吞POT 雞煲火鍋.住家菜 (山林道) (已結業)

打邊爐可以驅趕寒冷~尖沙咀雖然多餐廳，但想揾一間抵食而且有質素既火鍋好似比較難。呢間位於山林道，雖然店鋪唔算大，但完全唔會覺得好迫。餐廳入面座位算寬敞。醬料盤選擇都好多，一般的醬料都好齊全。呢間餐廳唔係任食火鍋，不過價錢算實惠，湯底價錢大約港幣60-90元，配料都好便宜。餐牌有得揀火鍋湯底，或者雞煲湯底，選擇好多，而且辣湯全部都有得揀辣度，可以跟返自己口味。今次叫左個雞煲，少辣。一點完雞煲，d侍應就會拎個醬料兜過黎，自己整返岩自己口味既醬料。今次配料揀得比較清淡d，因為想最後可以飲埋個湯。薯粉同芋絲吸哂d湯，豆腐亦都好襯個湯。帶子切到薄薄一片，所以放落湯底灼幾秒鐘就可以，否則就會好靱，幾秒鐘嘅時間就剛剛好，又滑又甜又鮮味而且口感剛好，打邊爐一定要叫帶子另外，佢既炸魚皮新鮮即炸，熱辣辣，又夠咸同脆，點唔點湯都一樣咁好食！下次會叫埋成班朋友來起到食就更加抵啦，咁就可以食到更多自家製嘅配料，整體黎講個湯真係好正又多選擇。

点了白胡椒猪肚汤底的鸡煲, 配了招牌芝士响铃、手打虾滑和一些素菜（山药、莴笋、魔芋丝）。两个人可以说吃的非常撑了，但是非常幸福！白胡椒猪肚汤应该是混有鸡汤，比平时喝的例汤浓郁很多，看着咕嘟咕嘟的冒着白泡就让人很有食欲了。这里的食材都很新鲜，虾滑、鸡肉都能吃出很鲜甜的味道。尤其要推荐招牌芝士响铃，下三秒就赶紧捞起来吃，一口下去，白胡椒猪肚汤的味道，配上酥脆的响铃在嘴里裂开，以及后味里已经融化的咸芝士，实在是太好吃了！！店里坐的位置很宽敞，一般都是4人一桌，窗户边也有6人大桌。服务员服务也很周到，普通话很好。

天氣冬最適合就係打邊爐，今日嚟到山林道呢一間專食雞煲嘅試吓！雞煲同埋嘢食嘅種類都好多醬料都好充足我朋友唔食辣所以就叫咗花膠雞煲，你都見到個湯好濃郁好香已經加分一開始我哋食咗啲雞先同飲左湯先。d雞好滑，份量都唔少。個湯超正，飲得出係無味精嘅雞湯～我哋叫左萵筍，開埋呢個雞湯真係超match!韭菜餃係佢自家製嘅韭菜餃, 入面餡料十足, 皮都好薄，8/10 分最好食係呢個爆芝響鈴，新鮮炸出嚟勁鬆脆香口，入面全部都係邪惡芝士，就咁食又得，浸湯食又得，下次嚟都要必點！！廣島蠔配雞湯鍋，超正最後埋單每人大約$200，一人一杯嘢飲，食到飽一飽，呢個價錢真係性價比高，推介朋友黎，如果一大班人仲可以買唔同嘅湯底試試添～

之前我食過幾次吞pot都幾滿意，今次第一次黎尖沙咀分店，一樣咁滿意！首先，當然要揀重慶麻辣雞煲，兩個人揀半隻雞就啱啱好，試到雞之餘，仲有胃口食多啲其他餸。我地兩個都係想食辣，但唔太食得辣，BB辣就啱曬我地～雞肉全部都好香，微辣，好惹味，而且口感好嫩滑，好好食！食完雞煲當然唔可以漏左打邊爐既環節，要試多幾款火鍋料。牛柳粒半肥半瘦，油脂豐厚，肉質彈牙。羊肉片肥瘦適中，肉質嫩滑，羊味濃，但又唔會太騷。自製爆芝響鈴自家製產品真係必點！係新鮮炸起既，非常之脆！煮左一陣後，響鈴吸收到湯底之餘，仲可以食到流心芝士餡，好正！作為芝士控既我，真係好滿意，如果可以再多啲芝士就當然會更好～

花膠湯底雞煲無得輸！呢排天氣轉冷，就係打邊爐好季節，呢排都食左好幾間，尤其是吞Pot，就已經encore 左好幾次。今晚再次encore 我最喜歡的花膠螺片湯底雞煲，超鍾意個湯底鮮味夠重，而且感覺夠矜貴！雞肉一如既往，超級滑嫩，浸左花膠湯底之後，雞肉更顯鮮甜，肉香更甚！螺片夠鮮甜，而且口感夠爽口，湯底還有一些菇，索左湯底之後味道同口感都特別正！食完成煲雞煲之後，極度滿足，但當然不能夠miss 左加湯食埋其他火鍋料。我最鍾意的牛柳粒，肉質豐厚，油脂豐盛，肉質香嫩，呢道牛肉質素真的不錯。另外還叫了羊肉片，羊肉大片而且肉質夠嫩口，打邊爐絕對不少得！最後，絕對要食埋個油麥菜，索曬湯底精華，真到爆燈！

