北料南麵 (已結業)

今日放工又落咗深水埗，前兩日買嘅嘢竟然唔啱，要專程走去 換另一個款，走來走去都未食飯，就係巴士站附近見到一間光猛嘅麵店。仲要係比我見到最刺激嘅麻辣天然食材，重慶小面最啱我胃口，但其實我唔係食得好辣，偏偏就好鍾意追求嗰種刺激、過癮嘅口感。一坐低聞到香氣撲鼻，其他人嘅湯味好香，已經辣到係咁吞口水。我一於就叫咗碗招牌麵，麻辣牛腩麵。又有車仔麵咁嘅形式可以自己加多幾款餸，我就簡單直接啲一碗先。我其實只係叫咗小辣，一見到門湯嘅食水已經心裏面狂呼出嚟，飲咗兩啖湯，果然麻而不辣，反而香氣齒頰留香。牛腩炆得軟腍入味，好食到不得了。有人就喜歡食餃子，鍾意嘅程度係要叫兩款，一款放湯，另一款要煎香佢比較脆口，一樣咁好味。食完一隻接一隻話咁快就請碟。原來質素咁高，再叫一個小食，麻辣海蜇入口夠爽，然後辣味慢慢滲透口腔，下次嚟深水埗我一定會再嚟試其他嘢食。

有時想食麻辣嘅味道，未必一定要去食麻辣火鍋先至可以滿足食慾，有時去食麵都會有驚喜，只要搵到間正宗重慶風味就可以，早排行開深水埗買嘢，回程去搭巴士之際俾我見到有間麵館係專食重慶小麵即係想到麻辣嘅味道就入去食完先再搭車回家，呢度主打係正宗重慶麻辣風味，餐牌除咗有麵食，仲有特色小食我當然唔會錯過佢，真係好期待食落味道如何，等咗陣先有小食秘製牛展，牛展肉質肥瘦適中，食落爽口肉質夠淋帶點香辣再來到招牌麻辣牛腩麵再加豬大腸，一放上抬已聞到濃濃麻辣味，記得食之前請撈起碗底湯料，咁樣先食到原汁原味嘅麻辣湯我都飲番啖湯先飲落又唔算太辣，但會慢慢係口中辣起來咁先至緊料，牛腩肉質嫩滑滷得好入味，豬大腸咬落爽滑夠晒肥美，再食啖重慶小麵已經好滿足飲番杯自家製豆漿解解辣，再品嚐其他小食到蒜泥白肉，蒜泥灑滿腩片上，入口食到蒜泥辛辣味真係好刺激，腩肉肉質爽口值得一食到最後一款係麻辣海蜇，海蜇食落索索聲夠爽口點埋麻辣汁更惹味估唔到唔打唔撞食到一餐重慶麻辣美食。

喺深水埗食嘢，搵咗間主打重慶嘅小店，本身都係諗住普通食個麵，點知水準又唔錯喎一入到去都見坐滿人，鋪頭嘢食應該唔錯佢類似車仔麵嘅形式可以揀餸，我哋兩個都揀咗個麻辣湯底嘅面，揀咗微辣一上枱見到個湯底，就知正，好濃郁，辣程度對我哋嚟講就啱啱好，配料方面最推薦豬大腸同埋魚蛋，豬大腸好肥美，魚蛋好彈牙，反而牛柏葉唔係太索個湯汁叫咗幾個小食，有口水雞，都係叫咗微辣，雞肉好滑，最好食係佢個雞髀有啲小食佢有分大或者細，我哋都係叫細試吓先，蒜泥白肉同平時食嘅唔同食法，佢係一片青瓜一片豬腩肉，索晒啲醬汁，腩肉爽口拍青瓜，青瓜個醬汁又唔同，涼拌小食來講都幾好食，青瓜都好爽口我哋每人叫咗杯豆漿，唔會太甜，豆味就一般啦

What caught my attention and attracted me to go into this shop was the stone utensil placed in the front of the shop.  It is filled with dried chilli peppers, so you can actually experience the pounding of chilli peppers for making the "numbing" type hot & spicy.  My partner and I went during afternoon tea hours and the shop had a good level of customers enjoying their meals given the less busy time frame.  The shop has very high ceiling, so it gives you the comfort for enjoying your food.  What

