友義氣‧酸菜魚 (已結業)

今日慶祝朋友生日，朋友喜歡吃川菜，所以特地預約了一間近她的川菜館。此餐廳剛開張，所以環境尚算新淨衛生。今次叫了三樣餸，酸菜魚、干扁四季豆及雞絲粉皮。酸菜魚份量非常足，三個人食也足夠，而且味道幾好，餸飯一流，但頗為辣，最好叫少辣。最驚喜的是干扁四季豆，有獲氣且熱辣辣，而且份量十足，非常惹味。而雞絲粉皮則較為普通，雞絲較少，粉皮算滑，整體都尚可。而價錢方面，此餐廳設有午市餐牌，普遍五十元左右，非常抵食。

今日同朋友黎到牛頭角食呢間平民餐廳，試左三樣野食，分別係加大既酸菜鱸魚、干扁四季豆、雞絲涼皮。估唔到佢個酸菜魚咁大兜，啲魚非常多，而且啲湯幾香幾甜，三個人食亦都夠飽！其中最驚喜既就係干扁四季豆！有鑊氣得黎亦熱辣辣，質感與賣相俱備。涼皮就正正常常，不過不失啦。仲有就係佢既草莓乳酸都好飲，其他梳打就略嫌唔夠甜，冇咩味。

老公同我都十分喜歡食酸菜魚，老公同事推介這一定，說好味道，價錢又合理。店舖面積不大，但總算是舒適，座位寬敞。標準酸菜魚 $188酸菜魚份量很大，魚片很多。 海鱸魚，無骨，很滑，而且帶魚味。 配菜都好多，有芽菜、薯粉。 酸菜酸度剛剛好，飲埋湯仲好味。小炒皇 $98小炒皇入鮮蝦、有帶子、有蝦乾。 九菜好爽口，唔會食到有渣。雞絲粉皮 $48天氣熱食一流，雞絲、麻醬，配上青瓜絲。 口感又豐富。鮮青檸梳打 $22酸酸甜甜，清新解渴。芒果乳酸 $22入面有一些乳酪爆爆珠，好得意。味道也很好。

呢間位於牛頭角，mtr出上有少少斜就到老壇酸菜魚 （標準，小辣）$188賣相超吸引😍好大量嫩滑嘅魚肉，麻、酸、辣味適中，薯粉索哂啲湯。碗上寫上魚好吃湯更好喝，所以試下個湯，又幾好飲～唔會過油過鹹鮮菠蘿咕嚕肉 $88這個有驚喜！應該係用上好靚嘅豬肉，外皮好脆，肉質又嫩脂肪又平均。菠蘿係鮮菠蘿再輕輕火炙，又香又鮮甜雞絲粉皮 $48雞絲唔算鞋，芝麻醬調味不錯，幾清涼水蜜桃梳打 $22食酸菜魚配梳打好夾～個底有啲爆爆珠幾得意荔枝梳打 $22

同事說牛頭角開咗間食酸菜魚，不如今日去試吓。店舖名叫「友義氣•酸菜魚」，位於觀塘道巴士站那邊…店舖不大，但店員好nice ，似街坊小店🤗酸菜魚，上枱時，店員說一定先喝湯，因為用咗雞湯，口感不錯，不會太膩，好醒胃！魚片份量很多，厚薄適中，用咗鱸魚，口感很滑，薯粉煙韌..配菜萵筍，金菇，牙菜等也很入味！避風塘炒茄子🍆，見到很多人食，於是乎我們也來了一個，外脆內軟的茄子很有風味，茄子軟淋度剛好，夠惹味！虎皮尖椒，尖椒表面煎得剛剛好，夠香夠惹味。

餐廳有一半座位都係卡位，亦有大圓枱，坐得幾舒服。星期六都有午市menu ，午市套餐同小菜都有。老壇酸菜魚酸菜魚既份量都幾多，入面仲有薯粉、萵筍、金菇同芽菜等等配菜。佢可以簡唔同程度既辣度，酸菜魚湯底夠晒酸，而值得一讚嘅係魚都幾有鮮味，薯粉好彈牙，好食。避風塘茄子呢味餸都幾特別有驚喜，個人推介。首先佢嘅避風塘個種蒜香同辣椒好惹味，茄子炸到脆卜卜，但一咬落去好軟好juicy ，嗰一種反差，幾有趣。最緊要佢好夠鑊氣，夠鑊氣先夠乾身同香口。冇諗過呢度主打酸菜魚，啲小炒都得喎。雞絲粉皮麻醬夠滑身，麻醬嘅味道就啱啱好正正常常，而個粉皮就煮得爽身有口感。水蜜桃梳打 芒果梳打梳打夠氣味道合適，另外值得一讚係杯嘢飲係佢仲有爆珠波波。呢度好適合想食酸菜魚魚，仲想食啲小菜小炒，餐廳職員都幾friendly ，同啲食客有講有笑。

