北冰洋

營業中

休息中

公司附近呢間兩餸飯成日都好多人排隊，以上環兩餸飯價錢嚟講，$36係好抵食。⭐️蜜糖薯仔牛柳粒牛柳粒熟度剛剛好仲有少少粉紅色，正，配上甜蜜的蜜糖薯仔，調味剛剛好。⭐️蒜蓉炒西蘭花⭐️蒜蓉炒生菜⭐️燜雞有少少辣，雞肉嫩滑。⭐️大頭蝦生炒粉絲煲超推薦，大頭蝦好多肉，粉絲好入味，朋友話好有大排檔風味。⭐️凍樽仔幼滑奶茶⭐️凍樽仔雪梨茶⭐️是日湯豬骨湯奶茶口感順滑，帶有濃厚的茶香，而雪梨茶則清涼解渴，唔會太甜。豬骨湯唔係味精湯，好飲。

差評，漏單又唔認。一係佢就聽唔到我落單（無咩可能，佢已經問我飲咩，如果聽唔到應該係問我食咩），總之去到俾錢嗰陣無我份食物，我話啱啱嗰份係我嘅佢又唔認，話嗰份係我上一個人嘅，我嗰份整緊，我都已經再問係咪啊，因為我係食燒賣，但佢出緊嘅都係啲米粉，總之就唔係我㗎啦，佢都死撐話係，要我俾錢，我咪俾八達通，俾完咪又係無野食，無一份食物係我嘅。簡直係阻人返工，講真，佢認咗漏單我自然唔會俾錢，直接走人。咁樣呃我，搞一搞都唔知搞幾耐，早餐就係成肚氣。返工爭分奪秒，嗰少少嘅二十蚊雞唔要都罷啦，呢間野我都幫襯開，今次真係無回頭。

近新聞報道人氣兩餸飯"北冰洋"好強勁，承接渣打銀行鋪位，喺中環開分店！做兩餸飯做到開中環區分店，實屬罕見，亦係實力表現！之前已經食過"北冰洋"架喇，真心不錯。好記得之前撞啱試過有豉椒炒蜆，好正！😋中環分店未開，特登搵日走黎上環，又再食下呢間人氣雙餸飯。食親雙餸飯，識食梗係夾幾個人一齊食！每人叫唔同餸，再分黎食，咁就可以試到唔同野啦！每到lunch time時間，“北冰洋”都勁長人龍！不過好彩d staffs都好爽手，一般都唔使等好耐。極速點完餸，可以揀埋野飲。佢d野飲都好正，全部都係自家制。凍奶茶/咖啡成枝雪凍，無加冰，茶香奶滑無糖蜂蜜鮮檸檬水、無糖金羅漢果雪梨茶、百香果蜜無添加防腐劑，滋潤健康！🔸️豉汁蒸白鱔白鱔嫩滑新鮮，肉質爽口，豉汁唔會過咸，啱啱好，好味！🔸️肉餅鹹蛋肉餅，好厚身足料！🔸️ 東坡肉肥瘦適中，好鐘意呢個😋🔸️椒鹽豬扒、咕嚕肉都係水準之上！附近上班族/住附近既真係唔好錯過❣️

