原味棧 (已結業)

上個月和家人到土瓜灣原味棧吃火鍋雞煲，老闆推介臺山火焰五味醉鵝給我們，其他餐廳少見，一於試一試吧！鵝煲加酒造成火焰效果，鵝煲本身調味濃厚，酒味不會太搶，配搭剛好。鵝肉肥瘦適中不會太油膩。吃完鵝肉後，便加水吃火鍋。先來了豪華海鮮拼盤。除主角龍蝦外，還有鮑魚、蝦、蟹、青口、花蛤等。全部都很新鮮，尤其花蛤特別鮮甜，龍蝦爽滑彈牙。不過鵝煲湯底味道較濃，稍微蓋過海鮮味。另外也來了一碟美國安格斯手切肥牛片，厚薄適中肉味香濃帶牛肉鮮味。最後追加了芝士腸，墨魚丸等火鍋任食配料，已非常滿足！當天星期六晚上座無虛席，而老闆亦說平日也頗滿座的，所以打算吃任食火鍋最好先訂座。雖然餐廳位置有點偏遠，但食物資素不錯性價比高，老闆和員工都十分親切友善，是值得支持的小店！

香港寸金尺土，每人平均佔地率年年下降，除了我們這些升斗市民外，最受影響的就是餐廳小店，舖租高企，無良業主年年加租，迫死小商戶。一些小商戶唯有搬遷至比較平租的地方，平租多數是地段不太方便，離地鐵站頗遠，但同樣地亦不失為一個機遇，租金便宜自然可以將成本放重一點在食物方面，所以這些小店普徧的食物質素會提高來吸引客人光顧。就好似這間位於土瓜灣的崇潔美食街內的原味棧，正正在何文田及黃埔站中間，兩邊行過去都要15分鐘，地點不太方便，但只需要二百多完就能吃到一份海鮮併盤及任食火鍋，比旺角很多的連鎖餐廳更平更新鮮。餐廳有小菜供應，亦有打邊爐，鍋底雖不多，但比外面的邊爐底特別，而且價錢很便宜，只需要$208/位已經任飲任食，不需要加一。先自製調味料，基本的葱蒜辣椒齊全。我們點了一個鮮茄雜菌豬手骨鍋，套餐包括了海鮮併盤、美國安格斯手切肥牛片及時令菜籃。湯底有濃郁的蕃茄薯仔湯味，非常鮮甜，未開始已經飲左一碗。另外還有任食紙，但款式不多。獅威啤酒及各類汽水全部任飲。時令菜籃有蕃茄、金菇、粟米、娃娃菜及唐生菜。其實一籃份量十足，都不需要再額外加單。美國安格斯手切肥牛片份量很多，色澤呈鮮紅，切得比較厚身，脂肪比例

一入到店 其實感覺比較似做街坊生意 店面唔算太華麗 (題外話：我地坐個個位對住畫滿北極風景畫食火鍋 真係有另一番風味)窩底有3種選擇 有醉鵝、火焰魚、龍穿鳳胡椒海蝦雞窩 最後我地揀左龍穿鳳 一開窩雖然冇嘩一聲但好香窩入面d蝦幾香口 有煎左先 肉唔梅雞肉幾嫩滑 二人份量適中不得不題個湯底 黑椒味適中 唔會太辣 有少少胡椒豬肚湯嘅感覺主角海鮮併盆出場 真係嘩一聲 有整隻蟹 雖然唔大隻但好多蟹膏 一整隻龍蝦仔 兩隻鮑魚去埋腸 仲有蝦、大蜆同青口 食材真係好新鮮 新鮮到隻鮑魚仲郁緊 而隻蟹嘅肉都仲微微跳動緊 淨係見到都覺得鮮甜另外仲有一碟安格斯牛肉，好有牛肉味 厚薄剛好另外仲有一堆配菜可以叫 大家注意佢份量好足 我地兩個人叫半份都覺得好大份當淥完海鮮、蔬菜之後 個湯底仲鮮甜 胡椒味濃左 正總睇泥講呢間鋪係卧虎藏龍 價錢適中但質素幾高 另外都睇過佢d小菜款式都好吸引 價錢都算平民

