吃什麼 (已結業)

呢世未試過食咁難食又鞋的下欄肉炸雞粒！知道這店舖出名牛肉麵，但今日想食飯，而他們的午飯便當都有很多選擇，就選擇鹽酥雞飯外賣，今時今日外賣冇折兼要加一蚊先比筷子都算，返到公司食咗一舊雞爭啲嘔返出嚟，無論係台式餐廳還是外賣的炸雞店，都冇食過用咁下欄的爛雞肉和鞋雞胸來炸的雞粒，外面不鬆化，調味唔掂，入邊仲夠膽死有紅色雞肉未熟透，隔離仲要俾啲核突漿糊薯仔，很無語，真的忍唔住喺呢度同大家分享。可能佢啲牛肉麵真係好好食啦，但係如果你係想試第二樣嘅就請三思。我就一定冇下次。What to eat? What not to eat就真啦

由佢開舖講到依家終於嚟食到好彩都無話太失望12:20左右上到嚟都有好多位不過要人齊先可以入座，等到個frd 12:35嚟到，已經full咗等咗陣先入到去排隊嗰陣可以揀定食咩先我就鐘情滷肉飯滷肉飯 $68 完全唔知點解係會有蕃茄炒蛋好似錯錯地咁😂滷肉偏鹹咗啲蕃茄炒蛋就唔錯，好有媽媽嘅感覺兩個都好送飯，所以覺得少少唔係好夠飯香雞扒牛肉湯麵 $80🍜塊雞扒好鬆脆不過薄咗啲，無啖啖肉嘅感覺而牛肉湯底藥材味好重🤢not my thing起司蛋餅 $39 台灣39一份，香港又係39一份🚬芝士幾香濃，但唔夠多醬普普通通咁啦~凍荔枝烏龍 +$18唔記得咗嗌少甜得個甜字

通常叫外賣，都係麻麻地好食。但係這間叫的牛肉湯麵，送到都好好味。湯濃郁，但不是太辣。分量都OK，牛肋條及牛筋都好大舊，好好味，面是粗的湯麵，好夾這個濃郁的湯底，我都好喜歡叫這個湯麵的外賣。

想到今晚吃什麼，吃什麼應該可以幫你解決。蔥油拌麵不嬲都係我嘅最愛，今次都無令我失望。雞扒炸得非常香脆，咬落去唔會太乾，而蔥油拌麵份量都算大，拌麵面頭加上炸乾蔥以及蔥花，加埋少少汁係底，撈埋嚟食非常香。皮蛋豆腐係我見到隔離枱叫，實在太吸引人，所以自己都叫咗碟。佢有別於平時食到嘅麻辣豆腐。鹹鹹甜甜嘅汁，面頭再加上木魚碎，食落有少少似日式豆腐嘅感覺。鹽酥雞同雞扒味道好似，雖然都好好食好香脆，但建議如果叫咗雞扒麵就唔需要嗌鹽酥雞，可以試吓其他小食。甜不辣識落非常有咬口，亦都唔會太咸，做小食都相當唔錯。

19-09-2020好友請食飯, 我負責揀地方, 腦海即刻閃出呢間台灣店。去年無緣食, 而家難得有人請, 二話不說食佢！中環太大雨, 雖然有遮, 但都要濕身😢 接近2點才去到舖頭, 大概有8個人在排隊 (正常既現象吧！) 咁辛苦上到黎, 幾多人都要等😂😂¤ 外省牛肉麵: 湯底濃郁, 牛筋超"橡筋"; 其他台灣店既牛肉麵一般只得辣味, 但佢呢碗牛肉麵仲有少許麻辣既味道, 好有驚喜!¤ 鮪魚蛋餅: 蛋餅係必試品, 朋友不吃芝士, 所以點了tuna 蛋餅。我覺得有點淡, 醬汁唔夠, 下次有機會一定要食芝士味啊¤ 甜不辣: 面頭第一塊沾了太多椒鹽粉, 嗆了一下😭 我喜歡佢似年糕既口感! 雖然限時45分鐘, 但外面落著大雨, 沒有其他人等位, 我地都坐多一陣先離開! 如果唔駛等位更加好!😂😂😂😂

中環有咩💛店食？上網睇唔少人好評，務住大雨都由中環站爬上黎山頂試一試😂星期日中午好多客人排隊，好彩有限時用餐，所以等候時間唔算耐。假日沒有lunch set，只有單點。價錢對於中環地區正常，不過質素就麻麻地啦。叫左滷肉乾拌麵，鹽酥雞，墨魚香腸，同粟米蛋餅🐷🥚飲品有好多選擇，奶茶要另加$30，有d茶飲加$12可以配飯或麵。奶茶甜度太高，要飲好多水中和返☹️4款食物內，表現比較出色的係墨魚香腸了🐙黑色的墨魚腸少脆得黎有d油份，配滷肉飯好味😋鹽酥雞咸到…好難食…究竟係我食得清淡左定大家都鍾意食咁咸？？佢係醃到雞肉都非常咸，食一件要飲半杯水的程度…不推介…滷肉麵賣相已經失色，拌麵望上去已經唔乾拌，好濕咁。而事實上都真係有d濕，好似發漲左咁。比起早排元朗個間二月的乾拌麵差得遠。心諗葵廣3樓間蛋餅已經唔好食，應該唔會差過佢啦掛🤔點知…可能冇落調味，食落只有粟米粒的甜， 醬汁亦落得太少，加上入面的蛋煎得太乾。成個加埋太乾身。支持一下💛不過唔會再黎了

