名代宇奈備長炭燒鰻魚飯專門店 (iSQUARE國際廣場) (已結業)

話說有人想食鰻魚 就入左去食叫左一個鰻魚重 加$15 飲個鰻魚肝湯依個就係鰻魚肝湯張圖未食過 係得咁少雖然唔知鰻魚肝咩味除非鰻魚肝本身係無味個湯係勁淡魚味 同埋好少好少既鮮味到天婦羅 炸漿得唔係十分脆 但麵有八分茄子新鮮 南瓜無咩味鰻魚味濃 外脆內滑 好食之後到鰻魚重 特大好大條鰻魚呀口感都係好滑 好重鰻魚味頭尾仲燒到脆一脆好好食但只能夠講 留白既地方太多送飯基本上唔夠而飯又唔夠汁送食落有少少dry總結 一定要叫天婦羅飯有好多款 唔好揀特大

記得呢間餐廳剛開嘅時候，都有好多人等位。但難得星期五嘅夜晚都唔使等位就可以入座啦！😜.餐牌內嘅選擇都唔少，除咗鰻魚嘅選擇外，仲有天婦羅同烏冬嘅選項。.//「鰻魚飯三食」$88🍽：個人比較貪得意，同埋好鍾意茶漬飯，呢個三食，其實就係原汁原味就咁食、茶漬同埋加芥末食。我幾乎只加茶變茶漬飯咁食，🤣因為咁樣好好味，熱熱地嘅茶再加飯同鰻魚，好夾。不過呢個飯嘅鰻魚數量相對較少，大家可以衡量返。.//「鰻魚重」$98🍽：有半條鰻魚啲份量，鰻魚有啲似翻熱嘅感覺，好掛住喺日本食到即燒嘅鰻魚，同埋呢度嘅鰻魚唔算厚身，但咁嘅價錢都算係咁。.//飲品做緊買一送一既優惠.//「啤酒」細杯$30

平日好少去iSquare搵飯食，難得經過就去睇吓呢間啱啱開舖個陣排長龍嘅店有幾特別😎兩個人叫咗三樣嘢🤩《鰻魚重 上》❤️❤️鰻魚夠軟身亦都唔多骨，入門版既鰻魚飯黎講都算唔錯《鰻魚飯三食》❤️ ❤️比普通鰻魚飯多過食法，想有啲新鮮感可以試呢個《鰻魚燒玉子》❤️❤️❤️食落呢個最有驚喜，玉子燒甜甜地再配埋鰻魚，小食來講會推薦呢個

睇完電影開開心心食晚餐印象中價錢唔係太貴（尖沙咀商場價）服務都唔錯餐廳夠大果陣又少人個溫泉蛋蔥花鰻魚飯確實唔錯唔一定下下要同日本比 （日本太恐怖 平靚正得太離譜）夠好食就得個水準都穩定叫親的菜式都唔錯                                                                                                                                                      大滿足o(*￣︶￣*)o

由於真係太耐無去日本了，好挂住當年係日本第一次食的鰻魚飯~係tst同男朋友睇完戲就好想食日本野~男朋友就話食呢個名代宇奈備長炭燒鰻魚飯專門店啦！（其實佢係記得我講過好想食鰻魚飯），甘我地就6點几黎食early dinner啦~ 人唔多~好快入去仲有卡位~我地都都好想食牛肉+鰻魚果個餐~兩條友叫左一樣ge餐哈哈哈哈！牛肉係分開上的~男朋友食完話味道同吉野家差唔多而鰻魚就..............................偏少，而且好似煎得耐左，個底黑曬，食落去無日本甘甜~個醬都差好遠.....另外我地單點左炸鷄，反而炸鷄就ok~但係分量太少了。。。。得3-4舊。。。。再每人叫左一杯飲品，完全無驚喜。。。。呢個水準，同日本真係差好遠啊。。。

