十三姨酸菜魚 (置富都會)

營業中

休息中

因為要去紅館睇演唱會，所以一早去咗位於紅磡都會置富商場，好多餐廳門外都已經排長龍，呢間亦都唔例外，但係人流算好快，雖然有幾十人喺門外排隊，但係都唔使15分鐘就已經可以入座。叫咗一個酸菜魚加水晶粉，同埋一碟麻辣豬耳，酸菜魚正常味道，唔會比其他更出名嘅酸菜魚店差，魚肉非常嫩滑，而且全部都冇骨，所以都幾出色，水晶粉亦都有咬口唔會煮得太過熟，最後想講嘅係麻辣豬耳，豬耳嘅麻辣醬做得好好，味道非常惹味，豬耳都非常爽口

突然好想食酸菜魚 睇左好多間土瓜灣紅磡附近有酸菜魚既餐廳 發現大部分都唔太抵食 於是聽男友話去左佢推介既呢間十三姨酸菜魚 雖然住土瓜灣要搭巴士黎 不過呢一餐令我哋覺得完全值回票價 CP值十分高 價錢絕對係近年食過最抵食 咁等我慢慢講下我哋叫左個二人餐食左啲咩啦～首先二人餐$238 可以揀A款1個, B款1個, C款2個 各人包1碗飯或轉薯粉 各人包1杯飲品可揀A款我哋揀左招牌酸菜魚 果然係招牌 酸度十足 辣度可以揀小辣/中辣 我哋揀小辣 食落岩岩好冇蓋過魚味 魚量亦比外面專食酸菜魚既魚多B款我哋揀左椒麻雞 呢個真係非常岩配飯 好惹味又有啲蔥油醬料醃係雞件上面 好入味雞肉都滑 建議配飯食 否則有啲咸C款我哋揀左雞絲涼皮 加泡椒雞腳 雞絲涼皮十分滑 麻香拌料配涼粉真係好夾 有種番左大陸食川菜既味道 味道正宗;泡椒雞腳 由於我哋食哂其他餸先食呢款雞腳 所以略嫌有啲唔夠辣同濃味 不過飲多幾啖茶清清味蕾再食就會食到淡淡既泡椒味總括黎講 非常好味十分抵食 平時一盤酸菜魚2人份都近$300 呢個套餐2人份包飯包薯粉包飲品 亦有另外3款小菜可選 而且質素亦好好 絕對唔係馬虎之作 員工亦好有禮貌介紹和人

🐟招牌十三姨酸菜魚配水晶粉 ($198/二人份）我地先飲一啖個湯，我地一齊忍唔住話係呢陣味啦❗️咁先係酸菜魚架嘛🤭湯底好香酸度岩岩好，小辣嘅辣度都好岩(10小辣👧🏻都食到)，啲魚好厚肉好滑🤩配菜有酸菜、芽菜、蒿筍、水晶粉，水晶粉好滑好煙韌，份量都好充足😋麻辣豬耳 ($48)呢個比起酸菜魚辣好多，比10小辣再辣啲，但幾香幾過癮🤭豬耳好爽脆，份量都唔少😋🥤冷泡玫瑰茉莉茶飲唔到玫瑰味🌹🥲佢只係一個無糖茉莉茶🥲但唔係難飲，都幾解辣😂總括黎講，價錢同味道都合理，睇演唱會之前不妨考慮下😋

之前住在红磡的时候，就一直来这里的置地广场吃饭，因为选择不多，所以我是这家十三姨酸菜鱼的常客！今天和东铁线的朋友见面，所以我直接就提议在我们的交界处吃饭～非常非常推荐大家点这个晚市二人套餐！我看到很多人都来这里买回家吃。价格真的特别划算。【2人套餐238】💰招牌酸菜鱼秘制鸡翅4只椒麻无骨鸡松花皮蛋（含2碗米饭）这个价格真的很划算有没有！除此之外，我们还多点了夫妻肺片和干锅花菜，味道都非常不错！现在还出了新品：冒菜！我们选了酸菜底，仿佛就不是冒菜那味儿了哈哈，宛如麻辣烫。如果是一个人来吃饭的话非常推荐选冒菜他也有个套餐。汤底¥28至少选五款配菜配菜均价。还送酸梅汤和白饭。