好耐都冇去深水埗行下，今日就入嚟周圍行下hea下順便去食呢間用心制作嘅小店食個辣辣午餐！👅👅 價格真係好平！38蚊就有一碗麻辣牛腩麵👍🏻因爲怕太辣所以只係嗌左小辣同小麻😛雖然係辣，但食得出用左好多辣椒做成，辣得嚟會爽個種！牛腩非常多件，麵底要左重慶小麵，比較幼身有咬口！另一個要左豬軟骨👨🏻‍🍳十分淋身，有d軟骨咬下咬下好有口感❤️ 小食試左黃金皮蛋！第一次食覺得好驚喜，皮蛋好入味，帶蒜香，食落出奇地順滑😋😋 仲叫左一份煎餃，係韮菜豬肉嘅，皮好煙韌，比出面食嘅好食得多！肉餡好多又juicy👍🏻菜要左跟腩汁，份量十足🐄

見佢開左一段時間，齋睇門面，老實講，我真係唔係好想入去；但有朋友推介過，膽粗粗就入去買碗招牌牛腩麵（小辣）試下～順帶一提，收銀個姨姨好熱情，好有禮貌，仲好好招呼～喺等外賣嘅期間，睇到個秘製麻辣湯底係老闆特登去拜師學藝，仲要係親自下廚試第一啖湯，正呀！ 係我鍾意嘅麻辣味，又香，牛腩夠稔，麵質幾好～ 咪睇呢碗野好似好油咁，呢個先係精髓本身唔食蔥嘅我，當然會走蔥啦，但老闆會淥幾條菜俾我，呢下我覺得需要讚下～ 而且以$39呢個價錢黎講，超值啦相信我會成日買黎食呀

Happy Friday，捉左朋友陪我去食辣，去到近期大熱主打重慶小麵的北料南麵，試下佢先。一向鍾意食酸辣粉，但又唔係好食得辣，真係好茅盾呀豆漿($6)跟餐加6蚊有豆漿，不知是否自家制，但好有豆味又唔甜，幾好飲喎。麻辣豬大腸海帶麵($44)點了豬腸麵加海帶結，湯底要天然麻辣，麵要了重慶小麵，辣度只是微辣都已經咁紅啦，啲麻辣香味湧埋黎好正麵條有嘛口，吸了湯好正。大腸肥美海帶結厚身爽口湯底很麻很辣，開頭有啲受不了，但食落又好惹味，食到最後飲左大半碗湯，好好味呀。招牌麻辣牛腩薯粉($38)朋友點的牛腩麵，同樣叫微辣都係咁紅㗎。麵條要了紅薯粉，很有咬口，更能吸湯呢。牛腩軟腍，偏瘦但甚有肉味，正。麻辣黃金皮蛋($26)再要了大size的黃金皮蛋，蛋白爽口，蛋黃綿滑，加埋個辣汁超好味蒜泥白肉($30)仲有大嘅蒜泥白肉，新鮮生蒜好香呀～一層青瓜一層白肉，爽口清新，咁樣間住食無咁漏，好味煎素餃($44)最後仲叫左煎餃子，餃子有幾款口味，要了木耳粉絲素餃，皮不算厚餡料也多，外層煎得十分香脆，點少少醋同辣油好醒胃，雖然好飽都停唔到口食哂呢個麻辣湯好對胃，食完全餐都無口喝，好飽好滿足呀！

今日出名唔食得辣嘅小人妻～ 突然心思思好想食麻辣牛展😋 所以就拖咗個 小鮮肉老公仔陪我一齊去食麻辣嘢啦！！！呢間舖頭有別於一般麻辣店～ 一般麻麻鋪頭都係鋪天蓋地嘅紅紅紅😍😍 唔知以為老闆出嫁 呢間就走小清新路線！ 清爽亮麗嘅招牌～ 綠色嘅主調～睇到都解辣呀😋 如果你咁諗就錯喇～ 原來老闆係名副其實嘅男仔呢個豆漿你唔好睇佢嬌滴滴咁～ 絕對係不得之了 大豆味香濃而且唔會過甜！ 店主仲好貼心有無糖和有糖版本任君選擇！ 而且佢比坊間的豆漿多了一種腐皮的味道～ 豆美非常之重 ～一問之下， 發現啲大豆係老闆專登起四川帶返嚟攞豆漿的。 怪唔之得同坊間飲嘅味道完全不同原來啲豆坐過飛機～～ 一定要試下一定要試下而且真係大件夾抵食只要消費滿34蚊就可以叫上面的特價小食～～～正～～ 大家記住加小食呀麻辣牛展非常入味～ 而且唔食得辣嘅小人妻叫侍應姐姐小辣！ 的確可以做到麻而不辣麻辣鮮香，勁道十足，讓人食指大動， 肉質充滿彈性， 滿佈膠質 食完直情覺得自己靚咗 而且為咗可以試多幾樣小食～ 可以嗌細份㗎！！！ 價錢平啲之餘仲可以叫多幾款小食 老闆真係細心口水雞大件夾抵食～ 肉質嫩滑！ 雞皮爽脆 ～而且麻而不嗆～最

