半熟工房 (金馬倫道) (已結業)

今天趁假期就去尖沙咀試了半熟工房的"布雪", "布雪"這個名字真的好靚, 原來係由法文名"bouchee"直譯過來的在這個三十度的天氣下, 拿著這一個外型可愛又涼浸浸的布雪真是享受! 它貌似一粒馬卡龍, 但其實外層兩片是好鬆軟(真心超鬆軟!)的蛋糕, 質地軟綿綿, 充滿蛋香, 又有一點點像中式的光酥餅味道~ 而中間就夾住北海道忌廉及煉乳做餡~ 充滿奶同忌廉香味, 口感軟滑creamy, 真係有少少入口即融的口感. 整體甜度適中, 尤其係夾心餡都唔會好甜漏~ 兩個字:好味! 原本心情麻麻的我吃了布雪之後, 心情也不自覺好了起來好吃的甜品對我來說真是一粒神丹!差點忘記說, 我吃的是"原味"布雪, 還有三款口味的: 抹茶, 士多啤梨和朱古力.

昨晚臨訓抹茶癮起, 想起了半熟工房的綠茶半熟芝士撻, 今天就出去買來吃! 等咗3分鐘就到手了, 綠茶半熟芝士撻雖然外表好青綠~綠茶味好香好濃郁, 但食落口的綠茶味道都冇乜苦澀味, 而且亦都唔會搶左陣芝士味, 芝士味仍然幾重! 加了綠茶味的芝士撻味道層次更加豐富 撻皮一如既往有頗香牛油味, 而且好鬆脆~好味!!食完一個都有d飽飽地~抹茶癮起的我亦得到大滿足了

早幾日在公司打仗, 由朝早忙到夜晚, 古語有云"吊頸都透透氣啦", 有兩個偉大的同事就為人民服務"鼠"落隔離街的半熟工房買啲正嘢食叉叉電, 所以我就趁下午茶時間試咗呢個"半熟芝士布甸"!!雞蛋布甸就食得多, 芝士味真係第一次食, 好正, 質地好淋好滑溜, 唔係超級市場果種硬身布甸.  芝士味亦都好香, 帶有少少芝士嘅酸味, 又有啲好香嘅牛奶味+芝士味, 好好味! 有驚喜! 細細杯食完都唔怕會好肥雖然以呢個份量嚟講齋睇價錢好似唔平, 不過性價比都好高嘅, 一分錢一分貨啦! 推薦鍾意食芝士味嘅人去試下!P.S.:同事平日下午去買唔駛排隊!

而家幾乎咩甜品都有抹茶味，其實上年都有出抹茶芝士撻，不過事隔一年，心思思又想食。估唔到芝士撻都可以在香港興足一年，雖然而家無乜人會再因為個撻而排成個鐘了。剛巧經過尖咀的半熟工房，買幾件過下口癮都不錯。店內雖然有不少人在聚集，排買撻的不算多，等幾分鐘還可以的。有原味和抹茶味，基本上每隻味都唔可以買超過6件。其實…如果條隊唔長，再排過咪得囉？買左兩隻味各3個，有紙盒和紙袋載著。還是忍不到口，付錢後在堂食的高枱拎左一個出來食。朋友說半熟工房只係出名半熟而不是流心，所言非虛喎。你睇倒轉個撻都無滴落黎就知其實係杰杰地…味道係唔錯，雖然談不上有抹茶的苦味。算係幾滑，未至於好膩不過食一個就夠喇（下午茶黎講）。

中午時分路經半熟工房, 可能因為時間尚早, 沒有人潮。既然不用排隊, 當日第一餐就食芝士撻…好似有點兒過份…哈。果然…餅底非常酥脆, 內裡係香濃既半融芝士餡, 完全合符期望!可以的話, 真係好想即場食多一個, 不竟…芝士真係好邪惡呀!

知道今個月有新野，今日就和同事一齊買了一樽半熟焦糖雞蛋布甸和一樽半熟芝士布甸share嚟試下～因為我們兩款都想試，一次過食兩樽又太多半熟焦糖雞蛋布甸（＄22）的蛋味和奶味都好香，兩隻味配合得幾好！再加埋甜甜地又帶少少微苦既焦糖一齊食感覺幾好，令到整體唔會覺得漏～ 同埋奶味真係好似特別香，可能用咗100%北海道純牛奶真係唔同啲！口感好滑溜！而芝士口味的布甸就更加係第一次吃，亦都係我們呢次最期待既部份介紹都係話用咗北海道芝士再加入北海道日本鮮牛奶製成，係咪來自北海道就唔會食得出喇，但芝士味真係好香濃，味道好似佢隻半熟芝士撻咁，雖然價錢＄32 一樽唔係便宜 不過睇得出用料十足，而布甸質地亦都係好軟滑，最特別係布甸上面有一層泡沫，味道清清地食唔出係咩，不過都幾得意！總結，我下次會再去買多次半熟芝士布甸自私食，芝士布甸有驚喜！一人半樽超唔夠喉

I tried the cheese tart that everyone was raving about. It was nothing special. It had a cream cheese taste but with a pudding like texture.