我光顧了本餐廳很多次，主要因為近。食物一班，尤其炸雞翼。菜式選擇不多，基本上是把工廠預先準備好的材料放在一起煮，飲品也是，檸檬茶甚至是罐裝。食物味道、口感有不少改善空間。午市價格可接受，但晚餐就貴得有點離譜，正常飯麵都要至少$8x。酸菜魚未吃過但應該可以。另外，餐具經常會隱約聞到有殘留洗潔精味，食物有時有騷味，但不算嚴重。以上僅為個人意見，僅供參考。

去紅館聽演唱會之前，諗住搵下附近有咩嘢食 。因為好少出紅磡食野 ，一出紅磡站見到對面商場好大塊牌列出有咩食肆，而咁啱老婆鍾意食酸菜魚，咁啱呢間十三姨酸菜魚又未試過！就行咗去睇下有冇位。去到見到成間舖冇乜人，掃完出行就直入，侍應即時同我哋講，今日有演唱會，所以用餐限時一個鐘！點知呢面落單唔夠一分鐘，兜酸菜魚已即時上檯(並無誇大)！！兜魚只係微溫，魚塊又散又冇乜味，部份粉皮仲黐埋一舊？？ 韌過橡膠... 碟口水雞雞件份量少過盒斬料飯？？唯獨兜口水雞醬料較為可取... 今次經驗真係令人難忘！真係多謝晒... 今生中過一次伏，來世都唔想再試！ 結果兩公婆去左麥當勞補餐......

「垃圾服務」晚上一行7人去食。去到門口，接待師奶掛住睇手機，企足30秒都吾知道，講左幾次7位唔該，佢先有反應，然後問，食D咩。入座後，全個餐廳沒侍應，舉手幾分鐘沒人理，後來找唯一的員工-接待師奶，結果佢話，我咩都吾知道，你等服務員啦，原來全部人係曬廚房，做咩吾知道，只係等叫也食，足足5分鐘有多。食也期間，叫唯一見到的服務員，幫手影張合照，結果她答：「你地見吾到我做緊也咩，吾得閒哦」跟住吾理你。第一次食到一肚火🔥。「難食之選」叫左1個4人餐，1個2人餐。餐內包的酸梅湯，係酸的，變味的，另外檸檬茶，就係燒味外賣先有，大陸康師傅的紙包裝飲品。食也方面，口水雞係冰凍的；皮蛋一夾就散，而且完全沒味道；雞絲粉皮，你食得到我倒貼錢都得。至於主角，酸菜魚，過火，而且好腥。整體，吾會有下次！

最近好鍾意去十三姨酸菜魚食飯，自從我知道佢個人套餐咁抵食之後，基本上每個禮拜都會去一次！呢度咁多嘢食先至$228紅磡分店位於喺紅磡地鐵站隔離，晚上六點左右，可能未到收工時間，客人不太多 就係鍾意佢坐得舒服，價錢又經濟 其實一人套餐都好抵食，平時如果我一個人就會叫呢個餐，$88一個細份嘅酸菜魚飯加一碗白飯加飲品 掃碼下單，食物即叫即整 套餐供送珍珠米飯及酸梅湯，如果轉飲豆漿就加三蚊，至於茉莉茶就加六蚊 心情好，所以啤啤佢！散點$25一支 套餐小食點了口水雞 口水雞味道頗為強烈！上面有啲花生，很香口，下面放咗啲青瓜，青瓜索盡口水雞的汁醬，很惹味蒜蓉拍青瓜，沒有什麼特別，不過食咁多濃味的東西，食點青瓜有助消化 十三姨秘製雞翼， 其實就係炸雞翼加上秘製香辣粉！雞翼炸得金黃,頗為大隻！炸得外脆內嫩，喜歡食辣嘅朋友可以點佢嘅秘製辣粉，味道不單止辣仲帶點麻痺孜然味，好正 酸菜魚~超大份量！所以個套餐真係非常之抵食！ 一口或魚一啖酸菜~除左爆多魚之外

