北料南麵 (已結業)

老實說，很久沒有出深水埗，不是今日要去黃金商場幫朋友買嘢的話，也不會專登出去，結果....買唔成喎，激死人！既然出到來，乘機覓食。隨心吃，就被這個挺特別的店名吸引了。環境骨子企理，設有三排二至四人枱，而最入端就是廚房重地。牆身貼上各款菜式，「舌尖上的重慶小麵」，挺吸引！看看枱上的餐牌，有招牌麵系列、撈麵系列、餃子系列、追加美食、特價小食、制秘飯系列，唔好睇它是小店，選擇都唔少。******************************先來一客麻辣海蜇 Chongqing Hot & Spicy Jellyfish ($18/小份），唔好以為小份好少，實際都好抵食。海蜇又粗又厚，口感更佳，比起平時所吃的海蜇條更加爽彈脆口，而且烹調入味，走麻微辣岩晒我，辣得來唔會噴火，好吃！******************************郊外油菜Fresh Vegetables ($16)可揀生菜、通菜或油麥菜，亦可揀腩汁或蠔油。點了一碟腩汁油麥菜，第一眼睇還以為加了紅椒油，原來是秘製腩汁，睇落很油，吃落卻不油；睇落很辣，吃落卻不辣，很特別。油麥菜很翠綠爽嫩，淋上秘製腩汁，味道特別，不錯！*

窮遊香港-深水埗搵食遊記.呢日係深水埗搵食‼️見到有間餐廳有挑戰～係20分鐘內食完一碗正宗麻辣小麵連湯就免費（如不能完成收$38）.‼️先講明 我呢日冇挑戰到....我當日為例啦我叫左個微辣大碗大腸牛腩麵$50我慢慢食冇飲湯都係用左15分鐘姐.我走前問左姐姐個挑戰難唔難？多唔多人挑戰成功呀？💁🏻姐姐：個麵一定要特大麻辣 好多人都話易呀 下次見啦.⭐️總結目測挑戰黎講份量唔難最主要係食得辣就可以免費.仲唔分享比食得辣既朋友？.到講野食我叫左個⭐️微麻辣大牛腩牛腸麵$50⭐️細麻辣黃金皮蛋$15跟餐加小食會平d.⭐️先講皮蛋 👍🏻佢個流心效果幾好⭐️好過譚仔果過味道呢 呢個就蒜蓉醬油麻辣譚仔就紅油麻辣 唔太比較到我就覺得2個都好好食但紅油食得多好似唔太健康.👍🏻牛腩大腸都入味 唔差👍🏻碗麵都落足料👍🏻大碗夠1.5個人食 抵食既女仔叫細碗得啦😃支持小店.#北料南麵地址：深水埗元州街137號地下.⭐️評分：味道：4/5 環境：3.5/5服務：4/5 員工有禮服務衛生：4/5抵食：4/5

近排好興食麻辣野，但係個人唔係好食得辣但係又好鍾意麻麻哋嘅感覺。咁岩見到公司附近有一間主打食麻辣野嘅餐廳，即刻去試吓。餐廳主要係賣麵，不過都有其他飯嘅選擇。今次叫咗一個麻辣牛腩面，麻度同埋辣度都可以選擇，我哋就叫咗多麻少辣，估唔到真係好有料到，真係feel到同平時嘅麻味重手好多，而且真係唔係好辣，麵質好彈牙，牛腩炆得好琳都幾抵食。另外仲可以用優惠價加配小食，而且無限數量可以任加，我哋就試咗口水雞，餃子，皮蛋等等，全部都可以揀麻/辣，好正

行完街join埋剛放工既妹妹係附近食野，見到我最鍾意既四川麻辣野，就決定入去開餐。店面其實幾大幾寬躺，坐得舒服既～都幾多款式選擇，不只辣度可選，而麻度亦可選擇。唔太鍾意麻既可以走麻啵～👀第一時間叫左個黃金皮蛋先，特價$12都ok抵。皮蛋幾香，個辣度係堅既😳唔太食得辣既話可撥走少少上面既辣醬。我就叫左個*麻辣牛腩大腸麵（中辣走青），叫佢寫住招牌嘛～😁麵本身係跟d油麥菜，幾特別。大腸好有質感，飽滿得黎唔會太肥既感覺。而牛腩我平時就唔多食既，因為怕會痴牙。但呢個牛腩切既大小適中易入口，而且入味肉嫩，不錯哦👍🏻另外麵底都係我喜歡的，彈牙的，而且份量幾多。辣度方面，中辣都好有勁，而且幾麻下，不過我就愛辣🤪妹妹叫既重慶涼麵，都好大碟，佢話好食既，不過叫小辣都比較上辣既，佢話下次叫返微辣會易入口d😂相就無影到，佢話好餓一下子就開動了🙈仲有叫左個小食～土豆絲，$10又係抵既🤩仲要唔細碟。酸酸辣辣又爽口幾開胃，有少少蘿蔔絲，感覺有d似青木瓜沙律，幾得意。

