十二味不只是烤魚 (已結業)

烤魚比較少食，因為總系覺得多骨，同埋如果處理得唔好，好容易會比較腥。但今日既然朋友甘興致勃勃話要食烤魚，又好難拒人於千里之外。今晚去左紅磡既呢間十二味不只是烤魚，其實就系時新漢堡包附近。價錢比想像中貴左少少 (可能我唔熟市價吧)，但客人都有好多，等位等左10-15分鐘。小食: 醋溜青瓜 - 青瓜爽口而清甜，芯去得乾淨，食落唔會有苦味，加左醋黎醃令青瓜更加香，酸酸地幾開胃。主菜點左一條蒜香味烤江團魚，雖然呢條魚都要逾$300，但系就好大條，非常厚肉而且少骨，比想像中容易進食。朋友亦唔食得辣，所以無辦法點招牌既香辣烤魚，但蒜香味都唔差，蒜香濃厚仲帶少少辣味，食落都幾香口惹味。就算條魚烤左甘耐，魚肉都仲系好嫩滑無散開，肉質仍然保持得幾好，所以應該都系相當新鮮。

大熱天時，朋友竟然約我食烤魚，仲要係辣的，傻的嗎?佢係咁講，又真係成功挑起我既興趣，就兩個傻婆係烈日當空既晏就食烤魚鋪頭有足夠既冷氣，確保我等陣唔會食到一額汗我地兩人叫左少骨既鲶魚，價錢都只係貴多少少鲶魚一分為二，我地就每人食一邊雖然上台既時候，魚肉都差唔多熟我地就等耐D，等魚肉吸收埋個中辣湯底，就更惹味拉魚肉果然少骨，而且都幾滑，質感似係新鮮貨(畢竟價錢都係有保證好快就比我地扒哂成條魚因為無叫到飯，就咁食條魚都驚唔飽所以加左少少配料蓮藕、枝竹同埋宽粉蓮藕卜卜脆，而宽粉好吸味，必食推介(唔好浪費個湯底MA

今日幫朋友慶祝生日,因為聽人講紅磡有個烤魚一直無咩時間去試，於是就去左試下，之前已經一直想食烤魚，但係一直都就唔到時間黎呢度，今日終於約到朋友一齊去食喇。一入去都令人覺得都幾大，地方俾人感覺都算寬敞。仲要望埋個街景，真係幾舒服架山椒鳳爪鳳爪都幾肥美，而且夠晒入味，都係比較小係香港食到呢個質素，感覺都真係特別。左宗棠雞你無睇錯呢度菜個名真係左宗棠雞，職員話呢個名係有段故架，得閒就google下喇，不過呢個左宗棠雞入口夠晒香再帶小小嘅辣味，仲夠有晒熱，又唔會太厚粉蒜香烤江團魚呢個絕對值得讚下架，呢度嘅火鍋味道真係幾豐富下，有辣有唔辣都算係咩都有，由於同行朋友不能食辣，所以就揀左個唔辣嘅，不過感覺一啲都唔影響味道，即使唔辣,餐廳整到都幾惹味下，又唔會太咸，，層皮咬落去仲小小脆，肉又保持嫩滑，。估唔到烤魚都唔錯，真係令人幾意外，下次都要同其他人黎先得。

路經紅磡，肚餓，見到個大大隻字又發光嘅招牌寫住"不只是烤魚"，頗為引人注目，友人都有啲餓了，睇下個餐牌，有辣有唔辣，我覺得ok，就一齊入左黎食。其實我自己就鍾意食辣野啲，朋友就唔太食得辣。於是就揀左兩味野，一個係口水雞，我嘅，一個係向陽牛肉炒寬粉，一齊嘅，哈哈，最多我食少啲。 上菜比預期中快少少，口水雞係黎先嘅，個賣相望落都唔錯，雞下面有青瓜伴底。我先食一塊青瓜當係開胃菜，冰脆爽辣，都幾辣下，於是即刻阻止左友人伸出筷子嘅企圖......雞嘅份量唔算好大，但幾好味，雞肉真係嫩同爽，加埋陣陣麻辣，食落順口，愈食會愈辣，食左半碟之後，我都有啲頂唔順要飲水，幾頂癮。 個牛肉炒寬粉稍遲到，不過端上來鑊氣蒸騰，交足貨。牛肉味道還可以，但個重點應該係個寬粉度，寬粉即係薯粉，以前好少會食到炒薯粉，可能因為薯粉個質地本身都係qq 帶彈性，炒完都好爽滑，加左唔少分。

