古早牛肉麵 (已結業)

平時經過呢度都見到好多人排隊，難得今日竟然有位，所以就入去食午餐啦！-鋪頭入邊嘅裝修好有懷舊嘅台灣味，牆上面好多嘅掛畫，再加上佢嘅裝修，都好有心思，喺深水埗都可以有去台灣嘅感覺！-今次我揀咗食豬軟骨乾伴麵，配冬瓜茶。朋友就食咗半斤半肉牛肉麵， 飲珍珠奶茶。乾伴麵唔會太乾，再加上份量好多既豬軟骨，爭啲食唔晒呀。朋友嘅牛肉麵佢話好好食，仲話喺台灣都冇食過咁好食嘅牛肉麵。下次我一於要試吓！-呢個價錢食到台灣嘅質素，真係值得encore！

今日食台灣牛肉麵~~之前行經福榮街就已經留意到呢間古早牛肉麵，因為佢嘅裝修都非常有台灣特色。燈箱，懷舊海報等等，仿真度都幾高！7點已經有人等位喇，好彩食客流轉都算快，好快就有位坐。餐廳採用半自助式，餐枱上有張紙，自己tick完就可以交俾伙記，跟住落嚟就係等食喇。先講下湯底，深啡色嘅湯頭帶點甜味，肉味濃但不油膩。半筋半肉都好正，每一件牛肉旁邊都連住牛筋，牛肉嘅肉質淋，配上牛筋嘅爽口彈牙，每一啖都有好豐富嘅口感。個麵係帶有少少粗身，但扁扁地嘅直條麵，食落都幾彈牙，而且好夠飽肚，我食咗大半碗已經覺得夠晒飽，$60嚟講真係幾抵食！下次再去一定要試下個魯肉飯，因為見到隔離枱嘅客人食，好似好好食咁！

深水埗嘅食物選擇真係好豐富，中西日韓台，咩都有得食。同朋友經過依間牛肉麵，7點已經開始排隊，我哋當然唔執輸，排埋一份啦！我哋好快就有位喇。坐底就望吓張落單紙，除咗湯麵之外，仲有好多小食可以揀，仲有魯肉飯添！我就揀咗個三牛薈湯麵喇。食物都好快上枱，湯麵個湯好香濃。三牛薈包括牛腱，牛筋同牛肚，蘿蔔仲好大塊添呀！先試一試個湯底，好濃嘅牛肉香，但係又唔會太咸。再試吓個麵，口感煙韌，絕對無煮到過龍，幾好。到三牛薈喇，三樣都滷得好入味，牛腱好冧，唔會有渣，好食呀！牛筋同牛肚都好正，入晒味，正！唔好睇個蘿蔔平平無奇呀，都好甜架。

深水埗福榮街，短短幾百米，就有數以十計的餐廳，當中不乏老鋪或米芝蓮推薦實力者，夠膽量在這裡開的當然有反咁上下。今日去的是食台灣菜的古早牛肉麵，一踏入餐廳，牆上的圖畫和燈箱，立即帶食客進入一個台灣的場景。食物方面，午市有餐，選擇近二十個，價錢合理，大約五、六十元，最後點了招牌半筋半肉湯麵、台灣小香腸和芝士岩鹽烏龍茶。招牌半筋半肉湯麵的水準非常高，牛筋軟腍，有種入口即溶的感覺，牛肉都燜得十分入味，而且既軟腍又有咬口，配上濃湯和qq的台灣麵，整體不比台灣得獎牛肉麵遜色；而台灣小香腸一碟兩條，賣十三元，十分抵食；至於士岩鹽烏龍茶，都有一定水準，奶蓋芝士味香濃，口感creamy，烏龍茶富茶味。整體而言，食物做得很用心，價錢又合理，難怪這台灣餐廳不怕旁邊的勁敵而人山人海。

台灣味濃裝修環境都不似係深水埗既鋪，入到去都好多得意既design，幾有誠意的。不過位置不多，午飯時間有時都要等位。食過最好食，最深印象嘅係招牌既半筋半肉湯麵，牛筋牛腩都好多，好足料，又入味，仲有白蘿蔔，粗粗的台灣麵都讚湯底香。拌麵，同肉燥飯都不錯啊！不過如果叫肉燥鹽酥雞飯的話，肉燥不多的，個飯就有點乾了。珍珠奶茶都不錯，不過一定要少甜，因為少咗都仲係好甜。Lol 仲有小食可以加嫁，手抓餅可試試！不過一個麵都要$60嫁，深水埗泥講係奢侈了🙈

每次到深水埗總會到一些老字號的餐館用膳或食街頭小吃，但今天嘗一嘗新口味😍時間尚早，店內已有一些食客喝著台式飲品及食物，看似吸引。身體抱恙，只點了一杯熱的雪梨紅棗茶$16很香濃美味，淡淡的雪梨紅棗味，不太甜，感覺滋潤。😜戒口中，不點小吃了。每人也來一碗麵吧！半筋半肉湯麵$60有我十分喜愛的牛筋😍麵質很彈牙，湯底濃厚。三牛薈湯麵$68 內有牛腱、牛筋及牛肚這裡的招牌湯麵果然很有古早風。店內環境也頗舒適，在深水埗也可吃得自在。

