十二味 (荃灣千色匯I)

營業中

休息中

尋晚同大佬番左去荃灣拎之前訂左的模型，見到十二味。大佬仲回味緊上次的酸菜魚，今次我地就黎試下水煮魚。😋 ⦁水煮魚好大碟分量好多，每片魚片都啖啖肉好嫩，仲要冇骨，好濃麻辣香味，水煮魚入面有青瓜，芽菜同薯粉，薯粉煮到好淋，好濃味！ ⦁土豆絲小菜都好好食，土豆絲好爽口，每條土豆絲都有麻辣香味，用黎送飯一流。 ⦁紅糖糍粑基本上每次食辣都會嗌糍粑，糍粑表面香脆，咬落軟而煙韌，配上黃豆粉同沾埋黑糖，口感豐富！ ⦁凍柚子茶尼間的野飲每款都好大杯，兩個人一杯都唔過份，柚子茶味道清新得黎唔算好甜，用黎解辣一流！

前幾日同屋企人去咗荃灣行街，經過見到有間食辣嘅餐廳望落好吸引，所以就去咗試下了😋😋-麻辣小龍蝦 小份$188雖然係細份，但都有好多隻小龍蝦😂😂每一隻都煮得好入味，蝦肉都夠彈牙，辣度十足，食到好滿足～入邊仲有啲青瓜作為配菜，煮到軟軟哋口感勁正😋-麻辣香鍋 $68我哋揀咗田雞，份量都幾多～～仲有薯仔，蓮藕等作為配菜，又香又辣，啱晒鍾意食辣嘅人😍😍lunch set仲包一碗白飯，抵食之餘又好味💜-夫妻肺片 $68一份有好多薄切嘅牛肚同牛雜，分量十足，呢個價錢來講都幾抵食，每一片都夠晒入味而且好爽口，夠辣夠過癮作為開胃小菜食真係一流🔥-紅糖糍粑 $48由糯米粉製成嘅糍粑口感軟糯，好有咬口，外皮炸得金黃，外脆內軟，上面灑滿黃豆粉，賣相吸引😍點上香甜嘅紅糖醬真係滋味無窮😋-桂花冰釀 $28飲落甜甜地，口感非常唔錯，都幾特別🦦

今日同朋友去咗12味食晏，環境不錯，座位闊落，清潔企理，好好彩去到嘅時候啱啱有位🤩。我哋點咗人見人愛酸菜魚🐟，中辣。一嚟到，size真係好驚人😮，好大盆！色香味俱全，未食都已經流晒口水🤤。食落多滋味，湯底味道濃郁，酸辣醒胃，酸菜份量多，真材實料，絕無欺場。魚片新鮮，嫩滑到無牙都食到，份量合理。薯粉煙靭彈牙，晶瑩剔透，如果份量可以多返少少🤏🏽就更好。中辣唔算好辣，下次會挑戰大辣🌶🌶🌶。

( ͡° ͜ʖ ͡°) 十二味 —— 四川嘢 ——❝ 多間分店嘅熊貓頭川菜真係人見人愛嘅酸菜魚 ❞✿ 人見人愛酸菜魚配粉條 $267好大盤！魚片新鮮好嫩滑啲魚會令你食上癮係咁夾係咁夾🫢份量亦好足 夠哂兩三人食～好多酸菜重有萵筍配料湯唔太鹹濃度剛剛好 辣度亦可以自由選擇酸菜魚湯配埋粉條食真係一絕！✿ 川式口水雞 $73叫咗小辣 適合大眾口味有好多芝麻花生碎舖面醬汁香濃 食落惹味香口 雞肉肉質都算嫩 做餐前小菜係唔錯嘅選擇～✿ 桂花冰釀 $28好得意係一埕上 好有古代嘅感覺～另外俾咗兩個杯仔 可以兩個人飲淡淡的桂花味 可以一試✿ 熱情果梳打 $28好有汽好大杯 食辣嘢非常啱飲～╰☆* 推介指數：🌕🌕🌕🌕🌑✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿#荃灣美食 #荃灣好去處 #荃灣川菜 #十三味 #川菜 #香港美食 #吃貨 #吃貨女孩 #吃貨日常 #相機食先 #whenshebiteshk #hkcafe #cafehopping #tsuenwancafe #tsuenwanfood #tsuenwaneat #hkfood #hkdinning #hkfoo

十二味都食過好多次，呢間新開第一次去，員工既面口好似欠左佢地咁，黑口黑面，一間食辣既餐廳，跟餐紙包檸檬茶冇凍既，你話搞笑嗎？全場唔止我問同一個問題 都係答：我地冇凍既上菜嘅姐姐一句說話都冇，求其放低就走餐廳內感覺似中學課室，員工們自己大聲講大聲笑，懶理食客，餐廳咁大，居然安排客人坐係後門隔離，員工一開門就會撞到，真係大開眼界見到有幾個客因為咁未食就離開左再係咁 睇怕間分店都做唔長，有幾好食都冇用，有一班咁好嘅員工倒米