同心泰國菜館 (已結業)

每次黎到九龍城食泰菜, 我同男朋友都最鍾意食同心泰國菜!原因只得兩個: 抵! 好食!性價比超高呀!!先講環境：如果你係追求坐得舒服又乾淨既，咁呢間就唔岩你喇環境就好似一般既茶餐廳咁，簡簡單單！最重要既食物質素：1. 泰式鳳爪：真係好好食! 如果你係食得辣, 你會覺得呢碟野好刺激! 都真係幾辣架!佢個味道唔係淨係辣咁簡單, 帶少少酸味, 好開胃(俾個參考大家: 我平時譚仔食開小辣)2. 串燒：每次黎到都係食唔到牛肉串燒，所以俾唔到comment我只食到豬同雞串燒，推介食雞好過豬。雞件較滑嫩，豬就好鞋口！而個醬真係好好食，香得黎好濃味，完全帶出左串燒既精髓！總括黎講, 性價比高!絕對唔伏!

同心係我由細到大都好喜歡食嘅一間泰國菜因為係呢到我可以食到泰國好道地既泰粉味道由於食之前有一個唔好嘅經歷為咗彌補番呢個唔開心嘅經歷所以我同朋友決定再嚟同心食多一碗粉同心係同一條街道有兩間分店我自己就比較鍾意去細嗰間因為裝修同感覺 都似置身於泰國由於啱啱食完鴨河嘅緣故我係呢度就嗌咗個豬頸肉金邊粉同心嘅鴨血係非常好食只有嗌鴨河先有鴨血我就加＄5另加鴨血講下個湯味道有啲泰國滷水嘅感覺鮮甜美味豬頸肉烹調得啱啱好肉經醬料醃過 又香又惹味肥瘦適中 食落口腍身嘅無辣不歡嘅我就算加左咁多辣椒都唔會搶走湯嘅鮮味超贏唯一一樣野我覺得差咗啲嘅就係佢嘅價錢越來越高食一碗粉以前都係三十幾四十蚊飆升到而家差唔多要＄60一碗雖然話就話係六點前買單每碗減＄10但其實都真係好貴

前幾晚响隆姐吃了一碗未夠頂癮嘅豬雜粉，心有不甘，決定再試多幾間。之前路經同心門口，突然被佢陣湯頭味吸引住，再上OP睇到湯粉賣相，一於去試下。佢開好早，九點。啱晒我，慢慢食完先返工。店裹面都係大路泰國食店格局，電視播泰文節目，店員一律泰國人，工作節奏唔會太急、唔少得有泰皇掛像、泰國佛……香料味……外頭有陽光，襯得窒內少少暗，幾有曼谷FEEL。一早銷定牛肉湯粉，個湯，味覺複雜、甜，夠熱又灑上滿滿香菜、芽菜、䓤段，香到無比，我再學當地人加D魚露、指天椒、少少糖、炸蒜…………點有可能輸吖呢碗湯粉？！牛肉都好鮮甜肉地好嫩滑，無乜渣。件蘿蔔都鹵到入晒味又清甜，一大碗份量好夠飽n架、宜家一路寫個肚一路打鼓，埋單$42（pm6:00)前，真係九十九分，個人認為比隆姐、昌發都做得更好！

久不久就會心思思想食泰菜。前幾天友人叫不如到九龍城食泰菜，當然一口答應。朋友說這間同心開業多年，蠻有水準的。當晚8點來到不用等位，餐廳坐滿7,8成。坐低後立即點個泰啤。燒烏頭，內裡加入香料來燒，燒得剛好，能夠保存到魚的鮮味，簡直色香味俱全冬蔭功，夠酸夠辣。燒豬頸肉，燒得太乾身這裡可吃到外面較少有的椰菜苗，口感像菜芯，大家來到可點來試試。兩個人埋單350元

