吉利尼 (已結業)

最近吃西餐、港式食品太多，偶爾都想搞搞新意思，是晚放工後我和baka走到位於尖東的吉利尼！除了亞坤和土司工房，我所認識的星馬菜店不多，知道這間吉利尼還要謝謝妹妹呢。吉利尼的座位很少，幸好當晚客人不多，我們坐在靠近門口的二人桌，旁邊的告示板貼有多張客人的留言，環境略嫌擠迫。甫坐下，身兼收銀侍應的年輕店員遞上餐牌，吉利尼的選擇不多，好讓我這些三心兩意的食客免去選擇的煩惱，而且價錢在尖沙咀來說較為親民。這裡以半自助式經營，選好後便到收銀處落單和付款，之後店員會送上食品。首先來到的是兩杯跟餐飲品，baka選了美祿恐龍，而我則選了熱薏米水。暖暖的熱薏米水比較清淡，喝下去很舒服。美祿恐龍，顧名思義「美祿好濃」，美祿味非常濃郁，最上層有大量美祿粉，味道偏甜。我們各點了一個套餐，我點了新加坡叻沙（＄５８）。叻沙份量適中，配料多元化，包括雞蛋、蝦、芽菜等，湯底有香濃的椰香味，少辣，但米線煮得過份軟腍，吃的時候幾乎不用咀嚼，即使湯底再熱辣和濃郁也未能彌補到這致命的缺點。baka則點了馬來米暹（＄５８）。第一次吃米暹，從賣相看來有點像越式撈檬，麵條用上米粉，配料眾多，跟叻沙的配搭差不多。不過米暹上面有少量乾

星期6, 係尖沙咀行完街買完野, 想食個TEA, 周圍都好多人, 行入尖東, 去個人流少d既地方嘆tea.由於一個人, 所以只試到少少野, 好想試下個喇沙同海南雞飯.入到店, 自行去點餐付款, 跟住拎住號碼牌, 自行拎餐具搵位坐, 店員會按放在枱上的號碼牌而拿食物俾客人.1919經典多士套餐 : 半熟雙蛋配咖椰多士 ($38), 加$8 美祿恐龍:- 半熟雙蛋 配上黑豉油同白胡椒粉, 一啜滑入口, 半熟蛋白質感好滑口, 而且半熟蛋黃當然齒頰留香.看到巴斯德無菌半熟雙蛋, 係一種低溫殺菌技術, 食得放心啦.- 咖椰多士烘得岩岩好, 外面香脆, 夾著清甜咖椰醬, 味道不算好甜, 椰味也不算好濃.係較清淡d, 連埋鮮牛油一齊食都好夾.- 美祿恐龍 夠凍夠甜, 好濃郁美祿味, 睇面層既美祿粉就知幾重味. 中意美祿既朋友必試.

在附近開完會，一枝公，吃什麼也行。突然想吃點辣，不如走過來，吃碗喇沙?這裡的喇沙，有蝦有蛋有豆卜有魚片，看上來還可以。吃幾啖，辣勁算幾強，亦帶有椰香。用上的是米線，算滑吧！不過，我還是喜愛九龍城那家Rossa Laksa。喝的，是熱奶茶，要煉奶。香甜，茶香足，喝的比吃的更合心。下次，會試咖吷多。

