十二味不只是烤魚 (已結業)

今日係朋友生日我地就係諗住同佢去食下野吹下水所以我地去左紅磡接佢，跟住就係附近搵野食咁，之後就行下行下跟住就見到餐廳緊朋友見到都覺得非常之咁有興趣所以就決定食呢間野，一入到去職員就好熱情咁招呼我們，仲交送上餐牌酸菜烤鯰魚呢個一上枱大家都不禁嘩左一聲，因為實在係正喇，成條鯰魚係度架，絕對夠份量，而且餐廳又夠晒貼心可以揀辣同唔辣，所以即使我地唔食得辣嘅人都可以食極都唔停。麻辣肚絲呢個餐廳係自家製嘅的，入口唔會太油膩，而且好香口，而且夠哂凍，作為前菜真係幾刺激食慾黃金炒飯另外呢個炒飯都整好惹味，加入左粟米粒嘅炒飯有小小甜味，但係都幾乾身，量又唔算小，真係好驚喜架。一路傾偈，一路食左咁多野，真係超級滿足架，希望以後再帶朋友黎食

上次朋友帶左我食呢間餐廳,佢做到啲魚又滑又夠麻最近又想再食一次,又拉埋啲朋友去!先黎叫個涼拌三絲入面有豆腐,海帶同蘿蔔,份量頗多海帶好爽口,豆腐係乾身,所以都係爽口既加埋佢啲辣汁,真係辣得好過癮!主角就係鯰魚,今次都係叫番麻辣因為佢真係做到麻而不辣既效果!魚好大條,而且好少骨,可以啖啖肉大啖食魚肉好滑,肉又夠多,加埋麻辣味,好惹味配菜就加左木耳同黃金組合,入面有金菇,豆腐,豆芽,鮮豆皮全部都係啲吸味野,吸收哂啲麻辣汁,食到個咀好麻,正呀!!

我家長女 , 極力推介這家餐廳給我們兩老 , 說特別適合在秋天到來用膳暖身 , 吃過是果然不錯 ~Menu ~桂花冰釀 $ 26味道酸甜 , 入口順喉 , 果然是解辣必備 ~麻辣牛𦟌 $ 48牛肉切得薄薄但有很多片 , 肉質不嚡口亦頗軟腍 , 集合了麻、辣、香 於一身 , 精彩 ~極品麻婆豆腐 $ 58集麻與辣於豆腐上 , 吃出來是麻而微辣 , 油份頗重 , 醬汁鮮香美味 , 懶得去理是否正宗 , 好吃才是王道 ~向陽牛肉炒寬粉 $ 76寬粉煙韌彈牙 , 炒得均勻 , 略帶醬油的味道 , 別小看是細細的一碟 , 吃幾條寬粉就夠飽肚了 ~ 本篇完 ~

辣，是我的COMFORT FOOD。久不久就會辣癮發作，要食辣去平衡一下身心。這天寶寶帶我來到紅磡的十二味不只是烤魚。因為食過同一集團的其他餐廳，覺得水平蠻好。既然主打是魚，總要試一下。本來想選擇鯰魚，但店員說是魚鯰魚賣完，時間才不過晚上8點左右。不過環顧四圍，餐廳內都坐滿客人，也不難明白為什麼會這麼早就售罄。店員介紹之下，選擇了從未聽說過的江圖魚($318)(醬香味)。不消10分鐘，店員便送上鮳魚。魚好大條，廚師已經將魚切成2邊放上爐。湯底豉油醬汁味，加上青瓜﹑京蔥﹑芫茜等香料。魚肉好滑，而且好新鮮，挾起也不會散開。最重要是沒有麻煩的幼骨，只係魚鰭附部份有幾條粗身骨，所以十分容易挾起魚肉。魚皮較厚身，香魚味。魚肚位置的魚皮比較厚，但完全唔會有腥味，口感彈牙，像咬著啖啖骨膠原感覺。醬油味有輕微的孜然香味，煮著煮著，魚肉都吸引弓湯底的香味。不過煮得太耐，會愈變濃味，直到後來有點太咸，一定要叫店員加湯。配料選擇都很多，我們選了萵筍和寬粉。放在湯底內煮久了，萵筍煮到清甜。而寬粉吸收了醬油湯底的味道，煙韌好味。2個人一條魚，份量剛好，食到一點魚肉也不剩。另外還點了青椒皮蛋($32)。沒有流心的