12:00無人排隊，準時入座。沒有套餐，單點但價錢合理。食下食下12:40老闆娘提示交枱及在收據上圈上示意，但入座前沒有提過，當時只進食了一半，匆匆忙忙連歎杯珍珠奶茶時間都無，可惜可惜明白香港租金貴，飲食業盡量都想做多幾轉，但Lunchtime都有壓迫，不太過癮講番食物1)粟米蛋卷幾好味，不會油膩，細細件想吃多幾口2)半筋半腩牛肉麵，筋太肥，腩肉好林好吃，但麵底就普通d不夠煙韌3)珍珠奶茶值得推介，少甜味道都好足夠，朋友品嘗珍珠稱在中環數一數二之選

呢間舖嘅前身係係西營盤嘅“請坐”，由兩個台灣媽媽經營，之後喺中環大館附近以新名重開，每逢lunch time都有最少十個人排隊，人氣不減。 🍽起司蛋餅🍽木魚花蛋餅呢度嘅蛋餅真係有台灣早餐店嘅味道，外皮夠薄，邊脆中間位置煙韌，包住厚厚嘅煎蛋，芝士味唔算好濃所以唔會蓋過蛋香，仲有少少拉絲。木魚花蛋餅就更食得出雞蛋原味，木魚花份量好多，酥脆可口，配沙律醬好好食。呢兩款我同朋友各有所好，但一致認為呢度嘅蛋餅非常出色！🍽香雞排牛肉湯麵鹽酥雞排唔油，塊皮炸到香脆，湯底無藥材味，偏麻辣，有啲花椒八角味，我覺得油左啲，麵條質感唔算好彈牙但都無過淋。

星期三加班夜, 當然要食好d慰勞下自己! 同事提議不如食「吃什麼」, (唔知食咩就「吃什麼」啦!) 二話不說, go!「吃什麼」lunch簡直一席難求, 每次經過都有條長長既人龍!! 好彩dinner唔係咁多人姐! 我地一行3人, 等左陣就有位嚕! 最懷念的還是滷肉飯!! 冇得飛台灣, 黎到由正宗台妹開既餐廳, 點可以唔叫番碗滷肉飯呢?! 每人一碗, 細細碗, 份量剛剛好, 滷肉再多dd就更好 (我是一名食肉獸🤪) ,加上少量白芝麻同榨菜, 多左一份唔同既味道同口感. Hmm 難道正宗既滷肉飯食法係配榨菜既🧐 (黑人問號)久坐辦公室既office guy同lady, 腸胃唔係咁好既就要食多d菜喇🤭 叫左呢碟水蓮, 第一次聽, 第一次食, 外型似韮菜, 口感爽的, 味道都幾特別! 形容唔到, 下次黎記住要點黎試下呀! 呢度既蛋餅有好多唔同口味既選擇, 同事揀左玉米蛋餅, 咸咸既蛋加甜甜既玉米, 味覺既享受呀! 😋小食又點可以唔叫鹹酥雞呢 (係肉呀🤩) 炸得剛剛好, 肉質有肉應有既咬感, size剛剛好, 成粒擺落口, 係台灣既味道呀!! 好掛住台灣呀😭

中環咁多餐廳，但好多都係偏貴，一係就茶記茶檔。喂！難得有間價錢合理啲既台灣野（仲有蛋餅，好少台灣菜餐廳都冇賣添呀），放工都係中環站行過黎少少距離姐～😋😋😋星期六1點黎行過嚟都坐滿㗎，不過等位算快因為佢上菜速度都幾快，大熱天時附近冇瓦遮頭㗎，怕等位就最好拎把遮同風扇仔🤣跟餐懶健康叫咗杯茶，正常啦，夠凍😂滷肉飯好香下，份量分配都可以既，唔會膩又唔會食到尾得返飯冇晒肉。幾驚喜係啲米似日本珍珠米，有米香又彈牙！半筋半肉麵就反而肉好多😂😂share兩份食，分一碗仔出黎肉多過麵咁😂 味道幾好，筋都煮得淋但又仲有啲咬口，作為牛肉麵愛好者呢碗合格啦👍🏻蛋餅叫咗肉鬆，皮可以薄返少少，落多啲啲醬就好啦總結，兩個人食都幾飽下因為大部分都澱粉質😂 成間店服務幾好，上菜等位快，菜式合格有餘。係個位遠少少要行多兩步，不過星期六去食完，過個馬路就係大館，散下步又過一日～

Wondering WHAT TO EAT? We've got you covered - just go  in Central for some Taiwanese goodiesBraised Pork Rice 😋 - slightly different from the ordinary ones. This is more refined and feels much healthier with courgette and sweetcorn 🥒🌽 |$68 (lunch)Pork floss egg rolls - like pancake rolls but with eggs and pork floss inside - quite tasty |$45• What To Eat is a budget Taiwanese restaurant in Central/LKF! Opened by Taiwanese.

