十二味不只是烤魚 (已結業)

屋企附近有呢間食麻辣野嘅餐廳，啱晒我媽咪，真係好～ 襯星期五happy friday同媽咪出嚟食下野～叫咗個口水雞＄68，價錢好抵，因為份量都算多，雞好多肉，啖啖肉，又有青瓜做配菜所以唔使特登再點青瓜，推介～ 送飯一流！！ 佢啲飯仲要係珍珠米，好好味粒粒分明～向陽牛肉炒寬粉＄76，第一次見咁樣嘅配搭，佢其實同乾炒牛河差唔多，分別在於佢用寬粉，所以更加好味！！ 因為寬粉比河粉更加彈牙有口感，呢個唔辣，我好鍾意呢款菜，非常推介！！最後叫咗個麻辣豬耳$48，媽咪鍾意食，豬耳好爽口好脆，好好味～最後好搞笑呢間餐廳真係好update，非常之有marketing嘅sense，知道呢個禮拜係Pokemon Go熱潮，所以餐廳有Pokemon嘅怪怪獸捕捉器賣＄15/1個，我自己買咗兩個，啱晒而家呢個時候～咁近我屋企附近，食物有水準，一定會再嚟食～

探朋友經過附近見呢間食川菜既，平日少食，就去試下。店內裝修充滿中國色彩，環境寬敞。由於食左下午茶不太肚餓，於是叫左個，本身食唔到辣既我，問店員是否太辣，佢話小辣，但食落去真係辣左d，不過d雞肉食落好嫩滑，就算辣辣地都蓋不住鮮雞味 ，仲有青瓜條伴底，爽脆中和辣味。清湯牛肉麵，湯底都幾清香，如果低鹽會好一些，牛肉食落好爽 回味無窮蔥爆牛肉係此店新品，牛肉入口即化，好惹味，再加上洋蔥爆得十分香口，兩者簡直絕配 飲品點左讚好既桂花冰釀，飲似甜品糖水多d，入口清甜，好有桂花香味。

住係紅磡都好少係紅磡食野難得朋友來到紅磡 當然食特別啲十二味不只是烤魚前身係十二味九宮格家人食過話好食又辣但我實在太忙冇時間食就已經冇左餐牌相當簡潔 坐位都寬落但不好的是被安排坐門口兩人位相當逼 還要我們是book不是walkin麻辣豬耳剛食時不辣 越食就越辣 不會太麻 豬耳淋身不是脆口 但適合我食江團魚(少骨)麻辣小辣魚肉超滑身 不會鞋 又不會硬除左大骨係中間 全部都係肉個汁超麻超辣 但食落超正配料 +金菇 +雲耳 +寬粉頭4款配菜 只加12蚊一款寬粉煮耐少少 一食入口超級麻已經好耐食吾到咁麻既野溫馨提示：火一關 開始會凍 一凍就即刻好咸要食就要親熱食桂花冰釀味道怪怪的 一飲成口好Dry 好吾舒服可能係特色 但我吾識欣賞

之前食過十二味烤魚九宮格, 對佢嘅麻辣烤魚念念不忘， 打算再去之際， 發現原來改咗店名叫做《十二味不只是烤魚》， 可能因為港人對烤魚嘅熱愛到唔係太高， 所以改了店名， 講埋畀大家聽十二味係唔只得烤魚食㗎，哈~~夠直接！店舖嘅裝修好似同之前冇乜分別， 只係好似加咗少少牆上面嘅裝飾， 感覺依然光猛，潔淨，簇新。既然講不只是烤魚，就梗係試下其他嘅小炒菜式， 小菜選擇繁多， 雞鴨鵝豬牛魚， 辣同唔辣，咩菜式都有。第一道菜式係清炒木耳萵筍， 木耳同萵筍都係超級健康食品， 木耳既含鐵質又可以清腸胃降血壓， 萵筍含有維生素， 兩隻食落都新鮮爽脆， 最適合嫩炒， 大廚炒得既有火喉， 又可以保持食材嘅營養價值， 呢個小炒男女老幼皆宜， 推介！第二道菜係麻婆豆腐， 麻婆豆腐有辣椒同花椒， 突顯咗川菜麻中帶辣的特色，大廚用左多種香料去調配味道， 食得出有四川風味， 而且豆腐嫩滑，豆味濃郁，如此惹味， 用黎送白飯，真係食曬碗白飯都唔夠。最後一道菜係回鍋肉， 回鍋肉味道香濃， 爆炒後嘅蔥, 椰菜,紅椒， 大蒜極為惹味， 食落乾身， 夠曬鑊氣 ，睇得出大廚功架一流。 五花腩部分應該採用了鹹肉， 冇咁肥膩之餘， 食