在同一條街，多數都係食豬膶米，或者竹昇麵。今以行遠少少，試新野。結果 : 唔錯，真係唔錯！點了三式牛肉麵，內有牛腱，牛筋，牛肚。碗麵來時，湯底深色，先嚐了一口，有微辣，似紅燒牛肉麵果隻。牛腱很出色，入味，食落無渣。牛肚都唔錯，份量足。都係$68，低比！環境清潔整齊，又有少少設計及台式氣氛，足夠了。

今日因爲要返通宵，返工之前黎左深水埗食晚餐。本身諗住食車仔麵，但因為想食果間車仔麵要排太耐隊了，所以喺附近餐廳搵野食算。咁岩見到呢間古早牛肉麵無人排隊，所以黎左試下。餐廳既設計確實有d 7,80年代既風味，入面亦都擺放左好多舊式既小擺設我叫左一碗台式牛肉乾拌麵 $59牛肉軟腍，而且非常入味，不過乾拌麵就相反，淡而無味。就算撈勻予所有肉碎，麵都係無乜味。而我老婆就叫左碗紅燒牛肉湯麵。 $56牛腩大大舊，肉質腍嫩，而湯底都好濃味。

今晚又再一次選擇，深水埗呢間古早味牛肉麵啦！偽台妹大大話話都吃過 4 次啦！証明呢間有品質保證!👉🏽👈🏽今晚到了古早味牛肉麵時，客人已經很多，好彩仲有一張2人枱，咁樣可以坐得舒服點，如果餐廳可以 provide 個籃，可以放袋，咁就好啦！今次我們叫了蚵仔煎，綜合甜不辣，宜蘭迷你蔥肉餡餅，鹽酥原味大雞排，特盛台灣牛肉麵，輕芝士岩鹽奶蓋朱古力，芭樂蘆薈多多加珍珠。可能係我太喜愛台灣，又想做台妹，所以每次都會吃蚵仔煎，鹽酥雞排🤣🤣🤣。特盛台灣牛肉湯麵，價錢: 66蚊牛肉味道濃郁，湯很濃，好好味，正宗台灣麵。蚵仔煎，價錢: 46蚊味道當然同台灣風味，有點出入啦，但是味道都是很好，蚵仔都算大隻。鹽酥大雞排，價錢: 36蚊炸得很好，沒有油味，好似台灣街頭小食。綜合甜不辣，價錢: 25蚊味道很好，有魚蛋風味，有點甜，有點辣。宜蘭迷你蔥肉餡餅（4件），價錢: 27蚊煎得很好，沒有多餘的油，蔥味很香。芝士岩鹽奶蓋巧克力，價錢: 26蚊味道好香，奶蓋又濃郁。芭樂蘆薈多多加珍珠，價錢: 27蚊珍珠加了3蚊，價錢都可以接受，但珍珠有點硬，可以煮多少少時間😂因為叫了湯麵原因，所以有杯飲品，可以減 4蚊。👍🏽👍🏽

同男朋友一心想食台灣嘢又超肚餓所以OpenRice 搵到呢間幾多人like嘅古早牛肉麵我地晏就兩點幾嚟到都要等位，諗住咁多人食都應該唔錯吖🤕入到坐低即刻叫嘢食我叫：半筋半肉牛肉麵+檸檬愛玉（少甜）男朋友叫：鹽酥雞排乾拌麵+蜂蜜蘆薈多多嘢食嚟到，一試雞排唔脆又淋，乾拌麵冇味，要落好多辣椒醬先平衡到繼續食嘅心理牛肉麵湯底咸到痴咗線，好似煮嘅人冇味蕾咁，蘿蔔又有渣，食得我好傷心💔想話飲杯嘢沖淡吓，但係我叫嘅少甜愛玉變咗超甜愛玉，飲到我崩潰😭反而男朋友杯多多就掉轉變咗少甜，但係淡到冇味咁😥納含量超標又難食都算，但係呢個價錢食咁嘅質素，性價比真係超低，好唔抵😩完全唔會再食💔💔

放工出深水埗買野，買完野當然去醫下肚，附近條食街見到這間台式餐廳，專門食牛肉麵入去幫襯下先。鳳梨蘆薈多多：好大杯，味道飲落益力多味會較濃，甜度唔會太甜，入面仲有一粒粒蘆薈果肉。炸花枝丸：有5粒，花枝丸夠彈牙，面層曬上籽然粉，雖然有d熱氣，但好味。半筋半肉湯麵：故明思意，有牛筋同牛腩，牛筋重骨膠原，食落有口，而牛腩都好腍，煮得好入味，仲有一條長白蘿蔔，超清甜，真係想食條。另外，店鋪仲有辣菜甫任加，好惹味，但唔好加太多，真的好辣。

