千両 (MOKO新世紀廣場)

營業中

休息中

不嬲都知千両係貴價元氣但d lunch set又無我想像中咁貴大約80-100蚊左右之前以為一個人要200+嗌左個万両定食($108)配埋前菜(蕃茄麻醬沙律）同味噌湯講真又真係好味過元氣喎個饅魚壽司真心好好味成個presentation都好靚另外仲叫左個千両特上刺身丼定食($128)都係set個玉子好好味呀 d刺身都真係幾新鮮同埋個味噌湯唔係hea貨入面有草菇個d不過大家千祈咪中伏嗌佢跟餐既橙汁雖然有哂榨咁 feel到都係鮮橙汁難飲到飲左一啖就完全飲唔落

一家三口點了壽司併盆、蝦卷、牛油果軟殼蟹卷、鐵板牛肩、熱烏冬、雙芝士豚肉飯卷及兩杯梳打飲品。值得一讚是壽司鮮甜及牛肩肉當差不多放入口聞到「牛味」，進食時鬆化，連家人平時會咬不到的牛肉，今次「無難度」。職員亦好客、有禮貌、主動及「醒目」，服務真係不錯。埋單時問職員如何申請做會員，職員已經即時為我們儲分，待接著兩個月連今次合共消費$1300就自動正式入會，之後可以訂枱或遙距攞定籌。真係會繼續幫襯.....

我同我男朋友都係大胃之人，平時最多係食放題😂千兩價錢唔平，所以真係為之卻步。今日有人請又飽飽地就試一次haha，對上一次食壽司，已經係moster sushi 既難食monster 回憶😑。。先試日本特大帶子壽司， 一啖放入口，帶子冰凍得黎非常鮮甜，正！再食埋三文魚腩壽司，啲油香融入口中，真係好美味☺️心都融化了，貴野果然唔同d另外甜蛋都幾好食，暖暖的，質感軟滑甜度剛剛好☺️, 甜蝦蟹膏壽司都要推介，蟹膏真係好香甜，如果有成舊蟹膏軍艦就正喇！油甘魚同赤貝反而無咩特別驚喜。牛油果軟殼蟹卷都非常正。個面鋪左勁多牛油果，牛油果夠熟夠creamy, 軟殼蟹夠脆🤗海膽軍艦，海膽唔算好鮮甜但易入口牛油焗雜菇，呢個無難度。但牛油味好香，啲菇索晒味，金菇菜也不會過韌。👍🏻最後呢個醬油燒日本雞扒就真係超普通，$68蚊得一塊仔，味道只值$28😑埋單二個人都4百幾蚊，不過壽司都真係新鮮又好食，下次再黎要㨂啲值得食既先好叫😛

每月總有幾日好想食日本菜, 要是lunch時間想吃, 多數就選千両~這定食吃過不下十幾次, 間中會有點小改變, 例如炸物會是漢堡/魚... 等;  壽司組合也間中有變~但不變的是, 這定食實在抵食~沙律 + 壽司 + 炸物 + 烏冬 + 湯, 很飽~~~ .... $78我覺得是很不錯~這裡的壽司當然比平價店新鮮, 一般有蝦, 三文魚, 池魚, 吞拿魚等~~ 烏冬很彈滑; 炸物也一直keep得水準~這次多要一個小食分享, 好像是芝士糯米什麼的.... 芝士很足 (看圖便清楚~) 香濃飽肚, 要幾人分才好, haha~

千兩其實都係美心集團旗下嘅一間餐廳，而且價格亦比同為日式料理嘅元氣貴啲！究竟食嘅野或者兩間餐廳有冇唔同呢！！？馬上介紹！千兩裝潢以黑、金為格調，感覺奢華、高級連枱面都比較有日式風格，而且人手較充裕，服務質素都好過元氣睇下個餐牌先，如果有食開元氣就可以比較下喇！我同男朋友最鐘意食軟殻蟹，脆卜卜，又有少少蟹肉，唔洗自己脫蟹，不過通過都比較貴呢度$52元氣都只係$45足足貴 $7恕我直言，味道真係冇分別，不過嗰碟靚少少咁解叫咗嗰海蝦，好鮮味，好爽，呢個元氣就冇喇！叫咗一個芝士豚肉飯卷，多芝士不在下話，食兩至三舊就已經好濟，係又餓又濟！我地有$200 coupon先會黎食，但都食唔飽！仲要有加一架唔好唔記得！

