，盡滲香料香氣而不膻，皮肉之間帶輕微膠質，唯瘦肉位見微硬 酸酸甜甜又留點爽感的醃蘿蔔來得正好，減去豬手的油膩，吃罷也不會太覺飽滯芝士肉醬薯條　Yum Fries　$56面鋪鹹度頗高的芝士，搭配酸甜肉醬更顯美味 原本用的是粗薯條，可惜材料用光，而我們又特別想吃，好在店方為我們特製了幼薯版 不過現在看來配幼薯反而比較適合，因為醬料水分高，粗薯易濕爛，幼薯則保持了脆感 不會跳過甜點鬼佬西多3.0　French

某天，同朋友聚會食下午茶，黎左包販子，坐低已經見到牛油果，水波蛋既餐，立刻心心眼叫左黎食。只係賣相隨即成為吸引之前，將蛋篤穿，蛋黃慢慢流到成個包同牛油果都傳黎一陣陣蛋香味。而包亦係一個重點，十分脆，而唔係放好耐好硬，難以咬既包。朋友叫左123豬手治，雖然有啲硬，但味道十分夠，從未諗過豬手竟可配包為一餐，十分驚訝既一個配搭。而且豬手油而唔會食到厭。每個餐都會搭配一碗薯條，即炸即食，唔會過咸同時十分脆。令人食唔停。最後餐廳亦有小角落擺放唔同既文藝物品俾人食完望下買下野影下相，十分別出心裁。可值得再黎既一間餐廳，下午茶亦係一個十分好既選擇！

已一間良心小店來講，包販子素食選擇算係幾多，佢有牛油果蛋三文治、咖哩雜菜、未來漢堡三文治同埋熱狗、仲有蕃茄芝士羽衣甘藍等等。我今日試咗未來熱狗同埋薯條。個包整得幾脆幾好食，薯條方面係偏幼嘅，亦算新鮮，而有新鮮番茄醬喺上面。最大嘅驚喜係佢有坊間少見嘅純素雪糕，而且只係$35一杯，當日有栗子同奶茶味，我揀咗栗子味，估唔到上面仲有好多栗子碎，唔太甜味道又天然。最開心嘅事呢間鋪唔收加一，鍾意佢嘅話自己俾啲貼士都得。

上次跟朋友聚餐的地方，店子小小，在店中央保留了一個樹幹（是有什麼故事？），🍔菜單很有趣🤣🔸牛油果軟殼蟹醬汁不錯，但向來對牛油果興趣不大的我，覺得牛油果還是做沙拉比較好吃🔸薯條🍟不欺場的薯條，炸得很脆又不會覺得很油膩，配上.. 應該是蜜糖芥末？灑多一點點鹽會更好吃🔸咕嚕雞很有趣的口味，炸雞跟五柳汁加超厚的菠蘿。比較不好切開跟朋友分吃🔸芝士大啡菇安全又不會失敗的口味，啡菇多汁，跟起司洋蔥是絕配❤️🔸抹茶牛奶＆柚子檸檬梳打對抹茶無愛的我也覺得不差，然後Soda是加新鮮的果汁，而不是用糖漿泡，這點值得小讚👏🏻💲Hkd約130@人🏡太子通菜街254號地下

呢間包販子其實小編們bookmark左好耐📝前排終於的起心肝去幫襯！平日夜晚七點幾黎到 門口已經大排長龍 不過既然係💛店 當然要支持支持啦！_{牛油果紫菜軟殼蟹包 $88 🍔🥑}呢度既包都係自家製的 口感尚算鬆軟 而且烘得好脆身 不過略顯乾左啲 如果單講麵包唔算印象深刻😛不過內餡就好有驚喜！麵包入面夾住既牛油果好軟滑 軟殼蟹炸得酥脆而唔油膩 仲有個紫菜蛋黃醬完全係畫龍點睛！味道充滿紫菜既香氣同鮮味 而且唔會好膩👍🏼所有嘢夾埋一齊食非常有化學作用！整個漢堡感覺清新得黎又好香口 大推！_{麻婆豆腐包 $78 🌶️}想食素既朋友 不妨試下呢個麻婆豆腐包 一樣好出色！裡面有一塊輕微炸過既豆腐 外層微脆 入面就超級嫩滑！配埋啲菇 kale 京蔥 同微辣既川椒菇醬 成個包好豐富好惹味😻_{陀地西多 $66 🥜}花生控一定要試吓呢個西多士！西多士上面放上花生味既雪糕 雪糕口感好特別 偏向硬實一啲 但又好幼滑 重點係花生味超級香😻😻😻 配上焦糖醬 同鬆脆既果仁 食完好滿足！可惜個多士本身都係偏乾偏實 唔夠鬆軟 但整體味道非常之唔錯！

