原味棧 (已結業)

$208任飲任食打邊爐仲要包一大盤海鮮，個隻龍蝦係落左單後望住佢係魚缸度攞出尼，真係新鮮，所以龍蝦係最好味，新鮮爽口彈牙，呢個價錢仲要包有啤酒任飲，唔係佢太偏遠，我應該會成日同班FD尼食，抵過去旺角。

今晚去開紅磡搵朋友，朋友話崇潔街有間海鮮打邊爐平靚正，好過去食大財團，今晚就由佢帶我去滾!地方寬闊，坐得舒服，門外店內都可以看到生猛游水海鮮，直覺質素應有保証，心情大好!最貴的6:30-9:30時段都只係$208蚊，任飲任食，劃一收費。鍋底有4個特色鍋底選擇:麻辣雞鱔煲，火焰魚，火焰台山五味醉雞，同埋龍穿鳳。我地揀左龍穿鳳，即胡椒海蝦雞窩。呢個鍋底超級多料，絕對唔使加味精都好夠味!而且胡椒味好濃!我地直頭當湯咁飲左幾碗。海鮮拼盤好有驚喜，有鮑魚，龍蝦，鮮蝦，花蟹，貴妃蚌，蜆同螺，相當新鮮鮮甜，份量唔小!半邊龍蝦有我手掌咁隻手大，佢肌肉相當結實，好感動呀。美國安格斯手切肥牛，色澤鮮紅，肉質鮮嫰很有牛味，好大碟，好岩我地呢啲牛魔王。另外有個蔬菜籃。鯇魚腩肥美嫩滑，啖啖肉冇骨!好正!我地雖然得2個人，但店方沒有因此縮減食材份量。反而我地要主動要求份量俾少啲。服務非常好，店員熱情有禮會幫我地換骨碟執枱。$208蚊有龍蝦新鮮海鮮拼盤且配料任飲任食，實在超值!完全明白點解原味棧會零劣評!很有良心的小店，大力支持!

2017.09.28 😊【新鮮抵食醉鵝海鮮窩】紅磡崇潔街 位於紅磡、馬頭圍道附近可能是港鐵尚未通車關係 人流亦不算太多最近的黃埔站亦要行十幾分鐘才到其實這條街又名祟潔美食街大大小小的餐廳開滿整條街🤗當中不乏特式小店還會設計成日本居酒屋的模樣令人流連忘返😍而小妹則被一間海鮮打邊爐 吸引著不論是店內的裝潢還是食物的質素 亦值得鼓舞火焰台山五味醉鵝 $208 (每位加$30)醉雞就常見 醉鵝小妹就不曾試過🐔這個套餐標榜著是放題 任飲任食除左主角醉鵝外 另外還附上海鮮拼盆及鮮牛肉、蔬果籃 (任食)、肉食 (任食)超級豐富 可以食到滿載而歸對於放題這個詞語 小妹確是挺抗拒就像動物園的小動物 被大量餵食結果食不到食物本身的味道就知道吃多就值回票價😅雖然小店是標榜任飲任食卻給了我很大的驚喜先是主角醉鵝 店員襯著火鍋滾的時候灑上酒及點火 使其做成火焰的效果視覺效果十足然而根據我們當天的經驗😆這個時候千萬不要搶著去試 酒味會太濃建議待鵝都吸收了酒 肉質都吸收會很出色這個時間 海鮮拼盆出場了比我們想像的份量要來得多鮑魚 蝦 桂花蚌 龍蝦 蟹 蜆 東風螺等🦐🐚小妹亦要一再強調每一款海鮮真的真的很鮮食過客人都

