半熟工房 (金馬倫道) (已結業)

一路以黎，賴生同屈小姐經過N次半熟工房，每次經過都會入去望下有冇抹茶味既芝士撻，問親唔係賣晒，就係話過左期啦，冇出！終於今日一入去就見到真身啦！不過我地今日去半熟工房其實係去睇下新出既奶黃撻，但又係冇⋯個女店員話可以即刻幫我地焗！但我地岩岩食完lunch，都係食住1個撻先啦⋯（同埋其實好似聲稱減緊肥）22蚊一個，拎上手仲熱嫁，影完相之後就梗係趁熱食啦整體評分 ： 4.5星1）撻皮 ： 做得幾脆既！係用曲奇皮，不過就略微唔夠鬆化！但唔差的！2）抹茶芝士 ： 一開始食落係帶酸既芝士味先湧出黎，再緊接住抹茶既回甘！，味道好好！而且唔算好甜！重抹茶味！最重要既係好流心！真係好好好好好邪惡呀3）拎上手仲暖嫁兩個人share一個岩岩好！一個人食哂就會好漏同好飽因為呢度嘅芝士撻同其他同類型舖頭比，size都算偏大嘅唔怪得屈小姐行過都會專登入去望下，能夠引起佢注意既，相信除左賴生之外⋯就應該係好西了（應該係⋯除非唔係⋯）#肥肥食日#胖胖子是誰？#查無此人#有人陪食特別好食同開胃#一個人出街其實係唔會肥

咁岩見到tst開左半熟工房就入左嚟，環境幾闊落又光。望左下，諗下要蛋糕定tart呢？最後擇左抹茶芝士tart，抹茶味好香，一咬個皮好脆，好有吸哂抹菜既衝動 哈哈好食

日久沒有來排隊了啦, 門面好像還是沒有變, 但就沒有人龍那些撻好吃嗎? 好像沒有以前那麼好吃, 芝士撻比較實心, 芝士味都是濃的, 但就是沒有那種驚為天人的FEEL, 如果要幾十元的一個, 不如吃蛋撻算了, 又平又好吃

係尖沙咀附近做開嘢，平時都會喺呢度買半熟芝士撻，見到佢有新產品做緊promotion一個$15，5個$65就係呢款夾心蛋糕仔—布雪所以就買咗六個番去試試連個盒同埋包裝都好細緻包裝好可愛好有日本feel咁多個口味我覺得綠茶味最為出色食落去嘅蛋糕非常鬆軟加埋上面嘅糖粉甜甜的入面嘅綠茶cream不會太膩唔會好厚嘅感覺食落非常柔滑，綠茶味唔會假而且好香整個感覺食落去好有滿足感，食到停唔到口

今日收工行開尖沙咀，又有啲肚餓就諗住去食好耐冇食過嘅芝士撻！近幾次去買芝士撻都已經唔會再好似之前咁要排大隊了同朋友都覺得原味最正，於是一人一個！你都認可以保持水準但芝士撻只是暖暖地！還是覺得一開始時熱辣辣的比較好食呢😋

星期一blue monday.....lunch唔想食飯...走去買半熟甜品吃!!先即場食個半熟芝士撻....再拿半熟抹茶芝味二重奏回office慢慢嘆...半熟芝士撻:之前已經食過幾次, 一直都保持水準~今次仲撞啱剛剛出爐, 個面層焗得好靚, 漲卜卜咁啊! 餡料半熟的口感好柔滑好軟綿, 有點食緊souffle既感覺~芝士味香香的, 除左芝士奶香仲夾雜D淡淡既乳酪酸香, 好味道之餘又唔會有飽滯感!  而牛油皮亦做得超級香脆鬆化... 吃過好多間芝士撻, 都係半熟呢間最啱我心水!半熟抹茶芝味二重奏:呢款double fromage係我第一次食, 標榜雙重口感, 原來真係好正! 上面個層係半熟口感的芝士蛋糕黎, 比較輕盈light啲, 口感好smooth, 芝士和忌廉奶味好香~ 下層就係加了抹茶粉有baked口感的芝士蛋糕黎, 食落口感同上面個層真係唔同啊, 會覺得稠身啲嘅, 食到香濃抹茶味配合埋芝士味, 真心好食! 蛋糕底部仲有薄薄一層抹茶海棉蛋糕, 口感都鬆軟呢! 大愛這款蛋糕! 下次一定要試埋原味同朱古力味啊.食完之後...原本處於blue monday的我都生猛晒

平時路過這間位於尖沙咀的日本人氣抹茶撻店都大排長龍，一直未有機會吃。今日好開心同事排隊買來吃，順便也請我們食我選了抹茶芝士撻，外賣仲熱辣辣，撻皮焗得香脆鬆化，芝士香滑濃郁而不太膩，好creamy，入口即化，同時也嚐到濃濃抹茶的香甜味， 吃完有種幸福的感覺～總結，感謝同事讓大家有個開心的飯後甜品希望我有天平日不忙，有時間排隊試埋原味／其他味的芝士撻便好～

