匠工房秀吉 (已結業)

黎food court食野, 一分錢一分貨大家知不過係open rice絕對搵到一分錢兩分貨的餐廳至於呢間, 一分錢一分貨送多一肚氣一份八爪魚丸, 2個大判燒, 一個燒餅, 估下要整幾耐?45分鐘, 你無聽錯我睇班廚房係後生仔, 初初學, 手腳慢, 算我等呀等, 心諗唔肚餓, 算等左15分鐘左右, 有一班亞裔遊客落左單唔知佢地係咩教, 問收銀 is that beef or pork?佢唔識答, 咩話 門口寫請收銀7000蚊, 嘩, 7千蚊請番黎咁都唔識答 早知我黎做啦 我係度行行企企, 咪幫佢翻譯囉 跟住佢地問可樂幾錢, 咩話?eight dollars 唔識講都識數手指掛 同你翻譯埋 ok 人地遊客問佢地個餐要整幾耐, 佢話要半個鐘我都幫佢地兜 講到呢度, 大家係咪唔明點解我狂數呢?最後, 我個"精雕細啄"的E餐出黎啦 我 : "唔該, 痳煩你俾杯水我" 收銀: "無呀" "...只見當鋪掌櫃高高在上, 向我瞥了一眼, 隨手丟下一張一百元, 就像打發乞丐一樣..."諗番起以前中學某篇課文................................................

滿心期待的來 最後失望而回要了SET D - 6 粒小丸子及炒麵 $28 小丸子 O MY GOD 不好吃!! 沒有上次的好吃內面很軟 很辣 奇怪了 沒有人覺得辣嗎? ;; 外面很脆 不過應該是燒得太耐 我不喜歡脆的 比較喜歡上幾次外面也是軟軟的愈吃愈熱氣 6粒我吃了5粒 已經是極限了 炒麵 份量適中 味道略淡 沒甚驚喜..............總括這家水準好不穩定不用專程來試了 想試的吃下午茶好了 $18有了

O係沙田公園做左約一小時既運動後~再到一田掃貨之前..當然要補充能量先啦..要左個一田promotion price set: 炒麵+八爪魚丸-$24炒麵份量唔多…幾油..多椰菜..用左帶甜既醬油去炒…而八爪魚丸都好食~因為味調得好…而且勝在新鮮熱辣~雖然粉漿偏厚..但多汁同配料..行完街要解決埋dinner問題~冇咩又快又抵既野選擇, 唔揀mos怕熱氣..所以再次黎秀吉試埋其他款…今次要set<b>, 奄列炒麵+日式燒餅+飲品-$28紅豆大判燒-$7奄列炒麵其實只係之前食既炒麵加蛋…蛋皮煎得薄..但依然可以將炒麵包得幾靚…日式燒餅則落得太多沙律醬~燒餅入面有好多雜菜絲~如果唔係食落咁厚漿, 咁麵粉味~會好好食….紅豆大判燒唔算好食~暖暖地..皮唔脆..不過就好香蛋味~而紅豆則甜左少少….明白一分錢一分貨~所以下次都係去番貴d既亞x家買好d~今日人流多..食物流量快~比上次o係TST分店食新鮮…

行開新城市,想食野,就去一田美食坊.都幾多人好彩剛好有人走才有位,唔使等;不過,一路食都有人等,誰叫今天是星期日~我叫左b餐: 燒餅+奄列炒麵, 看見賣相不錯,價錢適中( $24不包飲料)等左好耐呀,終於有得食,有點苦盡甘來的感覺, 吃了一口燒餅, 唔...太滋味啦...味道像章魚小丸子,不過特大size,醬料一樣再夾一啖奄列炒麵, 不過不失,冇咩蛋味,可能因為d燒餅味太濃蓋住了不過加了茄汁都幾配合, 原本打算留多點燒餅作最後的回味怎料,食到一半,個燒餅的美味冇左, 可能味覺已經麻木, 好滯所以,我建議個燒餅同人share,一人一半.可以的話,叫a餐,平$2. (只是少了奄列,反正奄列不太特別)

前天行經一田的秀吉 ，外賣一個庵烈炒麵$20回家食,賣相普通而味道方面亦不算好好食,亦不是好差，服務、價錢方面是可接受水平,總言，味道、服務亦是一般水準，還是半年食一次較好看看有無改變！

