吞POT 雞煲火鍋.住家菜 (山林道) (已結業)

陪女兒去尖沙咀交收後，她請我去山林道的吞pot 雞煲火鍋住家菜食火鍋，因為吞Pot食材新鮮，價錢合理。火鍋店位於銀座樓上鋪，環境清幽。招牌螺片濃雞湯：雖然天氣不是十分乾燥，但都好想飲碗滋潤的湯水，用螺片就最適合不過，加上鮮雞熬煮，益氣又滋補養顏。味道香甜。鮮雞件，半隻份量都好多， 超嫩滑的黄油雞，好新鮮，就算滾耐一點，雞肉也能保持滑嫩質感，雞皮也很爽口。自製鮮蝦雲吞：雲吞是自家包製，餡料飽滿，豬肉和蝦都有鮮味，大大粒味道唔錯！七喜

自從新年開始, 疫症係香港爆發後, 特別係因為火鍋家族案例被嚇怕, 已經好耐冇外出打邊爐。見最近疫症案例回落, 終於可以同好姊妹今晚外出打邊爐!去左尖沙咀一間樓上舖"吞pop", 對佢餐廳名有深刻印象, 而且食物質素唔差, 餐廳環境又整潔舒服, 所以之前Bookmark左可以再去!打邊爐前先混醬, 醬油費$12/位上次食麻辣雞煲, 今次就試試另一款, 【胡椒豬肚雞煲(半隻)】HK$178看似幾豐富, 上檯即刻食得, 除左雞件、豬肚外, 仲有粟米、腐竹、白蘿蔔片呢D索湯配料,豬肚質地有彈性、幾爽; 雞件剛好熟, 幾嫩, 湯底果然很正, 清甜得黎帶少少胡椒香, 有陣陣胡椒既微辣, 未打邊爐我都飲左幾碗;粟米還是清甜, 不是滾湯滾到冇味果種, 腐竹夠林, 白蘿蔔片滾到最後食, 不但索左個湯既精華, 更食到本身清甜。不過加湯打邊爐還是加清湯, 減淡左胡椒香味道。所以最後只點左【西班牙頂級黑豚豬腩片】HK$128豬腩片色澤粉嫩, 肥瘦比例平均, 熟後肉質還是柔軟嫩滑, 食到淡淡豬肉香~ 

呢間吞pot之前都有食過，但見山林道有新分店，即刻再去食，估唔到尖沙咀呢間環境感覺好elegant，會每枱有調味料揀，感覺衛生我地3個人嗌咗半隻雞，試下養生野花雕藥膳雞煲，入面都有好多雞，上檯已經食得，中藥味唔會好濃，飲落都幾順口蟹籽墨魚滑- 呢個食落入口好順滑，比起一粒粒雪藏丸更加好食特級雪花牛肋片- 大大片，食落都有牛味，算係嫩個種自家炸響鈴-新鮮炸起脆卜卜，好香口，如果唔係驚熱氣可以encore紅薯粉 - 偏向粉絲質地，粗幼度剛好，唔會吸哂啲湯，但都吸到湯汁大檸茶- 真係double size 嘅檸茶，茶味夠，凍冰冰啱哂打邊爐

有時人少少又想食雞煲, 家下都算方便, 去搵間雞煲店就可以過下口引, 我地去到都算多人, 坐的位置都有電視睇(不過都係得TVB) 因為我地2個人去, 所以點了一個普通的小雞煲, 不辣, 我最多吃到BB辣, 朋友係完全唔辣得的人, 不過小還小都份量充足!!夠2個人吃有餘, 味道夠濃郁但唔會咸, 雞的SIZE 斬得夠剛好, 岩岩件件雞都吸哂汁, 愈評愈想再食吃完雞就拎D汁起碗先, 再加湯黎打邊爐先係香港食法, 2個人叫唔到好多碟送, 就點左D呢到招牌的芝士響鈴, 特級雪花牛肋片 ,”開心樂園餐” , 少少菜芝士響鈴平時我去開的火鍋店都只有響鈴, 少有芝士在內, 還要是自家製, 我在外家試過多間, 都沒有這家的好食 , 口感又脆又不會膩特級雪花牛肋片吃雞煲我習慣一定要吃牛, 點了一份中價的牛, 2人來說份量都算多, 大大碟, 牛脂豐富又牛味香, 價錢中等”開心樂園餐” 主要是日本蟹柳, 午餐肉, 芝士腸 , 雞肉雞都是小朋友最愛的食物, 我們這些大小孩, 樣樣都想試少少就點了這個...撈上雞煲的醬汁就提高滋味