此鋪位置坐落入觀塘那段路的旁邊，我一下巴士已到挺方便，建議大家可搭巴士，地鐵都不算遠，易找的。酸菜魚自我在大陸食過好食後，回港就不停尋找同此菜式，確實不是間間好食、特別會看重用咩魚去做。友義氣係用鱸魚的，正是我心水選擇，所以見佢開在牛頭角附近就食一次，的確沒失望，仲好想食多次添。今天要了小份酸菜魚及椒鹽炒茄子再加個雞絲粉皮魚質夠滑又不過酸又有小辣，好好味。茄子小小粒，炸粉不厚 惹味。食完咁熱氣野食涼涼的雞絲粉皮原來係好夾的。天氣熱食野要飲凍野架，有荔枝同水蜜桃乳酸，好開胃又透心涼

唔係喺咩大街大巷 落咗車之後路過見到川菜就衝入去試吓係簡簡單單嘅小店 但食物質素有驚喜！首先佢嘅酸菜魚外表好靚 色彩繽紛亦都有啲似大陸好興嘅嗰啲樣果然！鱸魚去骨去得好好全程一條骨都食唔到 而且魚質嫩滑得尼有口感我極度怕腥但係都食到啲魚皮湯底濃郁 好夠酸 當然酸度辣到可以調校哇呢個椒鹽茄子超級出色炸皮做得好薄 而且超級熱辣辣入口外脆內軟 中間嘅茄子保留到好靚又煮得好透 入口即溶麻醬雞絲粉皮 唔辣的粉皮彈牙少少煙銀 雞絲唔多 多汁 不錯兩杯特飲芒果梳打同青檸梳打甜度適中 芒果味仲有爆爆珠 好掂呀！

觀塘一間主打酸菜魚嘅街坊小店🏘除咗酸菜魚 都有粉麵小炒可供選擇🔥佢地個餐牌仲有分唔同嘅招牌系列例如黃金系列 椒鹽•避風塘系列 好吸引😳-🥢陳醋撈雲耳 $36先嗌一個醋味十足嘅雲耳做小食 非常開胃除咗芫荽 面頭亦舖上芝麻 增加口感😼-🐟老壇酸菜魚 $188/標準酸菜湯底夠酸 加上微辣 開胃又惹味😛海鱸魚鮮味十足 飲到湯底時同時食到魚嘅味道而且肉質嫩滑 份量十足🤩配上爽口酸菜 紅薯粉同金菇 非常豐富😗-🍆避風塘茄子 $78避風塘炒蟹就聽得多 配茄子又真係少見🤔味道出奇地夾!! 茄子外皮炸得金黃香脆面頭舖上由炸蒜 辣椒同麵包糠炒成嘅風沙粒非常惹味 餸飯一流🤤🤤再飲埋鮮青檸梳打 呢餐真係滿足仔了☺️-順帶一提 呢度全日免收加一服務費❕兩點至四點仲有下午茶八五折優惠🤑🤑街坊小店真係又有人情味又抵食😆

今日下午突然好想食酸菜魚，係OpenRice search見到呢間新開嘅酸菜魚，參考咗佢葵芳分店嘅食評，決定試一試。我同老公兩個人叫咗一份標準酸菜魚小辣，因為細細又冇食評同冇太大期望。點個一食真係估佢唔到，標準已經份量好足夠，用了十足，非常抵食。而且落足酸菜所以酸味都好夠唔會剩係得辣味，魚份量亦都好多好滑，真心好好味！另外再嗌多咗個咕嚕肉送飯，喺出面聽到廚房嘅煮飯聲已經知道餐廳好有鑊氣。賣相又靚，咕嚕肉熱辣辣外脆內軟炸得好好味，重點係佢隔離仲有燒菠蘿，超級甜。仲有叫左個麻辣皮蛋，上到先發現原來係黃金皮蛋，非常惹味。呢間小店老闆好用心，雖然只係小店但真係好好食，一定會再去幫襯！