紅磡近港鐵黃埔站，一向美食多，而家仲方便有地鐵直達，今次四個人就去試吓小菜。餐牌入面有好多種食物選擇，全部都係送飯一流。首先叫咗「川味水煮魚」，我哋有幾個比較鍾意食魚，特別係我哋兩個女仔，辣度就係小辣，就咁睇都有好多魚片喺面頭，食落去比我想像中小骨，而且有好新鮮嘅魚味道，酸酸辣辣好醒胃，原來最底部有芽菜，雲耳同埋酸辣粉， 非常足料，呢啲配菜仲更入哂味。「客家煎釀豆腐」用鐵板上，中間有「芫荽」做點綴，連我平時都唔鍾意食芫荽同埋聞到會好討厭嗰陣味道，竟然今次冇抗拒，原因就係煎釀豆腐煎得好香，呈現金黃色，佢啲汁味道好香濃，滲頭晒係豆腐入面，食落去豆腐好入味好滑，最重要係唔會好易散，而且每件豆腐上面都有蝦滑，每一啖都有多種口感。其實每一款菜式都好好食，我最鍾意就係「蜜椒金薯安格斯粒」，牛柳粒面頭上有好多黑椒粒同埋蜜糖醬，食落去唔會太辣，仲有少少脆脆蜜糖嘅口感，而且牛柳粒好鬆軟唔難消化，不得不提啲金薯，煎到外脆內軟，咬落去好香口，好正。「霸王雞」叫咗半隻份量，賣相已經好吸引，雞皮是黃色，望落去都好滑。食落去雞肉嫩口夠味，再配埋白飯食，認真滋味。見到每一台都叫咗「啫啫蝦干通菜煲」，當我食落去嘅時候

今日係8月8日，約左好耐的7, 8月生日之星的飯聚終於約到了~第一次黎祟潔美食街, 原來呢度好多餐廳我地份左黎呢間原味棧, 食川客菜為主~                            餐具都很有特色~先來一碟蒜蓉蒸茄子超香蒜蓉味, 超級香口呢~客家菜同川菜都雖然唔係成日食, 但都好鍾意食~呢度主打麻辣雞煲 , 我地叫左個「麻辣豬肚雞煲」雞及豬肚超入味 , 味道濃郁~仲有香口的辣味, 即刻醒神晒呢~特式川味口水雞這裡的「口水雞」易入口辣 (因為叫左「小辣」)，辣中帶麻，絕對是味覺享受呢~川味水煮魚最鍾意食魚,   當然唔少得叫「川味水煮魚」啦！每片魚都好薄好滑又無咩骨 , 配上大量配菜,  及好好味的薯粉, 配合湯底吃, 滋味無窮。客家煎釀涼瓜涼瓜唔苦，釀入去的肉質又滑又香口~ 正最後仲有生果送~ 多謝~今晚過了一個開心又難忘的生日飯聚~

紅磡同土瓜灣一樣，都係有好多呢啲咁樣嘅小店。 唔小心行咗去後門入。今日係食小菜叫咗個雞蟹煲小辣。 因為唔係麻辣鍋所以冇麻味。 同平時嘅雞煲有啲唔同今次加左蟹，有啲似係避風塘炒蟹mix雞煲 ，個人幾鍾意呢個配搭，呢種辣亦更加惹味！ 除咗雞好嫩滑，蟹好惹味之外，特別要讚嘅係入面啲三色椒都好清新！戚起條筋忽然間好想食蒸蛋，就叫咗呢個三色蒸水蛋， 話明係三式，除咗雞蛋之外當然仲有鹹蛋同皮蛋啦！ 不過不失啦。如果再話啲就更加好啦！男朋友話試下新嘢，所以叫咗呢個鴨煲。好耐冇試過咁樣食鴨。鹵得好入味！ 加埋啲豆卜食都幾好！不過鴨既骨都真係幾多！成日 要lur骨都真係幾麻煩最後叫咗呢個小炒王，好似大排檔食嗰啲咁樣好有鑊氣！西芹好清脆跟住加埋啲蝦仁腰果，同埋帶子，仲有少少辣，真係very good呀！送飯一流。呢度除咗小炒仲可以打邊爐，我見到好多姨姨叔叔都係成班人咁樣黎打邊爐，似乎都係做街坊生意多。 我見佢打邊爐啲海鮮都幾新鮮，下次可以試下