去過佢地佐敦分店食過唔錯，大部分員工講普通話，好似夠正宗甘。今日經過紅磡分店於是入去些試。一嚟就叫個 《江團魚 $318》，餐牌話少骨所以叫，好怕多骨食物。選配蒜味但其實食落帶微辣，所以都要叫野飲解解辣《烏龍茶 $12》。魚算中型，d肉好滑，湯底堅多蒜頭。但煮耐左會覺得油膩。叫左呢個輔菜《黃金組合 （豆腐 ，金針菇、鮮豆皮、嫩豆腐）$52》加落湯底煮，吸晒魚湯既鮮味。再加單：《加拿大肥牛 $68》& 《腰花 $68》好似打邊爐甘加埋落去煮，都算大碟。（呢碟牛催左3次先到。。最後原來漏單要再等過）最後叫啖飯落肚《金玉蛋黃炒飯 $68》主要有栗米粒、蝦肉粒同蛋炒。普普通通一個炒飯但炒得乾身幾好。

小妹超愛食川菜 但香港好多所謂川菜都煮到唔鹹唔淡.... 之前光顧過「十二味貴陽牛肉麵」 印象極佳 所以和一位重慶朋友特意來試其他「十二味」餐廳呢度主打烤魚 餐廳佈置挺配合的 桌與桌之間的空間很寬闊 保持了室內涼爽 隔壁鍋子的煙不會飄到其他客人那邊店內沒有清水供應 只有茶 是大麥茶 非常香濃可口 仿佛把整塊麥餅放進口裡我們首先點了「川味口水雞」作頭盤... 口水雞的精髓在於其豐富的調味料和配菜 一看就知道「十二味」的口水雞無得頂！芝麻、花生、花椒.... 最正的是埋在雞肉下面的青瓜 口感爽脆 不經加熱 並非醃製 有如一道清泉.... 這道菜未至於辣到你想喊 但吃完了十分鐘 口腔以然停留著那股「麻」香主菜當然有烤魚！有幾種魚選擇 包括魭魚 鯰魚 比較少食嘅有吳郭魚 江團魚和沙巴龍躉 因為想食少骨和便宜的 所以點咗鯰魚 每條$268口味也有很多選擇 有辣有唔辣 辣都有麻辣 香辣 酸辣等等... 總有一款適合你口味 小妹酷愛川菜 當然要麻辣啦！為咗令烤魚感覺上健康啲 還要了兩味配菜 包括腐竹和相信可以下火的海帶 XD 呢度的海帶好厚 吃的時候不要心急 要浸耐啲麻辣烤鯰魚上桌了 一個長方形大盤

（比錢請外婆食。。不是試食）今晚去紅磡探外婆，見天氣涼左就提議去食樓下既烤魚。我地叫左一條 《江團魚 $318》少骨d 岩老人家食，我地唔食辣野所以叫左蒜香味湯底。魚果然好少骨，魚肉好滑，一夾即散唔怪之得要用大匙輔助。配3款輔菜，我地選左：寬粉 x2 （單叫$20）鮮豆皮 （單叫$16）寬粉同鮮豆皮 吸晒d湯變得入味，條魚唔使甘單調而且可以飽肚d。前菜叫左個《雞絲鵝腸 $66》唔辣既，開開胃～份量唔多，略貴但好味既。最後叫個甜品比外婆：《桂花冰粉 $26》有支蜜糖同時附上。因為本身甜品係淡既，所以比客人自加糖漿調口味。我自己食完熱野就叫《椰青水$20》減熱氣。環境：都多人滿座，訂定座好d。服務：有溜單情況，落左2次單先齊餸。可能店員多係國語人所以唔明，不過食物又可能正宗d。

