匠心燒味 (已結業)

還記得剛開業時第一次吃他們的叉燒驚為天人，然後每星期總會購買一兩次。發現他們的出品越來越甜，甜到好似砂糖唔使錢咁，甜到乸喉。今日買的叉燒已經走汁，但仍然比叉燒包內涵更甜！叉燒炒蛋更以為變咗甜品！拜託，而家個個都怕甜，好好叉燒為甚麼要做得像甜品？之前買過他們的雲南豬手，也是甜到漏！麻煩你哋自己試下味，上好叉燒敗在瘋狂加糖，可惜。但燒鵝是好吃的，外皮鬆化，鵝肉嫩滑，調味也比較正常。不過怕食糖食到脂肪肝應該唔會再幫襯。

新開呢間外賣燒味店，見到佢荔枝柴燒鵝只係$170 半隻，真係想試一試。因為平，所以對佢嘅期望細啲，但係咁平都ok 啦！點知性價比高，以我食慣一樂燒味嘅舌頭，雖然唔係脆皮鵝（買咗唔係即刻食，唔知係咪林左），但係肉質鬆軟，皮薄小肥，食落鵝油還算香！原本係去食現燒乳鴿($39)，最後重點變咗燒鵝。 乳鴿就瘦咗啲啦，可能外賣返去幾個鐘頭後先食啦，我都感覺唔到佢係咪紅燒。太好啦，附近有間咁好食嘅小店可以加餸！如果水準維持，應該可以成為我每周買外賣嘅地方。

同小朋友行完利東街打卡，順便去附近好多食店嘅灣仔道，睇吓順便買啲去媽咪同加餸😄見到有間新開嘅燒味店，原來都唔少款做緊新開張優惠，而且店裏燈光光猛，open kitchen睇落都幾衛生。燒味店有片皮鴨都幾新穎，店家同我推介，會配齊京蔥、青瓜絲，片皮鴨拿到返屋企，個皮都仲keep到脆，都幾好😍好驚喜。配嘅皮就類似薄嘅春卷皮，味道都幾好！相信下次啲鴨擺落氣炸鍋熱一熱，會更正。我哋仲買咗推介燒鵝～只係¼隻，已經大大盒，肉質尚算嫩滑，無雪味，外皮有油香，食得出嘅新鮮。下次都試多幾款先！

行完街之後, 諗起要返屋企食飯, 就決定喺灣仔附近, 一於加餸, 斬個料,灣仔街市真係乜都有,, 一間燒臘檔好多人排隊, 外表光鮮, 原來有即製嘅燒鴨燒鵝, 跟住入去啦, 叫咗一個燒腩仔, 再加個燒鴨, 燒腩仔最緊要係化皮, 回家之後, 個皮咬口保持鬆脆, 肉質非常細緻, 五層肉得通透, 入口鬆化, 點一點醬汁一齊食, 非常之正另外燒鴨保持光線嘅色澤, 鮮紅嘅皮, 咬落去一樣鬆脆, 多汁的肉質一啲都唔黐牙, 有咬口之餘, 保持細緻嘅肉汁, 今晚加餸真係非常之正

唔知有無人同我一樣，無飯不歡 🍚 但有時又想食少餐飯，減低食咁多豐富美食嘅罪惡感。今日午飯時間，我有一種「肉念」，外面天氣又熱又焗。外賣燒味，I see you~唔好睇佢位置係街市，你可以透視所有燒味👀 包裝好嘅冷盤及飲品任君選擇。更特別係，仲有見到原隻未燒嘅燒鵝，環境舒適乾淨。我嘅午餐揀左燒鵝及叉燒雙拼，走飯。荔枝木燒鵝燒鵝髀🍗 我自細鍾意食，肥而不膩，又唔會淨係得層皮，燒鵝肉連皮食係一大享受。古法黑叉燒叉燒外層焦焦的，啖啖肉，唔會睇落營養不良咁。其實平時食叉燒就硬係想送口飯，所以你地選擇可以揀配飯，又可以揀斬料加餸。今日又係無澱粉嘅一餐。

灣仔呢一間新開嘅燒味店，與別不同嘅係佢竟然有一個燒烤爐，啲燒鴨全部都係自家製，包保每日新鮮出爐，仲要可以自己控制到燒鴨嘅味道！除此之外呢度亦都有白切雞叉燒等等，見到新開張超多人排隊，真係要買來食。我自己再嗌左半隻燒鴨同雞，就算唔係雞髀位都好多肉，個皮唔會好乾身，又唔會好油，啖啖肉。而佢嘅雞骨頭比較幼細，所以啲肉都好多，又滑身。亦都配埋佢哋嘅姜蓉，送幾碗白飯食一流！呢一間燒味店仲有一個特色，就係竟然可以買一份一份嘅片皮鴨，平時喺茶樓兩個人食半份都會太多，又冇得拎返屋企食，呢一間燒味店就滿足到你啦！