情人節來到千兩過，第一次食呢間，定位係中端日料，價格算係中等，兩位300幾好飽，有分卡位同埋迴轉位。小菜叫左一個牛油雜菌，非常非常好食，牛油味足夠，又入味。不過金針菇就多左d，其他菇比較好食一定要岩岩上來即食，如果唔係放凍左個味道就會麻麻哋啦主餐叫左一個lunch set，性價比一般般，5舊壽司+天婦羅+湯麵一碗，未去到非常之驚艷的好吃，不過都還可以另一道小菜，是芝士焗豚肉捲，做法都幾特別，用豬肉包住d飯糰落芝士去焗，稍微有點芝士的酸味，最好係多人share，兩個人食到後尾會覺得太heavy之後試左佢地d串燒，都係普通左d，牛舌太硬，雞翼就中規中矩最後就是這個蟹子鰻魚捲，外面包覆的紫菜是炸過才去包的，外脆裡嫩，口感很好。不過d鰻魚就沒什麼味道，要點旁邊的醬汁先會有味～總體來說不高分也不低分，可能我們唔識叫好野，可以比多次機會下次再試過其他野的。有加一服務費～

本身想去旺角飲茶，點知太晏酒樓話無晒野食，只好轉場，新世紀食肆林立，但個人問題好多唔想食，只好入左千両，而千両可說係貴版元氣，同是美心集團，食既野好相似，唔似既係個價同環境，相比之下﹐元氣好難唔多人排隊！對於食既野好相似呢個講法，都想知有幾相似既，假期下晝，店內食客得幾個人，好少人。 環境：地方大，日式格局，環境昏暗，幾好坐既。 食物：果然係貴，但入得黎就照叫野食，叫左幾個基本野，炸蠔、三文魚壽司、玉子燒及軟殼蟹手卷，三文魚壽司好快黎左，其餘既等左好耐都未有，追單之下佢地先發現漏左單，仲要黑面，一句唔好意思都無，咩料呀咁既態度!已經少客仲要漏單，漏單都算仲要黑面，無下次呀。 炸蠔，熱辣辣，炸得燶，口感硬，炸皮多，蠔細粒唔好食。 三文魚壽司，同元氣沒差，味道無乜特別。 玉子燒，甜甜地既普通水準。 軟殼蟹手卷，同元氣沒差，正常野。

20160907--是日到旺角新世紀購物，因預留晩飯時間不多，又未肚餓，食迴轉壽司是我的心水選擇。接近7時，見千両未見人龍，侍應安排入座。壽司價錢，用碟的款式分類招牌千両壽司，甜蛋味道名符其實的甜，幸好家人愛吃。唔知壽司名字，但被一大堆灑在壽司上的蟹子吸引，壽司饀料有鰻魚，進口生菜，新鮮好吃。經常到元氣壽司，原因分店多，方便揾食。千両無論環境、壽司食材，應該是較元氣高一檔次的迴轉壽司，當然價錢也高一點，眼見有些元氣以外的特別款式壽司，賣相吸引，食材新鮮，但今天胃口不佳，已約好家人下次再到訪。

好耐無食過千両，原因係次次門口都一堆人，等位都等好耐。今晚友人有啲野搞晏左，仲好，經過千両門口完全無人，就入去食下啦~千両環境係唔錯既，坐得舒服過元氣好多，所以大家都話係貴價元氣版~鵝肝壽司- 都係鍾意西餐廳煮出嚟熱辣辣嘅鵝肝好食灸燒黑椒三文魚 - 正正常常一碟三文魚sushi 灸燒牛油特大帶子 - 中間係帶子，比較下都唔覺得好特大，仲要冇左一碟兩件，一個order 得一件，貴左好多, 唔抵食~灸燒左口魚裙邊 - 冇咩特別甜蝦蟹膏軍艦 - 甜蝦鮮甜但再大隻啲會更好千両特製厚燒甜蛋 - 甜蛋正常，都算大件炸紫菜沙甸魚乾 - 試下新野食，好好味。紫菜煙韌，沙甸魚脆，口感特別，食到停唔到，好想叫多碟~總括嚟講覺得貴，不過偶而食下， 又坐得舒服， 都ok 既~

這間分店有廻轉座位和卡位可供選擇。壽司都是手握的。每星期有特定日子從日本空運刺身到。這間店比較繁忙，星期五、六、日晚，最好早半小時拿定號碼，不然會等比較久一點。手握的壽司種類都算多，松葉蟹壽司滿好吃，除了壽司，還有熟.食如燒雞翼，炸軟殼蟹、牛舌等都好味。我個人比較喜歡它的綠茶雪糕糯米糍，綠茶味夠濃，皮夠靭。平均消費雖然比較高，但如果儲單可申請做會員，每次消費可儲分，下次可用分當銭用，生日月份又有折扣優惠，很好👍