呢間兩餸飯專門店位於上環永樂街之前睇傳媒報導過呢間好抵食‼️原來佢地有埋早餐/小食(今日忍住先)今日放工經過實在唔想煮飯就買咗幾個餸人來人往好多人幫襯 仲有外國人排隊買😆全日兩餸飯$36 每加一餸都係+$8🤭😎淨餸就每份$40/$50(睇你要咩)仲可以+$3配飲品 佢地有埋自家製樽仔系列 正呀🥰👍🏻另外仲有每日都唔同嘅湯/甜品 都係$15味道方面比想像中好 唔想煮飯又想平平地係一個不錯既選擇💁🏻‍♀️大家睇相都會見到我幾忍唔到手😏😂因為睇落樣樣都好好食 又多選擇兩餸飯竟然有埋海鮮(今日有扇貝/大蝦/蟹)好癲😱😱😱🍤黃金大蝦碌份量好足 我同屋企人3-4人分享都仲得仲要隻隻都好大 炸到脆卜卜雖然冇得食埋啲殼 但蝦頭好多蝦膏外層嘅鹹蛋黃啱啱好包裹住成隻蝦仲有埋粉絲墊底 啲蝦同蛋黃味摻曬入去個個食到lam lam脷 停唔到口🥰😋🫛惹味肉碎甜豆個汁好惹味 有少少辣更加吸引🤩甜豆新鮮 咬落爽脆清甜 伴有好多肉碎 送飯一流‼️🍯🐮蜜糖薯仔牛柳粒又係配飯食必點 薯仔同牛柳粒大小剛好啖啖都係一口食曬 加埋蜜糖夠曬甜蜜💕薯仔🥔硬度適中 最正係牛柳粒夠嫩咬落唔會黐牙 牛味足 仲會有啲肉汁鎖住🥰🐷菠蘿甜酸咕嚕肉呢個

聽講中環附近新開了一間罕見兩餸飯，放工經過就買嚟試下啦，門口招牌好光亮，廚房環境都乾淨整潔，仲有好多唔同嘅餸可以選擇，有菜，有肉，有海鮮，都好新鮮，另外亦都見到一盒盒海鮮， 有蝦，炒蜆，蟶子，加餸一流 😚另外仲發現原來佢呢度有早餐，午餐都有唔同嘅選擇，晚市5點後加$5可配樽仔飲品或任何飲品，打工仔必備 咕嚕肉拼雞翼飯我哋揀咗咕嚕肉和孜然味雞翼，咕嚕肉新鮮，多肉小骨，配料有洋蔥，青椒紅椒等，咕嚕肉汁包住每一粒咕嚕肉好均勻，酸甜度適中，孜然味雞翼好惹味，成個表皮都鋪滿曬孜然味，辣辣地，好正，店員好好見我哋嗌咁多肉，醒幾條菜我哋食 🤭檸檬雞拼糖醋骨檸檬雞炸得外脆內軟，乾身冇油，檸檬汁甜酸適中，好味又開胃，糖醋骨煮到好軟熟，中間有軟骨，糖醋汁濃度剛好包住豬肉，好入味 😋豉椒炒蟶子另外我哋嗌咗盒海鮮炒蟶子加餸，蟶子多到成個盒滿曬，蟶子大大隻，肥嘟嘟好厚肉，火喉啱啱好，隻隻都好軟熟，洗得又乾淨冇沙 🤩樽仔無糖蜂蜜鮮檸檬水 & 樽仔無糖羅漢果茶他們有自家製樽仔系列，我們選了蜂蜜檸檬水和羅漢果茶，他們自家製樽仔選用了沒有用糖和無添加防腐劑嚟做的，因為本身蜂蜜和羅漢果已經有甜味，好潤喉，清涼和健康

餐廳：北冰洋地點：上環永樂街58號地舖菜式：午餐兩餸飯$36，可加$3加飲品熱辣辣餸菜大概有20款揀，有素菜有炸肉等等咕嚕豬扒個汁非常開胃，而豬扒啖啖肉，好多肉食，切好一段段方便食用，伴有洋蔥片同菠蘿。魚香茄子既茄子吸嗮油好邪惡，非常滑，伴有好多肉碎，仲有辣椒，餸飯一流。豉汁倉魚 加$15豉汁倉魚有成大條咁多，唔怪得要加錢，都抵呀。魚肉鮮美，凍左都仲好好食。糖醋骨糖醋骨份量超多，個汁調得好，好開胃，而骨整得好淋，連骨頭都可以咬，呢個餸凍左都好食。白飯分開用細膠盒裝，好方便，份量好多。樽仔百香果蜜 加$3樽仔百香果蜜清甜帶淡淡熱情果味，仲飲到熱情果籽，唔會過甜，感覺健康。樽仔無糖蜂蜜鮮檸檬水 加$3無糖蜂蜜鮮檸檬水都係微甜，帶微微檸檬味，無添加防腐劑，解渴之餘感覺健康。店員快手畢餸，份量多，包裝乾淨衛生，中上環呢個價錢好抵。

