叁不館

營業中

休息中

環境5分：懷舊香港裝飾，懷舊音樂由八十年代聽到現代，實有首你識唱。枱櫈有大排檔feel格局，可以畀五分。衛生5分：枱面有煮食餐具同紙巾圈，有很多種調味料任君選擇，有幾種仲要係自家製，非常有心思，乾淨企理畀五分。服務5分：侍應生非常後生，爽手唔囉唆，落單上菜加湯全部都好快，態度好好畀滿分。味道5分：1)   菜乾雞腳湯非常足料，除咗菜乾同雞腳之外，有紅蘿蔔，蟲草花，粟米，飲落非常鮮甜，雞腳好淋，紅蘿蔔要煮多陣先得。2) 牛魔王拼盤有六種，牛胸尖好爽脆；牛脷托爽彈；鮮牛肉粒依個要煮耐一陣，唔係中間唔夠熱；手切封門柳師傅起雙飛，切功一流，食落好有牛味；頂級安格斯牛頸脊最嫩滑；極級手切本地肥牛好鬆身。3) 蘇蘭蟶子分半鐘搞掂，非常新鮮彈牙。4) 日本扇貝就要耐少少，兩分半，一雌一雄，肥大又鮮滑。5) 皇帝菜新鮮爽嫩。6) 海帶結結起黎食好得意，仲有芽菜仔墊底。7)  蘿蔔片煮到最尾夠淋仲入哂味。抵食5分：六百零蚊可以食哂六款牛肉，又有兩款海鮮，加埋啤酒蔬菜，有靚雞腳湯底，飽肚滿足，抵食一定滿分。

天氣反反覆覆又轉涼又係時候季尾打多個邊爐呢間真係兩年內食過最好食嘅邊爐每一樣嘢都超級高質😍可惜兩個人叫唔到超級多首先係佢講咯咯雞花膠湯底湯底超濃郁 花膠同雞味十足起碼飲左5碗最有誠意係佢成碟雞都係分開上叫我哋飲晒啲湯先落雞啲雞每一舊都係超級嫩滑唔似出邊其他鋪整啲老雞俾你花膠都係超級大嚿懷疑佢哋會蝕錢🤣打邊爐梗係要叫牛叫咗個大嘅牛頸脊雪花紋超級靚有牛味得來油脂分布非常平均完全係入口即溶100分牛頸脊一定要叫🥹🥹見佢哋有海鮮，叫咗兩款嚟試吓分別係蟶子同埋扇貝好貼心，幫你起晒肉海鮮超級新鮮鮮甜完全唔係雪藏貨係新鮮係大海捉返嚟嘅味道兩個都好好味聖子更勝一籌再嚟係我最愛嘅桂花蚌去到邊間邊爐都會食呢間特別爽口鮮甜食完仲想叫多個🤣記得滾30秒就好食，唔係會太老再嚟係佢嘅鬼馬油炸鬼蝦滑上到嚟店員同我哋講要滾3分鐘心諗咁啲油炸鬼咪冧晒囉點知煮完出嚟，佢係外軟內脆😍大家一定要配麻醬嚟食 好似炸兩😍呢個係我最愛！再嚟叫咗佢嘅牛脷托係一個薄切牛脷牛味十足又係入口即溶超級驚喜😍最後就叫咗個稻庭烏冬雖然個烏冬係平時街市買嗰啲烏冬但係烏冬加埋呢個湯 真係變咗必叫🥹🥹🥹呢間舖係行懷舊香港風見到好多70-80年代嘅產物

呢間打邊爐餐廳嘅醬料真係出色，自家製嘅蔥頭油同沙爹醬，香氣撲鼻，食材亦都新鮮又美味，選擇多，店員服務親切。👍🏻👍🏻一坐低就感受到懷舊大排檔嗰種情懷，呢度裝修好復古，但冷氣又好足，環境又乾淨，可以緬懷下舊香港同時又舒服。❤️❤️我地點左卜卜蜆豬骨煲湯底，湯汁鮮甜濃郁，每一口湯都係鮮味十足，入面有好多蜆，又大隻，豬骨經過長時間熬製嘅湯底。🐖🐖另外，佢地嘅小菜都相當出色，椒鹽粟米炸得香脆，粟米嘅甜味同椒鹽嘅微辣完美結合，一啖接一啖，食到停唔到口。🌽🌽海鮮方面，非常新鮮，鮑魚彈牙，蟶子同扇貝都好鮮甜。🌊🌊全餐飯最正嘅係頂級安格斯牛頸脊，肉質鮮嫩多汁，每一口都充滿牛肉嘅濃郁味道，入口即化。🥩🥩最後，佢地自家製飲品都不錯，竹蔗茅根清爽解膩。🥤🥤