雖然烤魚這玩意好像較適合在寒冷的冬天吃，但我在這陣子都吃過好幾次烤魚，先前的數次也是於火鍋店吃，這次不同的是轉了一間專吃烤魚的店。十二味不只是烤魚－話雖說不只是烤魚，但來的大部份也是為了烤魚。烤魚售約$200多元，雖然也約有3磅重/條，但也感不太便宜的。點了一款前菜 － 青椒皮蛋: 醬汁味道半麻不辣，愛吃辣的不會暢快，不愛吃辣的感到剛剛好，皮蛋質素中庸，整體及格。因我們都不吃辣的，所以點了一條「醬香味烤江團魚」，江團魚鮮嫩肥美，約有3磅重，最重要的就是非常少骨，真的啖啖肉。醬油味道香甜濃郁，令魚肉也充分吸收了這份甜美，味道相當匹配。魚肉入味之餘亦無老掉，真的不錯。想要飽肚當然要多點一碗白飯呢。

我好鍾意食烤魚，平時多數北上食地道烤魚，之前聽朋友介紹，今日就同朋友們黎左理工大學附近依間「十二味不只是烤魚」試一試依到的烤魚🔥🐟 去到門口，都有不少人等緊，好彩我地一早訂了位，即刻可以入座啦 🙋入到去，環境不錯，裝潢簡約雅緻，氣氛幾熱鬧，有不少的內地交換生前來，應該是來嘗嘗家鄉菜吧😉一坐低，侍應就好貼心介紹我地不同魚種，我地本身不太懂得食魚，當然就揀左少骨的鯰魚，再點幾種配菜🌿， 寬粉 ( 我的最愛），仲有魔芋和薯仔魚未黎之前就食下依款涼拌小菜，呢碟涼拌三絲好醒胃，辣中帶麻，那種「麻」會停留在口腔一陣子，揮之不去，完全是帶給味蕾的一點小刺激🔥我點了一杯桂花冰釀，味道清甜幽香，淡淡的桂花香，有點似酒釀丸子的感覺，如果鐘意酒釀丸子的朋友一定要試下👍烤魚最緊要它的底味，因為啱啱病好😷，加上朋友不太食辣，我地就選醬香味，要不然我一定要試下招牌味，魚都幾大條，屬3-4 人份量，醬香味原本以為冇咩特別，估不到佢同條魚配合得很好，香濃得黎又唔會搶哂魚的鮮味，正！鯰魚冇乜骨，啖啖魚肉，魚烤得香脆，好好食，配菜有好多，青瓜，芽菜，全部都好入味！😋我地三個女仔竟然可以清哂，可想而知有幾好食，在香港都可以

天氣濕濕熱熱令人好不舒服，阿媽話想食辣野刺激一下，佢話電視睇到有間辣魚好正，想去試下，但唔知佢講邊間，上網找到十二味，最近十二味開了好多不同性質的分店，想都應該不差，就約左黎十二味烤魚試試。點了腍魚 ($268)，用招牌香辣煮法，要了小辣而已，都已經係紅到咁好似真係好辣咁樣喎。配菜加了蓮藕片同萵荀片 ($18/ea)，配菜好貴呀，得幾片要十八蚊，萵荀ok，厚切鮮嫩，蓮藕片太老了，好硬好柴皮，仲有啲澀味。勁多不同種類嘅辣椒，辣中帶麻，好香口，不過真係堅辣。魚肥美肉嫩，呢種魚唔多骨，啖啖肉好正，開頭滾不是太辣，未吸哂啲辣油，但食到尾啲魚肉已吸左好多麻辣湯汁，辣到好刺激。淨食魚有點寡，點了口水雞 ($68)，又係滿滿的辣醬，嘩，好香呀，啲辣椒醬係正宗川味，辣中帶香，吃到舌頭發麻但好正，雞件嫩滑，皮下脂肪不多，正呀。太辣了點了白飯 ($10) 伴著吃，見其他枱人點薯粉混在辣汁中煮，真係好勁，食辣我都係只能過過口引。咁辣一定要飲返啲凍野，點了汽水 ($12)，夠凍好解辣。逢十二號有節，食前都唔知，抵左

