北豆 Bar & Grill (已結業)

咁岩今日去北角果頭做野 無意行入呢條巷仔 發現呢間餐廳 午餐最平58蚊 竟然包埋一杯啤酒同串燒 喺港島區邊個抵得過佢 就入去坐低試 鋪面唔大 但枱與枱之間空間充裕 坐得幾舒服 叫左個$78嘅黑草羊腩串配秘醬刀削麵 羊腩唔騷 燒得非常香口惹味 跟餐嘅秋葵串燒同樣水準十足 刀削麵麵質彈牙 本地大浪灣啤酒好易入口同事叫左個南蠻炸雞配蔥油刀削麵$68 炸雞多汁脆口 最有驚喜嘅係以為燒台灣腸係切片一串 但佢竟然原條上 食落爆汁口感十足 蔥油撈嘅醬汁比秘醬優勝另外 店員有禮 良心小店無疑💛💛💛！

🍆北豆Bar & Grill🌶由細到大我就係一個嘴叼嘅麻煩友唔鐘意食一餐飯永遠得一個味道即係嗰啲乜嘢西炒飯炒麵大大份又食嚟食去同一個味食幾啖就會想唔食做大嘥鬼༽つ۞﹏۞༼つ所以我會比較鐘意便當、串燒呢d一餐食到好多唔同味嘅嘢又唔會浪費食物喺北角近書局街一條隱世小巷中有好多唔同嘅黃店北豆就係其中一間最近聽聞佢地告急而且又係我最愛嘅串燒就決定去幫襯下啦呢到d嘢食好似俾多啦A夢個放大槍射過咁全部都大大份佢個沙嗲串燒大份夾好食個汁醬調得好惹味連個燒茄子都係超巨型絕無搵笨仲有超大隻芝士流心蛋大啡菇芝士同菇加蛋真係絕配食到飽飽打算叫個豬大腸攝下牙罅₍₍(꒪່౪̮꒪່)⁾⁾點知大份到咁都有搞到食唔哂都係做咗大嘥鬼༽つ۞﹏۞༼つ不過嚟北豆食嘢要有心理準備係要d時間因為我去嗰日都爆爆地場最後竟然食咗3個鐘？！( ͡°ᴥ ͡° ʋ)不過因為我地慶祝埋生日所以可能時間耐咗

噚日(20-2-2021 Sat)年初九,即慶決定同老公過行柏架山,由於出發時都晏,咁過到嚟食個晏至正式出發啦.由於知道我哋幫場過嘅Villa Villa(我嘅食評係19年9月14日刊登嘅呢篇: https://www.openrice.com/zh/hongkong/review/%E7%A9%A9%E9%99%A3%E8%A5%BF%E9%A4%90-e3536822)職員違反檢疫令,咁我哋嚟懲罸佢啦,不過嚟到啱啱係lunch peak hour,要等位,喺等嘅時候,我睇睇另外兩間,發覺北豆係YEAH店但冇客人,既然咁多人懲罸Villa Villa,咁我哋放過佢先,最多行完山夜晚返嚟懲罸.我哋就轉呔食呢間.我哋坐低睇完menu,就要咗:8. $78.00/pint 嘅西班牙檸檬啤呢隻酒精係3.2%,味道好清,好易入口,解渴一流.9. $78.00/pint 嘅手工啤店員話呢隻有荔枝味,易入口.飲嘅時間係嗅到濃濃荔枝味,飲落都有嘅,但淡啲同麥味較濃,有啲苦.後來同老公行山,佢覺得心臟跳得快,應該係酒精影響,o衣o家睇返menu,原來有7%酒精,真危險.3. $38.00一口日本甜薯8