今晚同班朋友係黃埔果頭上完模型堂，終於整完隻高達同噴完色。見大家都肚餓就去工作室附近搵食。行行下行黎去祟潔街，記起之前呢度打邊爐好抵食又好味，就拉隊行左入去反正幾條麻甩佬最啱就係打邊爐，唔洗煩。因為上次食過佢個雞煲，所以今餐就食佢個招牌鍋底－火焰台山五味醉鵝煲。預期一樣超抵食，足足有成隻鵝係入面。店員再加左啲烈酒落去，成個煲都酒氣沖天香味四溢。充滿酒香的鵝肉，咬落惹味十足亦辟去鵝鴨本身嘅羶味。酒精揮發完之後留低醇厚嘅甜味，令湯底嘅層次再升一級。之後係我成晚最鐘意的手切肥牛，上次食完已經眼前一亮。因為佢絕唔係一般任食嗰啲雪藏肥牛。呢度用料非常落本牛肉脂肪分佈好均勻而且厚薄適中，食落去成口都係牛肉味，真係無得輸！同埋老細唔係俾一碟仔得幾塊你，而係俾一大碟起碼都有成三四十塊。淨係黎食肥牛都覺得物超所值。海鮮拼盤照樣有龍蝦有蟹又有鮑魚。以呢個價錢黎講又係超值，大大盤得黎而且好新鮮，朋友鐘意海鮮真係會比左十個like佢。今次轉左少少多左幾款貝類海鮮，依然鮮味十足。三點蟹, 雖然唔係大隻但都好多肉。新鮮蟹肉嘅結實口感表露無遺。龍蝦都係手掌大小嘅本地龍蝦，但蝦膏十足大大啖啜落去，濃郁香滑真係不得了呀

今次到原味棧嘗試海鮮火鍋放題，$208一位，晚上正價時段由6:30至9:30。火鍋湯底有三款，我就揀左龍穿鳳，個名好得意！龍穿鳳其實即是胡椒海蝦雞窩，套餐包左豪華海鮮拼盤，美國安格斯手切肥牛片仲有時令菜籃。龍穿鳳個湯底胡椒味好重，湯底已經有雞肉同海蝦！雞肉份量十分多！用胡椒湯底令雞肉好入味，而肉質好嫩滑，海蝦新鮮又好大隻！肉質彈牙。淨係湯底材料份量都好多！食完湯底d料就開始食海鮮啦！海鮮拼盤好豐富！有鮑魚，龍蝦，花蟹，北寄貝，海蝦，埾子，螺，蜆，好豐富。所有海鮮都好新鮮！我地將海鮮逐樣放入去煮。當中最愛花蟹和鮑魚，鮮魚肉質彈牙，花蟹味道鮮甜，而龍蝦又好大隻而且仲好多膏！第一次用胡椒味湯底煮海鮮，令海鮮味道提升，除左海鮮本身鮮甜味之外，仲令海鮮味道更野味！食完海鮮就食美國安格斯手切肥牛，牛肉味好重，配合胡椒的野味，剛剛好！完全唔使點醬油已經夠晒味！套餐仲有個時令菜藍，有金菇，生菜，冬菇，蕃茄，粟米，全部都好新鮮！食完肉食番d菜好似健康d！d菜用胡椒湯底煮完勁好味！除了套餐包括的主食材之外，仲有其他火鍋料是任點，以依個價錢黎講都算幾抵食！

又一個放假前要OT嘅晚上，收左工就提議成班同事一齊食個晚飯。見大家都無乜頭緒就提議黎呢度其實係為左方便自己，約左人係黃埔睇I.T嘅午夜場。首先點左呢度嘅招牌火焰鵝煲。配料係海鮮併盤及手切安格斯肥牛。其他火鍋配料分左免費任點同埋收費單點，本身火鍋嘅分量已經好多所以我地都無再追加了。店員係鵝煲滾左之後立即加入二鍋頭並點火，視覺效果同香味都一流。之後再焗多一陣俾酒精揮發就食得了。鵝煲用左燒鵝製成煮得好入味，入口唔會好柴。尤其係裡面嘅豆卜同腐皮，吸收晒濃郁湯汁嘅味道同酒香，同事們都爭住食。鵝煲食到七七八八就開始進軍海鮮同肥牛了。海鮮併盤材料非常豐富包括龍蝦，鮑魚，海蝦，蟹以及各式貝類。因為湯底已經好夠味，食海鮮時完全唔使沾醬油調味。龍蝦鮑魚等等因為夠新鮮，食落彈牙甘甜。加上酒精嘅幫助將僅餘的海產腥味都辟走埋。其中貝類真係令人眼前一亮，無論係沙蜆，花蛤同螺都完全無沙同鮮甜。貴妃蚌除左大大隻肉質夠厚之外，而且入口爽滑口感完全唔似食緊貝肉。最後係手切安格斯肥牛，雪花雖然唔算特別多但好均勻。咁樣反而更加突出左佢本身嘅牛肉味，而且每片都切得幾厚所以咬落好有滿足感。蔬菜籃到最後差啲食唔晒，因為個量實在幾多