識幾個天南地北嘅好朋友，以前讀書就係學校聚，出左黎，就冇咁就腳了，恰好紅磡都算係大家屋向內投射嘅中心點，變左好多時候都會黎紅磡搵野食。好在紅磡又係多野食嘅，如是者比我地聚左幾百萬次都唔厭。這次就黎左挑戰辣野，食十二味不只是烤魚，說實話，有小部份係比個名吸引而來，不只是烤魚，那除了烤魚之外還有甚麼特別野食呢? 烤魚方面，可以選魚，選辣，選配菜。魚就有四種，我地揀左江團魚，因為好似出面好少見到有得食咁。辣就揀左招牌香辣味道。不過保險起見，只選了小辣。跟住配菜，我地就揀左豆芽，豆腐，金菇同寬粉等。除左依味魚，仲喊左個菜，就係家常乾煸四季豆，同埋一人一碗飯。江團魚比較少食，感覺魚肉幾滑，而滑中帶點爽，並不是極度腍身。香辣嘅魚肉好惹味，而且小辣都其實幾辣下。熱辣辣嘅烤魚用來送飯一流。配料方面，推介豆芽同金菇，食辣野配合埋爽脆口感真係唔錯..相比起烤魚，四季豆就顯得平平無奇了。雖然也乾煸得香口，但已經被烤魚香辣攻陷味蕾的我們，就不太有動力再戰了，最後竟吃剩了不少！

平時多數都是食雞煲邊爐多 今次同朋友食飯就決定搞搞新意思 轉食烤魚🐟 所以去紅磡買野就順便去尼間「十二味不只是烤魚」試下🍴未入舖係外面已經聞到強烈的麻辣味環境好有竹林既感覺 牆上的魚掛飾都好有特色🎋烤魚可以選擇唔同既魚口味同配料 有辣有吾辣🌶 任君選擇 除左烤魚外 都有鐵板燒 涼菜及熱菜等等 叫碗白飯配餸都得🍚欲望酸梅飲得出吾係用粉沖 酸酸甜甜好清新 配辣野飲一流🍷飲落夠哂酸梅味 有特色得黎好解渴😁😁涼拌三絲諗住要樣健康少少的餸🙈所以選擇左三絲 有豆皮 海帶同紅蘿蔔絲 食落口辣中帶麻 作為開胃涼菜不錯 分量都唔算少☺主角烤魚因為想少骨的關係所以選擇左鯰魚 魚既份量都足夠三個人食👩‍👩‍👦 魚烤到微焦再加上蒜香口味十分入味及濃烈👍🏻 配料亦愈食愈入味 重口味之選 食到停吾到口😋😋😋第一次係香港食川菜同烤魚🌶🐟 即使唔係太食得辣都接受到食得好滋味 整體環境 食物同服務都吾錯 冬天可以再黎食完個人一定熱辣辣♨