網上得知呢間位於北角既串燒小店就黎關門，諗住月底前去支持一下，所以就襯星期六同老公去食晏幫襯下。一去到啱啱有位，之後嚟個d人就開始有等枱了。另外門口企左唔少人等外賣。我地見咁多人都快快手填左菜單俾人落單先。樓面似乎得一位姐姐負責帶位同落單，佢仲要做埋出餐，所以忙到爆。我地叫左燒蘑菇，豬腩肉，厚燒牛舌，燒鱔同埋炸燒賣（加一罐汽水）。蘑菇係第一件黎，面頭係川式調味=好麻好辣😂😂我唔食得辣，所以俾左老公食買佢。又等左一段時間，個牛舌就黎啦，哩個燒得好juicy好好味，個汁都好夾，一份有兩串啱啱好。之後再等左一段時間個豬腩肉黎啦。一望就知道好好食因為真係好香油香，咬落鬆軟juicy，超正！又係一份有兩串。之後就一直冇野出……我地見越來越多人排隊同等外賣，諗住追吓單，如果未燒就取消，阿姐幫手睇完單之後就攞埋燒鱔俾我地。個膳又係油香四溢，咬落啖啖肉，調味一流。臨埋單阿姐幫我地取消左燒雞皮，同攞埋兜炸燒賣俾我地。最後我地企係門口食埋個燒賣，燒賣喺魚肉燒賣，炸得剛剛好，不過燒賣都係d大路野，好難話唔好食，亦好難話十分好食。綜合嚟睇北豆d串燒真係幾好食，有時間既話都想再幫襯下。

黑啤蜜糖雞肉2串 ｜ Honey Dark Beer Chicken Sticks x2 $38雞脾肉烤得剛好，有肉汁。••••••••••••••••••••••••••••••沙爹串（雞，豬各1串）｜Satay Chicken and Pork (1 each) $38沙嗲汁十分惹味。••••••••••••••••••••••••••••••燒鮮冬菇 2串 ｜Fresh Mushroom x2 $28調味不會太鹹，燒得不會乾。••••••••••••••••••••••••••••••網燒肉眼扒（限）｜Grill Rib Eye (limited) $128味道整體不過不失，肉眼扒的邊位略有筋。••••••••••••••••••••••••••••••紅燒豬軟骨秘醬撈麵 （山西刀削麵） ｜ Pork Gristle with Spicy Dry Noodles (Daoxiao Noodles) $68麵的口感煙韌有咬口，豬軟骨也入味，只是會越吃越辣和略過酸。••••••••••••••••••••••••••••••只營業到本月的31號，可作最後支持。

一入到餐廳已經聞到好勁嘅串燒味, 串燒&啤酒🍻perfect match, 同埋呢度有個好抵嘅任飲deal‼️✨任飲兩小時(Before 7) Super Happy Hour💰168💫評分: 8.6/10📝有生啤&手工啤&梅酒&清酒&威士忌&紅酒&白酒&是日cocktail, 7點後就貴$40, 不過你七點前叫呢個任飲就有呢個優惠嫁啦🥰, 不過嗰日啲手工啤有好多款都冇🥺, 其實飲3杯就抵, 不過間餐廳啲酒都唔係特別貴😍, 同埋如果成枱淨係你一個享用呢個優惠都可以, 不過就要自律啦😌✨本地手工啤酒大浪灣 Big wave bay💰78💫評分: 8/10📝杯墊好靚🤣🤣🤣, 呢款IPA唔太苦幾清新😍✨正宗山西羊肉刀削麵💰68💫評分: 7.8/10📝羊肉好入味, 唔算好辣, 可以揀湯或者撈麵, 第一次食刀削麵配串燒同啤酒🍻, 成個配搭好有新鮮感😌✨黑松露醬薯條💰78💫評分: 7.6/10📝正常發揮🤣唔夠醬可以加😍✨一口和牛 - 2串💰48💫評分: 7.0/10📝唔係好食得出係和牛, 不過佢啲串燒都偏濃味🤣✨川燒雞翼 - 2串💰38💫評分: 7.2/10📝都幾乾身同埋自己每次都會係串燒店叫雞翼😋