部分食評話哩度好過日本，第一次來只想試下，所以只叫了中價得鰻魚重同埋日本出名的三食比較下。鰻魚重 ($98)3分-鰻魚重系主要下半部份，魚吾算肥，無乜鰻魚味，主要系醬味，普普通通啦！但覺得吾似燒過，無碳香，吾夠熱。埋單睇到廚房d鰻魚其實已經系熟，可能翻燒的時間吾夠。鰻魚飯三食（$88）2分系日本由布院食過鰻魚飯三食，覺得哩間差太遠啦。當然吾會同日本直接比較啦！第一吃：人地系先把陶鍋裡悶的飯、醬汁攪拌均勻品嚐原味；鍋邊最後會有飯焦，到第三食系另一種味道。但哩間只系比一碗飯，所以後面第三食就無左意思。鰻魚哩度只系魚粒同埋好小，女仔都可能吾夠食。第二吃：在日本吃完第一吃後，有不同的醬料例如山椒、柚子胡椒，但哩都只有wasabi,加埋wasabi吾夠勁。第三吃：在日本第三吃是加入茶湯當茶泡飯吃，而這時也可以吃到鍋子底部的些微鍋巴，加上甜美的高湯,真系三重吾同感覺。但哩度湯吾夠熱，吾夠濃，可以想像有醬油的白飯加水是什麼味道。

今日有同事又帶我去食好野，今次來到isquare 食鰻魚飯原來不衹有炭燒鰻魚，還有天婦羅鰻魚的。不過我們當然貪新鮮，試下三食啦。而且午餐不收加一，及可免費加白飯午餐還包湯及漬物。鰻魚飯三食$88 - 賣相好吸引又好玩。但略賺鰻魚份量少 首先第一食我將三份一鰻魚飯放在飯碗上，品嚐它的原味，鰻魚肥美，鰻魚汁香甜第二食再將另外三份一鰻魚飯加上日本芥末食，感覺可解鰻魚的肥膩感。第三食將鮮魚湯倒入剩下的鰻魚飯上，魚湯香濃鮮甜美味，提升了鰻魚的鮮味，是我最喜歡的食法好好味

在isquare 三樓拿雪糕月餅🥮，咁啱見到有鰻魚飯。從玻璃窗見到職員正在燒鰻魚，而且是用炭燒的（後來看看下知道是備長炭）。忍不住要試一下，因為趕住拿月餅回家，所以為有外賣。回家後急不及待即食。太好了，真是不負期望，真係好好食😋。炭燒的方法令鰻魚多了一層炭燒獨有的香氣和味道，比一般電發熱管或微波爐加熱來得好吃。就算不特別喜歡鰻魚的人都應來試一試，可能會從此愛上。有機會的時候我實帶埋屋企人一齊堂食回味一下。價錢係ok 的，好親民的價錢。

去咗 名代宇奈備長炭燒鰻魚飯專門店 (iSQUARE國際廣場)手寫餐單可以免費索取口罩紙套叫咗一客「鰻半燒」，即奄列但唔係火腿係鰻魚配好多鰻魚汁同沙律醬賣相唔錯咁，內裡仲有芽菜。好可惜嘅係，偏老身，未係半生熟有蛋液溢出咁，而且主要係依賴啲沙律醬同鰻魚汁嘅味，本身蛋味無晒。至於內裡有鰻魚粒粒嘅，都平均分佈到參唔多一啖都有，但個魚被啲醬汁搶晒味雖然人哋主打鰻魚，但同朋友點咗牛肉同雞飯。 玉子上台時仲震震地半生熟，牛肉都望落好夠份量佈滿碗面，都似另一間連鎖牛飯店嘅外貌嗰牛係薄切牛片，脂肪比例都正常唔會過肥。醃色雖然唔深，但夠入味，係牛肉汁嘅味道，亦都無好老好靭身。 至於飯係珍珠米，不過偏多水份有啲「笠」身，可惜至於個雞飯，望落都ok啊，大半件薄切雞扒嘅份量，拌汁係甜甜地燒汁。嗰雞燒到個面似肉乾嘅燶燶地味道，內裡就唔係太多肉汁保留到，都係小小乾身。幸好係薄切，否則厚切就咬膠咁。飯底亦係一樣偏多水，未做到粒粒分明。整體評分，無試到主打嘅鰻魚，只能評其他不過不失

·山芋鰻魚飯呢間主打鰻魚 好多唔同鰻魚既配搭山芋原來係淮山 好特別🤍鰻魚燒得岩岩好 而且好軟唔會食到有骨將佢連埋山芋一齊食 都唔錯呢🍱♥️·薯仔芝士年糕🧀呢個掛住食唔記得幫佢留倩影咬落入面既芝士係溶住咁湧出 好正好食