每次經過都好多人👩🏼‍🤝‍👩🏻👨🏼‍🤝‍👨🏻今日終於試到🙌🏻依到真係上環人人飯堂😋近地鐵站又方便🚇好早就開買埋早餐，到中午lunch，放工買埋番屋企，解決一日三餐都係一百蚊內～正到爆滿滿一盒，2餸飯其實好耐之前已經有，只係疫情突然之間紅起來，以前食冇而家嘅兩餸飯餐廳咁多份量，睇吓淨係菜同肉2個餸都滿到瀉咁濟，其實唔大食可以同事兩個share，飯量都好夠，一定可以飽到夜晚放工

我叫左2餸飯，之前真心覺得係好食嘅，今次叫咗炒蜆同糖醋骨飯，放面上既蜆係開蓋，但放底嘅係全部唔開蓋，起碼有10幾隻係死嘅，咁樣好無良囉，死咗都唔好給客人，要專登放底，以為人哋唔知？下次真係唔會再買，出面有好多2餸飯選擇！

之前睇傳媒報導過呢間北冰洋兩餸飯好抵食，一直都諗住試下，奈何經常性都好多人排隊試唔到。趁今日放假特登早少少11點幾就去買返盒當brunch食，一早去到唔洗排隊無得頂，見到好多一盤盤既餸好企理甘排晒出黎👍突然俾一盤 ”豉椒炒蜆” 吸引住，唔洗諗即時order，另外見凍凍地就點左個 ”芋頭炆雞” ，店員問我飲咩，我仲問店員係咪包野飲，佢話加$2就有，仲可以揀凍櫃一樽樽既野飲，最尾我點左 “樽仔無糖金羅漢果雪梨茶” ，俾錢個陣店員話$38，真係超抵食呀！！！佢個包裝一個飯盒裝白飯，另一個飯盒就裝兩款餸，分開包裝食既時候無甘油，值得一讚👍味道方面比想像中好，有時唔想煮飯又想方便食返餐平平地既，絕對會係一個不錯既選擇，如無意外一定會再食！！！不過當然要睇下洗唔洗排隊啦😆整體評分：5 / 5

近期興食兩餸飯，睇到有飲食平台介紹呢間以每日新鮮購入海鮮做賣點嘅兩餸飯，我急不及待就去試下！兩餸飯$36（加配自家製飲品+$2）一來到就見條隊有十幾個人排緊隊等買兩餸飯，不過條隊郁得好快，幾分鐘就到我。先揀餸，再俾錢。現場因為多人，所以排到我時好緊張，想快啲點餸。但係現在同想像唔同，第一次來食，本來想this this☝🏻☝🏻咁揀餸，原來係唔work，因為啲水蒸汽整到塊玻璃好濛，根本睇唔到裡面嘅餸😓 結果係壓力之下我跟前面嘅人一樣，買咗西蘭花鮮魷同咖喱雞。加$2就有自家製飲品，我揀咗百香果蜜。行去前面俾錢時先見到有炒蜆，好想試下呢。味道方面，以$36來講算唔錯，西蘭花同椰菜花🥦食得出有蒜蓉味。鮮魷𠝹花𠝹到咁靚，唔講以為係急凍貨。咖喱雞雞肉滑，應該全部都係雞脾肉。咖喱汁嘅味道係茶餐廳嘅貨色。白飯幾好，夠乾身，唔似一般茶記overcooked。百香果蜜好清潤，食完飯飲落好舒服。份量方面，雖然飯同餸分兩盒裝，但餸嘅份量只係適中，白飯份量唔係好多，未夠用來送汁，大食嘅男子應該會唔夠飽。包裝方面，由於啲餸都偏向多汁，拎一陣袋飯，啲汁已經流到成個膠袋都係。價錢方面，合理，值得回頭。速度方面，仲快過