有日喺深水埗買完嘢, 就去左食呢間想試好耐既餐廳之前睇FACEBOOK介紹, 個湯底好似好正好辣咁樣, 今次終於有得試喇~我揀左麻辣豬大腸薯粉-中辣, 我朋友揀左麻辣牛腩薯粉-小辣, 另外再加左一碟麻辣黃金皮蛋同一碟秘制豬手.首先講下兩碗薯粉先, 麻辣湯底好正好濃但唔咸, 有獨特自家制既味道, 辣度比出面既餐廳辣少少, 我平時食中辣唔駛飲嘢, 但食呢碗粉, 我要一路食一路飲, 薯粉軟硬適中, 牛腩係切粒, 我覺得有啲硬, 但豬大腸就好好味, 冇內臟味, 推介!!! 跟住同小食喇~ 皮蛋黃係吸睛既橙黃色, 唔算流心, 但都夠JUICY, 少少辣, 唔錯~~~ 豬手係少少爽嗰隻, 秘制汁有啲似鹵水味既再咸少少,  味道都唔錯, 筋位都幾好咬口~值得一提既係店員同老闆都好有禮貌 又會主動同食客吹下水, 價錢唔貴, 味道一流, 絕對會翻抄

行到攰攰哋想食碗麵 ，原本想食車仔麵嘅，不過望到。。。北料南麵，主打重慶小麵線，反正未食過，就入去試下先可以自選麵，有重慶小麵線，米線或者係薯粉 ， 辣度都可以分別BB辣,小辣,中辣,大辣或者走辣 如果費事諗嘅就可以就咁叫一個傳統嘅牛腩麵或者豬大腸麵要一讚嘅係佢用膠片喺上面用水筆自選餸菜，用完可以抹返下一個再用，夠環保牛腩豬手重慶小麵線，分量好大，好彩我哋兩個人share一碗啫麵質好正， 唔會淋或者硬， 軟硬度適中， 有咬口牛腩同豬手都炆得好入味， 牛腩牛味濃有口 ，豬手唔會有毛， 清理得好乾淨豬大腸豬潤跟薯粉，豬大腸洗得好乾淨，起晒肥油， 薯粉嘅口感都好正，煙煙韌韌好QQ,豬潤又好腍冇筋口水雞38蚊估唔到都有咁大碟 ，差不多有半隻咁濟 ，而且雞肉夠味，唔會比辣味蓋住， 肉質鮮嫩牛展都係26蚊有五大塊 ，爽麻辣黃金皮蛋，夠麻夠辣 蛋王仲係流心嘅添麻辣雲耳，好大碟好爽口麻辣海蜇 ，係用海蜇頭 ，超爽脆炸魚皮，夠薄夠脆油麥菜加腩汁，16蚊咋好大份量呀加六蚊可以加飲品， 呢度嘅自製豆漿同埋菊花蜜都好正尤其是豆漿 ，係自家製咖，所以豆味濃，唔會太甜。 菊花蜜好清潤，食完麻辣飲返啖，簡直係一

今日去開深水埗買電腦零件，格價格到腳都軟，突然好想食一碗辣辣哋嘅麵，於是乎就走咗入呢間麵舖度食嘢，叫咗一碗豬潤小辣麵 ，麻辣豬耳，同一杯豆漿。先來一碗麻辣豬潤麵上面有五六塊非常厚切嘅豬潤， 師傅嘅手勢認真一流，竟然可以將成塊豬潤整到唔鞋口，非常滑溜， 剛好熟嘅豬潤口感真係一流！麻辣湯底非常地道，會見到上面有少少麻籽， 湯底濃郁，麻辣味非常刺激！完全唔係連鎖米線鋪嗰啲麻辣湯底，面身亦好彈牙爽口 ，有衝動想叫多一碗！麻辣豬耳好乾身，有少少蒜蓉喺面，爽脆彈牙！值得一試另外豆漿睇得出係誠意之作， 似係自家製作

