半熟工房 (金馬倫道) (已結業)

2016年1月16日 (星期六) 8:45pm 室內全以芝士黃的色調，簡約而光亮。收銀處一共分為兩部分，靠左是負責售賣半熟芝士蛋糕和其他出口蛋糕，因芝士蛋糕本身是雪藏貨，可以即時買到而不用排隊。至於靠右邊的則是負責新鮮出爐的半熟芝士撻。 兩個店員負責包裝，兩個負責收錢，排隊付款速度算快。 等候了5分鐘，便有新鮮出爐的芝士撻。 【最佳食法】：1) 當天以常溫享用2) 放進雪櫃，冷藏後則像雪糕3) 焗爐加熱，外脆內軟。 芝士餡以北海道和美國忌廉芝士調製，餅皮用了兩種麵粉全人手製作，增加餅皮鬆脆度。 本人買了 4 個剛剛出爐的芝士撻，回到家時，它們已經不熱了，但卻仍保持滑溜奶油的半凝固質地，芝士味香濃。外層撻皮用了很重的牛油去搓製，比起酥皮或是曲奇餅底都更酥更香脆，淡黃色芝士忌廉烘至泛黃泛焦，賣相相當吸引。 每個芝士撻定價為 HK$22，4 個要 HK$88，價錢比較昂貴，我覺得每個應該 HK$15 左右就差不多呢！【溫馨提示】：❶ 每十二分鐘出爐一次，每爐共 35 個。❷ 店舖規定每人最多可買 6 件❸ 2 個或以上以紙盒盛載❹ 需要耐心排隊等候出爐

食過sogo個間人龍店亦鍾意食芝士撻！今次就轉戰tst呢間長龍店！22蚊個撻我會有要求，但同預期都有差少出入！雖然好夠芝味但唔夠流心！不過個撻就比sogo個間大件嘅！所以行過唔多人排都可以一試嘅！

個個都要試 我又唔執輸 要左一隻半熟芝士 一隻半熟抹茶 見住佢新鮮出爐當然興奮 隻隻都脹卜卜！！好好彩唔駛排隊 4-5個就到我~ 感覺係 ....好creamy 有芝士味 有抹茶味 但唔可以用好濃郁黎形容 如果經過都會買黎食 但要特登出黎排隊買就未必..

下雨天嘅日子, 應該冇咁多人排掛, 入到去冇人等, 問職員話仲有幾分鐘出爐之前一直冇機會食到sogo 果間嘅, 今日黎開尖咀一於食下, 叫左試左先。size比我想像中大個, 講真新鮮出爐一定係好嘅, 味道方面略嫌咸左少少, 唔夠芝士味, 好creamy 質地, 係因為重忌廉? 撻皮算係鬆化, 但食左一半覺得開始滯滯地, 愈食愈咸, 想飲水。嗯…未食過又唔駛排嘅都可以一試, 但我就唔係特別鐘意。食過之後, 發覺都係草根嘅蛋撻至岩我..真。草根妹。

22蚊食隻撻，真心係覺得少少貴嘅。不過又唔可以唔試喎。買完即刻堂食，微暖。抹茶味幾濃，有甘味，唔苦。不過漏到不得了。食半個就好了！食完之後，覺得22蚊係合理嘅！

常在想為什麼有那麼多人去"Bake"排隊呢 ?當您在試過其他地方的出品，您便會得知答案了....許多為食鬼都知道這兒同樣也屬城中其一著名的芝士撻店。當然門外排隊的人群和"Bake"相比之下可說是大有差別....一睇它的外表就能意識到它和"Bake"的出品是有分別的 ---- 首先那芝士餡是烘焙得偏深焦，其次是酥皮的形狀是弄成波浪型的....先咬一口皮，感覺上沒"Bake"那樣的鬆化。牛油香氣濃度方面倒是打了個平手；芝士的流心度是相若的，但芝及奶香卻是稍遜了....以後若真的想再嚐芝士撻的話，大家還是去銅鑼灣排隊吧....