最近幾個月阿坤好hit，突然想食新加坡野，但係聽番黎gei comments都麻麻地，而且每次經過都見到佢排隊排到出哂街轉哂彎，大熱天時，真係無乜興趣，於是上網摷下仲有冇D類似gei新加坡小舖，就畀我搵到原來附近都有間過江龍Killiney，今日去開尖東，就黎試一試佢 去到差一兩個字先夠七點，仲有一兩張二人枱剩，即刻坐低左先，再慢慢揀食乜，點知揀得黎gei時候，個侍應走黎同我地講"娘惹咖哩雞"賣哂  我地就係想揀呢個呢，原來就係我地心大心細揀食乜gei時候，已經不斷有客人出出入入，坐滿哂間舖，仲要有人等位，我地諗食乜諗得太耐呢。。。最後我地揀左一個Laksa套餐、一個半熟蛋kaya toast套餐同單叫一個娘惹醬腸粉，兩個餐分別配左一杯奶茶(淡奶)、一杯薑奶茶。首先黎gei兩杯奶茶係已經預先調好哂奶同糖gei成分，杯薑奶茶夠滑夠濃，薑味慢慢滲出黎，甜度剛好，但係因為用左煉奶，都幾膩。另外杯普通奶茶配淡奶，奶味明顯無咁濃，但係另外加左砂糖，略嫌過甜。跟住就係個娘惹腸粉，撈勻哂D醬黎食，辣辣地，醬入面gei蝦乾都幾香，overall味道唔錯 緊接住係Kaya toast，方包烘得剛剛好，微

回復工作自由身，約了在尖沙咀工作的朋友到吉利尼吃個快lunch，平常不太好新加坡菜的我抱著試試無妨的心態。平日星期五，十二點五十分到達要只需等兩張檯，愈接近一點鐘就愈多人了。吉利尼店面不算很多，人手足夠，要到櫃台點餐，再等服務員送餐過來。要留意他家不是快餐店，食物大概等十五分鐘左右。要提一提Set的海南雞飯今天沒有供應油飯，讓很多食客失望了朋友和我點了一樣的餐—叻沙！另外還點了一份咖椰多share 太驚喜了，賣相好像一般茶記的鮮油多，一拿起便發現滿滿淡綠的咖椰醬。即使我和朋友吃得頗狼狽都值得，椰香很重，切片牛油的份量剛好，不大不小。甜味適中剛好滿足我的胃口。叻沙也讓我驚喜，湯底很濃但不膩，配菜魚片和蝦也做得出色。米線的份量有點太多，但整體表現不錯。丫，雖然喜歡蛋，但一整隻又好像有點太滯了 飲品方面不過不失，朋友要了'凍美祿，粉太多，但尚算香濃。我點的凍薏米水很清新，加兩元要檸檬相信能將味道再度升華。

在尖沙嘴食新加坡野，沒有去阿坤排隊，選擇了這間Killiney Cafe。新加坡叻沙餐 $58 － 麵底是米線，有蛋、魚片、蝦、豆卜、芽菜等，不辣，椰汁味香濃，味道不錯。娘惹醬腸粉(下午茶餐) $26 － 醬汁甜甜的，面頭脆卜卜的是重點，加分不少咖椰多士 $10(跟餐加) － 多士香脆，配咖椰醬和牛油，好味法式燒蛋多士配咖椰 $20 － 麵包面有一層蛋，頗香，咖椰醬超多甜奶紅茶、美祿恐龍(+$8) － 奶茶香甜，美祿恐龍多粉，正

依到既咖椰野食都非常出名嫁,所以決定同朋友黎試一試,首先就揀左克力架,咁佢就有三塊,賣相就真係非常吸引,睇落塊塊都有多到漏晒出黎既咖椰醬,同埋一片薄薄地牛油,睇落真係無敵,要小心咁拎上手,因為一出力一咬,佢個D多到爆炸既咖椰醬,一定會滴到周圍都係,食個時一定會小心D你自己衫。但係味道上真係無得輸，甜得黎唔會太膩，成塊都有哂椰香同埋依個牛油味，不過真係會食到咩都亂哂,好似打完仗咁,之後就叫多個咖椰多士,食完頭先個個已經整到隻手污糟哂，當然就再食盡D。佢地依到自家製既咖椰醬加埋烘到非常鬆脆既多士，熱辣辣咁食,真係非常正,食多幾件都仲得,之後再加多杯柚子紅茶,岩岩好既甜味，柚子味都算夠濃既，茶味又唔算太澀,可以用黎消下個種膩度。 