大判燒~睇落味道應該唔錯!加上好像只係$9一個~so便試試~看看能否重撿8百伴紅豆燒餅之回憶~~(笑)~跟朋友一人買了一個~好快便等到了!因為他們店燒定了一些~味道都不錯~幾香甜,紅豆都算多同淋~可惜的是不夠熱~沒辦法~因為他們可能燒定了一會兒了!!如果熱騰騰的一定更好味!!不過我還是覺得兒時食的8百伴紅豆燒餅比較好食~~~~懷念中不過這家的大判燒一試都無防~有吉士味跟紅豆味呢....

食過亞月家只差呢個貪心d要鴛鴦~七個大洋呢個睇住佢比剛剛整起個d我~~真係好鬼熱= =不過好野緊係熱食la~很可惜皮是軟的接近鏝頭既地步但佢d餡比亞月家多一咬個皮就比d餡撐爆左@@紅豆餡食落冇乜味點解?因為吉士lorcustard太搶喇而且d料分得唔夠開混埋一起咪搞成咁同埋custard唔滑同杰得可怕仲有唔知點解d醬半透明ga><fusion水晶包咩?唔得lor完全

叫左呢個燒餅,章魚小丸子,炒麵 set....為左呢個燒餅,呆站 20 分鐘.......佢個燒爐一次可燒 16 個餅...但一忙起上黎就唔夠.....大佬呀...要等咁耐你早講丫...我坐住等丫嘛..同埋我會等倒你個餐,先至再去買其他店既野食...唔駛我條仔,坐响個位等我,望住碗八番拉麵,等到凍哂,淋哂丫...十幾個人等緊,又唔知要燒幾耐...點敢走開喎,...收銀果個兇神惡煞..無人夠膽問佢廿分鐘後終於有得食...........唉...章魚小丸子:....粒章魚大概有一粒豆豉咁大...孤鬼寒...而且味道太甜...甜到似咁品...完全唔合格燒餅...一 pat 粉溝椰菜,完全無味...啖啖白麵粉餅咁...只有一片手指尾咁大既火腿...愈食愈扯火...o徒我咁耐時間...o徒左我碗拉麵...換黎咁既結果....食左一半放棄炒麵...豉油王炒油麵囉...普通過普通過普通個餐樣靚.......就只係得樣靚..............永無下次

在foodcourt覓食，吃了豬扒飯後又再跟朋友share一份8爪魚球+炒麵，是口癢。為28蚊一份。一看上去，已經不對辦了。8爪魚球完全不飽滿，像擺了很久才賣得出，而且內裡的餡相當少，只得一粒細小得可憐的8爪魚肉，該有的雜菜都不知走到那裡去；炒麵，很咸很咸，炒得不夠乾身，濕濕的令口感更差。整體水平極差，不得不出喊面。

之前同牙妹行街經過e間野..都已經好想試..但係係openrice有好多劣評..有d怕怕但係尋日同男友行沙田...我又想係food count食野...姑且試下e間喇要左個1set有3樣野食既..有小丸子..炒麵..同燒餅..都係32蚊咋...除反開都好抵牙幸好個小丸子冇之前d食家咁..d墨魚有色素..好好彩牙燒餅好有咬口...入面有好多椰菜係度下次都會再去食

同老婆&囡囡去沙田行街街, 諗住只係去反斗城睇下, 點知呢度去下果度去下, 一行就行左個幾兩個鐘, 腳都軟埋, 一定要搵個地方坐低抖抖, 最後揀左一田o既foodcourt.巡視一遍之後, 最後選擇係呢間日式food stall, 因為小丸子同炒麵o既賣相都唔錯, 三拼(炒麵+煎餅+小丸子)$32, +$4有汽水一杯.落左order唔駛返位等又唔駛睇number, 排一陣隊就有, 讚! 炒麵份量略少, 麵質彈牙, 不算太油, 醬油的味道亦不錯, 可能是正宗的日本醬油. 煎餅太粉, 差不多吃不出有甚麼配料, 不過配上燒汁同沙律, 味道又配合得很好. 最好吃的是小丸子, 不要看外表平平無奇, 實則是非常熱辣辣的, 呅下去入面是軟軟的, 有爆漿的感覺, 不過餡料比較小, 只吃到八爪魚粒.$36在以前的foodcourt來說是高消費, 但環顧而家各大foodcourt, 可能這個價錢也只算是中等, 平價的foodcourt恐怕買少見少了.