是日小妹收工book左係深水埗按個摩，不過去之前當然要去醫左肚先啦！咁岩就搵到呢間重慶小麵小妹雖然唔算好食得辣，但係就鐘意食辣好犯賤但辣真係好正嘛！舖面都好新淨架，環境都好舒服招牌就大字寫明係重慶小麵專門店！其實呢真係好正宗！仲辣得好帶勁要特別去提到既一定係佢既小食呀！！點解？因為勁抵！十幾蚊就有交易而家已經好少有架啦！不過小妹好想知點解佢比三星自己講笑啦！小妹覺得四星都有喎重慶涼麵 $25 ★★★★涼麵份量勁多，面頭有啲青瓜絲，炒花生同蔥，涼麵基本麵唔洗點撈就已經可以見到滿滿既辣油好似好正！咁我當然二話不說就一啖食落去啦小妹前面提過我唔太食得辣，我叫左小辣不過下次睇黎要叫微辣會好啲啦小妹平時食譚仔係食開麻辣三小架炸最多你地要留意啦！佢既辣真係好有料仲帶麻架十分帶勁麵質麵好正宗我就配上左兩款小食黎食海哲 $15 細 ★★★★其實真係好難得，佢既海哲係好粗身好有質感同咬口既！唔似出面有啲好幼，夾兩下就食晒仲要有陣膠味！佢呢就又夠辣又爽口手撕雞 $23 細 ★★★★就咁睇你可能會覺得佢未必好滑，但小妹想話其實入口佢既雞肉都唔會鞋，有啲仲幾滑下一樣辣未香濃，$23有呢個份量其實算多，唔好以為

喜歡呢間食店， 已經食過幾次😋🍜。因為“麻”嘅程度可以要求多與少。今日2个人食下午茶，埋單都係$60，超抵🍜。店内职員好好礼貌，試過落左單想改饮品都吾會黑口黑面。夜晚飯市時會較多人，不建議泊車喺門外，高風險抄牌位置

喺深水埗長沙灣呢邊特別多特式風味小店今次黎食呢間就係主打重慶風味呢隻風味同平時食開既雲南風好唔同偏向濃味湯底係深色d既今日喉嚨有d唔係好舒服就叫左清湯韭菜鮮肉餃麵朋友就叫左麻辣肥牛麵本身朋友想轉米線侍應姐姐話如果第一次黎最好試下佢個麵底係唔同d架我既清湯底唔辣但係已經好濃味唔驚好似清水咁淡至於個麵底食落有d似日本拉麵比普通梘水麵煙軔至於朋友碗麻辣麵佢需然只係叫小辣但覺得有出面中辣既感覺而且因爲係麻辣食完咀唇都紅埋不過就辣得幾過癮既！

有日好想食麻辣野，係openrice㩒㩒下就揾到宜間，誤打誤撞又俾我地揾到間正野！間餐廳唔多人，因為都唔近黃金個邊，所以應該無乜人會特登走過泥揾食？！入面基本上全部都係食辣野！最正係佢啲小食係無限任加，即係嗌左個麵就可以加皮蛋，加菜，加木耳，仲有得加水餃添呀！！全部都好抵食，唔想乜都辣，仲可以叫店員分開辣上～不過佢隻麻辣係正嫁！多麻少辣，食下食下唔覺唔覺，係咁食，個嘴就好麻鍾意麻辣既必試！哈哈！！個度仲有個類似大胃王比賽？限時食唒佢碗勁辣就免費🆓😂 我就不了，橫掂本身都好抵食😛

