十三姨 (通菜街)

營業中

休息中

黎左兩次，咁D嘢不失不過，就係正常嘢。冇話特別出色，但係都唔難食。所以今次都係同fd再黎多次，不過時間就遲左d，我哋都覺得唔好意思，但係好肚餓 應承左會快d落單，所以都知道儘量半個鐘就走。但係，我哋坐低都要等嘢食齊左先計時係唔係？🥲🥲如果坐低開始計半個鐘，咁不如唔好俾我哋入？ 我哋三個人，已經冇停，都係邊食邊講，但係d嘢有熱湯，都要攤凍少少係唔係？最後都冇食夠30分鐘就催埋單，OK我明白 你要埋數，但係你收完錢都係要俾我地食完先係唔係？本身女仔食得就慢d，3碗嘢都係有熱湯但係佢哋就係咁行過黎，要收嘢 同你講要快d食🙄️🙄️🙄️🙄️真係唔會再幫襯

成日經過都排曬隊，今晚可能因為早咗去，見唔洗排隊就衝咗入去試一試，不過都仲喺好多人，有少少迫～叫咗個鵝肝煎蛋飯，有3塊鵝肝，個飯加埋啲蛋汁撈埋一齊食真喺好好食！下次再見唔洗排隊都會再去食！

平日晚上約了家人順路找間餐廳， 在旺角通菜街決定光顧這間十三姨的餐廳，一開始要排隊，不久十五分鐘輪到我們入去，環境有點舊，對食物出品無影響。我們選擇:十三么🍜西多雞翼🍗花雕車喱蕃茄🍅這碗"十三么"鍋熱辣辣，手撕雞撕得不錯，半邊已煮成河溏心蛋。西多雞翼的份量是一開二，經過炸後用西多士醬煮成，味道有點太甜。花雕車喱蕃茄用花雕酒醃成，成堅固的車喱，發揮出花雕酒的香味，值得再光顧。👍🏻👍🏻味道:4環境:3服務:3衛生:3抵食:4用膳限制時間:無趕客程度:無趕客原因:無

聽聞這間食物吾錯，專程去試試，於是叫左个黯然雞义燒飯，雞肉我諗應該有D义燒味既烤雞肉，但完全既冇味，肉質又梅，加左少少沙律酱，只有隻半熟蛋正常，飯又凍，超難食，太失望

我個Foodie好朋友話帶我去食一間佢好鍾意嘅舖頭，話啲麵可以轉菜底，適合減肥嘅我。原來就係呢間十三姨，佢話每次佢都好多人排隊，今次都唔例外，我哋排咗好耐，終於有得入去，舖頭擺滿咗枱，啲位置好窄，坐得有小小逼夾枱上面放定咗一兜彩色蝦片俾我哋食住先，蝦片香脆，我哋一路食傾偈啲嘢食好快就到。我哋兩個都嗌咗十三么十三么 $74配料有手撕雞、雞叉燒、糖心蛋、粉絲拼米粉，手撕雞嘅份量偏小，雞湯清清地，飲完唔會覺得口渴，冇落到味精，適合鍾意健康同減肥嘅人士。📍十三姨旺角通菜街1M-1T號華發大廈地下C號舖

之前每次都係嚟食鵝肝煎蛋飯覺得都OK好味，今次就試下啲串燒啦，點知大失所望！…………………………………..啲串燒唔係燒嘅，係用油炸……..仲要炸到肉質乾晒！口感又油又柴！！！好難食🤯 冇心燒比人食，餐牌就唔好寫‘串燒’ ，建議改為‘炸串’。啲肉質真係好’鞋‘！！！好難食！性價比低，冇下次～………………………………………………………………………………..