問朋友的泰傭姐姐，你會光顧香港的泰菜館嗎？一般的泰菜我都會做，做得比香港泰菜館還地道。她驕傲地説。頓了一頓，她說，放假時，有時，我還是會去九龍城的同心，吃碗泰式湯粉。今午，我到九龍城辦點事。辦完事，想起泰傭姐姐的話，決定要去同心吃碗泰式粉。 一進入同心，有到了泰國的感覺。所有的侍應廚師都是泰國人，食客也以泰國人佔多。 要了一碗泰式牛肉湯河。牛肉非常嫩滑，灼得剛熟，有幾片還有少許生。湯底深啡色。呷一口，味道很複雜，應是用了大量骨和肉，熬了很長時間製作出來的吧。喝下無老火湯的感覺，可用濃味清湯來形容。明顯地，此湯底不容易在家居廚房內製作，是吸引泰傭姐姐來光顧的原因吧。幾片的蘿蔔不知是否跟湯同煮，很腍很入味。還有就是那些不同種類的香菜。我分不清是些什麼，只懂其中有通菜。和著湯河吃下去，美味非常，絕對是泰滋味。店門口上面有電視，播放著泰文節目。一眾食客都用電視送飯，看得嬉哈大笑。有理由讓我相信，一眾食客不論是泰人或是華人，都懂得泰文。我忽然明白，來這用饍的泰國人或是泰國華僑，是因為這裡能撫慰了他們的淡淡鄕愁吧。

同心是由小編的老友推薦，平時經過看到門口的裝修很有泰國的風味，都想入去試試。今次終於有機會品嚐一下。小編與女友跟老友兩夫婦一行四個人，起初七點幾見舖面冷清都以為平日很少人，但八點半後開始多熱鬧起來。小編跟老友點了五餸一湯，可能因為人不太多，所以上菜速度係快。打頭陣是泰式炒通菜，可能因為未食野的關係，所以一開始覺得有啲辣，但習慣左之後，發現越食越惹味。接踵而來的是炭燒豬頸肉，小編覺得因為第一次食同心，所以豬頸肉是一道既美味又保障的菜式。果然沒有令我失望，啲豬頸肉爽口得黎又保留到啲肉汁，外面又不會太𤓓。再黎是泰式串燒，小編覺得不過不失的一道菜式。因為九龍城四周都有賣串燒，有不同的醬汁選擇，而同心只有沙嗲味，味道不會太突出有一種食完覺得好好味的感覺所以沒有令小編有特別深刻的印象。然後就是冬陰公湯，看到個湯盤好有冬陰公的風味，還散發著濃濃的冬陰公香味。果然味道出奇的辣，辣得惹味，辣得有種喉嚨很有熾熱的感覺。小編建議食不到辣的人都係唔好試，因為始終唔係人人接受到果種辣。到了尾二了，明爐燒烏頭。起初有點失望，因為同菜單上的相片有出入。平時食的明爐燒烏頭是有一隻魚形的盤同原隻烏頭上。但同心就有啲不同

放工忽然想食泰國野同同事出發去九龍城覓食 平日夜晚既九龍城唔駛點等位就入得睇到同心有得食生蝦仲入左去喇 =p5個人叫左7樣野首先介紹下生蝦蝦肉鮮甜肥美 夏天食好爽之後係小食拼盤中規中矩 個人喜歡裡面既蝦餅 皮夠脆 肉彈牙 上碟時仲熱辣辣生菜包 之前食其他餐廳既泰菜都唔太辣 呢個對我黎講真的比較辣愛辣既人應該都鍾意金邊粉 同 菠蘿炒飯中規中矩 正正常常豬肉串肉肉質嫩滑 不錯喔!最後芒果糯米飯有去左泰國食的味道 總體黎講都抵食~

再訪同心，因為上次午餐覺得幾好食，特登係樂富同朋友踢完波入黎食，點知就有少少中伏…首先因為黎到餐厅先1745，根本就無乜人，但個侍應就好似砌左成日甘勁唔耐煩，聽口音應該係泰国人，但一啲泰国人既熱情都無…講翻啲野食先馬拉盞通菜，炒得幾香幾好食！海南雞就麻麻地，好似白切雞甘，鷄脾個啲位幾滑但雞胸鞋口…菠萝炒反好得，菠萝仲好juicy，味道刚好！冬蔭公夠酸夠辣，都好多海鲜料，青口大蝦魷鱼甘！泰式生菜包幾夠味，嫌生菜少左啲唔夠包！椰汁西米糕就普通，無話特别好食飲品方面泰式奶茶好正宗，同係泰国飲差不多青檸梳打同其他食評講一樣，夠曬酸！珍多冰就會嫌細杯左啲，哈哈總体黎講，尼間野太浓味了，可能真係太正宗所以食唔惯，食左兩碗白反，朋友仲飲左兩罐可樂都話好口渴…