下晝嗰餐都仲未落格就醒起夜晚約咗朋友打邊爐紅磡呢條美食街之前就聽朋友講過自己就第一次黎 所以都搵左一陣餐廳環境都算大，門口放置左d海鮮玻璃櫃仲有好多海鮮游緊水 望落都幾新鮮吸引就係聽朋友推薦呢間既火鍋晚市任食火鍋配料好抵食 晚上9:30-11:30特價時段都只係$188位又唔洗等位 我地兩個人就叫左龍穿鳳火鍋(胡椒海蝦雞鍋)重點係跟餐會送個豪華海鮮拼盤 仲有一大碟美國安格斯肥牛 同時令蔬菜拼盤 豪華海鮮拼盤絕對值得一贊 有每人一份極新鮮鮑魚、龍蝦、海螺、蜆肉、蟹等 加埋好香既胡椒湯底 又有雞同蝦安格斯肥牛切既厚度剛剛好放落去碌一碌好快就食得 記得唔好碌太耐 如果唔係口感就會差d自己配返岩自己口味既調味料 一流好滿足 另外仲有得任叫其他配料丸類豆腐、豬頸肉魚肉等 真係可以話仲好食同豐富過食放題另外仲有野飲任飲 服務態度又好紅磡又多同朋友既聚腳點 下次再黎會想試下佢d小炒菜 幾有穫氣咁

考下大家，呢兩個火鍋怪一星期可以食幾多次火鍋呢？尋日嘅答案仲係3次。不過食埋今餐，就打破我哋嘅紀錄，係今個星期第4次打邊爐啦！上次嚟過紅磡原味棧，火鍋半自助餐真係質素高又抵食，正價每位都只係$208，任飲任食，所以今日決定再嚟多次。火焰魚上次試咗半隻龍穿鳳（楜椒海蝦雞窩），今次就梗係試另一款湯底。我哋今次叫咗嗰名同樣係咁特別嘅火焰魚。一嚟到就見到兩大舊鯇魚腩，超級厚肉，入口啖啖肉，仲要係微微煎過，好香口。話明係火焰魚，就梗係有火焰啦！滾到咁上下，職員就會加燒酒，點埋火，真係好大火呀！另外湯底仲有莞茜、洋蔥、胡椒同紅椒等香料，所以湯底香濃入味，好好味！豪華海鮮拼盤我哋就係因為呢個海鮮拼盤而再嚟嘅，可能佢哋認得我哋，今次嗰拼盤嘅份量比上次多，你睇下啲蜆多到就快跌咁啦！海鮮係依據當日咩新鮮而定，今日就有龍蝦、鮑魚、三點蟹、海蝦、蜆、象拔蚌仔、花螺等，真係份量十足。海蝦真係好生猛，郁吓郁吓。安格斯手切肥牛今次碟牛比上次更大碟，肉質同樣鮮嫩，牛味比上次更濃郁。除咗海鮮同牛，仲有其他肉類同蔬菜任食，真係食到攬住嗰肚走。（記住Like同Share畀朋友）

在香港, 一直都覺得聚會去打邊爐是最適合不過的, 因大家投其所好點選食材, 鐘意食咩就煮咩, 完全可以照顧到每個人的需要, 特別是放題式的火鍋餐廳, 特別受香港人歡迎, 當中海鮮更是無限loop的主題! 打邊爐最重要是什麼? 對我而言, 第一是食材, 第二是湯底!點解話湯底很重要? 湯底淡而無味, 不能夠充分帶出食物的味道; 而湯底太濃又會搶走食物的原味! 畢竟食材才是主角, 當湯底只是配角時, 能夠令食物加分同時又不會搶走主角光環的就是最佳湯底!所以,湯底和火鍋料的配合度極之重要! 而食材是主角, 它的種類和新鮮度都是最重要的! 今次到原味棧吃海鮮火鍋放題, 正價時段 6:30 – 9:30 .p.m. $208湯底簡左龍穿鳳, 即是胡椒海蝦雞窩, 套餐會附送豪華海鮮拼盤, 美國安格斯手切肥牛片及時令菜籃!湯底的胡椒味很濃, 卻保有雞和海蝦的甜度, 當中最愛它的雞肉, 肉質很鮮嫰! 我地首先將湯底本身的火鍋料一一掃空, 才逐種海鮮煮, 畢竟每種海鮮煮熟的時間不同, 逐樣煮先可以確保食物的熟度剛剛好!海鮮拼盤中有: 鮑魚, 龍蝦, 花蟹, 北寄貝, 海蝦, 埾子…海鮮很新鮮, 當中最愛

