十二味不只是烤魚 (已結業)

呢間係聽我為食朋友推介嘅，話又平又好食，咪揸車去食試下。地方都吾算難搵，泊出面路邊就得好方便。入到去，已經成間店都好香麻辣香，引到口水都流，兩人嗌左兩送，兩飯，兩野飲，都，飽到死，食吾晒，最後二百都吾洗，平丫！雖然價錢平，但食物質素都好高嫁，我嗌左麻婆豆腐同左宗唐雞。吾洗好耐就上麻婆豆腐，正到暈，見到外表已好吸引，仲要好大碟，食落好香好麻但吾算好辣，岩晒我，豆腐好滑，加上少少葱花，一食食到辣油豆腐同葱花超級惹味，我同朋友都話呢碟一碟食到一大碗飯，送飯一流。再嚟嘅雞，其實落單前吾知咩叫左宗唐雞，只係嗌左豆腐想嗌返份肉咪食下雞，原來甜甜地辣辣地，好開胃，雞炸過再加上醬，炒埋辣椒，熱辣辣，又係勁大份，好好食，但最後都係食吾晒，大食嘅我地都要認輸了。呢間真冇介紹錯，平靚正，喜歡麻辣朋友可以去食下。

星期6放飯，去左家姐附近搵佢lunch。佢話係佢公司附近有間食辣野既，點都要帶我去試，咁就唯有陪下佢喇。Lunch Menu都有唔少既選擇。每次同朋友去食呢類型川菜既野，口水雞一定係我必點之一。所以今次點左2個午餐加一個口水雞。川式口水雞   $68 首先黎到既係口水雞，口水雞上面充滿大量既辣醬，食完第一啖已經feel到佢既麻辣味，辣得黎好惹味，加上雞肉夠哂嫩滑，麻辣味亦唔會蓋過雞本身既鮮味，雞肉配埋呢化個醬汁果然係正！魚香茄子飯   $48呢個茄子應該係先有用油去爆左一陣先，因為如果就咁兜埋一碟係做唔到D茄子有咬口既感覺，同埋好香，佢仲加左D醋，令個魚香茄子既味道更加出。咕嚕魚塊飯   $48咕嚕魚塊其實真係一個好大眾既菜，但係真係唔係間間都整得好味。呢到既魚塊唔厚粉，啖啖肉，而且成碟都係魚塊，加埋D切粒菠蘿，酸酸甜甜好好味

行過紅磡舊hall附近，食厭咗附近既舖頭，就諗住試試新玩意。咁啱望呢間叫「十二宮-不只是烤魚」既舖頭，「烤魚」似乎我又真係未食過，於是入去八卦下～入到去，環境都幾寬敞，幾舒服。至於點菜呢，今次因為女友人病病地既關係，但佢又想食酸菜魚，於是就住點～第一樣就點左佢既最鍾意食既「酸菜魚」⋯第二樣我就選左最大眾化既「咕嚕魚塊」，但味道又幾出乎意料地好，啲魚塊又唔厚粉，唔會一啖咬落去無乜肉食咁，反而呢啲魚塊啖啖肉，仲要成碟都係魚塊居多，啱哂我呢啲食肉獸！仲有啲菠蘿切到細細粒，甜甜地又幾入味，正！仲有，由於女友人病左既關係，於是點左個清炒時蔬，即係「蒜炒小棠菜」。炒到幾清脆，同埋蒜味濃郁，平凡得黎但又幾好食，但係有d咸。另外呢，每個餐都有個小菜，係辣黑木耳加椰菜花，味道就偏辣，啱哂啲好鍾意食既女友人，但係呢，佢未好返哂既關係，我決定淨係比佢食一啖，就好似酸菜魚一樣，要唔辣既。至於野飲方面，我就飲左桂花冰釀，有酒香但酒味唔算濃郁，但有桂花既清新得黎又甜甜地，可以解膩。整體黎講，呢間餐廳值得一試！

星期日中午来的点了烤鱼，下单了一个小时还没有上菜，跟服务员沟通多次未果，期间有某几位服务员态度非常差！平时基本上不写评价的，这一次实在是太生气了，希望店家好好反思一下！差评！

