北海道爐端燒 (已結業)

串燒燒得好好, 睇圖都見到, 除左唔會燒得太乾之外, 都無咩燒焦, 因為串燒控火有一定難度, 太過火,會部分焦, 有時又會唔夠平均就有D太熟,所以呢到師傅算係幾勁.牛扒方面, 軟硬度我覺得岩岩好, 可以完全唔點汁食, 本身牛味夠重, 份量算係好多TIM,價錢我覺得算好平.約7-8成熟, 玉子黎講口感上好軟好爽口, 點小小甜醬油會好正! 我覺得份量都好多, 必點,口感同味道都好正! 最重要價錢好平!拉麵呢, 佢就帶小小酸辣, 辣度算高, 比起出面拉麵店算係唔錯, 軟硬度同埋料都落足,美中不足可以改善既地方就係湯底, 湯底有小小過咸, 變左湯底唔係好飲到, 除左湯底都做得好好整體呢間人係算平, 每個MAIN 都係大約百頭鬆D左右,地方都好舒服, 服務都唔錯, 性價比係真係好高 呢個就係最強既地方

到朋友公司附近食飯 見到呢間餐廳食物唔錯 價錢合理 環境寬敞 就選了這間作晚餐葡萄沙瓦-食日本野如果唔飲啤酒，叫巨峰飲料一定係首選！完全係襯哂所有食物！呢杯味道唔會好甜 好好飲！招牌酥脆雞塊-足足有5,6件，仲係有份量個種！炸得好香脆 入面好淋好juicy!必叫呀明太子牛油燒烏賊酥-個煮法係用炒 有別一般炸比啲炸粉蓋哂啲鮮味 呢個牛油好香加左明大太子別有一番風味日式酒蒸大蜆帶子稚貝-係類似酒煮蜆個種 不過有埋帶子稚貝好特別 估唔到又好夾三文魚及三文魚子飯-非常足料 三文魚好肥美 又新鮮 三文魚子每粒都大大粒 睇得出本身條魚好大條 正呀 推介呀抺茶心太軟-配埋雪糕 好香滑 抺茶味濃郁 焗得剛好 有流心既效果下次一定會再來食！

油金魚刺身刺身十分厚切, 共6片, 生鮮又甘香。明太子雞蛋卷呢個係必食! 呢個係必食! 呢個係必食!好好食所以要講3次~食得出一層一層嘅蛋皮,口感豐富又滑溜。中間仲有微辣嘅明太子流出黎,好香呀~~三文魚及三文魚籽飯份量很大, 三文魚和魚子好多。魚子咸咸香香的, 送飯一流, 可惜飯不是珍珠米,有點美中不足。海鮮丼海鮮丼有三文魚腩,帶子,吞拿魚,醋鯖魚, 八爪魚等,刺身都不錯，食材選擇很大路。店內環境：整體食物和環境也不錯，如果侍應多點笑容及禮貌會更好。

訂左七點話要八點半還枱，去到就發現好多人都係咁所以我諗真係幾受歡迎。叫左兩個小食雞軟骨同鵪鶉蛋，雞軟骨好少失敗嘅其實但係鵪鶉蛋真係好難得好驚喜！燒到個面有啲咬口，內裡蛋黃唔會乾之餘超濃蛋味，粒粒都係！😭驚喜到喊！見神奇炒麵仲要第二代個名咁把炮就叫左，神奇就未稱得上但係都好味嘅。有啲咖哩味而且個麵嘅軟硬度岩岩好，唔會乾又唔會油。料就好足呀菜同豬腩片都唔孤寒。明太子雞蛋卷係主打菜式，入面啲明太子係冇手軟呀成個口都係，鹹香仲加啲辣味充斥住成條脷呀！蛋亦整得好好唔會太熟所以好軟滑。所有熱食整體黎講全部都係熱到出煙咁上碟，睇得出係即叫即整即出菜。同朋友最後唔夠喉，叫左份大拖羅刺身。點知係敗筆因為有筋，其實肉質好好因為會入口即溶，令到條筋就更突出😅😅但食物價錢真係唔貴，但每樣都咁好食，所以一定會encore!!!