見呢間新開去試吓啲酸菜魚同小食！酸菜魚 標準$198 特大$298酸菜魚份量適中，配菜唔少，有芽菜薯粉萵筍。個湯酸酸甜甜幾開胃。椒鹽豬扒$78味道唔錯，份量適中，但唔係椒鹽豬扒嚟，似係酸辣豬扒，啲豬扒唔算‘拿’得好勁。一入間店發現有少少焗焗地，開頭冇為意，點知後尾越食越熱，邊食邊流汗，同個老闆講係唔係冇開冷氣又唔理，就算壞冷氣都講聲，極度懷疑佢係因為慳電費而唔開冷氣！就算好味都未必有下次，對啲客都唔好😔

住牛頭角老友食過友義氣酸菜魚話不錯，下午茶時段2-5時全單有85折，超抵。我們點左酸菜魚 $188（小辣），用鱸魚肉切片的魚肉很嫩滑，啖啖肉又無骨，伴有酸菜、薯粉、大荳芽菜、萵筍、金菇等⋯用魚骨煲成湯底呈奶白色，味道濃郁又清甜，值得推介👍👍👍黃金軟殼蟹$115，軟殼蟹炸鬆脆可口，索左鹹蛋黃的香味 ，極美味真好吃😋😋😋雞絲粉皮$48，爽口的粉皮、雞絲、青瓜絲索胡麻醬好惹味、夠清新又醒胃。青檸梳打 $22，味道好清新，解辣最岩。菠蘿乳酸 $22，賣相靚靚，有紅色爆珠粒，酸酸甜甜。

開左2-3星期既小店，小清新風格，乾淨舒適。有個客仔比錢搵散銀，店員下次先比啦，人情味真係小店先有。🥢酸菜魚🥢 $188 標準 絕對係色香味俱全 ！個盤大大隻字寫住「魚好吃湯更好喝」無理由唔飲個湯，個湯鮮而不腥，且順清不太油膩，泡飯食好正，魚就柔嫩滑溜，唔知係咪我叫左BB辣，泡椒味輕手左，係差在呢個點上，完全可媲美內地食既，仲要健康D。🥢黃金軟嗀蟹🥢 $115睇得出大廚好有經驗好有技巧，炸到好乾身香脆，出面好多黃金乜乜，一味追求多唔多黃金，仲要搞到好油膩。呢到我最驚嘆就係佢個炸野，鹹蛋黃好似mix入左炸漿咁，乾身不滴油，就咁睇就唔係好多鹹蛋黃，但係鹹蛋黃味愈嚼愈起勁，愈嚼愈香口，最重要完全唔油瀝同埋應覺到佢地猛火熱油，好熱氣但好正！🥢雞絲粉皮🥢 $58無話特別驚豔，不過天氣熱熱地好岩食同埋食左咁多重口味野要食返清新D既野，粉皮涼涼地加埋青瓜幾清爽，加埋胡麻醬好開胃。

星期日放假，過了九龍灣四處逛，行到肚仔餓便醫肚，今天找到間小店，吃近來喜歡的酸菜魚，上Openrice才發現他是新開的。有點像茶餐廳格局的小店，是真的有午餐與下午茶啊！（友義氣酸菜魚~小辣）$188這碟魚與宣傳相片中的擺盤差不多~巧靚，不過味道才是最重要。侍應姐姐叫我們先喝湯，吓 ....不是應該會很鹹，而且怎隔走香料❓原來勺子重疊了，有兩個的，一個是密實，另一個是漏勺，先喝了碗酸菜湯，飲起來鹹香少酸不膩，挺醒胃。配料不可缺的大豆芽菜，酸菜，還加入萵筍，金菇，菊花瓣，這個是甚麼粉呢？好像是薯粉..用了鱸魚的酸菜魚，肉片非常滑溜，份量足，不帶一點泥味魚腥味，過一會口中還泛起陣陣少麻少辣的滋味，正。（黃金蝦）$118不帶蝦頭的黃金蝦，外面黐住鹹蛋黃的薄身粉漿炸得很酥脆，裏面的蝦殼也脆香，我們只吃淨蝦尾末端的殼，鹹蛋黃看似少了一點，但是鹹度與味道恰到好處，而且一點也不油膩。（新鮮青檸梳打）解渴解膩的新鮮青檸，加在凍冰冰的梳打水中，沒有甜味的，👍。（原味凍咖啡）少甜香滑，不澀口，薄身夠凍。後記：單單是酸菜魚便可以回頭，而且侍應姐姐很有禮貌與貼心，有卡位時，即為坐近門口位的客人調位，小店值得來訪