聽演唱會之前，到附近食飯，之前朋友已經介紹十三姨的酸菜魚不錯，原來這裡都有分店。7点鐘左右，店舖外已經非常多人排隊入座。 招牌十三姨酸菜魚，可以選擇辣度，用的是鱸魚，魚肉質非常嫩滑，本身的酸菜湯底味道適中，沒有搶走魚的鮮味，再配有大豆芽菜，萵筍，酸菜及水晶粉，雖然是2人份量，但非常充足，好味，價錢也很合理。 手撕雞涼粉，特製的醬汁，味道香，不算辣，亦不太咸，混入雞絲及涼粉後，味道剛剛好，做頭盤也非常合適。 熗炒花菜，花菜本身很新鮮，很有益，用四川的炒法，加入少許的辣椒乾及調味，已經很好味了，而且非常有鍋氣。

叫咗個二人套餐（有送兩碗飯嗌咗酸辣魚、回鍋肉、雞翼、蒜拍青瓜首先嗌得酸辣魚做店名，咁一定係招牌啦，但Ching好唔掂喎，唔夠酸唔夠辣，連我食開小辣都會辣到係咁流鼻水嘅人都覺得唔辣。個人認為酸辣魚個「酸」係賣點嚟，食落先開胃，可惜唔酸唔辣，狂加咗4包辣油都仍然冇味。魚方面都比較多，可能唔酸唔辣導致魚肉唔入味。酸菜方面，真係敗筆，懷疑店鋪買咗啲唔好嘅酸菜所以先令到酸菜食落去冇味…又或者係煮得太耐淋哂，冇咩咬感，咬落去好淋。我哋又額外加午餐肉，反而午餐肉加$20（唔太記得準確價錢），竟然食到4、5塊厚身，呢個係唯一優點。其他配菜例如芽菜、粉條等冇咩特別。回鍋肉，一個字正，真心好食，但唔知係味冷氣太凍，嚟到唔夠幾分鐘就凍哂，幾好食，咬落去又唔會太柴啱啱好，有驚喜。雞翼，有4隻，但好奇怪送上嚟嘅時候得一隻雞翼上面佈滿辣椒粉。但其實雞翼都好好食，有少少生炸雞翼嘅感覺，肉都多唔會齋係得炸粉。蒜拍青瓜，好唔掂，唔夠蒜味，同想像嘅完全唔同，自己額外加辣油都冇味，唔開胃，得個脆字。嘢飲方面，我嗌咗杯酸梅湯（免費），飲落唔錯。影嘅相全部都係食到一半先記得影。一開始酸菜魚上到嚟好大份真心好開心，見到咁真材實料

十三姨酸菜魚 - 紅磡今次去到紅磡置富都會搵個餐廳食個午餐，於是簡左一間叫「十三姨酸菜魚」，雖然睇個名就個最出名既就係食酸菜魚，但見到menu有個叫「最辛組合麻辣米線」比佢吸引左，所以最後叫左個米線食。最辛組合麻辣米線(鴨血、芝士腸、牛丸、豬腩肉、豬大腸、鮮腐竹）$58辣度：小辣醒胃酸梅湯(午/晩市套餐免費加配）話說呢碗米線既餸都幾多幾足料，不過鴨血完全唔入味，我估應該係用清水白烚，所以呢點需要改善一下。至於，其他材料味道一般正正常常吧，但需要特別稱讚一下佢嘅豬大腸，非常香口，雖然不是炸的豬大腸，但味道很好。米線硬度偏淋不夠彈牙。至於，酸梅湯比較甜，酸梅的味道不是非常突出。不過夏天黎講酸酸地都醒胃醒神，如果有得加幾粒冰效果更爽。