旺角十三姨每次收工經過都要等位！今日去既時候仲係星期六！特登早D晚上6點就去排隊，都要等到6點半先入到去，再夜D真係有排等～鵝肝煎蛋飯 $138十三姨招牌菜之一！「鵝肝煎蛋飯」結合左鵝肝的奢華和煎蛋的經典，帶來一種令人難以抗拒的美味享受
鵝肝平均都有3-4塊，上菜已經非常香口！每一啖都散發著誘人的香氣～鵝肝的質地豐潤，口感滑嫩，並且帶有微妙的濃郁味道。經過炙燒後，鵝肝的外層呈現出金黃色的香脆，增添了口感的豐富度。配以煎蛋的部分，煎得剛剛好，外層酥脆，蛋黃流出的豐富奶香與鵝肝的風味完美融合飯粒蓬鬆細滑，吸收了鵝肝和蛋的美味，增添飽滿的口感每一口都能夠感受到飯與鵝肝、蛋的完美平衡，讓人愛不釋口～

本身聽人講間野好出名 於是去咗試 去到見到多人排隊 排咗20分鐘到 諗住叫啲招牌菜實冇死 就叫咗 十三飛 大三元 同西多雞翼 點知大三元嗰溏心蛋 原來係烚蛋完全冇味 直頭連少少咸味都冇 仲衰過屋企整 跟住啲雞絲 鞋過7-11啲雞胸 塊叉燒又係唔夠味跟住十三飛 嗰啲牛完全冇味 啲牛好似攞去煲完湯咁 然後嗰雞翼除咗炸得脆之外 冇亮點 可以唔使成成餐除咗蝦片同汽水其他根本大伏總括嚟講 咪lun去 食咗大概$250 呢個價位 係旺角大lun把選擇 完全唔明點解咁多人食

這家米粉店的品質並不特別，性價比也不高，而且還需要排隊。另外，我並不理解為什麼有那麼多人認為這家店好吃。我點了一碗安格司牛肉米粉，湯底並沒有什麼特別之處，牛肉也很普通，但價格卻高達80元。我不會再去這家店吃東西了。

呢間餐廳聽個名 唔睇menu都唔知佢食咩原來係食特色野係米粉但又唔係花膠米粉嗰d開業左1年幾捱過疫情都仲有唔少捧場客即係唔差!佢地3個招牌菜都好正唔食牛既可以食十三么😊食既就十三飛😂十三飛既牛肩胛 牛肋條撈埋米粉真係好配搭!個湯好濃味!十三么就係食雞，米粉朋友話呢個餐都唔錯第3個招牌菜係 鵝肝煎蛋撈飯但個人麻麻地佢啦見其他人食都唔錯但鍾意食湯米多啲

十三姨無論幾時都係要排隊🥹好彩當日小編只係排左半個鐘左右就入到了🥹呢個中上既價錢，一入坐仲要有茶同蝦片做小食，真心好唔錯😍🍲🍗 十三么 $74包括手撕雞、雞叉燒、糖心蛋、粉絲拼米粉☺️ 好豐富既配料～湯底比十三飛清😃如果想健康淡味啲既人士就好適合😚🍲🥩 十三飛 $80包括安格斯牛肩胛、牛肋條、粉絲拼米粉😙小編呢啲重口味人士當然係食呢碗啦🫣啲牛全部都好淋😋 成碗野份量超多，最後都真係食唔晒🤣🍢串燒每款串燒都燒得好好食，調味適中😍仲要買四送一🤣 即刻叫夠五串！🥒翠肉瓜 $14🧄雞髀菇 $14🐥雞軟骨 $14🐥雞腿肉 $14🐥雞腎 $10🍖 西多雞翼 $38超出名既小食～小編當然要試下☺️價錢唔貴，呢個份量絕對可以！應該係拎左啲糖漿做醬料，所以先叫西多雞翼☺️甜甜地，好脆，呢個真係好食😍

呢間同老公食過亦同朋友食過幾次過寫同老公食果次佢叫左大三元，幾豐富份量十足，溏心蛋都好靚，如果可以滷過更好，野飲叫左凍菊花蜜我叫左十三飛，好得意入面有腸粉米絲併米粉口感幾好400次岩鹽咖啡（熱）第一次飲，個人覺得比較苦，唔覺得有咩咁特別小食叫左鵝肝多士，外脆內軟唔腥，好正爆漿芝士煉奶炸年糕就無咩得別同朋友嚟果次就叫左老闆娘鵝肝煎蛋撈飯，試完鵝肝多士念念不忘，呢個飯真心唔錯，XO醬、煎蛋、鵝肝同其他配料撈埋嚟食，味道層次豐富，同埋無咁膩，大愛幾次嚟都係為左呢個飯

