友利坊 x 友利冰室 x 勿當奴 (已結業)

見完朋友順路係太子落車幫襯友利坊，本身想嗌鹹蛋蒸肉餅，不過店員話需要等20-25分鐘，於是就轉咗魚香茄子1人套餐，有白飯+郊外油菜+嘢飲💛作為愛茄子星人🍆返屋企打開見到滿滿一盒茄子真係開心😆雖然話就話茄子要多油先好食，但呢度個茄子食落唔會覺得係落咗好多油，口感同茄子既香味都keep到，軟熟度啱啱好，鹹肉粒都落得幾慷慨😂整體有少少～鹹🤏不過要撈飯所以係完全可以接受到，雖然有啲椒係入邊不過完全唔辣，亦都唔會似出邊有啲魚香茄子食完見到個底一層紅油咁，米飯都口感唔錯有飯香同埋真心好足量🍚我為咗唔浪費分咗近一半擺冰格下次可以整炒飯用😂菜心都有好多條，一路食一路覺得好健康，整個套餐食完飽到胸口😂魚香茄子1人套餐 7.5/9

提供中式炒菜、意粉、燉湯、燒味、漢堡、西餐等多種選擇，好神奇。雞油瑤柱炒豆苗十分滑口，炒得很香，瑤柱汁淋在豆苗上別有一番風味。89蚊套餐配一碟油菜和飲品。但是奶茶太甜了......

呢間友利冰室💛應該好多人都聽過因為佢踩過界賣埋豬柳強/薯條🤣做香港版勿當奴👍🏽🌝💛為大家提供金拱門以外嘅選擇💛而今次🤰🏻就試咗快餐以外嘅菜式啦🌝乳豬卡邦尼意粉$68呢排冇晚市，所以🤰🏻決定午市對自己好啲食好啲！呢個卡邦尼意粉嘅醬汁比較濃稠，掛哂上啲意粉到入哂味👍🏽🌝所以基本上係冇汁比你撈到🤣同埋佢落咗勁多芝士粉，所以勁重芝士味🤤而個乳豬都好好食👍🏽啲皮仲係脆㗎！唔加佢個乳豬醬都已經鹹香鹹香咁幾好食而佢個乳豬醬似係淡南乳醬味咁🧐酸酸甜甜🌝富士山蘋果伯爵茶$8跟餐價自家製誠意之作，見到樽底仲有啲碎茶葉，足料啊😆加埋淡淡蘋果味唔太甜又幾好飲👍🏽順帶一提，佢餐廳環境好闊落，坐得幾舒服，而牆身全部都係大大幅好有香港風格嘅油畫🌝💛大家可以留意下

新一年沒有甚麼很Fancy的說話和祝福想說, 只希望比2021好一點就好. 還記得上年第一篇食評就是在荔枝角的友利坊, 今年第一篇食評也是友利坊, 不過這是它在始創中心D的新分店, 店舖面積相當大, 比起新蒲崗的原店位置更方便, 真厲害!我還是喜歡友利坊的傳統燒味和燉湯, 多於它戲謔金拱門的快餐食物. 乳豬Carbonara和荔枝角店分別不大, 只是乳豬看起來的size比茘枝角的大件, 肉質有點死實, 外皮依然香脆, Carbonara的意粉口感依然彈牙, 儘管其忌廉芝士汁比較多, 但沒有令意粉浸得軟糯, 當然如果湯醬少一點就更好. 附加二十多元的燉湯, 是花膠豬展響螺湯, 煲得相當入味, 除了見到有手掌咁大的花膠, 就知道其足料外. 同聲同氣的燉湯, 當然比醉酒駕駛的那位偽人, 主理的舒服和順暢得多.

✨以前係荔枝角d2 place食過一次，今次係太子始創開分店，都係先下單後入座嘅形式～❃ 乳豬卡邦尼意粉 $88🍝有三大件乳豬，皮都係脆嘅，脂肪偏厚，但味道淡啲無咩油香～意粉反而唔錯，軟硬適中，醬汁偏稠足夠掛汁～❃ 四季燉湯餐 $79有三款燉湯，今次揀咗椰子桃膠燉雞，燉湯熱辣辣，椰子味出，有少少偏咸～入面有兩大舊雞，但食落無味同好硬，令我覺得其實唔似燉湯😥呢個餐配咗脆皮燒鵝併玫瑰豉油雞，燒鵝有油香，但部位較瘦，豉油雞味夠但普普通通～油菜口感麻麻我無食到🤓❃ 豬柳強 $12 （加配）依家買嘢食加錢可以配豬柳強或者豬柳嫂，豬柳嫂係素食，我就試吓豬柳強啦！麵包部份比快餐店嘅軟身同濕，豬柳亦都比較彈牙，呢個包幾抵食👍🏻經過可以去試吓嘅一間餐廳，但我食完之後都係有啲口乾🥲唔知係咪個湯呢🤔

