卷福和他的朋友們 (已結業)

It was a pleasant surprise to have dinner in this restaurant! We really liked it! For one, they put a lot of effort in designing the menu. The dishes all come with a special name and we enjoyed a lot reading through it!We ordered the signature crawfish. It was a bit spicy and sweet, and really mouth watering!!Then we also tried the strawberry pork. I really liked how they made the sauce. It was sweet and sour that really increases your appetite.Lastly we had this vegetable dish that was just rig

上星期同同事見完客，見完已經夜晚八點，正值晚飯時段，朋友介紹呢間由國內引入餐廳，主打龍蝦，見同事見客見得咁順利， 所以我都諗住請佢食返餐，結果就跟佢意思過嚟。黎到餐廳可能已經九點過咗晚飯時段所以人流並不多，餐廳環境非常舒適，座位同枱面都非常寬敞。由於已經係非常肚餓嘅關係，所以我哋聽從店員推介，嗌左一道龍蝦同酸菜魚。嘢食好快就上枱，龍蝦份量比餐牌圖片仲要多，而酸菜魚份量同樣唔細。龍蝦菜式有濃烈嘅嘅蒜香味，醬汁非常惹味，從來未係其他香港餐廳食過，結果我同同事分別食咗三碗白飯，醬汁真係非常適合用嚟撈飯另外龍蝦亦都非常新鮮，我哋落單嘅時候係揀咗澳洲小龍蝦，咪試其他產地，但係澳洲小龍蝦肉質真係非常彈牙，結果我同同事極速清晒而酸菜魚亦都做得非常出色，酸味同辣味都非常突出，鹹酸菜相信係用上品，因為食落並唔會過鹹仲有淡淡的菜味。結果兩個男人食咗一個鐘頭都冇就已經清晒兩碟份量唔細嘅菜式，絕對會再嚟！

這是我們今日這餐飯的亮點 。。。招牌小龍蝦泡飯。 侍應送它來的時候 ，我發現是分開兩兜的， 以為是 飯和湯分開上 ，原來不是 。大湯碗裏裝的已經是小龍蝦泡飯， 另上的是脆脆 爆米花。 吃的時候，把爆米花跟泡飯混和在一起 ，變成了一碗又美味 、又獨特的卷福特色小龍蝦泡飯。我印像中的小龍蝦 ，都是無肉可吃的。 但這碗泡飯裏面 的小龍蝦，是已退殼的淨肉。。。正所謂[ 啖啖肉 ]。 可見店家的貼心程度甚高。小龍蝦的味道鮮美 ，蝦肉很爽口， 咬下去有彈牙的感覺 ，用料十分新鮮 ，值得一讚。泡飯煮得剛剛好， 不會太淋、也不會太爛， 有一點吃軟糯日本飯的感覺。湯的味道很鮮甜 ，跟香軟的泡飯和脆口的爆米花很相襯， 兩者互補不足、 互相輝映， 成就了卷福這個招牌菜的美味。我和朋友還點了兩個$80的抵食套餐，有飯有餸、有湯又有甜品，很抵食。兩餸分別為麻婆豆腐和白切雞。份量挺多的。另還點了特飲，不甜的菊花茶和檸蜜，潤潤喉。這樣，又吃完了很值得回味的一餐。美好生活，從來都是由開始。

依個月難得唔駛OT ，終於可以多番d 自己時間，做下鍾意既野,陪下想見既人。今晚我和爸爸有個約會平時鍾意出街同朋友玩但點都要間唔時扮下乖 陪下爸既💞原先諗住同爸爸撐台腳二人世界，來一晚父女的浪漫🌹不過阿爸又叫埋佢既死黨🤷🏻‍♀️-今晚我依個孝順女👧🏻帶爸爸👨🏻和電燈膽💡去上環食中菜。佢地比較喜歡濃味既小炒叫左款秋季新款推介「馳名蟶子王-豉椒炒」新鮮爽口，大大隻冇沙🤤豉椒炒好惹味-「喀納斯之春」（孜然羊排）羊排略嫌醃得唔算入味不過肉質幾腍身，都算唔錯-香蒜蔥姜爆鮮蝦爸爸話想知蝦新唔新鮮要認真嗒下個蝦殼蝦🦐殻香脆代表新鮮 佢地好like 依個小菜一來蔥蒜炒好有鑊氣好香二來蝦新鮮又份量多-「為伊消得人憔悴 」（乾扁四季豆）阿爸既死黨又再想當年請初戀情史我識背 真係識背 依款小菜我係為佢而叫😂嫩綠四季豆新鮮爽甜 加埋欖菜肉碎更有口感少油去炒，唔錯 👍🏼好怕d 菜炒到好油🙈-依餐飯我地好滿足呀爸爸和💡都好like❤️