還有是更多好味又好吃的食物，以下都是我點的其中一些...左宗棠雞據聞是創作於上世紀70年代的台灣，然而那是時任行政院院長 蔣經國 的最愛美食，後來因為創作的廚師前往美國發展， 所以變成為美國人認知中最著名的中國菜之一。雞脾起肉切條再逐一炸脆， 然後以辣椒丶醬油、糖醋等等甜醬料與脆雞肉再翻炒，此餐廳的特色是加入麻籽。味道主要是帶甜及少許酸味，加入麻籽卻多一重獨特，輕輕的麻配着包了醬汁又略脆的雞肉，總叫人吃不停。 桂花冰釀解辣強勁卻又好好喝，幾甜又濃郁的酒釀是我的喜愛！ 金玉蛋黃炒飯清爽的雞蛋炒飯，依據餐牌所述炒飯是有包含蝦仁、粟米及菇菌，不過實物送來是不見菇粒/碎的，蝦仁亦切細粒至粟米的大小模樣，說實在頭炒飯都是用來送那些惹味的主菜的。個人覺得食味與價錢就是正比也!味道 4環境 3服務 3衛生 3.5 抵食 4

早排同啲師妹食飯，佢地話poly宿舍附近近紅磡中心度開左間烤魚妹妹食咁話，聽埋個名，我以為係謝霆鋒開今日特登帶埋太太一齊試下。店內既小職員大部份都講普通話，我覺得係交換生做part time呢！望下餐牌，好想食烤魚，雖則見到人地食麵都好香好正，唔理，叫魚！我叫左少骨既鯰魚，要$268，起初都幾肉痛，食落先知無後悔，汁我揀左醬香味，因為其餘都辣，太太好驚辣，一陣成個食唔到就慘了...醬香味有隻手指仔，應該都穩陣！我仲揀左兩款伴菜，鮮腐竹同鮮豆皮，每樣都係$18，量都唔少，先講個汁，醬香味好入味，好夠味，感覺好似好濃好濃的麵豉湯，無乜魚油，又唔太咸！鮮豆皮好有趣，好爽口，粗身，腐竹好吸味，將所有湯的精華帶到腐竹上，正！鯰魚好滑也沒有魚腥味，真係少骨，最好係個爐keep住有火，就算吹水耐左都唔怕！太太明明唔食得辣，都唔明點解佢會叫碟麻辣牛𦟌！最後我食左大半碟，我好欣賞啲花生，淋得黎好脆，我一食就停唔到口牛𦟌薄薄的一片，充滿麻辣味！可惜油份多左啲。食飽之後同太太坐多陣傾下台中之旅，店員見我地食完，貼心地幫我整熄個爐火，心之細，要讚！

曄，食到成個咀唇都麻唒嘅麻辣魚唔食唔知，原來十二味有好多唔同系列嘅餐館，有食貴陽粉，有食川菜，仲有呢間食烤魚的。我之前就食過拒間貴陽粉，味道都好好食，好有自家的風味。十二味魚的製修簡單，牆身仲有同拒個名一樣嘅12條魚裝飾，又得意又有代表性，大家不妨留意一下。先來一個涼拌三絲，三絲有海帶絲，紅蘿蔔絲，豆腐皮絲。呢個三絲嘅組合唔錯，有海帶嘅爽，豆腐皮的香，蘿蔔的脆。味道嚟講好麻，辣度對我嚟講係中級的程度，但係就愈食愈辣，一路食一路流鼻水，哈哈。主角就係麻辣味嘅鯰魚喇，一出嚟嗰股氣勢呢，簡直係有如明星出場，鮮紅的顏色，睇見都覺得辣丫！食落唔知點呢。撥開d辣椒，魚已開邊為一半，有經預先烹調過，所以一上鍋就已經可以食，不過味道呢應該就係愈煮先會愈入味，所以建議慢慢食，唔好甘急。味道呢，勁具四川的麻辣香味，濃濃嘅麻辣湯味道，質感仲有小小傑身，又麻又香又辣，正丫！！食到成個咀唇麻痺哂，仲震震下，好過癮丫，哈哈。介紹多小小，就係相中的綠色花椒同紅色花椒，唔講唔知，煮麻辣菜的秘訣係兩隻花椒都要用，綠色夠香，紅色夠麻，一齊用先至可以做出又香又麻的菜式。除左食烤魚之外仲可以好似火鍋甘加下配菜，好似我呢d牛魔

上星期阿女話去紅磡行下街，反正有西铁十分方便呀，我和阿女行完之後就在紅磡吃飯，途徑見到十二味不只是烤魚，就行入去這間吃飯，2個人不能吃太多，只叫了炒飯同炒白菜，炒飯炒得幾好食，飯又不是好乾，味道又不是太咸，白菜煮得好淋，味道幾好吃，價格又不貴，平均90元十分抵食，服務又OK,環境亦都OK