夜晚放工之後同朋友都想食雞煲就一齊嚟到尖沙咀呢間吞pot雞煲度嘆翻個，之前已經食過佢既麻辣雞煲，今次就決定食其他，所以就簡咗個滋補螺片花膠雞煲一齊試下。呢度環境闊落坐得舒服，因為時間仲早冇乜人， 食到一半幾乎就滿座啦!因為驚兩個人食唔曬所以淨係嗌半隻雞，雖然得半隻雞， 但係入面材料好豐富，勁多螺片同花膠。雞肉肉質鮮嫩，花膠同螺片都好新鮮食落好彈牙，湯底濃郁! 夾埋我自己配嘅炸蒜麻醬配麻辣醬，真係好正!特別推介既手打黃金海膽黑墨丸同埋鯪魚滑，好彈牙，味道唔錯!

好耐冇見友人，咁啱好耐冇打邊爐，大家就約埋一齊圍爐。一坐低店員就俾我地加調味料，醬料費位位$12，加多啲醬料唔好執輸。揀咗花雕藥膳雞煲，個湯好滋補，飲咗兩三碗先開始食雞。雞肉幾入味，肉質幾嫩滑。叫咗個特級雪花牛肋片，唔算好貴，仲要每塊肉都大大片，對得住個價錢。肉質滑身，好濃牛味，幾好食。響鈴好香脆，啱啱炸起，就咁食都好好味。淥兩秒就食得，加埋醬油一齊食會香口啲！墨魚滑同出面唔同，唔煲一筒筒上，有啲難搞。份量都唔算多，唔算話好抵食。咬落味道ok，可以接受。見唔多飽，就叫咗個薯粉。呢隻係幼身，似粉絲多啲，咬落冇咁彈牙，不過就幾入味。叫咗兩杯大野飲，大檸水同大檸茶，好啱打邊爐飲，夠解渴。大大杯可以兩個 share飲！

之前試過食火鍋，今次試下雞煲先～呢間分店都幾有氣氛，格調偏黑，靜靜地一枱幾好，感覺好relax, 唔似其他火鍋店咁食到打仗咁忙。原來雞煲都有好多款可以揀，我地決定試花雕藥膳雞煲。調味料好多款～～黎到試左個湯底先，嗯～花雕味恰到好處，濃淡適中，算係屬於清湯類，整體感覺幾好。揀左半隻雞，雞肉都新鮮，而且好滑～食到咁上下就落牛肉～呢隻係特級雪花牛肋片，油脂唔算多，唔怕肥，牛味都好香濃，高質！蟹籽墨魚滑，夠彈牙，墨魚味濃，可以一試～炸響鈴，即叫即炸，熱辣辣架，一個份量好多，入口好鬆脆，必點！。今次麵食叫左紅薯粉，有啲散，不過口感ok, 索埋個湯底好好味！黎親都要叫杯大檸水就叫大檸茶，超大杯～好滿足！

今晚放工約咗朋友一齊食雞煲， 揀咗尖沙咀呢間， 吞pot雞煲.住家菜 ，之前已經食過好多次，覺得好好味！之前都係簡辣嘅雞煲， 今次想食得滋補少少， 冇咁熱氣， 就揀咗呢補螺片花膠雞煲！望張圖覺得好吸引，之前揀嘅香辣雞煲都勁好味 ！有預感會唔會失望！環境闊落，又寬敞。一嚟就會畀所有嘅醬料，醬料收費每位12蚊，有好多隻醬料任君選擇！我就揀咗麻醬同埋炸蒜蓉撈埋一齊，勁好味！雞煲出場 ，金黃色嘅湯底， 好足料，肥美嘅雞，同埋好多花膠螺片， 愈食愈滋味 ！花膠好厚，好滋補！ 成件事就係美容養顏！越食越開心！手打黃金海膽黑墨丸另外仲叫多兩款餸，第一款係手打黃金海膽墨魚丸 ，另一款就係滑嘟嘟， 兩款同時上菜，實在太心急 一到就倒咗落去個煲度，見唔到成個圖， 黑蚊蚊嘅一粒海膽黑墨丸望落平平無奇，但係充滿驚喜！滑嘟嘟（ 蟹子墨魚滑，蟹籽蝦滑，鯪魚滑） 另一款滑嘟嘟真係菜如其名 ，滑到飛起 ！等佢熟嘅時候就成碗不起咗喇！好滋味！