今晚呢...乖女兒和媽媽的朋友們相約上環食中菜🤤有一次陪老媽子👵🏼行山，識左佢d 朋友👴🏼雖然我好young （應該係）👧🏻， 同佢地一d 代溝都冇。仲老友鬼鬼tim 約左今晚食飯，上網搵下有咩特別d 既餐廳。無意中見到依間餐廳，俾佢個名吸引左，再而睇下佢既餐牌。每款小菜都有個好特別既名，令人會心微笑之餘，都感受到餐廳花了不少心思。-七點鐘黎到，都坐滿左一半，餐廳唔算大醒目既我當然有book 位啦叫左好幾個小菜-媽👵🏼最鍾意❤️「翻滾吧，小魚兒」🐠媽話未食過水煮魚，好想試下🤤$148 估唔到咁大盤😳魚片🐟好滑溜，好鮮甜，份量多湯底味濃小辣，略嫌多水了些配料蔬菜（西蘭花🥦，芽菜等）嫩綠新鮮-我一向好鍾意食雞🐥依款「雙子座的老司機」椒麻雞係大愛❣️雞肉鮮嫩雞皮雖然邪惡😈，但煙韌口感帶蔥油香令人難以抗拒另外餐廳奉上自家製辣醬椒，鮮雞肉既鮮甜，配上麻油香及秘製醬又係另一番風味-冰上芭蕾舞者💃🏻秋葵君記得小時候媽媽帶我去學芭蕾舞而她總會坐在一旁看著我雖然動作笨拙，同「優雅」距離十萬九千里不過她總是給予我讚美與鼓勵叫依款小菜，某程度都係因為個名勾起美麗的童年回憶同埋我同媽本身好鍾意秋葵秋葵新鮮，亦富有

好友在信德中心返工，今晚就相約她在上環吃飯。看到這間菜館的名字很有趣，我倆就決定來試下吧！從上環地鐵走過來都不太遠，不過餐廳的外牆正進行修茸工程，但餐廳位於路口，一眼也可看到。「福卷和他的朋友們」其實是一間川菜館，中國已經有很多分店，餐枱紙也頗特別，寫上林愛玲的愛情故事。打開餐牌，有很多的選擇。最特色的是小龍蝦料理及水煮魚，當中川味小菜的名字也十分爆笑，相信店東是十分幽默的人吧！友人不吃辣，我們就點了其他餸菜。$68 麻椒雞嘩！份量很大，抵！抵！抵！醮上特製的辣椒油，觸動了味蕾啊！$98 椒鹽脆鮮魷必試！！！實在有驚喜，鮮魷金黃酥化而不油膩，Q彈香口。用椒鹽炮製的食物，惹味到極，送酒一流，吃到停不了口！$98 蒜蓉蒸馳名蒸蟶子皇大大隻的蟶子，火喉就是剛剛好，蒜蓉味道滲入蟶子之中，又鮮又甜，而蟶子的鮮味被粉絲充份吸收，十分惹味！今晚我和友人在福卷又是過了一個飲飽食醉的晚上啊！

放工後同蝦子餅到上環幫小女生買校服，順便過下二人世界，上網做下功課，得知附近有間川菜餐館，名字和菜式也頗特別，一於就試下啦！餐館就在路口，很容易就看得見 。從地鐵站行去，大約六、七分鐘左右。餐館不大，大約有十張枱左右，但裝修雅緻，座位寬敞。這裡出名秘制小龍蝦和水煮魚，不過蝦子餅也想吃羊腩煲，所以今次就點了羊腩煲($238)試試吧！等了一會，熱辣辣的羊腩煲就送到枱上來。嘩！我和蝦子餅都不約而同說非常足料的羊腩煲！要做好的羊腩煲，無論用料、醬料及燜的功夫都大有學問，卷福的羊腩煲，羊腩大大件的，無骨啖啖肉，羊皮彈牙，肉質柔韌，入口香羶回味！配料有厚身的花菇，成本甚高枝竹吸收了醬汁及羊腩的精華，鮮香入味！見到個名好得意，也叫了一份「我最愛的兩個男人$48」其實是蘿白米糕來的呢！煎得剛好，金黃香脆，不過蝦子餅說多點蘿白會更好！ 說好了的減肥呢？兩口子今晚又是吃得飽飽的回家去！