由於我地無訂檯，唯有坐bar檯，但bar檯位置都幾迫下，燈光都是暗暗的，好似幾有格調咁。燒三文魚腩，好細的兩件呀，要$48燒扇貝，肉唔係好大粒，但勝在夠香夠乾淨無沙。呢碟雞泡魚乾可以不試，佢完全唔match沙律醬🤔，味道似係超市裡頭買到的梅乾肉乾咁，唔係我係日本食的那種感覺。煎餃子🥟正常的味道🤗炒豚肉野菜是我朋友要叫的，佢話食碟菜比較健康一點🤣呢碟玉子燒好貴呀，我掛念台灣吃到的😢😢無拉麵🍜係唔會夠飽🤣🤣果汁燒酒的酒精濃度唔高，幾岩女仔飲😋

尖沙咀原來都有出色居酒屋！今日黎到近K-11附近一家居酒屋，門面都好吸晴，行過都一定會望兩眼，咁當時行過路過都不要錯過啦入到去好有日本居酒屋裝修，位置唔算寬敞，人與人之間嘅關係絕對會拉近！講返啲嘢食先，值得一推係手羽雞翼，炸蒜炸得好香口，加埋沙拉醬，真係絕配啊媽咪！我地仲試埋個饅魚飯，大大條上到台真係有驚喜，不過朋友淨係掛住食魚唔食飯哈哈，份量好足，抵食！價錢中上，位置有小小迫，嘢食水平之上，啱哂收咗工黎同同事飲返兩杯。

沒有奢華的門面，內裡裝潢卻一絲不苟。成日聽到有人話香港服務質素差，今日係呢間餐廳，我就有另一番感受。服務員既笑容、師傅既專業，逐一推介幾款熱門食物俾我地。雖然只係好細微既事，但足以令人覺得窩心座位係吧台，清楚望到美食既準備過程。香味醬油燒鱈埸蟹（＄１９８）食蟹最擔心拆蟹，呢度既蟹腳上店前已被精心拆開。方便食用之餘，更有效地將醬油味滲入鮮甜既蟹肉入面。蟹肉既爽甜，被日式醬油既咸味襯托起，多謝服務員既推薦河豚乾（＄７２）本人食日式餐廳必點既河豚乾！烤得香，亦唔會覺得乾身，加上沙津醬，係極佳既佐酒小食牛仔骨（＄６８）因為坐係吧台既關係，所以見證住烤牛仔骨既過程，散發既香味令我未見佢上台已經覺得好餓味道同口感亦都無能我失望，醬燒既味道烤得入味，亦保持到牛肉既嫩滑

是晚和朋友晚餐，來到已經八時多，已經差不多滿座。由於吃了下午茶，不太餓，所以就點了不會太飽肚的食物。*豆紙左口魚邊壽司 ($68)左口魚邊入口即溶；豆紙是用豆製的紙，質感厚厚煙UN的；壽司用上了赤醋。*牡丹蝦壽司 ($78)牡丹蝦爽滑彈牙，新鮮甘甜。*海膽壽司 ($78)海膽新鮮，一片片完整的，質感幼滑。*中拖羅刺身 ($168)由於大拖羅已經賣光了，所以只有一試中拖羅；不過中拖羅都不差，入口即溶，沒有筋。*河豚干 ($72)河豚干掃上甜甜的燒汁；魚干很香，口感不會太乾。*燒牛仔骨 ($68)燒牛仔骨超香，而且肉質都很淋，沒有燒得太乾。*香味醬油燒鱈埸蟹 ($198)鱈埸蟹燒得甘香，而且厚肉彈牙，很濃蟹味；殼都已經好好處理，所以很易食。

好友聽朋友介紹呢間小店不錯 便打電話訂座小店位置於 亞士厘道街上的樓上鋪 地面門口位較細 要好留意先睇到🙈由於晏就吃過豐富的下午茶☕️後 我地都只想吃點輕食叫左刺身拼盤(set好左5款)+雞泡魚魚乾刺身五款(甜蝦, 油甘魚, 帶子, 𩶘魚, 三文魚)新鮮肥美 雞泡魚乾 帶小許煙韌 配上沙律醬 幾開胃 略嫌份量比較小