早前在網上見到有人分享這個海鹽焦糖布雪, 立即好有興趣等放假去試, 早兩日終於買到了! 實物比網上圖片仲大個, 原來除了海鹽焦糖這款新味道, 仲有好幾款味道例如原味, 士多啤梨,朱古力和抹茶, 不過買的時候士多啤梨和朱古力都賣晒, 所以都係先試海鹽焦糖味先啦~海鹽焦糖布雪...面同底兩塊蛋糕蛋味好香, 質感真係好鬆軟!!忍唔住會按佢幾下先食中間海鹽焦糖餡味道特別, 好香濃焦糖味, 個餡整得好軟滑, 又會清晰見到個餡入面有一點點黑色的東西, 估計是海鹽, 食既時候會猶豫究竟口中呢種係鹹味定係甜味呢, 好得意既感覺!! $15幾抵食!仲有, 加$9優惠價買左個"完熟水果蕃茄啫喱"試下~ 原本呢個純粹見特價+包裝成個蕃茄咁得意所以試下..雖然我都鍾意食蕃茄, 但因為以前曾經飲過一種蕃茄汁罐裝覺得難飲..所以對呢個啫喱都唔抱有任何期望! 點知一食呢個啫喱又覺得好OK喎! 佢嘅口感唔係好彈彈下果種啫喱質地, 嚴格黎講應該係.....介乎大菜糕同啫喱之間既口感!比普通啫喱硬身DD. 味道有D似飲緊羅宋湯, 唔會好酸又唔會好甜, 好香蕃茄味! 我好喜歡!

今日芝士控嘅我又出動啦, 買咗半熟工房新出既"double fromage芝味二重奏"回家慢慢嘆....好味到暈! 蛋糕外層佈滿粒粒金黃色既蛋糕碎, 切開之後清楚睇到蛋糕係分成3層layers的, 最上層係質感輕身既北海道忌廉, 中間係質感較濃稠D而聞落去好香既北海道芝士,而底層係九州雞蛋做既一層薄薄既海棉蛋糕.口感和味道都是以往食過嘅cheesecake之中數一數二!! 蛋糕入口真係食到double口感, 既食到好creamy軟綿口感, 亦食到一種又像雪糕又像慕斯既輕盈幼滑口感! 即使蛋糕中層有超濃香既芝士味, 好彩亦冇掩蓋到牛奶忌廉既奶香! 最重要是不太甜, 所以一次過切幾件食都唔覺膩! 連媽媽吃過都即刻話今年生日要呢個做生日蛋糕~ 果然識貨!雖然價錢不太便宜($198), 不過以這個質素來說我覺得定價是合理的. 而且其實都可以切到好多件食~ 平時返工咁辛苦..間唔中梗係對自己好D享受一下吖. 佢另外仲有一款細size可以揀($45).  而包裝用既係一個簡約木盒, 我食完仲可以保留個盒平時裝野用~下次會試埋佢另外兩款味道...抹茶同朱古力double fromage

半熟既芝士撻好多人都話好食，不過怕排隊既我一直都懶排而無試過而每一次經過，都總係見到一條龍。今次好難得地。。。。以為自己眼花，竟然無人排隊，乜都唔洗講，每樣三個 ，即刻買去朋友屋企去到朋友屋企都好彩，仲係熱熱地既，打開後，似乎最期待既都係本人(自己）拿拿臨去洗手之際，返返去影相，就見到有人已經拎左一個來食。。。。我自己試左原味，嘩，真係好好味呀，怪不得人人去潮聖。。。。。又香又滑又濃又重芝士味，仲有個一種口感形容不到。。。。如果即場食應該會更好食下次再買過

半熟工房嘅芝士撻真係好鬼正！每次經過都忍唔住要食番個！首先講下個撻底，係用左曲奇皮，但係吃落係蘇蘇脆脆唔會硬班班，而且勁香口，而中間嘅半熟芝士有流心效果，表皮有少少燶，一口咬落d芝士勁creamy，個皮又好蘇脆，芝士味好濃郁，但係感覺又唔會好膩！食過一次就回味無窮！遇啱出爐熱辣辣，個撻仲漲卜卜女正！之前試過買番屋企食凍左都仲係好好味！個撻底凍左都唔會變林，不過凍左食d芝士就凝固左冇咁流心，但味道依然好正！

朋友話佢嘅芝士撻食成個會好(留), 相比佢嘅芝士蛋糕好味好多, 又唔洗等。當然我第一次買就係芝士蛋糕, 當然好食質感軟綿綿, 又有芝士香味又唔(留)。係細件得際唔夠喉!今日經過無人排隊就去試下, 一食就愛上左, 翠翠嘅皮, 表面帶少少濃, 咬落去裡面芝士流緊出泥, 淡淡芝士香味慢慢地填面口腔, 翠口加軟綿綿溝埋一齊, 簡直係百感交集, 不經意地就成個食晒

yummy yummy tart. I love the cheese tart n it taste super yummy. must try if you are chezzeèe lover

半熟芝士撻食得多 半熟朱古力味就真係第一次見佢新鮮出爐即刻買返一件事雖然係朱古力味食 但食落算太甜芝士味相對純芝士撻冇咁濃 但係多咗微微嘅朱古力味Tart皮好脆 tart身食到中間有種流心嘅狀態熱熱地嘅軟心食落正好值得一試

很早食完飯，擔心晚上會肚餓，所以想買一個芝士撻留來當消夜。上次食過原味，今次食朱古力味啦店裡重有卡片介紹製作材料，材料很用心呢，用了法國來的朱古力和牛油就算買一個都有美美盒拎走回家用焗爐整熱來食，很香的朱古力味，雖然是芝士撻，但感覺不會溜，肥唔肥唔知，最重要係好味食左先