今日行開尖沙咀，海港城乜都排長龍，行左過I square 呢邊搵食🤣見到呢間個門口好日本，決定入去試下同朋友一人叫左一個餐黎到鰻魚專門店，我梗係叫鰻魚飯啦雙層鰻魚丼 $108鰻魚肥美，但隱約食到少少淡水魚有嘅泥味，但整體而言都係好味嘅，聽講鰻魚丼係圓形碗，個鰻魚係廚房煮，而貴啲嘅鰻重係長方形盒，個鰻魚會係出面玻璃窗用炭燒，所以下次再有機會食可能俾貴少少係食鰻重😆朋友食左個天婦羅烏冬，我試咗少少，天婦羅有少少油，整體係好味嘅，不過唔夠脆，個烏冬質地好滑，但可能煮得耐左少少有啲淋

如果是喜愛吃鰻魚飯的朋友, 應該會知道鰻魚飯, 是日本東京的過江龍, 在日本名代宇奈とと其實算是平民鰻魚飯, 相當抵吃, 當然了,  香港店價錢應該要3倍於日本吧, 之前我是覺得有點不值得的, 直到近月我加入了此集團的會員 (當時我在吃另一家壽司店), 發現如果入會就可以去吃名代宇奈とと, 呵呵第三波疫情前夕, 晚市準備要禁堂食, TST街上和商埸幾乎無人, 於是試了我想念的日本燒鰻魚飯(1) 鰻魚丼最期待的鰻魚外層燒的很香脆, 鰻魚汁也是濃郁的, 配日本白米飯一流, 這裡還可以免費添飯, 真的佛心 給力推介!(2) 鰻魚天婦羅 + 烏冬我真的很少在香港的日本餐廳找到鰻魚天婦羅, 以前在澳洲悉尼讀書的時候, 有一家日本菜的鰻魚天婦羅是我每次必點的菜式, 這店的鰻魚天婦羅也是炸的很好, 炸粉不會太多, 鰻魚不會乾身, 烏冬超多, 加上無限白飯, 吃的好飽!(3) 鰻魚玉子燒其實這算是小食, 但2個人來說, 有點多, 因為鰻魚飯和天婦羅太出色, 玉子燒只能作為配角, 建議加七味粉, 口感會更惹味

話說我哋join 咗呢個group 嘅membership，所以試下呢個好有名氣嘅鰻魚飯🎏專門店😍我哋叫咗全鰻魚餐😋鰻魚飯，嗰然係專門店，真係100分，先講個鰻魚，一食就以為去咗日本，好高質，咁嘅水準，燒得好香，好軟身，口感好滑，醒上鰻魚汁，搶住食，唔夠飯，餐廳好細心提供免費加白飯😋好有日本🇯🇵味道，加上我人生第一次食鰻魚天婦蘿，非常好味👍🏼有少少邪惡，真係又脆又香口，脆卜卜熱辣辣，特別帶岀個鰻魚味，好岀色鰻魚玉子燒😋，又係我首次食到，平時食明太子玉子燒就食得多，所以呢個有驚喜，好特別🥰

行過尖咀呢間店，聞到有浸好香嘅燒烤味，走去望一望。原來係燒緊鰻魚呀🙈🙈既然咁耐冇去過日本，就係香港食返餐鰻魚飯補數啦🤗🤗間店大大間，有好多位，等都唔洗等，即入，正ar叫咗個鰻魚重 特上黎食。即叫即燒，所以order完都等咗一陣。一上枱已經聞到炭燒味，鰻魚大大條，百幾蚊就有呢個size, 算係抵。鰻魚燒得唔乾，咬落仲會有啲魚油，肉質雖然未做到入口即溶，但都滑，食落又冇話成口都係骨。我鍾意鰻魚再加少少飯一啖過食，咁就每啖飯都可以有鰻魚味了。呢度當然冇得同日本幾百蚊一個嘅鰻魚飯比。但百幾蚊就食到呢個質素，算係咁。

食下茶漬飯當去左旅行✌🏻✌🏻鰻魚三食（原味，配料，茶漬） $881️⃣👉原味就估然咩都唔加，就咁細味品嘗美味嘅鰻魚本質。鰻魚都幾肥厚，會有少少骨，但啲骨係食到落肚嘅。2️⃣👉配料為芥末，撈飯冇咩特別。3️⃣ 👉茶漬有淡淡茶香同柚子香，估唔到撈飯都幾好食。呢個飯除左感覺日式同傳統啲之外，建議大家叫其他飯應該更加好食。.牛肉烏冬 $78牛肉另上，牛肉汁不足，烏冬湯底較清，若多加入牛肉汁相信更好。.活乳酸梳打$22（買一送一）