朋友是紅磡地膽，一向都知道紅磡美食多，所以間中都會找她推介或一起去覓食。我們都愛吃海鮮，這次她相約我去這間原味棧，亦不是她帶路我也不知怎去呢。兩個早下班的人成了這晚第一枱客人，餐廳環境算是乾淨企理，空間也算寬敞。一看到水缸裏不同的海鮮，就已經覺得吸引。這裡幾款鍋也會附送海鮮拼盤、安格斯手切肥牛及時令菜籃。這晚想試真海鮮的原味，便來個鮮茄雜菌豬手鍋，單是粟米和菇的份量也真是太豐富了吧。當然少不了啖啖膠質、肉質軟稔的豬手，而且很入味呢。吃火鍋，醬料也是不能少的，這裡亦算齊備。除了附送海鮮拼盤、安格斯手切肥牛及時令菜籃，亦可以隨自己喜好任點上面的火鍋配料。不過我可以告訴大家，吃完原先已有的食物，未必再點到什麼的了。看看這海鮮拼盤有多霸氣，龍蝦、蟹、鮑魚、蝦、青口、蜆等，真的很豐富，重點是海鮮全都很新鮮，鮑魚還是會動的呢。用新鮮海鮮火鍋吃真的太讚，全都鮮甜美味，龍蝦肉和蝦肉肉質紮實有彈性，鮑魚鮮味有咬感，蟹肉入口蟹味十足味道鮮甜，貝類全都脹卜卜夠飽滿味夠新鮮。安格斯手切肥牛大大片，切得厚薄剛好。而且牛肉夠新鮮，肉味濃郁。蔬菜籃的份量亦不少，菜都很鮮嫩翠綠，粟米和番茄很香甜。最後我們只勉強點了豆

原來紅磡都有條食街，係紅磡廣場附近既崇潔街，今晚如果唔係有朋友介紹，我都唔識得黎到呢度搵食。呢條崇潔街係一條內街，由黃埔地鐵站行過黎要15分鐘路程，不過搭巴士或者小巴就可以去到附近，地點都算方便。呢條街兩邊都開滿食店好熱鬧，今晚朋友就介紹係呢度幾有名氣既食店 - 原味棧。呢間餐廳入面裝修簡單，地方唔算好大，只有幾張圓枱同方枱，環境舒服，一d都唔侷促。Menu呢度除左主打四川同客家菜，仲有海鮮、特式火鍋同小菜，多種選擇。麻辣雞鱔煲（半隻）$128四川同客家菜都睇重個＂醬料＂度，所以味道一定好夠。就好似呢個麻辣雞鱔煲咁，超香口，勁惹味，越食越辣，但係越辣又越想食，食落去d雞同鱔仲好嫩滑tim客家煎釀豆腐$78呢個係客家名菜之一，先煎出豆腐既香味, 再等佢吸收汁料濃郁既味道，食落豆腐又香又滑，而釀入去既豬肉仲加左d魚肉令口感更好啫啫蝦干通菜煲$78呢個通菜煲用鐵板上，通菜嫩身入味，蝦干軟淋香口，又夠晒鑊氣

去了紅磡探朋友，他帶我們去了位於紅磡崇潔街32號地舖的原味棧，這是一間小菜或火鍋的小店，牆上有特色的牆畫，幾特別的。這店可選小菜或火鍋，我們選了小菜，點了麻辣豬肚雞煲，胡椒姜蔥粉絲焗肉蟹煲，XO醬西芹炒帶子，客家特式五味鵝，蜜椒金薯安格斯粒。麻辣豬肚雞煲，一打開煲蓋，就重重一股麻辣豬肚的味道，好足料，好惹味，是我最喜歡的乾身雞煲，雞好入味，好好食。胡椒姜蔥粉絲焗肉蟹煲，粉絲配合蟹煲，好好餸食客家特式五味鵝，放了些芹菜，而且汁好濃好香，值得推介蜜椒金薯安格斯粒，蜜椒金薯外脆內軟，加了些黑椒好惹味的，牛肉亦有趙頭XO醬西芹炒帶子，本來是西蘭花的，但因為沒有西蘭花，所以改了炒西芹，芹菜沒有渣，炒得清新總結：最近紅磡開了好多小店，尤其昰嘉太賀附近，開設了不少的特式小店，這家原味棧算間不錯的小店，下次再來試他們的火鍋。