睇個名就知主打當然係食包，但其實廢中覺得佢既主打係店入面既裝修。黑色門面配上白底招牌同搞笑插畫，好文青好有台灣感覺。爬左好多文都話佢地D麵包係自家發酵好似幾有誠意，咁就叫左1個包1個治.治。牛油果+水煮蛋一上枱就覺得幾吸引，好rich好多既牛油果蓉加兩隻少少剔透既水煮蛋，幾吸引既。個多士真係烘過外脆內軟唔hea既，不過個發酵味好重味道麻麻。牛油果蓉有D係切粒粒口感極好，水煮蛋有少少流心幾好.包。咕嚕雞個包烘過又酥又脆，食落有陣陣牛油香但入面又夠軟熟，剩係個包已經覺得好好食。雞扒炸到吉烈咁唔算厚，咬落好脆而雞肉仲保持多汁肉嫩，配埋厚切新鮮菠蘿，成個包好惹味，依個真心正.小店的確用心經營，收工後既時間又唔洗等位，可以encore

依間舖頭喺612 805 1111-1114 1118都有罷市💛休咗咁多日 大家都要踴躍啲支持呀💛-#咕嚕雞 $66第一次見到依個配搭 又中式又西式咁🤣首先講下個包 個包貌似炸過嚟食落特別酥脆🤤雞十分之厚身 又炸得好脆 而且肉都幾嫩滑加上個汁酸酸地幾好食 幾開胃👍🏻評分:8.5/10-#北京填鴨 $66依個都係比較中式嘅包🤣鴨肉好大舊 加埋甜醬同青瓜係幾好食嘅不過小編覺得佢似pork ribs多過北京填鴨🤣評分:7/10

依間小黃店顧名思義係賣包為主，但我反而被佢嘅陀地西多吸引住！同我想像中嘅普通西多加雪糕唔同，舊多士炸到外脆內軟，從外觀可以見到多有好多花生碎同奶油糖碎，食落係超重花生醬味，非常適合愛花生同愛甜嘅朋友！而杯嘢飲就不過不失啦：）店內亦都有好多人獨食，我自己邊坐邊偷聽員工們討論香港現況，各位應珍惜香港僅餘能自由討論政見嘅空間。

處身於酒吧街嘅轉角，平日下午去，寧靜嘅感覺好似置身台灣內街，連播既音樂都好有taste！我哋hea咗成2個鐘🤣—————————————————🔹北京填鴨包餐 ($76) 〔 跟薯條及任選飲品 〕🔹牛油果軟殻蟹紫菜包餐 ($98) 〔 跟薯條及任選飲品 〕..我哋去到仲有下午茶，不過太肚餓所以照叫lunch～每個餐都會跟薯條，仲有不限價錢任揀飲品，其實好抵食！.第一次將填鴨放入個漢堡入面🤣不過同刈包原理好似，唔會有伏😬個包都算大個，因為啲餡好多，所以無可能一啖咬落去！個包係牛油軟包，平時小pin好怕食唔實在嘅空氣包🤪但呢個烘過之後咬落熱辣辣又脆，上面個層仲會好似入口即溶🤯甜甜地咁都幾特別又好食！入面有青瓜、甜醬、烤鴨肉同青葱絲，真係食緊填鴨咁架！好rich又好夾呀！👍🏻.軟殻蟹包好有份量，成整過塞係包入面，咬落好香口，入面夾住生菜、牛油果同紫菜沙律醬，所有嘢擺埋一齊估唔到又幾正！牛油果令到個包好似fresh咗咁🥑🍔.薯條係幼身，但仲見到薯皮，感覺新鮮。嘢飲全部都又靚又出色，蜜糖鮮奶好順口，Lemonade唔過甜又大大杯，勁Like！🥤.🤡: 小人嘅時候，環境真係一流，大家可以避開人潮

今時今日，身為香港人既我，唔敢出聲、唔敢放假、唔敢出街，只因身處既城市不再自由…..😭迫使我只能用金錢去表達自己既訴求……即使明知星期五晚上出街食飯已經變得不再安全，都仍然要用金錢支持一下良心餐廳!!😤💪小店裝修以大地色系為主，枱櫈都以木質，偏橙色既柔和燈光，打造一個文青環境。餐廳除左提供包類、炸物、特色咖啡飲品外，仲有意粉、甜品，雖然選擇唔算多，但各有特色。我同朋友兩個，order左兩款大熱漢堡，另加一個炸薯條。即點即炸既幼薯條 $42雖然望落平平無奇，比麥記再幼多少少，不過味道卻高出幾倍!!😋 薯條應該炸左兩次，所以硬身d、挺d、脆d；由於用左幼薯，所以薯心較少，食落比偏向硬脆口感；無鹽薯條，配埋個蒜味、少少酸同鹹既醬，非常好味，好快就比我地兩個清哂~~🤤咕嚕雞 $66網上有唔少食評都推介呢款咕嚕雞，加上自己本身中意食咕嚕肉，所以唔會錯過呢款fusion漢堡。😏麵包好鬆，入面有好多氣孔；貎似炸過，外層好酥脆，不過油膩感較重，食完成個包好溜。個名雖然中式，但個咕嚕汁加左d香草落去，食落唔覺得似咕嚕，但唔差，比較重口味。雞肉炸得比較深色，但應該係雞脾肉，食落都仲有d嫩滑感同有汁；炸粉唔