建議：落單後，飲品去後面既雪櫃自取 ❤友利坊x友利冰室x勿當奴 聯乘開左間可外賣＋可堂食既舖頭係太子始創。搬左黎始創座位多左左，環境寬落左👍 墻身既插畫超大幅夠哂位打卡📸1️⃣間舖位有齊3️⃣間舖既野食，不論係友利冰室 、友利坊燒味 定勿當奴餐，一定有一款岩食🤤 黎緊仲會推出3️⃣款煲仔飯，十分期待😎收銀處分左堂食/外賣落單區，仲貼左燒味出爐時間。大家有需要可以留意下🐷 另外，食素既朋友仔可以考慮勿當奴既豬柳嫂，係素黎架。今次試左：▫️豬柳強餐 (HK$42)薯條🍟、飲品(+HK$8) 蘋果伯爵茶🍎▪️椒鹽燒賣 (HK$8/四粒)每次打算係D2 place 食勿當奴，但通常都係排長龍😂 今次去到太子店係午市前到，可以隨便坐❤ 叫左個好耐無食既豬柳強餐🍔 係久違既味道。麵包軟熟，食落唔會成口粉。豬柳咬落Juicy 夠熱。#椒鹽燒賣 都係正常，味道就唔係好食得出係椒鹽，反而似係辣粉/七味粉。粗薯條都係正正常常，加埋燒賣啲辣粉一齊食，更加正🍟 或者可以係醬料區自取七味粉。套餐既飲品固定跟汽水，如果唔要汽水只可以加HK$8 轉自家製樽仔茶/熱飲。樽仔茶款式都幾多可以揀：蘋果伯爵、檸檬伯爵、羅漢果茶、奶茶 同

新蒲崗同荔枝角嘅友利坊本身都去過，太子新開聽講日日排長龍，揀咗平日下晝去😎今次嘅裝修更加誇張，落電梯已經開始見到啲畫作🤩我食開友利坊嘅「燒味+燉湯餐」真係番唔到轉頭🙈 半肥瘦叉燒切雞飯 配 新鮮海底椰南北杏螺頭燉赤肉 + 油菜 + 白飯湯料都多到食得飽人😂 赤肉都好似3，4舊，鮮海底椰都兩厚塊可惜少少嘅係呢度一心想食乳豬飯拼燉湯，但呢度冇做呢個配搭😥 如果加番幾蚊，可以喺度食埋乳豬配搭燉湯嘅套餐，相信會就更加滿足、開心🤭

Honey將車泊在始創中心，原本打算到地庫吃台灣麵，原來台灣麵已結業開了，新的叫做「友利」。看看餐牌，價錢正常。我點了乳豬卡邦尼意粉……哈哈……這個配搭，真的沒想過，有創意！乳豬卡邦尼意粉 $68有三件乳豬，不算細件，不過有點油膩，但皮還是脆的。卡邦尼意粉不油膩，好乾身，有不少煙肉和茹；意粉也Al dente。Honey想飲熱飲，我點了兩杯熱朱古力，咖啡竟然只售$8……嘩！咁抵！但遲遲未上桌，服務員走過來問我們還欠什麼…哦…原來是自助的。正當Honey打算戴上口罩，出去添咖啡，服務員說：我替你們添……服務不錯喎！

今日行經過始創 朋友仔話想食下西餐 原來始創地下低層開咗間新餐廳 門口餐牌好似food court嘅排位 呢間除咗有西餐之外仲有中餐選擇不過今日我哋簡咗西式野食佢有個晚餐set 兩個煮食加兩個嘢飲都唔使$200 我哋揀咗黑松露海鮮意粉 同埋豬肋骨個黑松露意粉都好夠黑松露味 仲有好多菇菇 蕃茄仔都好fresh 個意粉嘅軟硬度適中 啲汁嘅份量都好夠個豬肋骨嘅汁好好味😋 啲肉質淋身 好易起骨 個薯蓉有牛油味㗎抵讚下次都會再嚟試埋其他主食