又有朋友要去移民，老朋友約咗喺港島區食飯，一上到去間餐廳，被這個餐廳的裝修吸引，很像我們而是到大排檔的感覺。以前讀書嘅時候，我哋有時候會去渣華道街市，食吓小菜，打下邊爐。唉，近排直過咗N年，望到枱上面嗰張餐墊，都忍唔住有啲感觸。好彩朋友醒目，一早book咗枱，上到去全場full晒，嚇鬼死我！依間餐廳應該冇限時，我哋四個女仔由去晚市6:00食到夜晚10點幾，一路打邊爐一路吹水，講返以前啲嘢，又講吓將來點，咁就快活，不知時日過。（搞到有啲嘢食同埋飲品都忘了影相……😅）我哋叫咗個花膠雞湯，冇諗過佢成碟花膠同雞咁上，超正！我哋每個人都飲咗兩碗雞湯，日日先叫佢加豬骨湯水，啲花膠滾完都仲可以好大嚿，正！ ！碟安格斯牛超好味，又大碟！如果下次我哋可以再嚟到最後，一定會再叫！ （只係唔知幾時先可以齊人😞）啲海鮮可以俾我哋就自己鍾意嘅逐件落order，都幾好，而且好鮮甜，超鍾意啲聖子！魚皮餃、雲吞、手打丸同蝦膠油炸鬼，都唔錯！我個人對於午餐肉餃就一般啦。不過，我覺得如果淨係選一款火鍋材料，我一定會揀炸新鮮響鈴，超級超級超級好味！似係佢哋用腐竹自己卷完再炸嘅感覺，超厚身，好有口感！食嘅嘢，我哋又好似唔係食

天后地鐵站向清風街方向行，大概3分鐘有間新開半年嘅上樓hotpot店舖。裝修好有大排檔feel，主要係大圓枱同木椅。鍋底都起碼有20款選擇，天氣涼涼哋揀咗胡椒豬肚雞湯，胡椒味唔算太辣，可以大口大口咁飲湯。我同朋友喜歡佢哋嘅炸物，即叫即做。椒鹽炸鱔球大件，粉漿薄薄的。肥牛全碟放得滿滿足夠三至四人食。食材例如餃類丸類都可以雙併，方便人數少可以食多幾樣。午餐肉餃拼鮮蝦雲吞係新鮮包，唔覺有味精，食材幾用心準備。

位於天后的<叁不館> ，是我和朋友都十分喜歡的一間火鍋店。自其開業以來，多次到訪。 裝潢以香港懷舊主題及大排檔為藍本，播著80-90年代耳熟能詳的流行歌曲，幾有feel 。 食物及服務質素保持高水準，成班朋友每次都讚不絕口。 今晚適逢朋友生日，再次來到這裡慶祝。 今次有限時優惠驚喜！Follow餐廳社交平台 ，可享有＄1/啤酒 🍻一次過要買十支，若果飲唔哂亦可放存餐廳，留待下次到訪再用😍😍-🔸醬芥不得不推薦這裡的醬料！餐廳自家製的蔥油及沙爹醬十分香口！🔸咯咯雞花膠湯 $298火鍋最重要是有靚湯底滾起後，先嚐湯。湯底無味精濃郁鮮香。 花膠爽口滑身；雞件鮮香嫩口-🔸極級本地手切肥牛 $368牛肉色澤新鮮！ 質感軟熟帶點爽口，油份不重，肉味香味道甜，不會太膩-🔸海鮮蘇格蘭蟶子 $58/ 隻及日本扇貝$38/隻蘇格蘭蟶子份外肥厚，兩者都很鮮甜-🔸雙併餃子🥟鮮蝦雲吞併韮菜餃 $80餃子皮薄餡靚。 鮮蝦夠彈牙而韮菜亦很惹味-🔸白鱔片 $98白鱔好吃之處是其爽彈口感！ 鱔片賣相漂亮，鱔身肥美，肉質很嫩，火鍋一流-🔸油麥菜 $42🔸竹蔗茅根海底椰 $48-餐後有超甜西瓜奉送，好開心🍉