餐廳位於紅磡美食街入面，門面招牌以紅色為主，比較易搵到。餐廳空間比較大，有二人枱同埋圓枱位置，座位比較寬敞舒適。餐廳職員非常友善，推介了幾樣小菜俾我哋。首先就係「川味水煮魚」，因為本人唔食得辣，所以叫了小辣。水煮魚比我想像中冇咁辣，魚好鮮甜，而且辣度啱啱好， 魚唔算多骨，啱曬大人細路食，再加埋水煮魚入面嘅配料，包括有芽菜，娃娃菜，雲耳同埋酸辣粉做底， 是一個好惹味很出色的川菜，好吃。「霸王雞半隻」，每一件雞都很嫩滑，賣相相當吸引，特別啲雞皮望落去好滑，啲雞肉夾埋啲雞皮一齊食，相當好味， 再點埋佢啲特製豉油同蔥花， 一舊一舊食落口好有口感，必條嘅菜式，配埋白飯一齊食，正。「客家煎釀豆腐」上面釀了豬肉碎，豬肉煎得非常香口，再加埋佢豆腐本身好甜好滑，呢樣餸係佢哋舖頭最出名的菜式之一，一碟有八件，四個人一人兩件，好食。「啫啫蝦干通菜煲」， 老闆話每個客人嚟見到呢碟啫啫通菜都會叫，通菜用鐵板上，離遠已經聞到浸浸啫啫通菜嘅香味，再加埋入面好大隻嘅蝦乾，同炸過嘅蒜頭，非常惹味，呢碟通菜炒得好有鑊氣，可以送到幾個白飯。「蜜椒金薯安格斯粒」中嘅薯仔煎得恰到好處，外皮脆入面軟，食落去好有口感。牛柳粒咬落去

來到紅磡，走著走著迷路了。走到入去這條小街，看到這家叫做原味棧的小店，就被它的炊煙所吸引到。見到店內有的食客在吃剛炒起的小菜，有的食客則在打邊爐，基本上每張台的客人均掛滿了笑容，所以就被吸引到。而這張照片則是我打完邊爐離開的時候拍的，讓我記著我也在這邊留下了開心回憶。 這邊的裝潢蠻特別的，每道場也油上了蠻漂亮的油畫，蠻有心思的，叫人看得開懷。 今次的邊爐是任飲任食的，6:30-9:30pm 就 $208/位；9:30-11:30pm 就$188/位。其實我們入座的時候都忘了這是任飲任食的，就是餐廳為我們提供了茶水就沒有別的了。下一次一定要記得再問一下才行。在這邊打邊爐的話，會送上豪華海鮮拼盤、美國安格斯手切肥牛片及時令菜盤。單看這個畫面已經相當豐富了，很期待吃的時候，把滿滿的美味的食物放入咀裡。 我們點的湯底叫做「龍穿鳳」，即是胡椒海蝦雞煲，煮滾時聞到香噴噴的胡椒味，令人食指大動。可是食的時候，個人覺得椒味未夠濃郁，不過，有靚料搭救。海蝦鮮甜爽口，雞肉嫩滑多汁，要是胡椒味更濃郁的話，整體的分數應該會大大提高。 海鮮確是生猛，放在我們面前的這一盤海鮮，是還在動的。不論是海蝦、龍