今日放工搭幾個站屯馬線就來到紅磡置富都會食《十三姨酸菜魚》，東鐵線亦很方便。【晚市自選招牌二人套餐】1款A+1款B+2款CA)招牌十三姨酸菜魚~這個份量真係超級大，有好多件魚塊，魚塊肉質嫩滑，配菜當然有酸菜，其他包括：萵筍、水晶粉、芽菜等等，湯底酸酸辣辣非常惹味。B)夫妻肺片~牛柏葉薄片加入川式辣油，唔算好辣，越食越好味。C)雞絲涼粉~這個冷盤，目測感覺好辣，但其實只是微辣，怕辣嘅朋友都食到，涼粉好軟滑，雞絲加入大量辣椒香料；C)十三姨秘製雞翼(四件)~雞翼表面一層薄薄炸漿，即點即炸，非常香口。豆漿~唔會太甜，好飲。冷泡玫瑰茉莉茶~茉莉茶好清新，冰凍解渴，最啱食辣嘢飲。紅糖糍粑~甜品出場，解解辣氣，煙韌糯米條，熱辣辣新鮮炸起，沾上紅糖，唔會太甜，為今餐畫上完美的句號。值得一提，店員友善招待，耐心講解餐牌介紹美食。

放工喺紅磡站落車，唔想煮飯，就食埋飯先返屋企啦～平靚正選擇，可以去十三姨食酸菜魚😋之前同朋友食過幾次，Keep住水準唔錯～睇睇餐牌，佢哋有晚市自選套餐，二人套餐性價比非常高，非常豐富。如果一個人嘅話，另外仲有卜卜冒粉，就好似車仔麵咁，特別在可以揀水晶粉、擔擔面，下次試吓先🤤🤤二人套餐：招牌十三姨酸菜魚分量非常巨大！細食啲都食唔晒！個湯酸酸地，唔會太辣，好飲😋唔會太嗆原來冇講明要幾辣，店員就會自動幫你揀小辣魚片好滑，算幾大片，口感唔錯👍🏼但有少少比較幼嘅骨，所以都要小心食除咗酸菜，同埋魚片之外，佢哋嘅配料亦非常足料！有大大片嘅萵筍、大豆芽，同埋非常多水晶粉❤️❤️成件事感覺非常營養豐富！萵筍爽脆，大大片，夠晒滿足！水晶粉非常滑溜，qq口感，同啲湯一齊食，超滋味！雞絲涼粉涼粉肥嘟嘟，比較粗身，口感好得意，一咬即斷。涼粉本身冇乜味道，全靠醬汁同埋雞絲嘅味道，辣辣地，又有少少香醋味道，都幾開胃😎😎夫妻肺片非常欣賞夫妻肺片嘅辣汁！除咗辣之外，仲有麻香感覺！薄切牛肚牛肉好掛汁，同芫荽芹菜一齊食，又辣又清爽，好下飯👍🏼👍🏼👍🏼秘製雞翼二人套餐可以選擇嘅菜式好多，其中依款秘製雞翼係店員介紹嘅，又真係冇介紹

食酸菜魚我都幾推薦呢間👍🏻 扺食又好味，有個姐姐服務態度好好，好nice~ 座位都有幾多卡位，坐得舒服😌晚市自選套餐 $228 可揀四餸包兩白飯～超抵食👍🏻腩肉炒花菜腩肉油香花菜甜炒得惹味蒜茸拍青瓜青瓜清爽，蒜味十足😍秘制雞翼4隻雞翼香脆可口，外脆內軟，仲配有秘制辣粉，香辣又辛口招牌十三姨酸菜魚份量多到超碼三，四人先食得哂！魚肉超嫩滑，輕輕一夾就可以分開～ 湯底酸甜開胃，好味到可以飲哂～甜品仲有紅糖糍粑同埋涼粉

Love how the restaurant manager is very friendly here. While taste is not the best, it certainly matches the price range. I usually come here for their lunch sets or their afternoon tea sets. Their portions are always huge. Last time I ordered a beef curry with naan bread. The curry was very flavourful even though the naan bread was a bit tough. Regardless, it was tasty and it was served pipping hot.