今次和豬仔專誠來到天后一試聞名而久既火鍋店🍲，經常聽朋友介紹這裏既裝修充滿懷舊香港的特色，食物質素仲要好不錯🤤一於試吓🤩果然店舖由外牆開始，已掛滿五光十色的霓虹燈，進入店鋪，牆壁到地板，餐具，各個位置都充滿💈舊香港的情懷，打卡一流，真係好似進入了時光隧道😍食物質素唔錯，環境又充滿特色🥰✨咯咯雞花膠湯🐓 $298火鍋湯底好重要，當然要先試一試個湯底！花膠湯超鮮美👍🏻雞味十分鮮甜，滿滿既膠原完美呈現出來，簡直鮮美無比🤩一試難忘！必點😍😍😍😍😍✨蘇格蘭蟶子 $58/隻大大隻聖子，超鮮甜，食落爽口，一啲都唔靭，整個口腔充滿住蟶子既獨有香氣😍✨日本扇貝 $38/隻必食推介👍🏻手掌咁大隻既扇貝，味道極鮮甜‼️🤩飽滿既口感，軟糯又彈牙，真係一試難忘‼️極高水準👍🏻✨頂級安格斯牛頸脊🐮 $268滿滿一大盆，安格斯牛頸脊肉質細嫩，顏色粉嫩，肥瘦相間，牛味濃郁而豐富，味道香濃，食落好嫩滑，肉質一流😍✨雜菜拼盤🥗 $88生菜、菜心、番茄、雲耳、粟米等，份量十足，非常新鮮，種類又豐富😍✨手打五寶丸 $98牛丸、墨魚丸、蝦丸、鯪魚肉丸、豬肉丸，每款肉丸都大大粒，非常彈牙😍牛丸牛味超香濃，墨魚丸超爽口又鮮甜，蝦丸新鮮

叄不館主打懷舊港式自選邊爐系列，由點餐紙到店員嘅衣着仲有牆壁上嘅懷舊港式佈置，成間餐廳嘅氛圍同佈局都一五一十展現咗老香港80-90年代嘅風情🇭🇰醬油費 $18 hkd /位有10款醬料任你選擇！推薦自家製蔥油醬同沙嗲醬，再溝埋炸蒜同蔥，咸香味帶少少沙嗲辣味超正！黃金鮮魷💛 $98外皮脆卜卜，鹹蛋黃味勁濃郁，新鮮魷魚非常彈牙，係cp值極高嘅超正小食🤤🤤卜卜蜆豬骨煲 $238 嘩一隻又一隻…湯底足足有成三十隻卜卜蜆‼️連埋淋身又吸曬湯底精華嘅大大舊豬筒骨都食得！湯底清甜有鮮味，落任何食材都match ! 打邊爐前都可以先飲一碗,暖下個胃先頂級安格斯牛頸脊🥩 $268脂肪均勻，牛肉味特別濃郁，又有咬口，而且份量一D都唔少西班牙黑毛豬🐗 $138每一塊都大大片得嚟又唔會太薄身， 而且肉中帶有一定程度嘅脂肪，肉質嫩軟唔會韌，豬肉香氣仲好十足🤤蘇格蘭蟶子x2 $138 日本扇貝x2 $76無論蟶子定扇貝，味道都同湯底一樣非常鮮甜而且嚼勁亦十足，其中扇貝真係超巨型非常搶眼！ 一聲就跌落個邊爐鍋度😆雙籽鮮蝦雲吞🦐 $80好難得皮夠薄又唔易穿，蝦又彈牙，大家唔使再怕個皮穿咗響個鍋度撈番跌咗嘅餡料😭蝦膠

叁不館地址: 天后電氣道68號金輪天地7樓電話: 來忘掉過去，來懷念錯對，曾共波......呢首歌大家都聽過啦，入到來見到老香港大排檔，腦入面就自動響起呢首歌。這裡是打邊爐，置身如老香港，主題好有趣叫小食等湯滾，叫左 $72炸雞軟骨，炸野香口襯曬我海鮮點了鮑魚同扇具襯返個蜆湯$199 卜卜蜆湯，鍾意佢有蜆食，是推薦之一。$268 頂級安格斯牛頸脊。牛肉片水準甚高。$138 西班牙黑毛豬，滾十幾秒轉色即食。$98 五寶手打丸，抱住乜都試少少，有豬牛蝦墨魚丸鯪魚，大大粒彈牙。$90 鮮蝦雲吞 併 韭菜餃 $66 醉豬腦，梗係叫啲其他打邊爐舖冇嘅嘢。$45 皇帝菜是只會在打邊爐先食，最後埋單加每人$20 菜介$18 小碟 ，人均消費$500-$600 ，讚個蜆湯好抵食，成鍋幾十隻。