今晚行開深水埗，又突然想食辣野，男朋友search到間都算多好評的北料南麵，於是去try下啦。如果喜歡食辣，北料南麵可以滿足到你。麻辣牛展麵（中辣）這裡辣度選擇有微辣、小辣、中辣、大辣、超辣，因為第一次來食，所以保守d揀左中辣試試先（利申我同男朋友都算食得辣，平時譚仔食大辣）。這裡的中辣，比想中辣！雖然好辣好麻，食到個嘴巴都麻麻地，但個湯底唔會太油膩。牛展同平時食開個樣唔同，平時係一片片的，這裡是一粒粒的，放入口又有另一番感覺，夠入味又有𡁻口，一點都不韌。麵條好滑身，同個湯底好配合。口水雞（中辣）雞件份量都多，比牛展麵再辣d，肉質嫩滑，可惜雞身有點肥，肥膏部分比較多，這就有點扣分。麻辣海蜇（中辣）海蜇本身就冇乜味，依家吸收左麻辣汁，幾好味，而且口感好爽滑。食店有挑戰活動，20分鐘內食哂指定碗麵同湯，就唔洗俾錢，下次有機會挑戰下先。

餐廳主打麻辣美食，麻辣麵做得出色，牛腩更加係超好味。有麻辣湯麵、撈麵、飯......十多款選擇，連小食都有十四款之多，樣樣都好吸引，而且唔會同一個味，小食辣得黎會有唔同既味。麻辣黃金皮蛋（小）$15，黃金皮蛋製作特別，有三層完美比例，糖心蛋黃好滑溜、蛋黃味道軟滑香濃、蛋白嫩彈，配埋麻辣醬油，微辣帶香，少少醬油咸味同麻感，好正。麻辣手撕雞（小）$26，份量都幾多，拌麻辣醬汁，但唔會太濕。雞肉幾彈，吸哂麻辣味，仲加左孜然粉，好惹味，有點似土匪雞翼版既手撕雞，味道夾到。麻辣狂牛麵 $59，超大碗超豐富，有秘製牛腩、秘製牛展、牛柏葉、肥牛等，滿滿一大碗，十分抵食。辣度亦可選擇微辣、小辣、中辣、大辣等等。秘製牛腩真係超級讚，炆到入味之餘，仲入口鬆化既肉質，腩位油脂好香好嫩，少少辣真係更加香更加食唔停口。秘製牛展都好入味，牛味突出，質感最有咬口，有彈性得黎，嫩肉感亦有少少，而且厚切增加咬口，好滿足。牛柏葉好爽口，吸哂麻辣湯汁味。肥牛都有三大片，肉味幾重，脂肪唔算好多，有辣味中和膩感。可配麵或米線或薯粉，麵都保持質感，好咬無糊開，亦掛到麻辣湯汁，份量幾多。跟餐配大大杯豆漿，估唔到咁平都無hea整，豆

今日朋友要去深水埗買電腦配件,所以我地約左放工就出去.但因為我堅肚餓既關係,所以就決定去醫肚先,之後先去黃金買野.估唔到唔打唔撞,俾我地搵到呢間食麻辣野既,最重要唔洗等位,而且地方乾淨舒適麻辣牛腩大腸麵(微辣)$50:份量都幾多,湯底麻香十足,有辣勁卻唔係辣到麻痺那種,令到不太嗜辣既我都能接受,麵質軟硬度適中,牛腩肉味頗濃,肉質腍身好滑;大腸處理得很乾淨,而且食落彈牙有嚼頭,麵底仲有蔬菜,新鮮爽脆.麻辣雲耳(小份)$15:份量足夠2人食,價錢又抵,雲耳味道辣中帶點微酸,食落爽口又脆, 開胃又惹味.麻辣黃金皮蛋(小份)$15:蛋白位晶瑩剔透,咬下質感似硬身啫喱,蛋黃帶溏心 ,有蛋黃香,賣相一流,配上惹味既麻辣汁,更刺激過癮自家製豆漿(跟餐)$2:有濃濃既豆味香,香甜而不膩,食完辣野飲佢好解渴.

深水埗一個特別的地方，特色食店特別多。之前聽説有一家專門吃麻辣湯麵的地方，坊間的湯底一般以酸辣湯，清湯麵比較多，反而紅通通的麻辣湯較為少見。不想單單吃碗麵，有不少特價小食可選，一個人吃也很經濟。貼心的準備了紙巾盒，吃辣會流鼻水和汗也不用擔心。黃金皮蛋以金黃色溏心及半透明金色蛋白的外表，而口感則蛋香味重一點，加上大量蔥蒜椒麻，好吃。口水雞的雞肉彈牙而且夠嫩滑，加了花生，芝麻，香蔥，花椒等，十分吸引。麻辣海蜇 ，作為前菜十分開胃，而且夠爽口。點了招牌的牛腩大腸麻辣麵，貪心的我還加了豬肉和響零。滿滿的紅油不禁令人食指大動，因為第一次試所以點了小辣。有陣陣麻辣香氣，又有點花椒的香。牛腩部位肥瘦均勻，而且入口軟硬程度適合 。滷大腸香軟，配合麻辣湯特別滋味。重慶小麵口感彈牙，令人想多吃幾口。豌豆炸醬撈麵平常炸醬麵就吃得多，加入豌豆則是第一次。幼細的麵條有彈牙口感，而且份量蠻多的。鮮製豆漿一個解辣不錯的選擇，口味不會過甜,，而且有陣陣豆味。