港鐵觀塘線延伸至黃埔站後，出入紅磡區方便了很多。紅磡區有很多特色食肆，單單一條崇潔街已經食肆林立，原來盛極一時的加太賀日本料理還存在。窩夫與蝦子餅早前便光顧了位於「崇潔美食街」的原味棧，由黃埔站A出口步行前往只需約10分鐘。正價時段(晚上6時30分至9時30分)的火鍋任飲任食每位208元，附送豪華海鮮拼盤、美國安格斯手切肥牛片及時令菜籃，以及任食火鍋配料和任飲汽水。吃火鍋前先可按個人喜好在豉油裡加入生蒜、熟蒜、芫茜和辣椒。雞煲在香港很普遍，鵝煲則比較少見，一於試試原味棧招牌菜之一的火焰台山五味醉鵝煲。鵝煲還未大滾的時候，店員將白酒淋在鵝件上然後點火，火焰便出現了。打開蓋子，酒香撲鼻，要開動了。火焰台山五味醉鵝煲的配菜很豐富，有窩夫愛吃的豆卜和枝竹。窩夫與蝦子餅最感驚喜的是鵝煲的湯底竟然完全沒有油膩感也沒有鵝件的碎骨。時令菜籃包含了六款蔬菜，蕃茄、粟米、白菜仔、唐生菜、娃娃菜和金菇，全部都很新鮮，洗得很乾淨。最叫人期待的豪華海鮮拼盤來了，有新鮮生猛的龍蝦、鮑魚、蝦、蜆、三點蟹和象拔蚌仔，上桌時鮑魚還會動的。龍蝦一隻斬開了四件，有很多膏呢。細心的蝦子餅為窩夫起了雪白的龍蝦肉，啖啖肉爽口彈牙

喺黃埔嗰頭工作之後，走到附近的食街吃飯，現在黃埔有了地鐵站更加方便，無論是到來還是離開也不用擔心沒有車啦。大概六點多來到，當時人數不多，不過越吃越多人，大概八時左右坐到八成滿，相比起其他餐廳旺得多。火焰魚鍋胡椒味比較濃郁，而且那個魚是「活」的，即是比較新鮮即煮即食，看到門口已經見到有很多新鮮生猛的海鮮。所以吃起來肉質都比較滑，而且外皮有煎過一下，所以吃起來更香。活海鮮拼盤包括蜆，螺，蝦，龍蝦，蟹等。龍蝦非常新鮮，吃起來爽口彈牙而且充滿着香濃的胡椒味。蟹雖然不是大隻那種，不過我就非常清甜，越細隻越甜。蝦好爽口，螺和蜆都冇沙，總之全部海產都非常新鮮！安格斯手切牛厚度不算均勻不過每一片都比較厚身，所以幾秒是不能的，起碼都要10秒才能吃。花紋分佈適中，但是也可能因為厚切的關係會比較有咬口。時令菜籃有幾款菜，可以中和一下剛才豐富的肉類盛宴。仼食火鍋配料方面因為我們已經飽了，所以就沒有再點了。另外叫了一支黑啤，人真的要relax一下呢！

这里的老板人很nice，服务态度很好，食材也很新鲜，贝类和虾上桌的时候还在动，牛肉也很新鲜，🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝

今日約左細妹收工撐枱腳，細妹都是吃貨之人。趁今次嘅機會我哋去咗紅磡試新野。請問依間餐廳嘅火鍋都好出名，海鮮又新鮮。原本想去呢間餐廳試吓佢哋個火鍋，但係去到嘅時候我哋都商量左一陣，其實大家都唔係好肚餓，於是最後我哋改食小菜。麻辣雞蟹煲，我哋叫咗半隻雞嘅份量$128上菜都算快，攞出黎嘅時候個煲吱吱聲響，好有鑊氣勁香。佢哋用嘅雞嘅size唔算好大隻但係肉質不錯挺彈牙。蟹蓋又勁多膏！食落去麻辣麻辣咁，唔算太辣都幾過癮。客家釀豆腐$78呢個菜好大碟，估唔到佢都用鐵板上，夠晒鑊氣！釀係豆腐上面嘅肉碎好香口～我個人喜歡酸辣口味嘅小菜，呢個酸辣魚$168非常啱我嘅口味，我哋為咗依個酸辣魚每人添咗一大碗白飯。呢間餐廳嘅酸辣魚有驚喜！餐廳座位不算多，但係勝在地方寬敞，坐得好舒服。我哋六點半左右去到都已經有七，八成嘅客人。