今日同朋友去深水埗買電腦野，係黃金廣場一出就見一間裝修得好靚的台灣餐廳-古早牛肉麵我朋友是台灣菜的發燒友，所以就陪佢去食😋😋我哋排咗10分鐘左右就可以入去啦！入面裝修好有特色，好有心思，令你覺得自己去咗台灣嘅小店一樣。而且我們發現每樣菜都非常之便宜，只需$50至$60左右，所以兩個女生就叫咗兩個小菜，兩碗牛肉麵和一杯野飲。😋😂🍽沙茶燙魷魚🦑$28我朋友總結為最喜歡的小食，魷魚好爽口,配上嘅特製沙茶醬,好有口感，又惹味！又有幾粒豆卜係底，全部都沙茶醬嘅味道，勁好食！🍽牛肉香蔥手抓餅$36其實可以當正餐，因為好大件，店員好貼心切開4件，方便你食👍🏻有好多牛肉絲，蔬菜絲，不過有點辣，完來係牛肉配上辣醬，所以都真係辣，不過餐牌冇講辣！🍽半筋半肉牛肉麵$60我哋見好多人都叫，所以我哋都叫左碗來食。一上菜，就見到好多牛筋同牛肉,而個湯好明顯係用牛肉煲左好耐嘅牛肉湯！因為飲第一啖，超重牛肉味。全部牛肉都炆得好淋，所以好好味！極度推介！絕對係鎮店之寶👍🏻🍽特級台灣牛肉湯麵$66有花枝丸，豬軟骨，貢丸，牛腱,每樣少少，可以每樣食少少，不過都係勁大碗。牛肉湯麵嘅湯底都係牛肉湯，同半筋半肉牛肉麵一樣，所以好

性價比極高的道地台灣菜今日去深水埗買電腦野，見一間裝修得幾靚的台灣餐廳，門外又有人排隊，所以就吸引左我去食！等位嘅時候睇餐牌，發現每樣菜都非常之便宜，只需$50至$60左右！最重要，他的台式飲品只需$20 ，現在隨街買一杯台灣嘢飲都要至少$30 ，所以非常非常之抵！1️⃣沙茶燙魷魚🦑$28我最喜歡的小食，魷魚好爽口,加上大量嘅特製沙茶醬,每一條魷魚都好有口感，而且會配上幾粒豆卜，豆卜吸晒沙茶醬嘅味道，勁好食！2️⃣牛肉香蔥手抓餅$36分量超大份，可以當正餐。有牛肉絲，加上大量嘅蔬菜絲，佢會切開四件，可惜味道有點辣，因為牛肉配上辣醬，所以唔食得辣嘅人千祈唔好叫，因為都幾辣😂3️⃣半筋半肉牛肉麵$60可以話係鎮店之寶，我見有半個餐廳的人都有叫😍牛肉嘅份量絕不孤寒,超多,而且全部牛肉都炆得好淋，所以好好味！極度推介！4️⃣特級台灣牛肉湯麵$66呢個可以比啲貪心嘅人試晒幾種味，有花枝丸，豬軟骨，貢丸，牛腱,每樣少少，可以食多類型👍🏻全部牛肉湯麵嘅湯底都係牛肉湯，所以好好味，食得出係煲咗好耐👍🏻5️⃣500輕芝士岩鹽奶蓋烏龍茶$24超平嘅一杯嘢飲，而且跟餐可以減$4真心佢嘅質素絕對唔輸畀其他台式飲品店，濃郁嘅芝士奶

又去黃金睇下，睇完見有間主打古早味濃嘅牛肉麵店都幾多人起入面，一於入去醫肚佢裝修幾有台灣味麵食價錢唔算平，唉！而家連深水埗都貴了。朋友叫咗個拌麵，好彩都幾大碗，鹽酥雞滷肉麵，夠汁，夠味。佢個鴨舌就細份咗D，比較乾身，非常入味，配啤酒好D。主打三牛薈湯麵，湯濃，肉，牛肚，牛𦟌各有口感，夠淋，夠入味，蘿蔔幾靚幾清甜兩個人兩麵加小食飲品，差唔多$100位，好在夠飽，都幾好食又唔使排隊，座得都算舒服嘅。

深水埗餐廳林立，美食種類豐富，有見近日多位友人暢遊台灣，吃盡地道美食，今天一於吃台灣菜！店內裝修偏懷舊水泥風，牆壁上掛滿有趣插畫，感覺企理舒服。點了一客半筋半肉湯麵，湯底香濃帶微酸；麵條軟硬適中，口感煙韌彈牙，微曲麵條掛湯能力佳，本人大愛！👍🏻；配料方面也十分大方，牛筋有最少四大件，厚身亦不會太淋，略嫌味道偏鹹。牛𦟌厚切，帶肉香，蘿蔔無渣。可惜未有酸菜提供。加配$16 有三件宜蘭迷你蔥肉餡餅，外皮酥脆，餡料多汁，一口一件無難度。飲品方面選了輕芝士岩鹽奶蓋冬瓜茶，另加胚芽，芝士不膩配冬瓜茶感覺清新。