雖然價錢平 又多人排隊好多人買 但真心覺得啲餸係唔好食㗎 只不過係呢區太少兩餸飯嘅選擇所以啲人先至覺得佢好好 啲餸真係好油 食咗個蒸雞 炒四季豆 再加$15要咗條魚 個蒸雞全部都係豆粉一pat pat咁 炒四季豆非常之油淋淋 條蒸䱽魚普普通通 少少鞋個白飯都還可以嘅 唯一覺得好嘅係佢支檸蜜囉下次可能我要試吓蒸肉餅嗰啲 或者冇咁油膩會好少少 兩餸飯喺中上環真係好渴市 如果佢可以做好少少相信生意會更加好而家大家都咁注重健康嘅年代 如果可以少油少鹽就更加好喇

今天星期六行過此舖頭又一間兩餸飯，之前岱民 兩餸飯也有幫襯過不過比較油同咸，可能始終餸菜一早煮好不停翻熱。此舖頭除咗兩餸飯還有其他小食，選擇比較多另外也有炒蜆豬扒及蒸魚今次叫炒蜆，無沙，吉列豬扒也很太塊及脆，還有龍脷柳豆腐。但是白飯要另外加錢$8。對於寫字樓來說這個選擇很好因為很多人戒飯。但是如果是做地盤工程的，這店舖的份量太小。龍脷豆腐也只有1 件。但是岱民就算兩個人食一盒飯 也很飽，有時甚至食不了。所以選擇真是按自己需求。

在4月中，發現上環永樂街多了一間長龍人氣兩餸飯食店 <北冰洋>！ 至今人氣依然不減，絕對是疫情下的逆市奇葩！營業時間：每日 7:00am~8:00pm付款方式：現金及八達通餐牌：供應：早餐 $19~$21兩餸飯 $36 配飲品 (另加餸：每款+$8)小食 $5~$25飲品 $6~$14早餐及午餐價錢實惠，在上環區成為近期長龍小店！ 早餐：炒米粉 $21第一口已嚐到蒜香味，令人即時開胃起來， 米粉炒得夠乾身，配料並非常見的芽菜及三絲，而是椰菜、甘筍絲、巧妙地加入章魚肉餅飯的章魚， 除了加強口感之餘，亦提味不少！份量豐足夠飽肚！炒麵 $21雖然炒麵只賣 $21 咁平，其實份量都好多！ 裝得滿滿的！炒麵香口不太乾身又不太油膩，麵條均勻入味！又不會過鹹，調味恰到好處！對比炒米粉的話，我還是會選擇蒜香炒米粉！爽彈牛肉餅 (早餐+$7/ 5粒) 或 $21/10 粒賣相及外形完全並非我的預期！ 看似牛丸，不似是山竹牛肉球的質地，連口感都好似潮州牛丸那麼超彈牙結實， 調味不算重口味，試過就算！腸粉 $19/5 條當食客點了腸粉，會即時把5 條腸粉切開，均真又夠數；以發泡膠杯盛載，我只

上環早餐🥣上環地鐵站附近嘅北冰洋，係早餐嘅選擇。$19至$20一個早餐，有燒賣魚蛋或者腸粉或者大大盒炒麵（仲有好多其他），重包一杯凍/熱飲品，凍飲唔使加錢仲係支裝添。😎仲有好多款唔同選擇有樽仔奶茶咖啡，蜂蜜檸檬水，羅漢果水都有非常養生👍🏻PS: 出餐流水線操作，好快手，最適合趕時間嘅打工仔推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：7⭐️價錢（10⭐️滿）：9⭐️服務（10⭐️滿）：9⭐️地點（10⭐️滿）：8⭐️［北冰洋 (上環)］地址：上環永樂街58號地舖