下午同大佬去了沙田市廣場pokka cafe食完下午茶後，就去宜家傢俬添置公司傢具點知一逛就逛到8點...真是快活不知時日過呢~~本來諗住去餐廳食野...點知仲係得熱狗汽水爆谷買...餐廳還未裝潢好...對上一次我和大佬來都是半年多的事了還未完成？問問職員，因為大搞關係，所以時間會比較耐些...早知就去九龍灣那間喇！又係最大最靚~~好想試試果度d meat ball呀~~買完野後，我們另加錢叫了送貨，之後2手fing fing去食大餐去...肚子很餓呢~~因為浪費了很多energy呀~~大佬帶我去一田美食廣場我第一次黎咋！因為自己好少黎沙田咁遠...有很多唔同食物種類呢~~圍繞了一圈...有壽司，漢堡包，拉麵，甜品，雪糕多款選擇本來想去mos burger食包，但我一見到有燒餅之後...就即刻轉軚喇~~haha..我叫了燒餅+奄列炒麵，+4有汽水，要了芬達橙汁..大佬叫了八爪魚球+炒麵+雀檸見到大大個豆沙燒餅很吸引，不過麻麻地食豆沙喇...大佬轉頭拎番d杯，我企係度等...點知個職員無喇喇好大聲同我講"張飛係咪你架？"我望望話"係呀！"應該係大佬擺係個托盤既之後個女職員話"妳拎走張飛等

大前星期同朋友睇 "一百萬零一夜" 前諗住快快趣食個秀吉快餐, 點知等個餐等左四個字, 結果好孩子0係友人前表演左一個絕技, 就係四分鐘食完一個餐, hahaha...因為食得太快, 都無機會慢慢細味個餐...呢間0係 "一田" foodcourt 既 "秀吉", 雖然隔離有唔少日本野食, 板前, Mos Burger, 紀文..., 不過長期都有人企0係度等食架! 至於好唔好食? 又睇落去? 開放式廚房比你睇哂內裡操作, 好多小朋友都企定定0係度睇架! 好孩子影完兩幅相交差, 就梗係兜個圈再番黎拎野食啦! haha... 睇過 d 燒餅製造過程?有六個 set 揀, 最近仲加多左三個 set (肥牛,豚肉同埋魷魚), 上面係 set A 既炒麵拼燒餅: 個燒餅麵粉好厚, 入面既無咩料食唔到太多, 主要係椰菜同麵粉; 個炒麵油都幾多... 因為上次食完一個餐都好似無食過野, 所以今次嗌埋呢個 set F, 食完兩個 set 應該差唔多飽既 , 奄列炒麵加八爪魚球: 睇下個奄列 d 蛋薄薄地, 個蛋包唔哂個底, 勝在醬汁搭夠令個奄列好味 D; 四粒小丸子丸中有粒八爪魚粒, 入面麵粉太重.

第一次係旺角食依間野 已經愛上左佢~上年行行下一田~見到佢出現番~真係開心哂~~XD今次食左燒餅配蛋包炒麵~唔知係唔係太多人等呢...燒餅醬落得唔夠...食到最後好dry~醬幾乎係燒餅既調味...唔夠就會唔夠味...好似keep唔到以前既水準...可能真係太多人啦..希望下次會有好既水準啦~

同老公去秀吉超過 10 次了，為的是吃又平又飽肚的套餐~看看餐牌，還是揀了 "Set B"即炒面奄列及燒餅。叫我們打分，秀吉其實絕對合格其件頭次次均夠大，燒餅面醬汁也沒走樣(那不是 Sukiyaki 汁，是開胃的燒汁~)秀吉做炒面奄列，做得較好，然而燒餅水準卻不穩，一時煮得香腍惹味，配料平均一時卻煮得粉粉糊糊，滿口麵粉~但 $24 吃到飽，不應要求太多了！