天氣炎熱，明明樓上有位，都要我地4 人係出面等。樓上樓底矮，大枱客都唔少。前菜，辣辣地，脆卜卜，開胃小食我食唔到辣，但又中意食泰式木瓜沙律，酸酸甜甜，又辣又惹味豬肉生菜包，勁辣，菜新鮮仲有小食拼盤， 春卷，又脆又好味 ,其他一般豬肉雞肉串燒，個汁最正，d肉麻麻泰式炒粉，淡而無味，失色冬陰公湯，朋友話同出面d餐廳唔同，又唔係好飲總結，價錢唔貴，食得飽，嘗辣之人必到之地。

近日食過最好食既泰國野！入到去，一睇就知已經聽到好多句泰文同睇到泰国台，就知佢正宗！同行同事食左炒金边粉同菠萝炒飯，都好似幾正下，係個咖喱鸡反較為遜色，可能因為迁就香港人口味啦…自己就食左胡椒garlic飯，好鬼正！！！因為尼到所有既野基本上都即整所以等左成十分鐘，但值得！首先係啲雞肉有奄過入味但又唔會太咸又唔會太老，garlic同胡椒都炸到好香，個啲胡椒唔知點解可以好香胡椒味但無好重辣味，全碟野都好美味！但有樣野要彈既係個出菜位我等食期间唔覺意裝左入去，見到有條友係入面食煙…

朋友是中泰混血她和家人經常來同心打算一試，衛生太差即使食物不過不失，已經令我食慾全消一入去冷氣尚算足夠但蚊子不停飛至少有六七隻蚊不停圍繞著我的桌子轉非常擾人，更叮我的腿大排檔的衛生還比它好呢食物價錢合理，各九龍城街市差不多但份量十足四個人點五樣已經十分足夠特別要讚讚馬拉盞通菜很香但太油了!!最後還有件不愉快的事明明埋單前計了一共食了$3XX但老闆娘算了$4XX 足足多了$100我立即check check 單，發現多了四杯飲料老闆娘堅持問是否我們飲的好彩最後都搞清搞楚所以提提大家在人手落單的餐廳大家埋單時記得check check 啊!否則自己損失啊!

泰式蝦球炒金邊粉($50)望落以為係辣 其實唔辣味道夠濃但唔會太鹹唔太足料 一碟只有幾舊蝦球炸蝦餅($62)6舊大大舊 算抵食個炸皮好脆好薄唔會好難入口好肥膩蝦味好鮮唔會腥另外仲叫左杯龍眼水大大杯都係$20-$22好清甜 好滋潤呢個一定真係要試！

屋企人食過推介搵左日閒日同朋友去食晚飯唔洗等位菠蘿炒飯($50)一擺低已經好香好多款配料除左菠蘿仲有雞肉 雜豆 臘腸 腰果 肉鬆多款但份量唔多 最多就係蛋絲不過好好食價錢都比出面其他泰國食肆平幾抵食青檸梳打$25好夠酸唔係梳打水浸兩舊青檸就算中意飲酸野嘅人一定要試

九龍城泰菜林立，各有千秋。之前聽過同心的介紹，以正宗及平價聞名。在選擇困難症發作的今日，決定一試。二人食，不能試到很多道餸。Order咗 青木瓜檬沙律，椰青冬陰功湯，沙爹 同埋 泰式炒通菜。喺香港食到的泰菜，通常不是太淡，就是已經本地化。同心的菜餸則夠酸夠辣，果然夠Thai。重口味人士應該會鍾意。如果你想平平哋又食得正宗，不妨嚟試下。

同媽咪撐台腳!一入到去剛剛好full，等左十分倒~叫左個雞肉碎生菜包、串燒同埋一個金邊粉~雞肉碎生菜包，其實都好味，不過小辣都好辣串燒，都不過不失，不過食落都覺得有水準!唔記得係雞定豬既金邊粉，好有泰小炒既風味呢間雖然不大也不少，但覺得都好融洽，服務態度不錯，都面帶笑容九龍城間間都好有水準，呢間雖然不是太特別，但不失為小店中感覺到有人情味既店鋪!確係值得一試!