能在深水埗找到重慶小麵，既驚又喜。名字>>>北料南麵<<<也帶點心思，看來是把北方用料煮成適合南方人也會享受的麵食？即管內進看個究竟吧！ 在角落找個座位後，便細看餐牌並剔選心水食物。點餐紙……正確地形容，應該是點餐板，是可循環再用的一類，寫錯甚麼也只需輕拭一下，即可重來。 重慶味道，重點是辣椒。餐廳的辣椒醬，由老闆親自在香港，用上多款辣椒以古法製作，既有誠意，亦夠認真。為照顧南方人未必習慣嚐辣，湯底辣度共有五個程度可選；就連麻度也可揀多麻、少麻或走麻，完全可按個人喜好獨立調配。 主食點了一客麻辣抄手麵(HKD38)，細項選擇甚多，由湯底、麵底、辣度、麻度以及加減配料餸菜，希望不會為選擇困難症食客(或其同行者)帶來困擾啊。要是不知從何入手，即管向友善的侍應取點意見，大概能在當中取得靈感。不嗜辣但又欲嚐麻辣滋味，把重慶小麵設定為微辣、小麻，加入個人非常喜愛的響鈴(HKD6)，豐富整碗麵。 對於「微辣小麻」的理解，因人而異，特別是南北兩方，可以大相逕庭；心裡最壞的打算是以一啖麵一啖汽水了結是晚重慶麻辣體驗，所以跟餐點了一杯在餐牌上註明是特色的

黎到深水埗咁有地道風味既地方 梗係坐底食碗麵啦☺️距離地鐵站大概7分鐘路程就比我搵到呢間麵店 一入到去已經聞到陣陣香味😀小食方面 我叫左麻辣海蜇同麻辣豬耳 唔好睇佢細細碟咁 其實份量都幾多架🤔我個人比較中意呢個豬耳 不過要小心佢都幾辣🙈岩哂中意麻辣既你 做得好濃味真係好正 另外個海蜇都好好食 好新鮮又夠煙韌😆口感一流重點就係以下兩個麵 兩個都係豬大腸、牛腩雙拼重慶小麵🙋‍♀️一個嗌左微辣另一個就中辣 好麻好香😆而麵我都係第一次食 好彈牙 一定要試下！ 大家放心 唔洗怕食一碗唔夠飽 因為佢既份量好足👍店主好熱心 見我地好迷惘咁 主動介紹一下野食😍其他職員既態度都唔錯

晚上途徑深水埗，剛好是晚飯時間，有點餓就找間就腳的食店醫肚。附近的食店都是超爆場，要等位果隻，唯獨是這間吃麵的，清靜得很。心想自己不算咀，而且有肚餓的加特，垃圾都吃得下，只求坐得舒服填肚，實在萬萬想不到這店的食物比垃圾還難食。這店點餐有點像車仔麵舖，給你菜單自己剔。不同的是這裡用水性筆畫圈代替原筆，畫在可重複再用的菜單上。價錢與一般麵線舖相約，最後點了蘿白牛展重慶小麵酸辣湯底。$38。ok平。下單後，舉起電話影幾張相食物就來了。店員遞過來的麵，哦～真的很像吃米線，再看清楚些小，沒有眼花，牛展只有三塊，就像三片被陽光燒乾的樹葉，薄薄的鋪在麵上。味道如何？只得三小片，相信食神大駕光臨都試不出甚麼味道。但酸辣湯底則無味神探都試得出。酸，好酸，超級酸，超級究極酸。759有賣一隻話梅薯片，很酸。這碗麵是話梅薯片的酸×4～5。酸到差點不能入口。仲有不知那來的麻辣。點餐時明明只是剔了微辣，但都超重手。酸和辣的混合已攪不清到底是甚麼味道。吃了一半，放棄。可以吃到一半是因為份量極少，根本不可以說是一碗麵。唯一可以讚的就是麵，介於上海粗麵與幼麵之間，有彈性，很索湯。但這個湯底...。這店現在舉辦免費食麵挑

蒜泥白肉只有辣無蒜,難食!豆漿勁多渣,超難飲!!牛腩又瘦又"鞋",最過份係碗麵叫微辣俾中辣,辣油浮哂上面,要求換過,伙記只係俾碗清湯叫客人自己沖淡,離哂譜!!整體而言非常難食,服務又差!!