今日去咗公司北角分店開會，開完同事帶咗我去呢間小店吹水同食嘢.入到去感覺好特別又似酒吧又似Cafe又似串燒店...另外員工好親切好有禮貌，所以就算坐為迫啲都冇所謂啦.見到佢哋有手工啤所以點左，我諗呢個都係佢哋其中一個賣點. 另外都點左一啲串燒.👍🏻本地手工啤：Big wave bay 7%金橘味真係好重好香另外味道比較濃 👍🏻蘇格蘭手工啤：Indie Pale ale 4.2%對比起Big wave bay 比較淡身，淡淡的清香比較適合女士（或者斯文嘅男士😀）👍🏻炸燒賣外脆內軟配合着佢哋嘅糖漿意料之外好吃👍🏻👍🏻牛舌（$48）厚身而且中間肉好淋好淋，亦都好香及牛味重👎🏻👎🏻👎🏻燒茄子🍆（$48）咁多樣嘢食唯一得一樣唔好食就係呢樣...蒜頭太多亦都係生嘅...我同朋友都覺吃完之後感覺非常不好👌🏻雞軟骨（$28），雞腎（$28），金菇肥牛（$38），羊肉串（$38）都不過不失1/2👍🏻黑松露薯條（$78）朋友覺得得黑松露醬唔抵，我就覺得幾好飲呀條薯條都新鮮又無返炸，點走醬都好好食總結：食物：5/10環境：5/10服務：6/10清潔：5/10性價比：5/10回頭率：6/10

店內就不大！我們坐室外位置！幾舒服！一到店員已很友善幫忙安排座位！我們有四人，店員就更給了兩圓枱令我們可以坐得闊落！安排周到！所有串燒都好食！我們叫多款串燒，燒烤時間都不用等太耐！大概有牛舌，金菇牛肉卷，豬腩肉，雞皮，雞翼，雞腎，秋葵，雞髀菇，台灣腸，仲有松露薯條！都好食！環境好正！室外好舒服！店員好好服務！嘢好食！酒好飲！廁所衛生問題就有待改善！

經過北角，搵間有室外座位嘅餐廳食Lunch，見到門面好靚，條街都幾有外國風情，就揀左北豆。3個人食左3個set lunch，另外叫左4款串燒，再後加兩杯大啤。Set lunch包一份前菜加一杯飲品，最驚喜係餐飲可以揀手工啤酒(細杯)。豬軟骨撈刀削麵好好味另外湯麵個湯底都好濃味雞翼都好入味串燒方面，燒魷魚鬚好鮮甜，鹽燒豬腩肉最好味店長非常友善，推薦手工啤酒HK big wave支持本地製作飲完兩杯細都再叫多兩杯大3個人食左咁多野飲埋啤酒先500蚊都唔洗會再去幫襯

【黃店推介 - 正宗山西羊肉刀削麵 - 北豆@北角🐑】🐷🐷💭今日老豆遠赴福建國北角區做野, 咁難得當然要搵間未食過嘅黃店食lunch啦!! 咪以為北角就藍到發黑冇黃店,原來有條黃店街, 我哋上 #山下黃舍 嘔心瀝血做嘅網站一按北角就見到好幾間黃店, 我哋就揀左呢條隱世黃店街入面一間食川菜串燒嘅中餐廳食! 🐷🐷💭十年唔出一次北角嘅港豬🐷, 兜左個大圈先搵到呢條巷仔, 出番嚟發現B4出口唔使行2分鐘就到!!😪 食完呢間黃店仲可以儲印仔, 食夠6次山下黃舍唔同餐廳就可以拎到優惠, 詳情請留意山下IG專頁🐷🐷💬 山西羊肉刀削麵 +小食+本地手工啤 ($58)店內有好多抗爭宣傳同義賣小品!而嘢食就不得了, $58 包小食、主食同飲品, 飲品除左普通茶啡, 連啤酒包括手工啤都唔使加錢就飲得！小食係好開胃嘅手拍青瓜。至於主食可以喺牛/羊/雞翼3選1, 配湯麵或撈麵。識食當然揀羊肉, 真係半肥瘦, 又淋又好食! 感覺食緊羊腩煲咁!! 送啤酒一流!!湯底好濃, 小小辣! 成個餐冇加一超抵食!!