上星期同舊同事聚會去了一間位於尖東食的地方 …吉利尼 … 鋪面不大 裝修简單 大約有廿幾個坐位 以自助式快餐經營。 可能我地到步是差不多八點幾 屬於晚飯時段所以都等了約廿分鐘位才能入座 menu 選擇好少 加上可能近收工時間 我地都無乜選擇 最後叫了喇沙、咖央多士 、 咖哩雞… 飲品叫了美祿恐龍…喇沙香氣四溢 面貭好彈牙 材料好丰富 湯味香濃; 咖央多士香脆可口 半溶的牛油和咖央真係令我再三回味最令我驚喜必然是美祿恐龍 (我沒有想這杯飲品有什麼特別所以沒有特別影相留念) 濃郁的朱古力加上丰富的美祿可可粉襯托 真的可口非常

Laksa's soup is too thickhave to change this problem la!!!食完勁漏...柚子蜜very Singaporean!!!using the same spoon之前裝修過...好似仲亂過之前...service...竟然夠膽冇人在cashier!!!!D 檯污糟好耐冇人抹...

終於有藍天白雲的一天在PMQ逛了一個下午累極了但仍決定離開中環揾食坐東涌線到南昌轉西鐵線到紅磡只為能一直坐又不用走很遠本來目的地是富士山但因為實在累壞又很久沒去吉利尼所以下天橋後選擇了轉右而去了（其實相對下近沒有幾米的）吉利尼因為太久沒來發現原來裝修了子健說完全看不出這兒是吃叻沙的地方而且人少得很星期日的七點半只有一桌客人對又累又餓的我們來說咖哩汁實在超香薯仔和雞都煮得超軟稔所以很吸汁超好吃子健說他喜歡重椰香的叻沙而這個做到了對我來說的確在香港找不到比這個叻沙湯底更吸引我的地方超香超濃超掛米線米線還是一如以往在半小時內差不多把湯底都吸了我也還是會弄散蛋黃令湯底質感更粉更有層次豆卜也是超會吸汁的真的超好吃咖椰醬和牛油加多士是永遠都會好吃的配搭但這個咖椰多士的咖椰醬塗得超滿所以無論如何只要咬一口咖椰醬和牛油都會開始從別處流出來感覺超豐富超滿足　子健說咖啡很甜（當然了...是用煉奶的）但沒有他喜歡的越南咖啡那麼濃整晚的堂食客人連我們也只有三桌外賣的也只有一個真的感到奇怪一直都這麼好吃的吉利尼為何這麼少人來？而且店子也不見得很多人經過子健倒是喜歡這麼少人他說就像到了外地般悠閒能好好地享受清靜所

其實我真的不喜歡到科學館玩啦，廿多歲還和小朋友玩一樣的東西，不過好友C很想到科學館，而且我已BAN了她N次，這次碰巧在尖東唱K後沒事幹，即管到科學館玩玩. 適逢當日是，大部份博物館也免費入場，就進去玩玩LA~ 原來科學館和我4、5年前進去時已經改變不少，不過那麼改變也吸引不到我了，如果我年輕廿載應該會樂而忘返的，離開博物館又開始肚餓，便到了附近的吉利尼吃件咖央多. 友人叫了1919經典多士套餐 $38，包括半熟雙蛋及咖椰多士. 另加 $10 可加配咖椰多士一客.  半熟蛋: 我是不吃半熟蛋的，不過看友人吃得滋味，應該也不錯. 凍奶茶: 友人讚口不絕，所以味道是不容置疑的. 咖椰多: 多士烘得夠脆，內裡塗滿了滿滿一層咖央醬，加上一片冰凍薄切牛油，每一口都吃到濃郁咖央味道，超級美味，我會比9/10分. 為了美味的咖椰多，我會再來的!