餐廳位於天后金輪天地，天后地鐵站A2出口直行1-2分鐘即達，附近人流唔多，但食客卻不少，無Book枱的我等左30分鐘先有位，建議大家預早訂座……裝潢幾有舊香港嘅感覺，舊係扮出黎姐，整體衛生Okay，唯一係座椅無椅背，容易坐到攰。今晚卜卜蜆鍋（$198）：湯底呈奶白色，味道清甜，唔會太濃太搶味，卜卜蜆起碼有一斤，無沙，肉質爽嫩，味鮮甜，鍋內仲有唔少娃娃菜及芽菜，可以連時蔬都慳返唔洗點。草蝦（$88/半份）& 南非鮑魚（$118/2隻）：草蝦新鮮，肉質爽實；南非鮑魚會預先起曬內臟，灼3-4分鐘即可享用，其肉質爽嫩帶嚼勁，幾有鮮味。頂級安格斯牛頸脊（$328/大）：肉色紅潤，滿佈雪白油花，油香口感十分豐富，肉質香滑而具彈性，牛味濃郁，牛肉仲大大塊，非常厚切，因此份量明顯比一般火鍋店多。手打五寶丸（$98）：五款丸分別有蝦丸、牛丸、墨魚丸、豬肉丸及鯪魚丸：本人喜愛程度如上述排名，全部手打丸都非常爽滑彈牙，其中，蝦丸鮮味，仲帶有粒粒蝦肉，好足料；牛丸爽得黎仲爆曬汁，油香十足；墨魚丸富有彈性，帶點煙韌口感；豬肉丸及鯪魚丸較一般，口感係非常彈牙，但味道一度。蜂巢豆腐（$42）：豆腐內部呈蜂巢狀，口感

天后電器街係一條食街，相信好多人都知今次黎到樓上鋪食港式火鍋餐廳裝修風格係懷舊香港🇭🇰設計成大排檔，播住廣東歌🎶環境乾淨衛生，Menu 設計有心思，設計成好似以前啲報紙咁火鍋配料擺盤好精緻👍🏻選擇好充足🔸咯咯花膠湯底好味又養生👍🏻 十分推介呢個湯底🔥店員話啲雞係煮到七成熟俾我哋再放落個煲再煮雞肉份量好足，花膠有五大塊😍先飲一下個湯，味道非常濃郁花膠就一早落，去到打邊爐尾聲先食，吸晒個湯嘅精華☺️🔸頂級安格斯牛頸脊牛味好濃郁🤤🤤肉質鮮嫩，油花份量適中幾厚切👍🏻唔似有啲日式放題，切到勁薄🔸南非鮑魚&日本扇貝海鮮擺盤靚，啱晒打卡放上社交平台😆職員預先處理過啲海鮮，將舊肉剝離個殼鮑魚同扇貝都大大粒，新鮮鮮甜👍🏻 🔸黃金鮮魷魷魚好厚肉，件件都好大件炸到好香脆，再撈上鹹蛋黃醬🔸鮮蝦雲吞&魚皮餃鮮蝦雲吞粒粒包得好飽滿雲吞皮薄，鮮蝦爽口彈牙☺️魚皮餃口感煙韌，魚味香濃🔸娃娃菜&唐生菜🥬個湯底咁濃，食菜嘅時候非常索湯👍🏻重有而家好少有既玻璃樽汽水👍🏻👍🏻總結: 呢間係一間高質單點港式火鍋店，啱晒一大班朋友嚟食👍🏻如果係兩個人或者情侶嚟食，就難啲嗌到多款嘢食(呢度嘅嘢食比較大份)建議餐廳可以出一啲二人套餐，或