上次試過原味半熟蛋糕，只有三分之二係cheesecake,三分之一係海棉蛋糕，$15一件不值，可能因為我會自己整cheesecake, 佢只係軟身一點的cheesecake, 芝士味尚可。今次試芝士撻，因為星期日都係只有2，3個人排隊，買左綠茶同原味番屋企食，比較之後覺得原味較好，有焗番熱但冇流心，可能要即買即食先有。 撻皮好鬆脆，唔錯，芝士就一般cream cheese 味，冇咩驚喜。 綠茶味雖然蓋過了芝士味，但喜歡綠茶的可能會嫌不夠綠茶味。

半熟芝士蛋糕 $150/10個.雖然個芝士撻我就唔識欣賞 不過我覺得哩個芝士蛋糕幾正😋同行友人最愛芝士系列 望左兩次個芝士蛋糕最後終於買左❗️其實我唔明點解反而唔使排隊買 喧真心覺得好食我就拎左個黎試下 發現真係幾好味 望落好似紙包蛋糕但其實係好濃郁既芝士蛋糕黎😍咬落去啖啖芝士香 .咩叫半熟 食哩個蛋糕就感受到啦👍🏻👍🏻同埋買既時候會有冰包放係紙袋度凍住個蛋糕❗️但當然紙係唔可以同水做朋友 所以個咁靚既紙袋都係爛左😑

折禮日果然收到禮物，同班知心好食友是日聚一聚食餐晝賀聖誕，好友C竟然送上半熟工房嘅半熟芝士蛋糕作為聖誕禮物，實在太客氣喇 ！當然，小弟都早有準備，否則失禮死呀！半熟工房嘅半熟撻賣到開行，反而依一款半熟芝士蛋糕較被人忽略。盒內有張小卡，喺咁樣介紹個蛋糕：「北海道特濃奶油芝士，配上日本幼滑麵粉和法國鮮香牛油，再以特製的烤焗方法 」製作，又睇睇喺咪咁犀利。每盒半熟芝士蛋糕有5件，賣$85，橢圓形嘅蛋糕小巧的骰，件件更以牛油紙獨立包裝，方便取出食用，既美觀，又實用 。味道方面，當打開盒蓋，已散出淡淡芝士香味，個個烘得金黃，猶如小金磚，面面帶點焦香感，未食都已有所期待 。雖然細細個，但拎上手都唔會太輕飄飄，入口口感非常輕柔軟熟，軟綿綿嘅感覺，有少少似食綿花糖咁，然而，芝士嘅味道頗香濃，用料十足，論質素絕對做得上乘有水準 ，真喺好多謝食友嘅禮物。無論賣相、口感、味道，都令我回想起曾晌香港紅極一時嘅田中家日本芝士蛋糕，亦喺嗰時令小弟認識到依一款軟綿綿嚟自日本嘅烘焙芝士蛋糕，只喺半熟工房嘅變成迷你版。但講到尾，要話佢喺「半熟」，小弟覺得根本唔喺嗰回事 ，不過，你話「半熟」喺指店名，即喺好似「

念念不忘bake cheese tart的美味，又走到銅鑼灣去。拿著cheese tart滿心歡喜打算買點東西口家之際，sales見狀就搭訓說另一間更好吃，於是決定買來比較下。没有長長的人龍，但有熱滕滕的味道選擇 - 芝士味及綠茶味，我各買了一個。品評外表，色澤金黃，饀料滿滿的，亦有微香。先試一下芝士tart。牛油味濃的餅皮十分脆，芝士味太淡，忌廉味卻濃，creamy口感，整體不油膩，其名稱應以忌廉芝士tart命名比較合適。到綠茶味。牛油餅皮亦加入綠茶，非常脆身。由於綠茶味放得太多綠茶粉，太苦，一點都不好吃。

當仲未有機會買到sogo 的Bake cheese tart, 今天經過尖沙咀叫見到半熟工房的門市。想起家人在日本時特別喜愛半熟芝士蛋糕，所以入去此店買蛋糕。但是一入門口即聞到新鮮熱辣出爐的芝士撻香味。只有一個人等，太好了，除了原味，還有靚靚綠色的抹茶芝士撻、於是每様買四件。這裡可以每兩件放一個盒的。每件$22，價錢唔太貴。大家吃得很高興，半熟芝士似布甸，又香又滑，由於是半熟的關係，入口軟棉棉的芝士滲出芝士的香，唔會有實（硬）的感覺，而撻皮唔硬有牛油皮的香酥,但唔會肥「利」，好好食。枺茶味的亦有枺茶的茶香味夾住芝士的香，易係軟棉棉的餡。 比起要排長龍的那家店，這裡舒服得多了。