呢幾晚都要OT⏰⏰，所以都冇返屋企食飯.收工後同同事一齊支持黃色經濟圈，呢間小店唔係咁起眼，佢好需要大家嘅支持！而且呢條街多食肆林立，競爭好大！💪🏻💪🏻💪🏻一入到間餐廳已經聞到好大陣串燒味，走進我的鼻😆😆😆燒台式腸送酒一流，台灣No.1爆炸魚蛋 椒鹽薯條🍟 呢d小食真係無得輸👏🏻👏🏻👏🏻辛苦左成日飲杯酒輕鬆一下永遠都覺得食飯既時間好快過，傾幾句小店都要關門了😗😗😗

放工經過聞到好香羊肉味，所以就試左呢間。因為當晚只有一個人食，所以只點了兩款食物和一個飲品：回味羊肉秘醬撈麵、蝦膠尖椒、薑蜜。首先個羊肉真係燒到好香，味道也好，夏天食撈麵唔怕熱，而且個汁真係幾好味。一個人食量有限又唔想食太多肉，只叫左一款串燒嚟試。偏鹹，都係預左比人佐酒，蝦膠唔霉，可以再食。留意返，因為好多人都係不停叫串燒同飲酒，所以儘可能先訂位。我就係錯過左佢開舖第一轉入人，所以等侯時間比較長。另外我見職員同啲客有講有笑，應該唔少熟客。下次約人飲嘢會再去試多啲串燒

串燒十個讚👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻上菜速度幾快上到枱熱辣辣我唔飲酒但朋友話啲手工啤好正🍺適合朋友同事聚會可惜座位唔算好多，最好先book枱之前試過去到滿座等唔到枱位置有少少難搵但識路既話出地鐵站行兩三分鐘就到誠意推薦👍🏻👍🏻值得返兜👍🏻👍🏻Ps. 另外私心推薦芝士魚餅（必食！！）串燒牛肉（好juicy唔會燒到乾爭爭）燒雞全翼（大大隻）

幾日落雨😣，不如我給你藍天啦🥰。 我有緣遇上這位於北角，日式串燒餐廳。厚燒牛舌2串（$48）- 好厚呀，香料好多，口感足，配啤酒一流。蒜蓉粉絲燒扇貝2隻（$78）-精華落入粉絲度呀，又甜又好味。芝士魚餅2 件（$38）- 流心芝士加彈牙魚餅。多汁翠肉瓜（$28）- 串到成個風車咁😆，好爽甜。脆皮肥鱔（$48）- 好肥美，不過香料落得太重手，蓋過左鱔既鮮味。整體係又好食又抵食架，你望個價錢就知。成間店舖既佈置都令我❤️動，員工大部分係滿有活力嘅年輕人🤤。 我要特別讚下個日個員工👍🏻👍🏻👍🏻👍🏻👍🏻，佢一腳踢做傳菜，落單等等，做到頭暈但佢一點怨言都無，態度仲好友善😍，服務一流。

2020年5月11日。雨。北角。北角錦屏路有啲隱蔽但就係呢個福建國嘅綠洲開喺呢度嘅餐廳九成都係黃店呢日臨收工收到朋友消息話北豆急告救急扶危當然義不容辭！即刻喺巴士上嗌定外賣，諗住去到即刻攞得就走去到門口，發現店內已經差唔多坐滿等外賣期間仲多咗兩個人嗌外賣，一齊等～團結救急嘅感覺真係好～不過睇下門口嘅餐牌，發現比起上網外賣平咗差唔多10%以後都係唔好咁衝動去到舖頭睇清楚先再嗌外賣保險啲，最多等下啫～麻辣串串香（20串），$174當然咁樣已經數唔到有冇20串，亦都唔係太清楚呢20串裏面有啲咩食到黃芽白、菇、牛肉、翠玉瓜但個麻辣口味值得一讚，做得幾正宗下～另外買嘅和牛，未影相已經食晒嚕～味道都okay嘅，不過不失同一條街仲有Villa Villa、現、酒盜同古月！