今日同男朋友食飯，去左上環一間餐廳，中菜館是男朋友其中一樣愛吃的菜。餐廳名好有趣菜式選擇好多好多，男朋友話事叫左三樣試試。水煮魚。無辣不歡既男朋友話水煮魚可以再辣啲，我覺得味道岩岩好。魚肉嫩滑無骨，肉質唔會好鬆散，入口尚有彈牙口感。士多啤梨骨是我最愛。我好鐘意用生果煮的菜式，因為有生果鮮甜味道。排骨肉質鬆化入味，唔會好鞋口。鹽焗雞。雞肉好滑咸香味濃，雞皮唔會好油膩，肉質結實唔會好鞋口。我地一人一個白飯剛剛好。

過了馬路，在十字位就見到小龍蝦，「卷福和他的朋友們」。這裡的餐牌同餐廳的名字相映成趣，因為卷福和他的朋友們就好似一度同朋友嘻嘻哈哈相聚，很歡樂很溫馨，大概都係店主想要嘅畫面，更有趣就係佢個餐牌，每一道菜都有特別嘅名稱，創意無限，又可以令食客會心微笑，這點我係好欣賞。「麥兜全家歡」、「寂寞難耐的小家碧玉」、「青春若是條不老的魚」諗菜式嘅人絕對唔簡單，要諗咁多有趣嘅名，令食客一坐底已經可以同朋友打開話題，有趣！有趣！朋友相聚，好食固之然重要，但餐廳帶來嘅氣氛令個一餐食得更開心，相信「卷福和他的朋友們」就做到呢點了！1. 干煸四季豆，辣得出色。嫩綠爽口嘅四季豆，配上辣椒，口味極好，食極都唔會厭，單單係呢樣餸已經想encore再返黎食。2. 夫妻肺片，其實一直都好想知究竟點解會有呢個菜式，夫妻肺片，好像背後有可歌可泣嘅故事。我一咬落去第一口，衝擊我嘅味蕾，有種欲擺不能嘅感覺，呢D就係川湘菜嘅威力，辣得過癮，食到停不了口！3. 水煮牛，食得川湘菜，點可以只食一樣辣野！水煮牛呢度菜，濃濃獨特嘅川湘辣味湧入口腔徘徊，久久不散，又係食到愈辣愈過癮，牛肉嫩滑，認真出色！4. 麥兜全家歡，食左一啖就會明白

我和我的辣妹朋友們：最愛士多啤梨排骨卷福和他的朋友們，單單睇個名都覺得好得意，一枱枱都係放工後相聚既好友，牆上貼滿相片既photowall，成間餐廳都好warm呀好多外國既朋友都食得好滋味睇下餐牌，會見到好多鬼馬既菜名，再見，電車癡漢；驀然回首，覺得老闆好有創意，抵佢生意愈做愈旺夫妻肺片，食辣之人必點，呢個夫妻肺片性價比超高，價錢唔貴，以為咁平既價錢只係細細碟既前菜，點知係好大碟！好大碟！佢隻辣偏向麻辣多，唔算好辣，咁適合更多既客人夠哂爽口惹味！愈食愈想食！正干煸四季豆，係度食就別有一番風味，真心比上海菜更好食！點解？因為佢係辣味四季豆，而且無上海菜咁乾身，辣辣地好開胃，送飯一流！水煮嫩牛肉，如果係熱辣辣鍋上更正呀！佢d牛肉好嫩滑，又香又辣又麻，簡直係對味蕾新衝擊又係大大碟，真係好抵食，佢仲有d蔬菜係底，吸哂d精華，好鬼正可能要4人先食得哂呢個炒飯人人推介，裡面又有小龍蝦，可以試埋卷福最有名的小龍蝦，中間個d粒粒有咬口，炒飯炒得夠乾，可以用黎送四季豆最後，不能錯過的士多啤梨排骨呢個一定要order超好食，一咬落去，就充滿驚喜，未試過咁嫩既豬肉，同士多啤梨又超夾！食到唔夠食，最後一舊大家

今晚嚟到卷福和他的朋友們食川菜，餐廳名真係好得意😃😃 好似戲名咁haha. 近排天氣乾燥，所以嗌個老雞鮑魚湯滋潤下💆💆 飲落好驚喜！重人蔘味，鮑魚好彈牙，入面嘅瘦肉已經倡到出哂味，所以就冇辦法食到啦🤦🏻‍♀️🤦🏻‍♀️如果再大碗d會更好。之後要左碟夫妻肺片，68蚊嚟講好大碟下！小小辣咁，食落好惹味，又夠爽口，果然係川菜代表👍🏻👍🏻👍🏻 另外仲叫左2隻蒜蓉蒸聖子王，好鮮甜！又夠大隻，48蚊隻算幾抵玩😋😋