因陪同事逛街而晚了吃飯，來到尖沙咀想吃日餐又想試沒吃過的店，搜集了會資料決定跑上這間樓上鋪試試看。因人太多所以只有吧店可坐，有位也好畢竟我們下一位已要等了。這次有位頗能刷的同事在，所以很放縱點了之前很少點的小吃。醬油味炸年糕$52，年糕皮雖是炸了但咬下時仍軟軟的不會乾身。上邊是抹了醬油味所以有點微咸香但咬下後有芝士，混在一起頗有層次感。$52有3件且每件都不會太少不錯。然後會香酥雞軟骨$52，炸得很香脆，但又不會過火喉。吃著吃著就清光了。柚子味噌芝士燒牡蠣蘑菇$68，牡蠣都挺大一件很飽滿。上邊是厚厚一層芝士很燒得很香濃，因只是鋪上倒是沒完全淹沒牡蠣原來的味。明太子雞蛋卷$78，雞蛋挺嫩滑，明太子在裡頭有點香咸味配上香濃雞蛋感覺很惹味。為了確保同事夠飽而叫的芝士意大利麵加海膽$128+$48。芝士很香滑，意粉挺彈口，配上海膽突然增加鮮味的和風口感挺原錯。帶子烏賊燒$58其實煎得不錯，就烏賊少了丁點兒，多些就更好。

非常旺場的小店，超級熱鬧，氣氛良好！仲要只係一個普通閒日嘅晚上，真係估佢唔到！等了約十分鐘，店員就過來來排我們入座了。有一些時令的食物，主餐牌是沒有的，我們也在這邊挑選了菜式，很期待食物的到來。生Beer $56清熱消暑解渴，配爐端燒就啱晒喇！和風凱撒沙律 $62咸香味偏重的沙律，份量很足，連蔬果都大大件咁上。三文魚及三文魚籽飯 $128三文魚大大片很肥美，師傅落三文魚籽也絕不手軟，落咗勁多粒，蓋著的是汁煮飯，濃香味美。蟹肉蟹膏甲羅燒 $78店員在旁幫我們燒好再上菜的，製作過程中會加入少量的料理酒，格外甘香，蟹肉蟹膏又鮮又濃，真係正都爆！稻草燒塩鏗魚刺身 $98以燒稻草來去除鰹魚的腥味，是日本很有名的做法，沒想到可以在香港嚐到！鰹魚只有外層烤熟，內部還是全生的，略帶焦香的魚肉可配蔥花蒜片來吃。明太子牛油燒烏賊 $62燒至乾身的烏賊再伴入牛油及明太子，又咸又鮮又香又滑，出奇地配合！牛仔骨 $68以濃厚的燒肉汁餣製，肉的甜味很突出，而且肥膏夠多，完全唔會鞋或者靱。抹茶心太軟 $48抹茶心太軟黎講呢個價可以話係平絕港九，都真係幾抵食！鹽燒味噌漬鮭魚腩 $58魚皮焦香，魚肉夠肥，味噌的甜味降低