我想講！呢到真係好有四川風味！入到去附近幾枱都係講普通話既！真心覺得自己無去錯！因為費時諗食咩，聽左店員推介揀左麻辣香鍋！有4種菜同5種肉。肉有蝦，魷魚，牛餐肉，田雞，雞腎。菜有薯仔，筍，茹同唔知咩其實我同男朋友因爲都好喜歡辣，所以都好喜歡呢個菜！特別係個蝦，好大隻又好入味。魷魚同雞腎都係行彈牙路線！午餐肉真心同個菜好夾！有d辣之後更好吃了！田雞炒得好香好有鑊氣！個筍都好滑好正！係未食過既口感！薯仔勁吸味！佢無俾我地揀辣度，但個辣度對我地黎講都係岩岩好既。不過唔食得辣既朋友就真心唔好叫。因為真係好麻同好辣！$238一個菜可能好似好貴，但其實4個人食都夠！個份量好多！配飯一流！所以我地都叫左個靚仔！唔食得辣既朋友可以叫呢個雞絲鵝腸，真係勁好食！所有野份量都好岩，味道又好夾！個雞好有質感！鵝腸又滑又爽！青瓜超fresh! 加埋芝麻同特配既汁！$66真心唔貴，食完仲想叫多碟！大力推介呢個菜！！！！其實見到好多人食烤魚，但男朋友話唔係好想食魚所以無叫。不過佢d野整體都唔貴，正常小菜價囉。下次一定要再試下其他！

新店闊落乾淨，無一種川菜麻辣店油淋淋極濃味既感覺。我估近PolyU既原因，店內有唔少內地食客，回味下家鄉菜呱。我同女朋友都食得辣，鍾意搵d正宗麻辣野食，呢度岩哂要求！悶燉兒麻辣香鍋 $238 (飯係另加既,$10)非常之大盆！材料亦好豐富，肉類有蝦，田雞，魷魚，雞腎同午餐肉。菜就有薯仔同萵荀(綠色腍身)。味道洽到好處，夠辣夠麻，但唔會過火。食到過癮之餘唔辛苦！雖然食材唔係特别，不過各有爽脆腍滑，配合得好女，撈埋之後都食得出各材料本身既味道，亦唔會油淋淋。加埋碗飯，真係食唔停口！麻辣肚絲 $48雖然前後兩味餸都係麻辣，不過味道唔同，前者味道黎自切段辣椒同花椒，麻辣味刺激直接。呢個係麻辣醬汁，豐富香口。豬肚好味得黎又大碟！正！

平時都會有食竦習慣，因為食辣可以愈食愈多、愈食愈上隠，而今晚就去左十二味不只是烤魚，睇下不只是烤魚仲會有咩辣野食？川式口水雞 $68口水雞是一種四川冷盤菜式，雞肉嫩滑，而面頭嘅辣醬就係成個口水雞精髓，辣得嚟非常惹味。川香回鍋肉 $68一個好岩送飯嘅菜式，回鍋肉非常香口，而我覺得佢嘅京蔥又係另一吸引地方，因為可以將所有辣汁吸哂。無敵好吃辣子田雞 $158田雞 其實我真係好小食，而呢個辣子田雞亦相當唔錯，田雞 外香內滑，麻香吸引，鍾意食辣嘅朋友一定會試。

今晚收工與媽媽來到屋企附近找間餐廳吃個飯，見到十二味門口人客非常多，就去試試吃個辣宴。招牌香辣鍋-小辣。小辣？辣椒份量非常多，我都嚇呆了。我選了鯰魚，魚肉嫩滑，魚骨不算太多，混上湯底味道非常濃郁，入口帶點香辣，辣度比我想像中低。鯰魚非常大，整整一大條，魚肉夾得結實，入口非常滑溜，令我驚喜。加配肥牛。加拿大肥牛肉味尚算突出，輕輕一滾入口非常嫩滑不嚡口，油脂不高入口不會太膩。川味口水雞。醬汁非常濃郁，麻香味重辣度也頗高，入口麻辣味道突出，麻中帶香，雞肉爽嫩甜美，雞肉沾上辣醬，多一份香濃滋味。