之前阿媽交給我，某集團旗下系列食店的五張現金券，我終於花光了。第一張用了在將軍澳坑口「MX」的下午茶餐，出到來的效應差強人意，等於浪費了一張現金券。第二張用了去吃元氣壽司，不過預期中的迴轉壽司被換成列車壽司，即使味道不變，但感覺已經變了質。第三張我用了在鑽石山荷里活廣場的「丼丼屋」。有看過我食評的人可能會問：我上次在「丼丼屋」寫親子丼的食評，都沒有寫明用了現金券，幹嘛說我用了現金券吃「丼丼屋」？我上次寫食評的「丼丼屋」分店是九龍灣德褔廣場分店，跟鑽石山荷里活的「丼丼屋」是不同分店，但食的同樣是親子丼，試問我又何須多此一舉，重覆寫多篇「丼丼屋」親子丼食評？第四張現金券，我用了在旺角朗豪坊的日式博多拉麵店「一風堂」。「一風堂」的拉麵一點也不便宜，使用了現金券後，拉麵還是要盛惠三十多塊錢。最後一張現金券，我選擇了在旺角東新世紀廣場的日式壽司料理餐廳「千両」。跟「元氣壽司」不同，「千両」肯定是名副其實的「迴轉壽司」，一碟碟壽司被放在輸送帶上，如流水席一般自然運送。不同價位的壽司按不同顏色壽司碟分類，定價由最便宜的$14到最昂貴的$54不等。當然，即使「干両」以迴轉壽司餐廳方式營運，但實際上仍保

唔嚟食真係唔知咁鬼貴，不過食物質素係唔錯嘅！嚟個蒸蛋好似$48，啲蛋好滑，又足料👍🏻嚟款加拿大海膽貴就貴啲，不過超甜😋好食過下圖嗰款🙈嚟個海膽我反而覺得有少少腥嚟個好食，入口即溶嚟個手卷都唔錯，味道清清地，值得一試！嚟間啲食物質素都唔錯，不過價錢偏貴，三個人食咗千幾蚊，唔通係我地大食🙈🙈🙈🙈

你們知道千両有多重?一斤等於十六両，千両有六十二斤，用這名字作店舖名稱，真是份量十足。剛剛從泰國旅遊回港，之前在泰國當然吃了不小泰菜，今天仍然是假期中，會到旺角逛街和搵食，先吃過午餐後再逛街；經過這食店看到門口的午市定食被它吸引着，所以轉一下口味吃日本菜。門口以木條裝修為主，櫃台和一幅牆都用木堆砌而成，入口更掛上了一幅印上紅色圖案的掛幅，充滿了日本風。店内左邊一列和裡面都是卡位，右邊一列是吧枱，還有迴轉壽司，我們選擇了近門口的卡位。餐牌以金色、米黃色、啡色格仔相間，感覺高貴。餐具則以簡潔白色為主。午餐一共有六款，價錢由$78-$138，食物包括壽司、天婦羅、前菜、烏冬、麵豉湯等等，另一款餐牌有串燒、炸物類、燒物類、壽司等等的小食。我們選擇了万両定食、特上便當、吉列火腿卷(忌廉和咖哩味)。點菜不到5分鐘，特上便當已奉上，速度相當快。特上便當($138):食物包括什錦天婦羅、刺身三點、燒鯖魚、吉列牛肉薯餅、炙燒海鰻飯、關東煑、麵豉湯。先喝麵豉湯，味道不算太鹹，比一般食店的麵豉湯略為淡，比較適合健康一族。什錦天婦羅有炸蝦、炸南瓜、炸番薯，蝦肉鮮甜，南瓜粉甜，番薯粉腍，但粉漿略厚和比較硬。刺身

本身都經常食千兩，最多去圓坊，美麗華及呢間都幫襯過。今次來食過晏，叫吞拿魚飯，1點32分落單，個飯要2點04分先來到。等嘅期間沒任何服務通知 ，去到差唔多兩點我問佢先跟。講真個飯唔好食，赤身同中toro應該剛溶雪，未得就唔好俾人叫啦。唔關打風事，因遲我好多入座嘅人，叫其他set10分鐘就到。blacklist呢間野。

今天國內有朋友到香港，就帶朋友諗住近近地旺角食飯，想起成日食放題食到怕，於是諗起呢度。雖然唔算高級，剌身好新鮮寿司都唔錯，仲有個油甘魚煮好好味，食日本菜點小得飲清酒，開頭諗住叫枝獺祭二割三分，但朋友話要揸車所以叫左支300ml三割九分，雖然無前一隻甘好飲，但都好正。