鮮味十足原味棧紅磡一向出名多野食, 今日經開祟潔街, 花多眼亂,最後決定入左呢間原味棧, 入到去先知有熟食, 又有得打邊爐打邊爐價錢吸引, 200頭就可以有海鮮又有得任食,所以我地揀左打邊爐, 選左個胡椒海鮮鍋個湯底好多料, 仲吸哂湯既精華, 胡椒味又帶鮮甜 終於等到海鮮盤, 一黎到大家都嘩左, 估唔到份量咁多,有蟹, 鮑魚, 花螺, 象拔蚝, 聖子, 蜆, 蝦咁多野都係200蚊好抵呀!而且十分鮮甜!個龍蝦勁正呀!好大隻!而且咬落啖啖肉,非常彈牙!呢完全超值!蝦隻隻都仲郁堅好生猛個餐仲包左碟牛, 牛味濃郁, 絕非平價肥牛!食落幾香幾滑!另外蔬菜都好新鮮,款式都唔少,連雲耳都有!其實食到呢到都已經飽到頂,我地都仲未叫其他野食!200幾蚊可以食到咁既質素, 睇黎原味棧先有, 另外佢地仲有小菜, 其間都聞到好香, 下次一於再黎食過!!

今晚去紅磡搵個朋友食飯.....佢話喺崇潔街附近有好多野食....我心諗都遠下.....但老友想去咪配合下囉....佢話帶我去一間有火焰魚的打邊爐.....仲要任食吾嬲添.....佢地有好出名既火焰魚火煱....仲有龍穿鳯....淨喺聽名都知堅野而且仲有各式各款不同即抄小菜而且環境雅緻特別....給客人有個舒服環境享受美食我地叫左海鮮牛拼盤仲有不同菜款任食有蝦有蠏有龍🦐真的有大廚為你點起火焰山.....我都喺第一次咋淨喺個湯底加餸都不得了啲魚超滑...而且豆卜勁入味成個海鮮魚煱....一流享受真係正到卑我下星期再同我屋企人黎多次

朋友住在土瓜灣，搵食佢至醒，今次帶著我們一行四人去了崇潔街的原味棧，崇潔街為一條食肆林立的街道，街肉沿途密密麻麻的食店，吸引不少港人及遊客慕名而來，被稱為崇潔美食街。其中原味棧是主打小菜及打邊爐，今天我們就試一試它的邊爐鍋。我們點了一個鮮茄雜菌豬手骨鍋，人頭$208包一個海鮮併盤、一碟美國安格斯手切肥牛及蔬菜藍，還有任食配料紙，另外有些配料是要付費的。任飲方面，最抵的是獅威啤酒無限量供應，汽水包括ZERO、忌廉及雪碧等。飲品櫃夠凍，啤酒夠凍先好飲。調味醬料款式不多，但辣椒、蒜、葱及芫茜都有，已經夠哂。鮮茄雜菌豬手骨鍋有香濃的蕃茄味，有點似家中煲的蕃茄雜菜湯，大量的蕃茄、菇及豬手骨煲成，湯甜有骨香。不過到最後越煲越濃，太咸飲唔到。豬手最後燜得非常腍，豬皮骨膠原豐富，入口即溶。海鮮拼盤款式多，份量都很多，每人可以食到一隻小型鮑魚，半邊龍蝦，蝦、貴妃蚌、象拔蚌仔各一隻，及大量的蜆及螺。食完盤海鮮都半飽。螺肉很爽但味道一般。其他貝殼類新鮮爽口，海鮮鮮甜，完全唔韌。龍蝦及蝦新鮮爽口，非常鮮甜，絕對有驚喜。蔬菜藍份量十足，有菇有菜有粟米蕃茄，蔬菜新鮮香甜。美國安格斯手切肥牛切得很厚，顏色鮮紅，油份