一個月前初嚐吉利尼的咖椰多士後，令我瘋狂愛上了，好掛住好掛住咖椰啊（講到好似同咖椰拍拖咁），忍唔住又要再食啦!!!!今次下午茶時間去，人流比平日夜晚多，只餘下吧檯位，好吧好吧，有咖椰多士食唔好計較咁多。同上次一樣，首選的 - 無，改為咖椰克力架，再加$10要一份咖椰多士。下午茶餐 - 咖椰克力架配熱柚子紅茶柚子紅茶甜度適中，柚子味濃，茶順口不澀，可對之後既咖椰攻擊(?)作舒緩之用。咖椰克力架一碟三塊，每塊有多到漏晒出來的咖椰醬及一片薄切牛油，拎上手一夾...一咬...咖椰醬滴到成碟成檯都係，幾乎連衫都有，非常「呢咁hea」，真係初次約會不能吃；走女神路線不能吃（你唔會用叉食餅掛）。味道無懈可擊，甜而不膩，充滿椰香與牛油味，縱使食到儀態盡失，最後還是KO了兩塊。任何套餐加$10就有一份咖椰多士，真係好抵食。咖椰多士食完克力架隻手已經黐立立，所以豁．豁出去．用手食埋佢。上次食過，今次美味依然，自家製的咖椰醬配上烘到鬆脆多士，熱騰騰香噴噴∼啊∼好正啊∼整個下午茶的確係正，雖然克力架麵包多士可以自己買到，但配上吉利尼既咖椰醬，自家製就有一定難度，廿幾蚊有埋杯野飲，值得一試啦。我相信我會好快再黎

是日下午，出席開飯啦於Hotel ICON舉辦的「優秀開飯熱店大賞2014頒獎禮」。獨個兒先到尖東搵食，路過Killiney，看罷店中擺放的宣傳單張，始知其歷史始於1919年，歷史悠久，是新加坡馳名的百年老茶室，豈能過門而不入呢？ 餐廳面積不太，約有三十個座位，開放式廚房在店內一側。裝潢簡樸自然，白色凹凸不平的牆身，配以淺木桌椅和木櫃，天花皮板則零落地掛有米黃及淺粉紅的牡丹花作點綴。由於地方及人手有限，午市套餐選擇只有五款，配咖啡或錫蘭紅茶的套餐有新加坡叻沙$58，馬來米暹$58、咖啡雞配飯或法包或薄餅$58和海南雞飯$58，以及1919經典傳統套餐$38，包括咖椰多士、半熟蛋和一杯咖啡或奶茶。小妹不欲吃得太飽，故最後決定要較輕盈的1919經典傳統套餐$38。先到廚房前的收銀處落單，告知就座的位置，拎取一個號碼牌後，自行去餐具櫃前拿取自己所需的餐具，然後返回座位靜待侍應送上食物。錫蘭紅茶茶色較深，茶味芳香濃郁，呷一口，是正宗錫蘭紅茶的味道。落單時，侍應曾問小妹要要否加淡奶，因不欲太飽滯，故只要解膩的紅茶而矣﹗然而，餐廳預先加了沙糖入紅茶內，坊間較少見。幸而，味道又OK，芳香的茶中，帶甜

五一假期的下午時份, 紅磡沒有想像中的強勁人流選擇在港晶附近來個下午茶早兩個星期前才由新加波回來對其茶餐小食未能忘情所以來到吉利尼點了Tea Set French Toast ，一端上枱已香氣撲鼻，香熱多士配以咖央醬，口感味道都很讚可是那杯Kopi o 水準就較遜色，並沒有新加波的味道

去到尖東都肚餓了,又係出動食野嘅時候.見到吉利尼,食小小野都好喎.叫左:新加坡叻沙,1919經典多士套餐,冰調椰糖奶茶,薏米水新加坡叻沙:湯底辣味好香,可惜米線過淋,如果用摻摻就可能好些,配料都可以,蝦彈牙,蛋唔太老,魚片鮮味,豆腐乾普通,如果加些魚肉碎就可能會好些.1919經典多士套餐:雙蛋冇咩特別,咖椰多士幾好味,咖椰香甜椰香足,比起外面食到嘅似小甜咖吔版,本人比較喜歡.牛油幾香,唔會太硬.冰調椰糖奶茶:好濃嘅椰香味,有小小似飲黑糖奶茶,都幾香滑特別,不過本人覺得甜左小小.薏米水:入口好舒服,薏米清香夠味.整體都可以嘅.