行完南丫島就嚟到呢間專食川菜嘅餐廳醫肚，餐廳名好有趣！原來係內地有好多分店嘅卷福💁🏻💁🏻 叫左個汁燒雜菌炒龍𧄌🤗 小小帶酸，龍𧄌都幾嫩滑，都有5大件！雜菌非常多，都吸哂d汁嘅味，好爽口，送飯一流⭐️⭐️ 另外清清地要左個蝦乾魚肚浸時蔬，好大一碗！湯都飲得，菜係小白菜，好fesh🥗🥗 魚肚吸左d湯汁，夠淋好味道！蝦乾食落仲幾鮮味，係新鮮貨！😃😃餐廳主要係食小龍蝦，下次要嚟試下👍🏻👍🏻

今日約左舊同事食飯,佢係上環之友,次次都係佢拍板食邊間今次介絕左間出名既川菜裝修中西合壁開餐前先黎一炋啤酒一人派一條圍裙呢個係招片龍蝦經典十三香小龍蝦$268好特別好野味似麻辣加沙爹混合體好香口,龍蝦仔細細仔但好新鮮好細心,龍蝦仔會派手套,可以放心慢慢食$138什菌燒汁炒龍躉球,好滑,好香,好好味寂寞難耐的小家碧玉豆付用紫菜包住煎,什菌同醬汁好正,難以形容想介紹晒其他朋友黎食呢個小家碧玉腰纏萬貫居氐炒飯$88炒得好爽口乾身,粒粒分明香得黎好有口感,多配料重點係平,超值!跟住上環地頭搵食真係無錯,絶對可以再黎食過~

雖然來了湘菜館但今晚並沒有點辣味的東西。這家餐廳的菜名起得很有意思，和食材契合得很好。點了牛肉炒菇，牛肉很嫩口，菇也不會很乾，軟軟的。海苔豆腐，豆腐燒得剛剛好，底下的南瓜芡汁很特別，也不會很鹹。還有孜然烤羊腿，肉身軟嫩，肥瘦剛剛好。最後是小tips：晚上6:00-6:30或許可尊享包場呢，同行兩人晚上這個時間入座，成為晚餐時段的第一桌客人，尊享寧靜的餐廳環境，還沒其他客人，感覺就像包場用餐一樣，Happy Friday～下次會來嘗試其他菜式的^ ^

自從上次去咗深圳一日遊食咗好多酸菜魚小龍蝦之後，就深深愛上左！而且好想再食！！但係香港又好似唔多覺有咩地方有呢啲野食，終於再三問朋友之後發現呢一間個名好特別嘅餐廳：卷福和他的朋友們餐廳有好多唔同嘅選擇，大食既我哋兩個人嗌咗五道菜😝😝酸菜魚首先梗係唔可以唔叫我最鍾意嘅酸菜魚！酸菜魚嘅湯酸酸甜甜，又帶小辣，最適合我呢啲唔係咁食得辣嘅人。而酸菜嘅份量好多，完全感受到湯底好濃郁、好足料！而且魚肉亦都好鮮甜，最重要係唔多骨！所以呢一個真係好推薦！其實餐廳仲有另外一個選擇就係水煮魚，賣相都非常吸引！但係因為我同朋友都唔係好食得辣嘅關係，所以都係嗌咗酸菜魚冰鎮秋葵平時好少就咁食秋葵嘅我覺得呢道菜好特別首先佢係用冰冷凍住啲秋葵，食落去好涼好舒服！再加上醬汁感覺好新鮮值得一試麻辣豬耳雖然我同朋友唔算好食得辣，但係都心郁郁想試吓啲麻辣嘅川菜，所以就請餐廳幫我地轉成小辣！呢一個豬耳辣得好有層次，唔會一味死辣，豬耳亦都好爽口，份量亦夠多，正！招牌小龍蝦泡飯朋友同埋我都好想食小龍蝦，但係又嫌剝殼麻煩😂所以就嗌咗呢一個唔使剝殼嘅小龍蝦泡飯呢個泡飯原來有佢特別之處：就係佢用咗兩種米，首先係一開始浸左係泡飯入面嘅泡飯