今日食晏嘅時候經過呢一間小店，見到佢係食麻辣既，於是就入嚟試吓。-午餐有麵同埋飯，見鋪頭名都應該係主要食麵所以我就揀咗食重慶特色麻辣肥牛麵，本身想轉米線，但係店員極力推介要食麵，所以就聽佢講，試一試。揀左微辣，點知食落都係好辣，不過辣得黎好好食，好彩叫左杯豆漿可以解下辣！麵條煮得岩岩好，唔會太林或者太硬，麵條幼身，食落彈牙，店員果然無介紹錯！-唔食辣既朋友嗌左水餃麵，豬骨湯底，估唔到個湯底都幾好味！-埋單加埋飲品都係$40，CP值高！

上星期去左深水埗老友屋企打左成個下午遊戲機 佢知我平時鍾意去譚仔食米線 即刻話有間超級正嘅餐廳介紹比我 去到餐廳大門口見到佢地個名就諗返以前有部無記劇叫南拳北腿 好明顯想話比人知呢間野都唔係小兒科野黎 咁好喇 就入去試試有冇咁勁先 一睇個餐牌 不論小食、粉麵 都幾吸引喎 基於兩得兩個人食 咁就叫個麵 食多幾個小食 最化算 麻辣狂牛麵 我覺得呢個麵好抵食 一個麵我地就可以試到佢地出名嘅小食—牛腩、牛展 大大碗兩個食都冇咩問題 牛展、牛腩係呢度推介野黎 真係超級好食 鬆軟唔韌 下次一定要淨食牛展麻辣手撕雞 呢個真係冇得頂 雖然平時我唔太食得辣 但好衰唔衰又中意食辣 咁諗住叫個微辣試試 但都辣到hihi地 係咁流汗 自認食得辣嘅人可以試試挑戰佢地d辣麻辣手撕雞 呢個真係冇得頂 雖然平時我唔太食得辣 但好衰唔衰又中意食辣 咁諗住叫個微辣試試 但都辣到hihi地 係咁流汗 自認食得辣嘅人可以試試挑戰佢地d辣秘製豬大腸 食神話齋豬大腸最緊要乾淨 好明顯呢度做得到 個人覺得最重要係唔好太韌 咬唔到 好明顯佢地都做到 最後就係要好味 佢地加埋個秘製汁落去腌 出奇地好夾 又好味 好明顯都做到（點解我會話

個人好喜歡去深水埗覓食，因為小店多，選擇多，平平地都可以食到好野，呢日就發掘到一間唔錯的小店，呢間店新新地，專食重慶麻辣麵。優-店面幾新，坐得幾舒服-紅日夜晚7點幾，唔使等位，直接入坐-menu有好多選擇，單係小菜都有8樣10樣，樣樣都好想試-我地兩個人叫左一碗招牌麻辣牛腩麵(小辣)$39 。首先講下d牛腩，我朋友一見到d牛腩就話d牛腩一定好硬好難咬，但唔係囉，我一咬即開，夠腍而且好入味，個人覺得唔錯。呢度的湯不但有辣，麻的程度都唔少野，但未置於麻到條舌無感覺，總之，好過癮！另外，呢度的小辣都唔惹小，我平時都算食到少少辣，但都覺得小辣都幾辣，搞到我係禁飲豆漿解辣，建議第一次黎想試辣的朋友都係由微辣開始食起。-我地仲叫麻辣黃金皮蛋(細)$12，我個人好鍾意食呢個小菜，一黎12蚊有6件，都幾平，而且呢個小菜食落好有層次，先係食到麻辣，之後有蒜香，有皮蛋外層的Q,最後係蛋黃的香甜，正！-我地2個人叫左一碗麻辣牛腩麵、一碗碗豆炸醬撈麵、一碟細麻辣黃金皮蛋、2杯豆漿，都只係$99，一百有找！CP值好高！劣-碗豆炸醬撈麵好麻麻，d麵加湯係好味，但攞黎撈就唔好味，d料太少，麵太多，唔係好balanc