半熟工房芝士撻每十二分鐘就會出爐一次，而芝士撻賣相非常討好，當然要係熱潮未減之前食返個啦。芝士撻：撻面金黃，內裡有半溶芝士，而撻底就用了曲奇皮。食落去簿簿嘅芝士味當中亦帶丁點酸味，而撻皮鬆化香脆，整體都ok。

​除夕夜，幸好筆者是福利上比較幸運的一群，能夠提早下班慶祝最後2015的最後一天。2015年對每個人來說都有不同的意義，不知道這一年來你們是甜還是苦呢？這一年筆者經歷風風雨雨，的確吃了不少苦頭，本來想分享美食分享資訊分享更多旅遊經歷，但時間的確有限，唯有盡量做好，希望來年時間可以多一點。除夕尖沙咀當然熱鬧，人山人海，從筆者那兒走到尖沙咀其實不遠只是十五分鐘，正如筆者之前所說尖沙咀現在挺熱鬧的，由幾年前空無一間較具質素的食店，到現在高質的咖啡店開了幾間雪糕店也開了幾間，可以說只要想得到都可以在尖沙咀找得到。從同事口中得悉這兒開了半熟工房，當然要去湊熱鬧，是夜除夕關係人山人海，看到這間店舖之時也已經數十人在輪候，輪候他們最知名的半熟芝士撻，當然他們還有其他種類的蛋糕可以選擇，那筆者當然就是選用半熟芝士撻。這個半熟芝士撻 ($22) 牛油餅底，跟常吃到的不同之處在於撻皮吃起來不鬆散，平常有時候吃撻類一咬下撻皮，撻皮便會散但這一個是恰到好處，雖然如此但撻皮並不硬而且帶有微脆口感。另一個令人怕的是太有油膩或有油澀味的滯感，但這一個做得非常好好得甚至可多吃一個。而內裹的餡料有蛋和忌廉芝士，單純的筆

見呢排半熟芝士撻咁紅，我都唔執輸去試下先！黎到呢到沒想像中要排咁耐隊，大概十分鐘左右就到我地，但係因為咁岩前面買哂剩番既綠茶撻，所以就要等多五分鐘! 好啦終於等到芝士撻，因為想趁熱食既關係 所以就快快趣趣開盒品嚐! 首先既係原味半熟芝士撻，嗚呀！好好味呀！入面感覺大概就好似攪散左既熱豆花一樣，而味道就係濃而不膩既芝士味！食完齒頰留香好想食下一個，奈何我既胃唔似女人咁有另一個哈哈！第二個就係綠茶撻，質感都一樣啦，唯一唔同既就係佢有好重既綠茶味，反而令到個撻有d畫蛇添足既感覺所以如果下次再去，又或者你係第一次去，我都推介原味芝士撻！！ YUMYUM

琴日行過 半熟工房 Hanjuku Kobo 竟然門口無人龍，咁就梗係買返啲食下啦。真係好難得，入面都係得唔夠10個人係前面排，咁梗係排下啦，買番幾個返屋企同屋企人share下。少少tips：如果想幫啲撻保暖，買完之後將自己條頸巾放埋入去個袋度，禁住個盒就可以保暖嘞，我成個鐘車返屋企，返到屋企個撻都仲係暖㗎。買咗6個撻，4個原味 + 2個綠茶味佢哋真係幾好賣，真係賣完一盤又一盤，都真係熱辣辣架，如果即買即食都幾開心。其實之前都睇咗唔同嘅食評，對佢都無乜好大嘅期望，不過都無令我失望，兩款撻都好好食。唔知係唔係我自己唔係特別好芝士味，我覺得個綠茶味好食啲，但係我全家人都覺得原味係好食啲.....講返個撻先，原味芝士撻，流心芝士就冇乜喇，不過個心都係gooey嘅，切起上嚟都係黐刀，食落去都係會食到溶咗嘅芝士漿。成個撻都好有芝士味，唔會太甜，又唔會漏，真係一次過食幾個都仲得。暖暖嘅流心芝士，食落就好似有一股暖流將成個口暖暖咁包住，但係又唔會好似泥咁漿住個口，真係纏綿得嚟又唔會太黐身。芝士嘅口感係滑捋捋嘅，真係好似好似絲一樣咁滑，唔怪之得咁多人為佢而瘋狂。 甜酸度，都balance得好好，唔會覺