其實之前同食過十二味尖沙咀個邊度！覺得食過返尋味！所以當我知道紅磡都有同公司分店又有新菜色推出所忍唔住又去品嚐下腸下質素如何！新推出嘅烤魚當日QT黃埔睇完戲成10點覺去到烤魚冇晒😭 只好點另一款新出菜小龍蝦。香辣小龍蝦（小） $168 原來都唔少～ 一大碗大約有20-22隻～ 味道上夠香夠蒜味～ 辣道方便唔會太crazy 可接受嘅程味～ 小龍蝦走油走得岩岩好好香脆 ～ 其實肉唔多但好入味！基本上得同男朋友係成隻放入口咬碎吸d汁同肉食！蝦殼脆脆香口！ 口水雞依舊出色 雞不過肥又滑口入味! 當中有個菜式叫冷淡杯～ 完來係鹵味甘解～ 入味係夠入味 但口感比較干身～ 希望QT下次有機會品嚐到個烤魚啦！

我諗而家有好多人都幾鍾意食烤魚呢樣嘢，諗翻起我第一次接觸烤魚嘅時候係喺大陸嗰陣時，諗返起原來已經係講緊三四年前。係呢三四年嘅期間，烤魚慢慢咁樣喺香港嗰度做起咗，由一啲茶餐廳發展到而家嘅專門店認真唔容易。通常返大陸食烤魚嘅時候，最常見到嘅味道會係酸菜味，麻辣味，香辣味，早知全部都係辣！辣！辣！唔辣唔開心甘。咁講真食麻辣或者香辣食到個人㷫烚烚咁樣又真係幾過癮嘅，咁但係成日食辣又未必係一樣好事，好似我今日忽然間就想試吓啲清清地嘅味道，就揀咗個唔辣嘅烤魚，估唔到個感覺又幾好喎。我揀咗呢一個就係雜菌味嘅烤魚，今次呢個烤魚就係用咗鯰魚，據稱呢種魚就係比較多肉小骨，所以會比較容易食。烤魚攞出嚟嘅時候雜菌已經放咗喺烤魚嘅上面，條魚都已經一早經過處理，應該就係已經煎香左，所以條魚一上枱其實已經可以食得，但係如果想更加入味呢，就要等一陣，要煮下先。雜菌有好多款，有雞髀菇，秀珍菇，冬菇亦都由金菇，至於個湯嘅味道呢就有菌嘅鮮味，又唔會太油膩。再加埋條魚一路煲出嚟嘅湯，越煮越鮮甜。配菜我就揀咗個時蔬同埋個豆皮，個豆皮食落去嗰種感覺有少少似涼皮嘅感覺，我就建議大家將個豆皮煮耐小小，等佢吸收左個湯嘅精華再食都未遲！

跟哥哥去左理工大學參觀校園後，就去到佢以前宿舍生活既園外飯堂！佢知道我非常喜歡吃辣，就介紹我去呢間十二味！可惜，我哥帶我去舊址，搵極都搵唔到！上網一睇，先知十二味搬左啦！仲要，離地鐵站近左！成條街都係食市！由於鯇魚太受歡迎，已經買曬啦！咁我地就轉左有手指弓的那個江團魚！雖然318一條，但條魚都成3磅重架！而且，仲有2款伴魚小菜揀！201-215都係可以免費加，而其餘就要錢！知道條魚都要煮一陣，所以我地仲叫多個小菜打發下時間先！呢個餐牌既野都好想食，可惜怕吃完吃不曬條魚！十二味真係好岩一大班人食，個個叫一樣，就樣樣都試到環境幾舒服！麻辣豬耳真係超好食，好爽口！另，佢個辣味真係好優秀！好多時廚師都會就著就著唔會放咁辣，呢個辣到我爽飲水停下！等左陣個主菜黎啦！江團魚既骨真的很少，廚師將魚一開二，等魚肉直接吸收個辣！我地叫左小辣，送飯就岩岩好！紅噹噹的辣椒，睇住個火不停煲開個水，個辣香味都傳左出黎啦！條魚係烤魚，所以個魚皮吸左個辣味，卻仍然脆口！好似食緊淋左既魚烤魚皮！我地叫左金針菇同豆腐！金針菇，完全吸收辣椒味，好爽！如果唔係送飯，若加薯粉落去煮，一定仲正！佢地既辣真係唔屬於香港既普通辣，更

