匠工房秀吉 (已結業)

午餐時間只有我和另一位同事，2人選擇可以隨意一點，打算想去Tirple O 吃burger, 被$8x套餐嚇退了，覺得有點不值，就往一田food court 走去，自己喜歡那間就買，方便快捷。因為對抗自由行活動，一田food court 難得可以變點從前的寧靜，座位很容易找到。我點了這個4粒章魚丸+奄列炒麵 $32，價錢在沙田區實在很經濟，而且份量也相當多，味道不要期望太高。章魚丸看上大粒，但咬下去一團粉，章魚只有一小粒。至於炒麵也有不炒豬肉、紅蘿蔔條，感覺有點油，奄列中規中矩，最美味的沙律醬令人可以吃多幾口，可惜太膩不能吃畢。我想下次會走入一田超市購買2餸飯盒更美味、經濟。

次次送個friend去偉華番工，都黎呢間「匠工房秀吉」食章魚小丸子。不過呢間野係food court裏面，都唔係咁容易揾拉間野算係成個food court較平既一間，大約$30-$50。裏面有幾款餐（A-F)，但飲野要加4蚊，而且好細杯，唔係好建議加！味道：章魚小丸子，大粒，裏面粒章魚又大，個汁幾正，分數（8/10）日式炒麵：唔錯，但嫌太多菜，分數（7/10）燒餅:夠大塊，賣相幾靚，味道幾好，分數（8/10）奄列：冇乜特別，純粹蛋加炒麵，係面頭多左D茄汁！分數（5/10）

今晚係間房到忙到踢晒腳既時候，同房竟然買左大判燒番尼俾我做宵夜，真係好開心呀！！衣間野既炒麵同小丸子就食得多，大判燒真係未試過，今次同房仲要買左紅豆同吉士兩隻味番尼。先試吉士果款，大判燒食落時仲係暖暖地，餡都幾多，吉士甜甜地但質感同平時食果啲有啲唔同，唔算好滑。身為紅豆迷既我梗係要將好野放係後頭啦，紅豆餡好足料，甜度適中，作為宵夜真係好滿足！

假日與友人去沙田行街經過店面聞到燒小丸子的味道忍不住光顧這家店店鋪係食堂所以不大間，但採用開放式煮食，客人經過或排隊個陣都可以睇下店員點整野食見到有人即使不打算吃也會停低腳步留意下約有兩三位員工不停咁燒丸子同魚餅冇停過手 一次過整好多呢而且這間店的價錢對比同地域的餐廳來說算幾抵 價格適中份量剛剛好岩女仔食不會吃剩，剛剛好夠飽而烏東的味道就一般，始終一分錢一分貸燒魚餅同埋啲沙拉醬一齊食 調味既味道唔錯!仲幾香添 熱度亦剛剛好 值得一試~小丸子面頭有紫菜同醬汁，但小丸子可能一次過整太多了好像放置有一陣子才分給客人，剛好我吃的那燒丸子有點冷卻了食物嘅熱度唔太夠，食落味道就冇咁好，失去左剛燒好的味道 希望下次可以食到新鮮整好嘅燒丸子啦

周六下午，澳門的親人來了香港遊旅，便相約在沙田見面。因為早上在尖沙咀要上舞蹈課，所以我到達沙田時家人已和親友食過午餐，我就惟有自己食了。到了一田food court，人頭湧湧，我就只好買野食邊行邊食。因為晚上book了食放題，所以以小食為目標。經過秀吉，被大判燒的照片吸引住。味道有紅豆和吉士可選，於是便要了紅豆和吉土各一。職員提醒我以摺了封囗與否來分辨兩種口味。兩個大判燒都有掌心般大，先食紅豆，外層是暖暖的，咬開口感偏硬和乾，不過還是可以接受的程度。紅豆餡的份量適中，咬落有不少碎紅豆粒，而且餡料不太甜，整體不錯。接着便打開摺了封口位的吉士口味大判燒。外層還是暖的，多咬兩口，才發覺有不妥，怎麼又是紅豆餡，於是便拿回去看看。結果和職員說了，他們也讓我用已咬了一半的紅豆大判燒換了個吉士大判燒。大判燒裏吉土餡有不少，而且很香滑吉士餡稍為過甜，不過也還可接受。

呢度food court周圍都有人，搵左一段時間先有位。叫左個set C，有日式燒餅、炒麵、四粒章魚燒。日式燒餅算幾足料，好多醬，幾膩。裡頭有椰菜、面餅、章魚、煙肉。章魚燒大大粒，有一塊章魚，好多醬。炒麵有一快仔豬肉、椰菜、其他蔬菜。食完好飽，但最後都encore兩個大判燒，每個$8。紅豆味同吉士味，外面好煙un，入面暖暖的，好易入口。

點了一個套餐 這家全是即製的日式鐵板燒餅上層加了燒汁 以雜菜麵粉而成 口感豐富足料份量日式照燒章魚丸 祡菜鋪面 中間一粒章魚爪子 外皮熱騰鬆厚  日式炒麵 豉油及蔥味十足 麵條彈牙 

有時行SOGO超市都會見到秀吉當然呢個價錢我都唔會諗住有幾好質素既食材同成品好耐以前食過，加上見到都幾多人買我諗都唔會伏得去邊鱆魚燒＋燒餅見d醬汁咁澎湃好驚人？冇事既我叫多醬姐xddd鱆魚燒外皮不算油膩，亦冇漏餡情況出現粉糊黏稠卻無粉粒，鱆魚肉彈牙又唔會過韌燒餅有點油膩，不過料都足既其實我唔係好中意煙肉……太油膩我覺得唔係好夾個燒餅主要都係靠醬汁調味，同埋我中意食濃味多醬多汁，唔會話太難入口既講真……我連呢度咁樣都覺得唔夠醬汁……

放假日子, 梗係買o的好野食下啦, 於是去匠工房秀吉買外賣章魚燒, 你地睇下賣相幾靚:廚師一定好驚o的食物唔夠熟, 所以章魚燒煮到足 1000% 熟, 好貼心, 望到都覺得充滿非洲風情.食o左一粒, 外層o既皮你睇相片都想像到係幾好味啦, 燒焦o既表層令我覺得自己好似食炭o既吳剛師傅咁, 真係好有特色好有口感. 話時話我好鍚我隻狗o既, 咁我就比哂剩餘o既章魚燒我隻狗食, 點知佢聞o左兩聞就行o左去. 死野o丫暴殄天物.總括o黎講都唔差o既, 強烈推介呀.