荔枝角食過兩次，特別鍾情叉燒煎蛋飯，煎蛋是燶邊！食過無骨雞飯也好好味，知道太子新開必定要探訪。一開始認識是在新蒲崗康強街的友利坊，當時在附近工作成日經過，一開始覺得只是間傳統的燒味店，點知新聞見到Gphone成日去同埋宣傳就開始留意住。不久在荔枝角開分店，形象新潮好多，一開始也想像不到是同一家店，欣賞! 少少資料, 原來元祖的新蒲崗店被加租，將改成外賣店，而傳統燒味部分就會在太子發售。所以咁多個"X"x3先排隊落單付款，店員會帶領安排座位。店鋪面積很大，而且上菜速度光速，有快餐店的節奏可以做多幾枱客唔錯。星期日的中午不用等位。美國穀飼叉燒煎蛋飯 ($58) 叉燒選用美國穀飼梅頭，叉燒凌晨四點開始製作，以明火爐燒製，好有心機和恆心。不過，叉燒睇相都見到好多筋也薄過荔枝角，蛋邊唔燶，所以我今次係失望既 /..\ 可能是遇上冇咁好的部位。芝牛丼雙重芝士 ($58) 芝士和肥牛很足料，2種芝士撈埋拉絲效果。總括是今次食物感覺比荔枝角點遜色，但覺得新店位置夠方便，必定會再去試其他唔同的菜色。當日有緣撞到陳伯又有2021年的年曆是最開心的事。也很開心見到黃圈內又有一間壯大的舖頭

友利坊x友利冰室x勿當奴💛7.5分💛 呢間小店好得意crossover左唔同類型既食物😍😍扮M記既快餐x燒味中菜x西式一次過滿足你三個願望!最岩一家人黎食，大家可以各自食自己鍾意既野！😂😂 之前都慕名食過荔枝角分店但個次食完覺得好一般，食評都唔想寫個種🙈🙈今次見佢太子開左分店，評價好似唔差就俾多次機會佢！ 燒味雙併餐 $79👍🏻👍🏻燒鵝併叉燒+花膠螺頭燉雞湯+油菜+白飯7.5分呢個價錢真心勁抵！🤩🤩個燉湯好足料！真係跟埋花膠、螺頭同雞！我唔識分有冇味精，但真係飲到好濃味，而唔係啲有味水🤤🤤叉燒同燒鵝都燒得好好味唔會好乾好柴，亦都好夠味😋😋但就偏削，唔算啖啖肉不過睇埋價錢，我覺得冇野好投訢🤯🤯絕對嬴大X樂幾條街！

原本在新蒲崗支持友利坊好一段時間，知道他要搬往太子始創中心，都刻意來試一次。這次沒有令我們失望，喜出望外的是乳豬卡邦尼意粉以及一貫保持優良水準的燒味飯再加上他們的燉湯確實你回味無窮，這次他還有麥當勞的特色快餐好味的薯條炸雞都是佳品一定要來吃！

友利坊終於係太子始創中心插旗喇位置係地牢，一望地方幾大幾舒服，環境都好光猛仲有唔少卡位添。同荔枝角分店一樣都係出面買咗餐先，再有侍應安排坐位睇睇餐牌，一場黎到就梗係要食燒味啦，見到餐牌都好多唔同既組合，今次就試四季燉湯一人餐套餐有雙拼燒味、油菜、三選一既燉湯、白飯，好豐富燒味就揀咗叉燒、油雞，燉湯就揀花膠螺頭燉雞湯，要讚個叉燒，就算今次唔係肥叉，但都好淋身，都好多汁燉湯都足料，仲可以食埋啲湯料添，真係飽到上心口

玩味感十足既餐廳 當笑下 香港人開心下！環境寬敞明亮舒適友利坊 友利冰室 勿當奴選擇唔多 食物好食 認真制作之無限可能公司牛柳絲蛋包飯 料多 粒粒牛柳 大大份 女仔食一定投降男既食完變大隻佬 蛋白質👍🏻

之前覺得荔枝角比較遠，宜家餐廳係旺角始創中心都開左啦！平日夜晚去到都間唔中有啲空位，仲唔快啲去整旺個場～🤩二人餐 $198一人威靈頓牛柳配蜜椒汁黑松露扇貝意粉+松露帶子西蘭花 $68呢個價錢竟然食到威靈頓牛柳！仲要唔係細細份，牛柳中心仍然係完美嘅粉紅色，咁嘅質素真係無可挑剔😍松露帶子無論係意粉定西蘭花都好香好濃黑松露味😙佢仲有唔同菜式；中式港式都仲未試，一定會encore 哈哈😍下次試吓佢嘅燉湯先！