尖沙咀亞士厘道嘅北海道爐端燒，食物選擇夠晒多，所以有很多棒場客。每次來都幾乎座無虛席，熱鬧非常！等了10分鐘左右，被安排坐吧枱，近廚得食也不錯！生啤 $56清爽的酒身，配熱氣的食物就啱晒！和風凱撒沙律 $62青瓜和蕃茄大大舊生上，要慢慢咬細再咀嚼，配上濃味偏咸的醬汁，感覺頗為特別！明太子雞蛋卷 $78厚厚的蛋卷還能保持嫩滑，鮮味濃郁的明太子令整道菜變得很惹味，正！牛舌串 $38 each牛舌獨有的味道十分突出，加少少檸檬汁可以提鮮，只是調味重手了一點。鹽燒味噌漬鮭魚腩 $58味噌令燒魚腩又香又甜又可口，喜歡味噌的不要錯過！塩燒大蝦 $58蝦肉結實彈牙，而且仲有蝦膏添，倍添滋味！蟹肉蟹膏甲羅燒 $78店員會先在旁邊開火制作，加入一點料理酒，燒4-5分鐘之後再伴勻，蟹膏經燒製後濃郁鮮美，又香又好吃！牛仔骨 $68又肥又腍，醬汁濃甜，很適合愛吃甜的人士。明太子牛油燒烏賊 $62魷魚鬚炒至香口乾身，再伴入牛油和明太子，把魷魚的咸鮮味大幅提升，又香又惹味！稻草燒塩鰹刺身 $98份量頗多，鏗魚刺身帶點微甜，點特製酸汁來吃，比點Wasabi和醬油更為合適。三文魚及三文魚籽飯 $128三文魚肥大肉厚，

臨急臨忙話改嚟尖沙咀食，所以由朋友帶路😉精選刺身拼盤(3種)@雖然餐牌寫係3款刺身，但係上到枱見到有4款都幾驚喜，有吞食魚、三文魚、八爪魚同帆立貝，整體而言都好新鮮，魚刺身都算厚切，個人最鍾意帆立貝刺身，入口柔軟有咬口，味道鮮甜稲草烤醬油三文魚刺身@三文魚刺身嘅邊位稍微烤過，逼出部分魚油嘅甘香，同時帶點香口，而內裡保持刺身軟嫩肥美嘅口感，外暖內鮮，都幾特別牛舌@牛舌肉身夠厚，串燒嘅火候同時間亦控制得啱啱好，食落爽口充滿油香，好juicy，另外加埋調味粉夠哂惹味梅酒沙瓦@沙瓦酒清濃度較低，大約只有3%，主要是蒸餾酒以蘇打水稀釋。加左蘇打變得好易入口，味道比想像中淡，酒味並不明顯，但係配合濃味嘅燒物都唔錯抹茶心太軟@抹茶心太軟唔係太流心，但係抹茶味都幾香，配上少少紅豆蓉，味道都唔錯，除左心太軟，仲有一球雲尼拿雪糕、粟米片同忌廉，雪糕加埋粟米片增添左甜味同脆口感，加返啲分

朋友聚餐，是但搵間就腳聚聚，估唔到咁有驚喜😃河豚干@無論係前菜定下酒小食，燒雞泡魚干都係一個極好嘅選擇。魚干表面燒到微焦，上到枱仲暖暖地，食落香口，煙煙韌韌有嚼勁，除左魚干本身帶有嘅鹹味，表面仲有少少甜味，可能係表面涂有蜜糖，唔點醬都覺得好好味，如果份量再多啲就更好帆立貝串@一串有三大粒，粒粒肉厚肥美，新鮮彈牙，性價比極高豬骨拉麵煮雞蛋@拉麵感覺上無咩特別，麵條質感都幾有彈性，湯底味道濃郁，拉麵掛上豬骨湯都唔覺油膩，最喜歡隻溏心蛋，熟度剛剛好，整體都唔錯

最喜歡去日式居酒屋，因為它的食物種類像我們的茶餐廳般包羅萬有，任何時候去都能找到自己喜歡的食物。今晚試的這間是位於尖沙咀商業大廈裏，不難找。座位都是密麻麻的，我們坐吧枱位，可以望着師傅去做料理。先點一小杯生啤，再來一串九洲華味鳥肩肉和蛋卷作開始。雞肉味重，較有咬勁，是日本雞的特質雞蛋卷煎得軟嫩香滑，火侯剛剛好，超美味之後便來炸雞，$68一大盤，價錢平得有點令人傻眼炸雞做得外脆內軟多汁比坊間任何一間炸雞店亳不遜色兼有過之而無不及。這是今晚最有驚喜的菜色了三文魚外皮香脆，魚腩燒得半熟唯獨酒蒸帶子未能滿足期望。而結尾的日式炒麵雖未至於驚為天人，但價錢和份量是理想的表現。