匠心燒味（灣仔）#今日去灣仔買餸,見到一間燒味店,很多在排長龍---匠心燒味,於是我就去買D燒味來試下😃1）四分一燒鵝2）半邊鼓油雞#原來這店舖自設工場,有定時烤製燒味的設備👍店內有一玻璃櫥具可以看到燒鵝出爐,當然夠新鮮啦😃1）燒鵝用獨門的燒烤方法及秘製的醃製秘方,而且用荔枝柴的碳木去燒烤而成,因此燒鵝帶有淡淡的煙燻燒烤香味,肥瘦均勻的燒鵝,皮燒得非常香脆,香味撲鼻而來,鵝肉富彈性,而且新鮮得來鵝肉上閃閃生輝,肉香四射入口嫩滑入味,不韌、不乾,更沒有雪味!*一口咬下去,肉味的甘香盡情地揮發出來,滋味十足,我們吃得津津有味👍👍2）豉油雞：為增加風味,店舖用頭抽豉油煮製,濃郁入味,雞皮爽脆,淡淡的頭抽鮮味撲鼻而來,而且雞剛剛熟透,即使雞胸也不嚡口,雞肉嫩滑多汁,色澤呈濃濃的醬油顏色,而富有光澤,咬下去更滲出陣陣的鮮雞味和頭抽鼓油的鮮香,我們忍不住塊一塊地送進嘴裏。😋😋

行緊去街市途中見到呢間新開既燒味門面好光鮮 燒味整齊又乾淨 所以吸引左我去買盒食下由於我一個人 我就選擇左雙拼 叉燒燒肉飯一打開飯量都好多下 起碼有兩碗 而且濕係濕身既唔會乾到un胃菜係新鮮既 唔會太腍叉燒算係瘦叉 但蜜味香甜 又唔會痴牙 每件都切得大小相若 師傅好好刀工最好味係佢既脆皮燒腩仔 脂肪同肉 肥瘦相間 唔會過於油膩 而且皮真係脆到好似薯片 那怕我起碼半個鐘之後先打開盒飯都唔會話因為倒汗水而唔脆 值得欣賞總結：份量大 燒味有質素 值得一試餐廳：匠心燒味地址：灣仔灣仔道52號地下

又到左今日唔知食咩好時間行過灣仔街市諗住買兩條菜見到有間新開嘅燒味外賣店一於就懶得煮買個燒味加餸—————————————————————燒味最最最緊要一定要試吓啲蜜汁叉燒老闆話今日啲肥叉同燒鵝好靚中島望過都唔算超級肥就突破下食開半肥瘦叉嘅關口每舊叉燒都見到有舊脂肪不過入口即化又有甜甜嘅蜜汁覆蓋住的確係好好食但咁邪惡嘅野都係少食多滋味😂下次都係食番半肥瘦至於荔枝木燒鵝燒鵝皮有陣煙燻香味如果小心細味就會滲出淡淡荔枝香加上火候控制得好好燒鵝肉帶有微微粉紅色唔似坊間啲燒鵝好多都已經變成深啡色好難咬開呢個一咬就斷開又唔會痴牙果然好介紹👍🏻👍🏻—————————————————————◂ 醬汁叉燒 $98/斤◂ 荔枝木燒鵝 $390/隻

以前都會經常嚟呢頭買餸，咁啱見到有間舖咁多人，就過去睇下，原來係新開嘅燒味店，就買咗幾款返去媽咪度加餸✨燒肉～用上五花肉整成嘅肉質滑溜，亦夠入味，外賣返嚟，個皮依然脆卜卜✨片皮鴨～第一次喺燒味檔見到片皮鴨，配料有京蔥同埋青瓜，醬汁比較希身但係都夠味。質素唔可以同北京菜嘅相比，始終係港式風味，塊皮就類似春卷皮咁，薄薄地，食落口感都幾得意，包埋一齊，味道都唔錯。✨燒鵝下庄～鍾意食下庄，因為有鵝髀位，今次都冇失望，皮脆香嫩，沾上酸梅醬食，酸酸甜甜，俾爸爸送啤酒一流👍