穿梭時代的火鍋店♠️🃏朋友C一直好鐘意搵唔同新餐廳，今次呢間火鍋店都係佢帶小妹上嚟。一開𨋢，以為去咗舊式大排檔，原來係間老靈魂火鍋店😍 以古式茶檔、香港電影為主題，勁多特色打卡位落單後店員比咗啲前菜小食同醬料吧我哋混醬，醬料好多選擇，除咗平常嘅蒜蓉、辣椒、蔥外仲有佢哋自家製蔥頭油、自家沙嗲醬、麻辣紅油等等。蔥頭油好邪惡但十分香，豉油再加蔥頭油簡直昇華😻必試！！ 蔥頭油仲有出樽裝可以買返歸享受醬油費$18 一位、開胃小食$20一位再加一卜卜蜆豬骨煲$238蜆量十足 而且粒粒肉都跟殻鮮味十足，滾完仲可以飲返啖湯，豬骨有2大舊加啲肉粒，豬骨是有豬肉又有軟骨，滿滿骨膠原😜鐘意吮骨嘅你一定要揀南非鮑魚$116鮑魚很新鮮 ，好大隻，肉質很鮮甜彈牙，記得唔好overcook日本扇貝$76 扇貝很大隻，而且廚房會幫你起埋出黎不用連殻淥很方便食用，扇貝肉質鮮嫩加埋湯底真係好食！頂級安格斯牛頸脊（大）$328份量很多同朋友都好鐘意打邊爐叫返碟牛以為例牌唔夠食叫左份大差啲食唔哂，大牛可以供3-4人食。牛味很濃 肥瘦均勻配埋事前調好既醬汁正！紫菜炸響鈴$68即炸響鈴食起上黎金黃酥脆，而且很薄食起上黎唔會話好濟岩

凍凍地最啱打邊爐~ 今日同幾個朋友黎左試呢間，一入到去已經俾佢個裝修吸引，好以前香港，而且所有野都有detail, 最正係連放野食個架係用以前曬野個架黎放, 連啲衫同袋都係用滕籃黎放~我地4個人叫左個咯咯花膠雞湯湯底，一黎到個湯係同啲料分開，姐姐叫我地飲完湯先落料，個湯好好飲，好濃雞味，而且仲好暖胃。而且見到有好多雞同花膠好大條, 呢個湯底真係力推。另外要推介呢間餐廳既肉, 我地叫左黑毛豬、頂級安格斯牛頸脊同滑牛, 佢全部肉都好新鮮, 而且肥瘦均勻。個人最鍾意滑牛，因為真係好滑~另外再推介芝士獅子狗同午餐肉餃。午餐肉餃出面好少食到，佢好大粒而且好飽滿。而個獅子狗，我鍾意佢個芝士係藏喺粒丸入面而唔係就咁塞落個窿，所以啲芝士係完完整整就留番喺粒丸入面。食到最後，原來餐廳送西瓜做甜品，又甜又凍既西瓜為呢餐邊爐畫上完滿既句號~

成日聽人講九龍城寨喺三不管嘅地方，聽落都知道危險。估吾到今日來到天后，哩嗰餐廳仲危險。面對呢度既打邊爐美食，附近啲靚女，竟然變成不管儀態，不管減肥計劃，同埋不管男友感受。無計，呢度裝修打卡able，食材又好，真係管吾到咁多。🍖叫左咁多樣，意想唔到嘅係，我地最中意食炸魚片頭，由於佢係即炸嘅關係，外面輕微沾上油份，而且熱辣辣，點埋個泰式甜辣醬，好食到冇朋友。店員話可以用黎打邊爐，最後你一舊我一舊，連放落湯底嘅機會都冇。🍖第二好味係海鮮，除左蟶子同元貝非常新鮮飽滿之外，我地叫既卜卜蜆湯底，亦都應記一功。見住啲蜆煮好之後隻隻開口，就知道佢本身係幾咁新鮮。而大量嘅蜆肉，就成就左非常鮮甜嘅湯底，用來淥蟶子同元貝，之後根本就唔使用咩調味料，如果真係想要調味，其實飲埋啖湯就係最好嘅配搭。🍖牛肉按我自己打邊爐嘅慣例，主要就係食本地手切牛肉，同樣地牛肉坑紋鎖住湯汁，更加容易凸顯牛肉鮮味。黎度更加厲害嘅放左大量嘅洋蔥絲喺個碟面度，同洋蔥去淥，洋蔥嘅辛辣刺激左味蕾，而且連埋牛肉一齊咬，洋蔥嘅汁液，加上湯底鮮味，完全昇華左牛肉既味道。🍖有非常新鮮蔬菜，冰豆腐，同墨魚滑，雖然我地兩個人叫左咁多野食，但係竟然都食曬