今日是天氣好好的星期日, 同honey出左去沙田行街~其實次次去親沙田, 我地都一定要食秀吉GE大阪燒 (因為第一次食巳經愛上左)今日我地都係咁, 行街行攰左就去Food court到掃街搵食啦~~果到有得單點/套餐, 套餐就有送杯飲品(一般汽水/檸檬茶)我地叫左1個set, 有大阪燒同埋章魚丸6粒...食落都ok ge, 不過唔知係唔係今日太忙, 總覺得冇之前咁好食D面粉比例多左, 而且好似太快起爐, 食落口有D生生地,過濕,同埋D木魚干都落得寒酸左D ><我記得我以前食到GE都係好好味好足料的。唔知咩原因, 今次就失左水準啦。不過我下次去沙田都會食, 希望下次食可以重返水準啦^0^

在試食會前肚餓萬分, 速食就是唯一的辦法, 選擇食物要以開胃、不飽滯為原則, 以免影響之後的試食食慾...在全個一田foodcourt, 我就睇中好耐無食嘅「大阪燒加八爪魚丸」, 在開放式廚房裏見到多名廚師在忙, 兩位忙煎大阪燒, 兩位忙煮八爪魚丸, 從密手密腳的工作可想而知出品會是新鮮熱辣。等了八分鐘左右便輪到我, 送上嚟已經聞到香噴噴, 大阪燒食起來表皮焦香酥, 內有大量椰菜絲及有酥脆口感的豬腩肉兩片又有提味的沙律醬, 甜甜酸酸始開胃～八爪魚丸有我最喜歡的外脆內滑, 還有大大粒的墨魚粒在內, 上面撒上海苔粉, 好味! 

第二次來到沙田新城市廣場的Food Court，今次選了一家叫秀吉 Hideyosi的小店子，這裹販賣大阪街頭的小吃，燒八爪魚丸和日式燒餅等等。八爪魚丸太「淋」，入面粒八爪魚好大，如果有椰菜或者粟米就好了，沒有這些一咬像吃粉團，醬汁有點鹹。原先以為是蛋包飯，一切開原來是炒麵呢！雖然入面個樣同普通鼓油王炒麵但撈埋蛋&茄汁食又幾得意！以為奉送可樂，原來要加$4，在Food Court來說這家價錢算不錯啦！雖然不太飽肚，畢竟只是個下午茶吧!!

近來一邊寫著各食店的食記，在重組思維的過程中不得不承認並讚歎香港確實是滙聚國際美食之都，因大部份人們只會圍繞著選擇何國菜式或是那家食肆而傷神。創意與新派飲食潮流源源不絕湧入香港，曾幾何時，日式芝士蛋糕、雪莓娘、蚵仔麵線、沙冰、葡撻、豬排包等都是人氣高企的風頭躉。那麼燒八爪魚丸和日式燒餅，這些大阪街頭小吃你可還有印象? 曾經是香港人的寵兒，我仍然鍾愛，差不多每次路經沙田市中心，都會走到位於一田foodcourt的匠工房秀吉買份燒餅拼八爪魚球。在等待食物的同時，慣常地透過玻璃櫥窗可觀看整個製作過程，晃如在日本街頭光顧小店的風味。店員們相當忙碌，正在各就各位，十分專注地烹調燒八爪魚球、即炒自家製拉麵、日式燒餅和大判燒餅，眼見一對巧手以一雙木筷子及純熟技巧，輕易撥弄便能做出顆顆圓澄澄的八爪魚球，很是神奇。燒八爪魚球]新鮮製作的八爪魚丸粒粒熱烘烘、脹卜卜，吃下去表層烤得焦黃，微微香脆中帶有蛋香，內裡粉漿熟透後軟滑中帶韌度，沒有糊口的那種難受口感。混入了椰菜粒、葱花去增加了爽脆口感和香氣，主角當然是嚼勁十足的八爪魚粒，每顆丸子中心藏有一粒體積不小的八爪魚，面頭再塗上惹味濃郁的日式照燒醬和撒上紫菜粉

今天我叫左個八爪魚圓+炒麵set都係大約30元,個麵炒得幾香,不過麵分量比較少,另外個八爪魚圓除左大粒之外,內面竟然少少八爪魚肉也沒有不過2樣野食晒都算飽,同埋唔算貴

我們經過一田既美食廣場，見到匠工房秀吉 Hideyoshi裡 日式燒餅 + 章魚小丸子套餐好吸引，就坐下來 一試。日式燒餅內裡的都是爽口生菜，面層有燒得香 香的木魚和燒汁，再加入蛋黃醬外層相當滋 味。但內層可能因為粉團問題，口感差了一 點，沒有想像中那麼好味。章魚小丸子入面每粒都有大大粒的章魚，章魚 粒煙韌彈牙有口感，醬汁野味，只可惜還是覺 得都是粉團問題，令食物整體大大的有缺失！