今日決定同朋友去吞pot嚟個雞煲。6:30約左朋友係佐敦地鐵站等，行幾分鐘就到，位置方便。餐廳唔算大，窗邊嘅檯可以望到日落，仲見到有outdoor位幾chill。上雞煲之前，店員有個九式調味架俾我地自己調醬，溝個自己鐘意嘅調味料。由於朋友唔食得辣，兩個人又食唔到太多，最後叫左招牌花膠螺片雞煲半隻。花膠雞煲唔會話好似平時咁鹹，仲有好多花膠同螺片係入面，絕對無偷工減料，絕對係養生之選。另外再點左十全大寶丸有晒5款手工丸。手打蟹粉墨魚丸食落鮮甜，黑松露墨魚丸係我既最愛，黃金海膽墨魚丸都幾特別，真係見到有海膽係入面，牛肉芝心丸好香，手打鵝肝蝦丸我就冇食，不過朋友都幾鐘意！最後再點埋餃餃震，特別推介蟹粉蟹肉餃子，一路食一路同朋友傾偈，十分圓滿既一餐

自從疫情開始之後，都唔敢出去打邊爐同食雞煲，呢幾日心血來潮兩樣都好想食，加上疫情有緩和嘅跡象，咁就約左屋企人去試吓位於尖沙咀既吞POT雞煲火鍋🍲，一次過滿足晒我兩個願望🤩餐廳環境好闊落，冷氣好夠，坐得好舒服，今次坐喺窗邊位置，可以一邊食一邊欣賞街影呀🥰一坐低餐廳職員就攞咗醬料㗎俾我哋溝醬，好細心👍🏻（不過到埋單先知道原來醬料係要收錢，$12/一人）之後就可以自己攞菜單Tick嘢食😋餐牌都有兩頁，都幾多選擇架～仲有酒精飲品🍻今次我地就叫左一隻重慶麻辣雞煲，bb辣，啲雞肉都算滑，睇圖都可以見到肉都算多肉汁，而且好入味😋初頭唔多覺辣，但愈食就愈辣，好香口好過癮😂打邊爐點小得得響鈴，呢間啲響鈴係即叫即炸，即食又得做邊爐配料又得，得左😊之後仲叫左四寶丸，手打丸果然係唔同啲，夠晒彈牙，鮮味十足，正呀😬！水魷都好新鮮，好爽口🤤餐廳食物大致都好食，重點係7:30前埋單火鍋配料及小食都有半價，勁扺食呀！😍

<好味麻辣雞煲>tst吞 pot好耐未試過 之前係試佢油麻地分店 覺得好正 今日就試下 tst入面有卡位環境都幾舒服 🍴麻辣雞煲 半隻麻辣雞煲都好足料 雞肉辣度適中 彈牙嫩滑 加埋洋葱辣椒好夠香味 正！ 🍴炸響玲 , 即叫即炸 大大件，就甘點 d甜酸醬或者放落打邊爐食 都好味！ 豬頸肉好夠爽滑 切得好厚 肥瘦適中 盡吸辣汁 正 ! 🍴小食既蜆蚧鯪魚球 62 蚊🐟有6 粒大大粒既鯪魚球 出面帶 d脆身 入面既魚肉夠彈牙 魚味濃 點 d香咸既蜆蚧汁就好好 整體環境 ok食物質素高 最啱成班朋友飲下酒食下雞煲打邊爐 正！

呢日約左幾個朋友聚舊，想係尖沙咀搵個地方一路一路傾下計，最後幾個人就揀左去食雞煲，朋友介紹有間雞煲好出面，就係呢間Lazy pot吞Pot喇。我地揀左重慶麻辣雞煲。要搭lift上去，樓下好grand。上到黎，可能又早啦，或者係樓上鋪，所以都唔洗點等位就可以入了。雞煲黎到，好熱，朋友仲因為佢個手把唔係膠黎，俾佢燙傷左一下，要小心。雞煲辣得黎好野味，夠麻夠辣夠入味，我地鬥搶黎食，但佢一隻雞都幾大隻，最後仲有幾舊剩低。食完雞就緊係再叫下d配料啦。叫左好多野食，有炸響鈴，4色手打丸，魷魚，蝦wa，象拔pau等等。個雞煲加完湯都仲係夠辣，響鈴係即叫即炸既，4色手打丸，粒粒都食得出粒粒手打出黎，海鮮方面都好新鮮。好食👍👍👍唯一美中不足就係醬料要12蚊一位，但我地唔知啦。如果有得揀，我地都唔洗醬料，慳番12蚊。