係紅磡生活真係吾會餓，無論街頭小食同餐廳都有好多人氣推介今次就食呢間開左無幾耐既不只是烤魚，係專食貴陽特色烤魚！其實平時都會經過呢間，不過今次就係我第一次食〜一入去，其實個環境都吾錯，d地板同裝潢都有種好warm既感覺，幾舒服都好適合一班人吹水聚會食，所以都有吾少係一家大少去食，好溫馨〜〜睇見個menu其實吾算好平，最平既魚都差不多二百蚊，同要叫三款配菜最後我地叫左條醬香味既鯰魚，皆因我朋友吾係好食得辣！雖然愛食辣既我試吾到呢度出名既招牌香辣味，但估吾到呢個吾辣既都好好食而且最估吾到既係佢真係好大一條，所以都係啖啖魚肉咁食，好爽！而且魚質非常嫩滑，完全無腥味，真係幾好食！而配料豆皮，豆腐個d都好吸味，所以味道都好濃郁，吾錯！當然食呢d熱呼呼既野食都要叫反枝凍冰冰既野飲la!!!!不過如果呢枝加多寶平d就仲好la~~~~如果大家吾係好窮，又想食下d特別d既野食都不妨一試！

今日約左幾個好鐘意食川菜既朋友，去大家住既中心點紅磡食飯。一早BOOK好曬怕星期六晚無位，點知帶路果個唔識路去左大酒店果邊，行左成半個鐘先揾到，原來係媽咪雞蛋仔附近……真係行都行到餓 黎到緊係叫個魚啦，師奶心態又黎，通常就叫個招牌，但江團魚同沙巴龍躉係差20蚊，有個就話一係食鯰魚平多D，搞左好耐，最後都叫沙巴龍躉……難得一齊出黎食要食好D 雖然唔鐘意食辣嘢，但係食得川菜走辣都好奇怪，所以都叫左個少辣。但一上既時候都嚇親，洗唔洗咁好，好彩都唔係好辣。不過都即時叫左碗水，侍應好好，俾左一碗熱水我。 條魚係好好食，我最鐘意食腩位，最滑，起初叫到得好少，原來仲有一邊，真係俾捉成條。但好似無平時係酒樓既沙巴龍躉咁彈牙，可能酒樓用果D係大條D，早知都係叫鯰魚，反正都係食佢既味。味道我自己覺得好夠，朋友都話OK, 仲話個薯粉太早落，唔係仲正。豆腐都好正，勁滑。 拍唔夠飽，仲叫左個向陽牛肉炒寛粉，呢個唔辣，我勁鐘意，明顯地我地都係薯粉達人。不過我覺得油左少少，但川菜既特色就係咁。 飲品我叫左佢既推介桂花冰釀，係幾特別，鐘意桂花味既人會好鐘意，我都係見多人叫先試下，但我自己可能唔好桂花，所以覺得一般。 

早前來紅磡，無意中發現這裏的午市套餐價錢挺經濟實惠，便即管內進一試。平日大概1點來到，可能是平日的關係，人流並不多。但餐廳環境不錯，裝修亦特別，掛在牆上的魚裝飾別有風味。午市套餐款式多樣，果然『不只是烤魚』。我點了川式口水雞麵（$42）。川式口水雞麵紅通通，口水雞和麵條都被通紅的辣椒油浸滿了。看到如此通紅的紅色，還以爲會辣得令人難以接受，幸好辣度對我來説也恰到好處。口水雞肉質嫩滑，份量十足，絕不欺場。如果麵條份量可以再多點則更好。調味方面，辣度雖然適中，可是整體來説還是偏鹹，有改善空間。友人點的這碗風味炸醬拌麵（$42），比口水雞麵清淡得多。拌麵上加入許多青瓜絲，令味道更有層次，而且更加清新。炸醬味道鹹中帶甜，調味適中，麵條的軟硬度亦控制得宜，不會過軟或過硬。水準不錯的一碗拌麵！吃辣無可避免一定要點飲品，這兒飲品需另外加錢。我們點了一罐椰青水（$8）和欲望酸梅（$10），當中欲望酸梅酸酸甜甜，特別醒胃。雖然味道不算驚喜，但午市不用加一服務費，人均$50就有午餐連飲品，還算值得一試。