影片
更多
2024-06-07
39 瀏覽
朋友約我去呢間「叁不館」火鍋店時，我已經覺得個名字很有趣，原來餐廳裝潢都很特別，是走懷舊路線，由枱椅、餐具，牆身裝飾和擺設等，都讓大家感覺回到70年代。一坐低，店員送一碟花生和一碟涼拌青瓜木耳。接着就放咗一大盤調味料俾我哋自己混醬。其中一個醬料係餐廳自製嘅蔥頭油，真係好香，問咗店員原來有得就咁買，$58樽，即刻買咗樽返屋企撈麵食。 湯底有好多款，我哋選咗期待已久嘅花膠雞湯，花膠數量都唔少，大約有五大件，雞都有半隻。食之前店員建議我哋每日先飲一碗雞湯，但係個湯太好味，我哋每人都飲咗兩碗先開始打邊爐，花膠夠厚，雞件淥一陣就食得，嫩滑美味。雖然花膠雞湯底接近$300有點貴，但真係物有所值。我哋點咗一客例牌牛頸脊，份量都唔少，而且好新鮮，油脂分布都好靚，牛味濃而且嫩滑，值得推介。唔知食咩丸好，所以揀咗雜錦手打丸，每樣兩粒，可以試勻晒咁多款。其實每款丸都好好味，最喜歡蝦丸同牛肉丸。蝦滑真係好好味，非常多蝦，彈牙而且有些蟹籽加在其中，增加不少口感。海鮮方面，其實餐廳做緊父親節優惠，西澳龍蝦一隻都係$288，相當吸引。但朋友想食蝦，我想食鮑魚，所以龍蝦要等下次先。不得不提鮑魚真係超好味，淥3至4分
朋友約我去呢間「叁不館」火鍋店時，我已經覺得個名字很有趣，原來餐廳裝潢都很特別，是走懷舊路線，由枱椅、餐具，牆身裝飾和擺設等，都讓大家感覺回到70年代。
一坐低，店員送一碟花生和一碟涼拌青瓜木耳。接着就放咗一大盤調味料俾我哋自己混醬。其中一個醬料係餐廳自製嘅蔥頭油，真係好香，問咗店員原來有得就咁買，$58樽，即刻買咗樽返屋企撈麵食。
湯底有好多款，我哋選咗期待已久嘅花膠雞湯，花膠數量都唔少，大約有五大件，雞都有半隻。食之前店員建議我哋每日先飲一碗雞湯，但係個湯太好味，我哋每人都飲咗兩碗先開始打邊爐，花膠夠厚，雞件淥一陣就食得，嫩滑美味。雖然花膠雞湯底接近$300有點貴，但真係物有所值。
我哋點咗一客例牌牛頸脊，份量都唔少，而且好新鮮，油脂分布都好靚，牛味濃而且嫩滑，值得推介。
唔知食咩丸好，所以揀咗雜錦手打丸，每樣兩粒，可以試勻晒咁多款。其實每款丸都好好味，最喜歡蝦丸同牛肉丸。
蝦滑真係好好味，非常多蝦，彈牙而且有些蟹籽加在其中，增加不少口感。
海鮮方面，其實餐廳做緊父親節優惠，西澳龍蝦一隻都係$288，相當吸引。但朋友想食蝦，我想食鮑魚，所以龍蝦要等下次先。不得不提鮑魚真係超好味，淥3至4分鐘就食得，超級鮮味。
蔬菜拼盤一次過有晒咁多款菜，最鍾意呢啲唔使揀樣樣都有得食嘅選擇。
飲品方面，我哋叫咗竹蔗茅根水，清熱解渴，火鍋必備。
總括而言，呢間打邊爐餐廳食物非常高質，值得一試。
張貼