再次*:.｡..｡.:* 十三姨-旺角通菜街*:.｡. .｡.由於男朋友對十三姨鵝肝拌飯念念不忘嘅關係，我地再次黎到旺角光顧🤫🤫😅今次我地8:30先去排隊，人龍相對較少，不用10分鐘就有位👍🏻主食：✨老闆娘鵝肝煎蛋撈飯✨男朋友要求翻撻嘅鵝肝飯，一如既往咁好食👍🏻👍🏻✨炙燒手撕雞伴雞油飯✨（配秘製豉油）★手撕雞肉質好乾好硬⋯伴隨炙燒的燶味★雞油飯沒有雞油香味，感覺是普通白飯小食：✨吉列炸蠔✨★味道正常，粉漿唔會太厚✨西多雞翼✨★單骨雞翼炸到金黃色配上西多糖漿，食起來十分方便，甜甜地 好似食蜜糖雞翼✨爆漿芝士煉奶炸年糕✨★初時以為咬一口 芝士會從年糕內爆出來🫣原來只係將一小塊芝士放在年糕上，未能做到爆漿效果。但年糕煙煙韌韌加上煉奶，口感都不錯👍🏻串燒：（四串送一串）（雞軟骨、雞腎、雞髀菇、紫蘇葉腸、秋葵蝦滑）相對主食及小食，串燒做得不太出色雞軟骨、雞腎、秋葵蝦滑尚算正常但雞髀菇及紫蘇葉腸 ，好咸其實雞髀菇燒得不錯，好多汁 唔會燒到乾咗，但調味粉落得太重手😅😅😅🫠✨ 400次岩鹽咖啡（凍）✨★加埋粉紅色岩鹽係咖啡面上，完全係一杯打卡飲品🫣★咖啡經過400次攪拌變得非常黏稠，需要一段時間才可與

呢間舖成日都好多人排隊，我去嗰日都唔例外，好彩有個100分嘅女朋友一早就攞定飛，我一去到就有得入去食。舖頭啲位置好窄，坐得有小小逼夾入到去一坐低就馬上放下一小兜蝦片，七彩蝦片很香脆，比我哋食住傾計。十三飛 $85安格斯牛肩胛、牛肋條、溏心蛋、粉絲併米粉，湯底濃郁好有牛味，但唔會好油膩，推介，牛肩胛夠牛味有嚼頭、牛肋條軟嫩入味，但份量唔多，每樣只有兩小塊，十三飛好啱中意食牛既朋友，因為連個湯都係牛肉湯，食完仲唔會口渴400次岩鹽咖啡$22厚厚的焦糖咖啡醬，下面係鮮奶，粉紅岩鹽要自己落，咖啡味非常濃郁椒鹽魷魚鬚$36香口，唔會好油，份量適中，魷魚好彈牙，粉漿都唔會太厚📍十三姨旺角通菜街1M-1T號華發大廈地下C號舖❤️價錢：8/10❤️味道：8/10❤️服務：7/10

真係估你唔到😂十三姨原來係主打soto ayam印尼湯麵，再加中、日配料。經過見到成日都有人排隊，所以今次試吓到底係咩味！*十三么 $72雞湯用鮮雞熬制，再加入其他食材，味道以雞湯嚟講比較清淡。原本default係米粉拼粉絲，我揀咗全粉絲，份量十足但唔夠索湯。雞叉燒用雞髀肉卷成叉燒，慢煮很再炙燒，肉質嫩滑，手撕雞相對嘆，味道偏淡。半隻溏心蛋少失望，蛋味偏淡而且蛋黃熟咗啲。配料仲有陳村粉、椰菜絲，仲可以加醬油、唧檸檬，不過個人覺得怪怪的。