近來香港開多了川菜餐廳，都以辣鍋為主題，以正宗四川菜為名，不過辣度為香港人不食辣的情況而有所調整。十二味不只是烤魚的辣度也十足，除了以烤魚為名，還有其他川式小菜提供，感覺身在香港也能吃出四川菜的味道。***************************十二味不只是烤魚位於紅磡灣中心，位置有點偏，不過從紅磡火車站前來，10分鐘也能到達。餐廳都幾大地方，座位都幾多。十二味其實還有幾間不同食材為主題的餐廳，今晚來了不只是烤魚。餐牌都很簡單，以烤魚為主，再選不同味道的魚鍋，加點配菜。此外，還有些川式涼菜小吃、小菜和鐵板燒。食辣最好當然要飲啤酒，哈爾濱啤酒 HKD26/枝，麥花味道很清淡的啤酒，較易入口，感覺也不錯。青椒皮蛋 HKD38，皮蛋份量都幾多，青椒都切的細細件。雖然皮蛋不是糖心的，但辣味都十足。我們選了江團魚鍋 HKD318，再加了些配菜，木耳HKD14，寬粉HKD18，黃金組合HKD48，包括金針菇、黃豆芽、鮮豆皮和嫩豆腐，所有配料都會放在鍋內一拼送上來。江團魚，魚鍋的魚都有煎香過，魚肉都幾滑，骨也不算多，都幾好食。魚鍋我們選了小辣，所以不算很辣，反而帶點香。金菇菜，都幾爽口，浸在

之前同媽咪黎食過小菜覺得唔錯，今次再約左朋友黎依度食，因為我朋友幾鍾意食四川菜，餐廳幸好今日唔係好多人，傾計都舒服D我地叫左一條酸菜魚同三個配菜(木耳、鮮腐竹、寬粉)酸菜魚我地揀左唔辣，因為我朋友病左，食唔到辣，所以叫左唔辣同埋我地都好鍾意飲酸菜湯，諗住食魚之餘都可以飲下湯嘛，真係超多酸菜，離遠都聞到好濃既酸菜味。我地揀左鯰魚，因為少骨D，魚肉質幾滑， 真係無細骨，唔怕食個時吐骨。個酸菜就咁食已經好好味，夠哂酸同濃味雖然叫左唔辣，可能入面有薑，所以食落都有少少辣味。成條魚連埋配菜索哂啲汁，好惹味，如果食唔到辣既人，叫依款魚就最好不過另外再叫左個炒青菜，用左濃湯煮，食落唔會太淡，味道剛剛好又唔會好寡，隔左重烤魚既濃味近期捉精靈熱潮，餐廳比客人可以+$15換購限量版精靈球，有得食又有得玩，滿足哂捉精靈既玩家

今日和朋友食烤魚, 分享如下:烤魚：選老少皆宜醬甜甜的麻醬味好吃，魚好足份量。川式口水雞：好吃的是入口不辣，但留在口中有少少麻痹的口感。寬粉：配合魚的湯吃好夾，不會辣及又能吃飽。黑毛朱：肉質好吃彈牙，肥瘦適中。牛柏葉：如能夠用黑色的會更好吃，如需用票白的會更有地道風味。總結：吃後不口乾，想吃呢類菜色可以一試無防，最後身上只有少少味，可以接受的。

之前吃過十二味，剛好今日經過附近，特意行過幾個街口嚟回味下呢度既川菜吧！餐牌設計很清晰，　新品同推介符號一目了然，還印有微信及入會方法。今次都係叫左清湯牛肉麵，牛肉很滑好爽口，d湯好清甜不油膩，d麵食落很彈牙。點了川式口水雞辣一辣先，雞肉食落依然夠嫩滑，味蕾充滿熱力，讓心中既煩囂，隨著一絲絲淚水釋放出去，簡直辣得過癮、舒暢。