早兩日約左朋友去尖沙咀食晚餐gathering,一大班人梗係想圍爐打邊爐啦！😝 鐘意食雞既我即刻提議食雞煲，朋友話呢間吞pot 好味，有好多間分店😛我地一於去食呢間😝😝😝可能由於佢唔係地下鋪，所以我地冇預約都有位🤪🤪👍🏼 入面冷氣好夠，可以放心打邊爐😝 坐得都好舒服，係雞煲gathering 勝地😎😎👍🏼餐單有好多野揀，肉啦，丸啦，菜啦，雞煲都好多款式🤪我地今次就叫左麻辣雞煲bb辣一隻，呢度上菜速度好快，份量都好足，雞又夠滑，汁夠惹味，我地四個人一人食左差唔多十件都仲有😂😂😂👍🏼👍🏼 跟住就梗係加湯打邊爐啦🤪🤪佢都有好多特式手打丸可以揀， 個人認為蟹子蝦滑好值得推薦，夠大碟又彈牙👍🏼水魷魚都好爽口😝😝👍🏼 好味過好多出面打邊爐既鋪頭😃下次gathering 都可以再黎食過😝👍🏼

呢間雞煲邊爐我已經食咗好多次水準仍然一樣咁好。近排少飲湯水，所以我叫咗個花膠螺片雞煲湯🍲（半隻）🐔。你睇我影嘅相都知道佢用了真係好充足，湯好飲，雞好滑😂😂😂。仲有好多塊嘅花膠，同埋好多嘅螺片🐚。啖湯真係好甜，其實淨係食呢一個花膠湯都已經好滋潤同好補。夠三個人食，食完都已經飽咗八成。你幅圖清楚見到用了真係好充足😍😍😍見到有雞🐔、螺片🐚、秀珍菇🍄、仲有好多塊好厚身嘅花膠🤤🤤🤤🤤飲完湯之後可以加湯打邊爐🍲，兩個人我哋額外再叫咗個鮮蝦雲吞。每一粒雲吞都好大粒，入邊真係隻隻都係新鮮蝦🦐，啲湯都仲要好鮮甜同好juicy💦當然佢仲有其他餃子類別，大家都可以一試👍🏼。打邊爐又點少得肥牛呢🐮。我哋叫咗個極品手切雪花牛🐮❄️，係第二最貴果隻，但係牛嘅質素真係對得住個價錢💰💰💰👍🏼。就咁睇相你都見唔到顏色好鮮艷，雪花分布非常平均。佢唔係日本黃牛嗰種入口即溶嘅好食，但係每一舊都好有牛味，有少少咬口，但一啲都唔銀。好值得推薦💪🏼💪🏼👍🏼。

如果可以就盡量早少少去🤫因為730之前係半價，半價完真係好抵，性價比仲高過放題首先，有9款醬汁配料選擇，可以預先加咗落碟先，因為會收走，個人建議唔洗揀太咸，因為本身湯底係落足料，味道勁鮮味，如果太咸就會蓋過咗本身個湯底風味可以食雞煲邊爐or雙拼邊爐都可以滋補螺片花膠雞煲係我不斷想番嚟食嘅原因🤤試過岀面其他雞煲，都唔不及呢間咁足料，圖中可見真係十分足料，本身材料已經熟，等佢滾多兩滾就可以開餐🤩大大塊花膠，都大約有十塊，養顏補身一流😍所以真係好抵食成煲湯🍲其實都係精華，仲有螺片同少少菇湯底係完全奶白色的，超正😆兩個人其實飲咗兩至三碗湯都飽飽地，而且佢雞件都幾十隻，肉質係偏嫩身的頂級牛肉，5折後只係一百多少少，肉質同色澤都係十分靚，抵食，肥的位置唔太多鮮蝦雲吞