這個半熟蛋糕是以北海道特濃奶油芝士香滑牛油，再用特別烤焗方法，使半熟蛋糕的口感非常軟熟，濃濃的忌廉芝士香味質感柔軟，而且一點都沒有很膩的感覺，所以自己一個人吃完五件也不是問題。

之前試過了銅鑼灣日本公司地庫既長龍cheese tart，係好食既，但等都飽了大半，食得唔gal囉！今日路經尖沙咀半熟工房，聞名不如見面，仲要唔洗排隊舖頭簡簡單單，似實力派喎店員有禮又有內性去話比我聽各款cheesecake n tart既濃淡度方便撰擇，最後我買了一個原味cheese tart就地正法了，再帶咗一盒十個裝原味芝士蛋糕同五個裝嘅綠茶味芝士蛋糕番屋企慢慢嘆cheese tart 香濃，tart皮重牛油香亦比我之前試過既鬆化，我like原先想試埋佢嘅綠茶cheese tart，但等了又等還樹未出爐呢？！唯有有緣再聚啦！ 回家後再試埋個cheesecake...先試原味，嘩~嘩~不得了！又輕又鬆又濃we..wo...weee...正！比cheese tart 無咁heavy...連隊了五個好努力先停到口，因為要留位比阿綠茶嘛，唯有強忍吧！綠茶一向係我點甜品既首撰味道，可惜呢個綠茶味未達我個標！綠茶味偏淡，但總恬所有cake n tart都不會過甜，適合已過sweet的我原味cheesecake, I will be back!

港女喜歡集郵是常識吧! 所以我知道我終會有一日黎半熟排隊, 今日趁著吃完晚飯未肚餓來這裡買一下芝士撻當宵夜...但真的很多人...港女女友說已經算好少人, 平日還更多呀!看見一個個新鮮出爐的半熟撻, 還有剛焙好曲奇皮的香氣, 晚餐已被快速消化!竟然! 排到我們是最後一個, 今日很好運!不知道是不是太有期望, 反而有點失望, 芝士味是重的, 但裡面好熟, 不夠流心, 而且太有咬口, 半熟工房的名號要被破壞了嗎?

《 半熟工房 》在半熟工房中，比起其出產的芝士撻、抹茶撻，明顯更愛半熟芝士蛋糕😊😊覺得半熟工房啲撻不值得推介，好普通！芝士or抹茶味都不足反而，半熟蛋糕好食好多～～～～食落口，微微芝士香，蛋糕質感幼滑綿密、帶點鬆軟，芝士味算出色，細細件咁好易食，故9秒9食完一個，不膩溜👍🏻👍🏻可惜食一個滿足唔到滿滿的芝士心，唯有再食多一個同埋 $75買5個嚟講，梗係覺得有啲貴

之前一出時真係好旺場, 日日都排晒長龍, 見到都嚇親.而家就少人左好多!下午茶時段同事買了回來品嚐下~ 味道都幾好! 雖然個人喜歡BAKE多一點!芝士味合格啦, 濃郁度就差少少, 皮算做得不錯!OVERALL可以一試~

呢間店一開既時候，成日都有一條長龍，所以見到都唔想排。依家終於無人排，見到有新鮮出爐既芝士撻，就忍唔住買左黎試下。呢到幾好，有d位比你即場食埋。睇落好似平平無奇，仲要20幾蚊一個，好似唔抵甘。但一食你就會知係值得既，一個撻，充滿曬芝士，個撻皮又好食。呢個配搭真係無得輸。加上岩岩出爐，熱辣辣，芝士好似係你口中溶化甘。因為太好食，買左番去比屋企人食。屋企人話一般啦，雖然好有芝士味。我心諗點會丫，一食，凍左既芝士撻，d芝士唔流，好似一pat野甘，雖然個味仲係一樣，都係好食，但口感唔同曬。所以一定要趁熱食!!!!!!!!!!另外，好似仲有朱古力味同抹茶味，下次有機會再試。行街經過買黎食下都唔錯，不過因為芝士都幾飽，最好唔好食飯前食。

是日買了半熟朱古力撻吃.賣相好吸引, 大大個, 漲漲的,  深啡色的外表不用說朱古力味一定會好香濃; 食第二次都覺得很好味! 咬落脆脆的. 通常其他店的朱古力撻都用平常的牛油皮做撻邊, 不過這裡除了內裡的餡料外, 連個撻邊都係有朱古力! 令到滿口都充滿濃郁朱古力的味道, 感覺超幸福的說!!! 而入面餡料都好香滑而不過甜, 口感幼滑. 朱古力控快快去吃吧!

半熟朱古力撻 (hk$22)朱古力餡半熟滑溜！而且朱古力味香濃！布雪 （hk$15 一件、hk$65 五件）有幾款味比大家簡，例如白朱古力、朱古力🍫🍫、抹茶、煉乳、士多啤梨🍓🍓！ 好似蛋糕仔咁軟綿綿，夾住好軟滑既cream! 我比較鐘意抹茶🍵🍵同埋朱古力口味、味道比較突出！抹茶仲食到啲回甘味添！而其他口味都係偏甜左小小🙈🙈