火鍋控就係一年四季都無損打邊爐慾望😆今次search 呢間係超神奇地67好評零劣評, 當然要去會會臉.openrice雖然話係從黃埔站8mins 路程, 但實際上全程跑去都要十幾分鐘. 慢行ard 20mins. 之前去過崇潔街西餐食過一次, 所以都知其實都有d遠. 但食過就覺得呢段路完全值得!火鍋湯底有4個-火焰臺山醉鵝, 火焰魚, 鮮茄野菌豬手同龍穿鳳(胡椒海蝦雞窩). 雖然選擇唔多, 但係出面好少見.包豪華海鮮拼盤, 安格斯手切肥牛同時令菜籃. 正價$208(630pm ~930pm), 特價$188 (930pm~1130pm).雖然話係豪華海鮮併盤, 但呢個價錢我本來都係太大期待, 但上到海鮮真係要感慨呢個價錢真係堅抵. 我地2個人來, 海鮮超大盤.而且蟹新鮮到仲郁緊! 有龍蝦, 鮑魚, 蟹, 花螺, 鯇魚......選左火焰魚, 上到來真係成個窩咁大條魚. 其實已經煮好9成熟, 上到來店員會淋上紹酒, 再開火, 超震蕩唔好以為得個樣, 燒完魚肥美中仲帶有酒香. 湯底超濃郁, 除左魚鮮, 酒香, 仲有點碎黑椒既野蠻香辛, 湯中亦有落蔬菜, 所以仲帶有天然甜味. 呢個火鍋湯底係

忙左成個星期，難得有日可以早放，當然要同好朋友食番餐好架啦~朋友因為住係紅磡，所以我地就決定去佢個頭食Dinner!~係崇潔街行左一個圈，就見到一間叫《原味棧》嘅食店初初第一個感覺，以為尼間野只係食普通小菜嘅中菜館點知行入去先知，原來有得打邊爐...我個火鍋迷朋友開心都當堂大笑左出黎...店裡面嘅裝修幾特別，有好幾幅大型油畫我同朋友都最鍾意尼幅「北極熊」油畫因為隻隻都栩栩如生，好有3D立體感架~店門口有個迷你水族館，裡面有好多條游緊水嘅魚同龍蝦朋友見到D海鮮咁新鮮，就嘈住一定要食；咁我見大家咁耐無食過海鮮，加上隻隻龍蝦都咁生猛，就一口say yesorder海鮮之前，當然要為我個friend叫番個火鍋啦大家睇左menu好耐 (因為真係樣樣都好想食)，總算有左決定--「火焰臺山五味醉鵝」不得不提，侍應係抬拎個煲上黎個陣，特別拎埋枝打火機個黎之後佢係煲鵝度落左半瓶燒酒，再點火，成個煲即刻形成火焰山尼刻，我地終於明白點解尼個set會叫「火焰臺山五味醉鵝」，哈哈一打開個蓋，鵝香即刻係個煲度衝上黎~~個湯底有淡淡嘅胡椒味，同鵝肉好夾呀件件鵝都大大啖肉，完全冇咩鵝頸鵝頭充斥個煲鵝肉厚身但一D肥膏都

一直都知道紅磡有很多小店，可是我卻很少去紅磡，早前跟好友到高山劇場，離開時心血來潮想周圍看看有什麼好吃的，於是來到崇潔街覓食!我們選了「原味棧」這間店，因為被門口寫著的食物吸引了! 店內有火鍋也有小菜，因為常常吃火鍋，所以這次也想吃小菜啊! 甫坐下，一人選一款，四個朋友點了五款菜! 包括胡椒姜蔥粉絲焗肉蟹煲、XO醬西芹炒帶子、麻辣豬肚雞煲、客家特式五味鵝及蜜椒金薯安格斯粒!客家特式五味鵝，汁好濃好惹味! 喜歡的鵝的朋友一定要試啊! 我用這個汁配了好多飯=P麻辣豬肚雞煲，好惹味好香呀! 雖然是麻辣，但我們向店員要求不要太辣，所以覺得還不錯呢!胡椒姜蔥粉絲焗肉蟹煲，粉絲入晒味，好好吃呀! 大家爭吃蟹也爭吃粉絲呢! 另外蟹本身也不錯，啖啖肉!XO醬西芹炒帶子，很清新的一道菜，西芹有益，間中吃吃也不錯啊!全晚最驚喜是蜜椒金薯安格斯粒，牛粒易咬有肉汁，蜜椒汁好香好開口!總括來說: 沒想到隨意選一間店，也可以吃到一間合心意的店! 價錢公道，食物份量足料，味道也惹味，是一間可以吃得非常滿足的店! 有機會也要來試試其他小菜及火鍋呢!