一向都知道那紅磡附近很多美食,當日就嘗試十二味烤魚,因為香味非常吸引,未行入去,已經聞到陣陣烤魚香料味。餐牌款式很多,當然有烤魚雞煲等等,很多川味小菜,連香港比較少見的小龍蝦都有不過今次跟朋友兩個人只是叫了 香辣招牌味鯰魚,加幾款配料和一個小菜酸辣土豆絲。 烤魚很大條,聞到很香和很多辣椒淋係魚上,色香味俱全,加上他們將魚由頭到尾斬開一半,方便客人食用和賣相很更佳。而配料方面我們叫了 寬粉、蓮藕、豆腐等等,寬粉加上湯汁係非常完美,。 而且餐廳照顧一家大小各不同的口味, 有辣和不辣的湯底,唔食辣的朋友都適合而我地只是叫了小辣，但是最後發覺會愈食愈辣的。 最後還有酸辣土豆絲,酸多過辣 但以往係香港食過的炒土豆絲多數比較濕,這炒得非常乾身爽脆,口感很好。

尼到紅磡不外乎食漢堡包呀、熱狗等等既小食 今次系呢到食晚餐都一時間諗唔到食咩火車站順住天橋行到尼紅磡灣中心個邊，望到呢間好陌生既餐廳 但見入面坐爆哂人 於是決定同朋友仔試下佢 第一次系紅磡食四川野 岩岩好去到即刻有位 入到去個環境都幾舒服 待應都好快手過尼服務我地個餐牌整得好有心思，仲有超多配料簡 同埋有一D推介選擇，唔知食乜好又有選擇困難既朋友仔岩哂啦呢到既待應都系有問必答 朋友有D配料唔識佢地都好有耐心咁解釋我就最怕食魚有好多骨，佢地好在大部份都系D少骨既魚，最尾我地簡左條鯰魚，至於配菜就簡左推介既鮮腐竹、鮮豆皮同埋嫩豆腐，見隔離枱兜魚都好有份量，所以無再嗌其他野就咁加左碗飯果然兜魚真系好大兜好足料，望到都流哂口水，入面既配料真系食極都有，豆皮第一次食，索哂烤魚既汁勁好食，無介紹錯至於條魚真系好大條，兩個人都夠食，魚肉又肥又嫩，層皮焦焦地 好好食野飲既價錢都接受到，除左普通汽水果汁佢地仲有二鍋頭等等，下次可能試下佢地好多人叫既桂花冰釀晚餐加上烤魚份量足同特別風味，都值得一試

之前黎過食晚餐，未到七點就坐無虛席，今日路過既時候見到原來午餐咁抵食，大部分套餐都係四五十蚊，所以諗都無諗就入左去。酸菜魚 $58唔好以為午餐咁平會將貨就價，碗酸菜魚入面有最少10塊魚，而且魚肉嫩滑無咩骨。酸菜湯底開胃醒神，顏色偏黃而濃郁，明顯落足料，酸菜配飯一齊食一流！桂花冰釀 +$10套餐加$10可以轉桂花冰釀，個名好吸引，好似平時既酒釀丸子變成飲品咁！冰釀香甜而帶桂花清香，質感厚身濃郁，好適合女孩子飲，如果可以加埋丸子更添口感！川式口水雞 $68口水雞上佈滿紅紅既辣椒粒，但唔使擔心，平時食開譚仔5小辣既我都覺得唔太辣；雞好滑溜。清炒時菜 $58為左健康，點左炒時菜，要價$58，相比其他食物，呢碟菜性價比偏低，但炒得爽口而不油膩。

經常聽朋友去吃水煮魚，聽得吸引，但很可惜自己不能吃辣，所以一直未有一試。朋友得知怕辣的我想吃烤魚，就推介我到紅磡的十二味不只是烤魚，雖然主打麻辣香辣食品，但亦設有少量不辣口味，讓我可以一嚐烤魚店內環境帶點四川的感覺，用上紅紅藍藍的格子地面，再配上一張張木桌及椅子，牆上還掛上了一條條鏡子小魚，再加上天花上的玻璃球，感覺特別食物方面除了有主打的烤魚外，還有大涼山鐵板燒,美味小龍蝦,開胃涼菜,經典熱菜及特色飲品。當中烤魚有數個口味及配料可供選擇桂花冰釀 $26［分數：7/10］由於前菜及熱食都選了香辣菜式，所以還是先點一杯凍飲以察安全。桂花冰釀的味道有點似桂花酒釀丸子，只是缺少了酒香及丸子。入口清甜，淡淡的冰釀用作解辣是個不錯之選涼伴三絲 $42［分數：8/10］先來一碟開胃涼菜涼伴三絲，當中的三絲包括了豆皮絲、海帶絲及蘿蔔絲。一份的份量頗多的，每條幼絲也切得十分整齊感覺治癒。３款幼絲雖然入口清爽，但其實辣度甚高，當中以豆皮絲的辣度最為驚人，最後唯有盡量挑出數條海帶絲吃吃就算了左宗棠雞 $78［分數：8/10］看到左宗棠雞這個有趣的名字，問問店員究竟是甚麼，原來是加辣版的咕嘮雞球。雞球還伴有