此店大名鼎鼎，網上部分食評話店員脾氣臭、服務衰，可能我去嗰日佢哋中咗六合彩，所以心情極佳，服務妥貼，配合溫柔國語，以為去咗台灣。首先，喺酷熱、暴曬下等位，店員送上一杯接一杯冰水，入口順滑無水喉鐵銹味，仲要俾埋把遮你擋太陽、同你報告大約等幾耐，係幾貼心。

星期六大約2點後等15分鐘左右就入座，嗌咗外省牛肋肉麵、雞排蔥油拌麵、炸花枝丸同起司加肉鬆蛋餅，飲品叫咗金鑽鳳梨綠茶。
碗麵一夾起兩條食──－嘩！不得了，這就是‪台灣的味道‬～！湯底牛味濃、帶新鮮肉味、微辣帶花椒香、後段有少少蔬菜嘅清甜，食得出香辣底料用心調配，唔係一堆辣粉、辣醬倒入去攪勻就算。麵條軟硬適中，以為世界好完美，估唔到衰喺舊牛肉度。牛肉韌到飛起，你有信心牙齒好實淨先好食，如果唔係牙都甩。我勉強食咗兩小塊放棄咗。

雞排蔥油拌麵無得輸，鹽酥雞排唔油、好香脆，好容易一口接一口KO。拌麵蔴油、醋、醬油等醬料加埋好夾，好開胃，不過一上枱就要攪好個麵，如果唔係個麵成餅嘢好難搞。炸花枝丸同起司加肉鬆蛋餅味道貼近‪台灣當地食到嘅味道‬，前者又係唔會成口油，好熱，粒丸又彈牙，蛋餅唔會好滯，蛋皮軟熟，夾埋適當份量嘅起芝士同肉鬆，好吃。金鑽鳳

今日難得厂多啲食飯時候，一於出去食飯！聽同事話中環蘭桂坊附近有一間非常唔錯嘅台灣餐廳叫我哋去試吓。好！等我睇下有幾好味先——吃什麼佢地原來係2018年獲得米芝蓮推介加冕，但因業權問題而再係今日的雲咸街再開舖。所以每次經過呢度都人頭湧湧原來就係咁解。好啦故仔講完我哋講啊今日食咗啲咩先。今日分別叫左：肉鬆蛋餅；雞肶滷肉飯，同埋蘋果綠茶 。肉鬆蛋餅，新鮮熱辣，有陴陣肉鬆香味，而外面的蛋皮更滿滿蛋香，令我回想起台灣的味道； 而正餐當然係叫呢度出名嘅滷肉飯啦，味道濃郁，一啲肥膩感覺都冇。而隻雞髀係用鹽酥方法製造，香脆可口，而米亦都使用珍珠米所以食緊上嚟絕對係非常之好味。配合埋蘋果綠茶，飲起上嚟唔會太甜清香茶味。所以如果大家去開中環食飯我都絕對建議大家嚟試下！ 話晒米芝連推介丫嗎😎👍🏻

食30分鐘，嘢都未飲完就俾人趕走，仲講到我霸住佢個位咁！不過咁，佢氹到好多𡃁仔𡃁妹支持下，抵佢咁巴閉，吹佢唔脹！補充一下，佢除咗話事果個老馮咁趕人走，其他waiter service冇問題。排我前面嗰2個女仔，2個人排3人枱，大熱天時有位都唔俾佢入，不停要同佢講話要齊人先入。咁嗰兩個女仔出哂汗，黑哂面都繼續等。呢啲service，香港人值得擁有。一碗牛肉麵，一杯嘢飲，78+14=92蚊。正常牛肉麵一碗，食物質素呢個價錢嚟講正常。

今天跟同事一起叫外賣自取，選的是中環這間台式餐廳。名字很可愛～中午要吃什麼吃什麼～今天來吃什麼店是兩位台灣媽媽開的，有家常的味道。選擇很多，有飯有麵，有很多台式小吃，還有早餐必點的蛋餅，或是宵夜愛吃的鹽酥雞，當然台式飲品也不能少哇這是菜單今天我們想說外帶吃個便當滷肉飯便當便當有三樣配菜跟一個飲品。滷肉滷得很入味，跟香港吃到的滷肉飯相比這個肥肉比例才是真正的台式味道！配菜是隨機給。炒小白菜味道超好很有家鄉味。飲料選蘋菓西打，喝起來味道像是把酒精換成汽水的Apple Cider這個香港不容易買到。火雞肉飯便當雞肉飯的部分，火雞肉本身不會乾柴吃起來很清爽下飯。配上酸菜再適合不過。滿喜歡醬油酸黃瓜炒碎肉的口感，超下飯的整體而言，在香港吃過數一數二道地的台灣家常菜。下次要來吃看看蛋餅跟鹽酥雞