認識我的人都知道，最不擅長吃的便是辣。當很多人說：「食辣對皮膚好，食辣會令人胃口大開。」順得人意的我，今晚又再次衝擊舌頭之味蕾。其實甚麼麻辣、川菜我都比較害怕，今晚又相約幾位朋友到訪「十二味不只是烤魚」 單看店名不只是烤魚，我也放心過來。甚麼水煮魚定必辣到飛起，我的胃也應該承受不了。週末的關係入內人頭湧湧，不知是否鄰近理工大學吸引一班交流生前來尋找家鄉的味道。 餐牌上的確不只是烤魚，還有開胃涼菜、經典小炒、美味小龍蝦等。竟然不只是烤魚，決定只點小菜類試試她的威力。 川式口水雞 $68 原碟口水雞顏色上已驚覺它的辣度，口水雞的肉質鮮嫩配上麻辣汁令人食指大動。 麻辣豬耳 $48 一直對麻辣不是太大喜好，太過刺激我的胃會承受不了。豬耳切至幼身並帶點爽口，麻辣的味道得宜；幸好我還接受到這個味道。 無敵好吃辣子田雞 $158 利用藤藍盛載辣子田雞，猶如小船一樣似的。説到無敵好吃，原因莫過於滿滿辣椒完全刺激味蕾。田雞炸至金黃酥脆，亦不會太乾。 川香回鍋肉 $68 回鍋肉真的極少接觸，椰菜、紅蘿白絲、香蔥等配料炒至香氣四溢大有鑊氣。薄切的回鍋肉半肥瘦的關係與川汁，分外惹味。 清炒木耳萵筍 $7

辣呢樣野自己都幾鐘意，但又唔敢成日食，怕刺激腸胃，又愛又恨。不過偶爾都會放縱一下，今日去左呢度辣番晚。呢度主打烤魚，但鋪名已經講明不只烤魚，所以聰明既我地當然唔揀烤魚。川式口水雞 $68大量辣油辣醬襯托住雞，又香又辣，食第一道菜已經可以開始叫野飲。麻辣豬耳 $48麻同埋辣並重，豬耳入晒麻辣既味道，加上芫茜同埋花生，味道同口感都好豐富。唯一美中不足係豬耳太薄身。無敵好吃辣子田雞 $158多數食開辣子雞既我，今次轉轉口味食下田雞。"辣子"既味道無需懷疑，刺激味蕾。田雞比平時食開既雞多骨，但多數一條起兩條止。向陽牛肉炒寬粉 $76牛肉炒寬粉味道有d似乾炒牛河，但寬粉同河粉口感截然不同。寬粉如其名，比河粉闊得多，而且口感煙韌，食落感覺煥然一新。今晚呢餐真係食得好辣，離開餐廳既時候個肚仲係熱辣辣。呢度既辣果然有番兩道。

很久沒有吃四川菜，因為我不能吃太辣的食物，今天跟愛辣的朋友來到這間店。 店內主要是吃烤魚的，但夏天天氣實在太熱，在吃烤魚的話怕大家受不了，所以大家改為點小菜吃。 這裏的小菜價錢不貴，款式亦很多，大部份都是辣的。 川式口水雞 $68 口水雞上佈滿了香料及辣醬，雞肉嫩滑，再沾上辣醬後很惹味，如果肉的份量再多一點就更好。 麻辣豬耳 $48 涼食的豬耳切得很薄而且幼身，咬入口亦爽口，混上大量麻辣醬，吃下很刺激，也不至於過辣，吃後令人感覺很開胃。 無敵好吃辣子田雞 $158 田雞被炸得很脆口，肉的部份不算很多，口感有點像在吃炸魚，混有大量辣椒及香料，入口帶有麻辣味，吃得很刺激。 向陽牛肉炒寬粉 $76 煙煙韌韌的寬粉，入口很滑頗有彈性，原本是透明的，因為吸收了牛肉汁而變成啡色，還附有牛肉味，而向陽牛肉腍身，感覺有點像在吃乾炒牛河。 吃得很刺激，是小吃辣的人也能吃得到的辣。