好想食麻辣淡水龍蝦及魚鍋呀，幾經辛苦搵到黎紅磡，仲可以一次過滿足兩個願望添。星期六午市估唔到水靜鵝飛，大把位任坐。地方寬敞舒適，空氣流通，內籠裝潢非常傳統四川菜館，顏色及用料都以木為主，中國味道濃厚。桂花冰，有趣有趣，未飲過就試試先。完全唔凍既？室溫乍喎。完全飲唔到桂花味，似普通奶水。紅油豬耳，夠麻夠辣，惹味可口。軟骨卜卜脆食得過癮，豬皮又膠又彈又黏黏的，非常喜歡，味道不錯，好味！香辣烤鯰魚中辣，罕有地有鯰魚食，梗係要試啦，仲配上窩筍、金菇、鮮腐竹、大豆芽添。辣到我出晒汗，濃郁辣椒味道隱藏著複雜香料，湯汁稍為杰身，牢牢附係烤魚之上。中辣有點蓋過魚鮮味，少辣應該會好一點，依家係為食辣而辣。非常靜態既演繹，無煙無色放係檯中間，瞓左覺一樣，並不是滾熱辣上菜，試一口，溫度尚算滿意。外皮烤得香而黏口，鎖住大量香辣汁，鯰魚都幾多骨，早知食桂花魚啦。魚肉夠嫩，啖啖肉，無咩驚喜，質量合格。辣汁跟魚肉同吃都幾滯架喎，正常依條魚咁細，我一個人都食得晒啦。麻辣小龍蝦，尋覓多時，終於都試到，但嘥鬼氣囉！應該叫麻辣小龍蝦殼。已經浸到變晒色，蝦肉浸到縮晒水，幾乎睇唔到，又鞋又韌，蝦乾一樣！浸左幾多日呀？味道好香口

之前睇食評 見到前身店評分都好好一心諗住食烤魚同串燒點知去到 餐牌見唔到有串燒 只有烤魚 多款四川小菜而門口貼左張海報 話換咗大廚 唔理喇 都照試下我哋4個人 叫咗一條沙巴魚揀咗招牌香辣味 味道好好 好惹味 魚好滑又大條另外叫左涼拌三絲（海帶，雲耳，豆皮）三絲切得好幼細 條條都沾滿香濃麻辣油食到出哂汗都想繼續食萵筍爆雞腎 都好好味 最後這碟真係不得了辣子肥腸 食炸大腸嘅朋友係必食腸裡清潔得沒有厚厚肥膏而且炸到好香口又脆卜卜加埋花椒八角嘅味道真係想叫多碟 配啤酒一流總括而言 大部分菜式味道都好好會再幫襯

此店前身為十二味烤魚九宮格，早前嘗過烤魚味道對辦，一直想再吃多次，豈料便傳來餐廳近來易角的消息，聽說大廚轉換了，除了烤魚外，亦由以往主打串燒變為很多川式小炒，令人躍躍欲試。清炒木耳萵筍，先來這一碟實在最好不過，清清的，名符其實的清炒，爽脆的萵筍跟木耳很配，亦為稍後三碟濃烈的作一個很好的間場。川香回鍋肉，川香濃烈，風味十足，伴着白飯吃，無敵。回鍋肉炒得極其乾身，亦盡吸川醬滋味，味道方面確實無得彈，若能少油一點相信會更好。極品麻婆豆腐，又一很能下飯的一個菜式，經典的濃油赤醬，一流，亦令我點了第二碗飯。左宗棠雞，還是頭一次接觸這菜，有點像糖醋骨的味道，但並沒有一丁點的骨，再加上川椒伴炒，令愛甜酸辣的我一次過滿足三個願望，感覺很新奇，未試過有絕辣的糖醋肉，一口肉夾着一只辣椒，爽。起初還擔心餐廳易角後水準會有所退步，但此行令人滿足，經已期待下一次的到訪。

每次經過呢間舖時都會聞到陣陣燒烤香味, 終於忍唔住捉咗唔食得辣既朋友去試.由於得兩個人唔敢叫太多, 只係叫咗一個烤魚. 味道有三種, 香辣(分大中小辣), 麻辣同酸菜味. 魚有四種揀, 有鯇魚, 鯰魚, 江團魚同埋沙巴魚.記得某餐廳大厨講過, 食水煮魚呢類既餸一定要揀多骨既魚, 煮完出嚟條魚先夠香同滑, 所以我地就揀咗唯一一種多骨既鯇魚. 味道要咗麻辣.由點菜到上菜等咗差唔多20分鐘. 魚係用一個鐵盤裝住, 下面會有兩個小火種(?)燒住.魚好鮮好滑, 一啲都唔腥. 條魚燒得好香, 特別係個魚頭同條魚骨, 入哂味, 特別好食.麻辣既麻好香, 唔太辣, 我朋友完全唔食得辣既都食到. 但當食到尾時會覺得有啲咸.初初以為兩個人會食唔哂條魚, 點知食到最後唔夠食, 要加配料. 配料都有好多種類選擇, 我地要咗萵苣, 土豆片同凍豆腐. 配料既份量好多, 凍豆腐應該有兩磚, 其他兩種都好大碟. 但太肚餓唔記得影相.順帶一提呢間餐廳係冇水供應, 汽水好似係12蚊一罐, 仲有啤酒同果汁可以選擇.除咗烤魚佢地午餐係有碟頭飯同粉麵, 另有啲頭盤小菜同埋烤肉選擇.叫咗烤魚, 三份配料, 汽水同白飯都係$340