難得我哋兩位阿太都唔使湊b，緊係去食啲湊小朋友唔方便食嘅嘢😛 雞煲邊爐🫕尖沙咀行完街，沿住廣東道剷到去山林道附件搵食裝修簡潔，座位都算舒服闊落，保持安全距離食物種類唔算太多，不過叫幾有新意主角上枱，辣酒花螺雞煲半隻雞份量，啲雞都幾鬼滑😋 螺就略嫌遜色，不過都算新鮮，都值得一試兩個人食，叫唔到太多，佢份量都適中架- 十全大寶丸- 自創爆芝響鈴- 紅薯粉眼闊肚窄，臨尾加多個「自制蟹粉蟹肉雲吞」，好好食！食到飽晒食，都一樣覺得咁好食😂十全大寶丸分別有：1/ 手打生拆蟹粉墨魚丸 (無比較無傷害，唔夠雲吞個蟹粉香)2/ 手打黑松露墨魚丸 (激讚！咬開個下啲黑松露味湧出來)3/ 手打黃金海膽黑墨丸 (就係平時嘅海膽丸，料足，一咬即噴😂）4/ 手打香煎鵝肝蝦丸 (唔太覺有鵝肝🤭)5/ 手打芝心牛丸 (又係一咬即噴，小心辣親😂)激讚嘅自制蟹粉蟹肉雲吞！啖啖蟹肉，蟹粉味都夠自創爆芝響鈴，味道夾，但芝士控嘅我認為可以再多啲芝士🥸咸檸七！好鬼大杯！抵飲整體來講，十分滿意

今晚有兩個好姊妹的生日，一定要選擇一間坐得舒服，食物質素又有水準的餐廳好好盡興一番～朋友介紹這間火鍋不錯，果然沒有介紹錯～我們點了招牌雞煲，雞煲入味，辣度適中有惹味，食材也非常有誠意！蔬菜類新鮮嫩綠，手打丸類款式特別，口感彈牙。豬肉片厚薄適中，帶有油香。最有驚喜是響鈴內有芝士，新鮮感非常，而且新鮮炸起，熱辣辣，吸收了湯汁之後非常好味，裏面的芝士還有流心效果！店員細心安排在另一張枱切蛋糕，方便我們影相，服務值得一讚！

今日同個朋友出去行街，行尖沙咀，行到好攰，梗係要食返餐好啦。尖沙咀有好多唔同嘅餐廳，今日就去咗山林道嘅呢一間雞煲餐廳，一於食雞煲。餐廳店面唔算好大，但座位都分隔得好開，保持足夠嘅社交距離，大家可以安心用餐。我哋點左呢一個麻辣雞煲，BB辣少少辣啱啱好，唔會太辣，剛麻辣做得唔錯，好香，而隻雞都好滑好嫩，亦都好入味，個雞煲整體好好。新鮮帶子帶子好大隻，切開咗容易啲熟，帶子好鮮味，亦都好彈牙，呢度啲海鮮都唔錯。即炸響鈴響鈴即叫即炸，所以非常之脆，而且仲熱辣辣，擺入湯底一陣，索左啲湯底味，非常好食。唐山菜唐山菜非常之新鮮，啲葉仲好嫩，唐山菜打邊爐係最好味嘅。呢一間舖頭位置非常方便，食物質素亦都非常之好，員工態度都好好，坐得又舒服，下次一定會再嚟幫襯。

今日同fd去咗尖沙咀搵食，揀揀下見到打邊爐就即刻扑錘！個環境暗暗地 場都幾大下 唔會好迫👍🏻 一嚟就叫咗個雞煲 半隻雞 兩個人食啱啱好 叫左bb辣～ 唔食得辣嘅人都可以試下啲雞都幾滑 個味都幾香😋再配杯凍檸樂 杯凍檸樂都幾大杯 解渴一流👍🏻 食完雞煲就開始打邊爐啦～加咗個湯底俾我哋 仲有雞煲嗰陣味 之後我哋唔夠辣 店員都好好再加啲辣椒同辣椒醬俾我哋！ 我地叫咗個頂級美國肥牛 個肥牛口感唔錯～肥瘦分佈都好平均 兩個人叫一碟個份量真係好夠之後仲叫咗個芝士響鈴 好特別 第一次見到打邊爐嘅舖頭有呢一種響鈴，響鈴同芝士都幾夾！overall都唔錯 如果鍾意食打邊爐或者雞煲嘅一定要去試吓👍🏻

今日我去咗尖沙咀山林道吞pot火鍋住家菜，食咗個藥膳雞煲同打邊壚，真係幾好味，又坐得舒服，難怪朋友大力推介！山林道雖然話係尖沙咀，但佐敦出近d，行5 分鐘就到！雞肉嫩滑同香，湯底藥材味道不濃剛好又健康，就算繼續煲都吾會過左火，高質雞肉，啖啖都係肉😂🤲🏻吾想熱氣既可以叫！蟹子蝦滑又爽口，自家炸響鈴，即炸即食，又松鬆脆可口，又特別，好好食，一條都好大條，見到仲有芝士味，下次黎試下先😊都幾特別啊！什菜籃就痛2種菜3種菇，鮮准山新鮮爽脆!見到飲品選擇都好多，簡左杯大檸茶都好大杯，飲到好爽😊仲有酒啊，涼茶，燒酒，椰水等等！原來7:30pm前離座有半價優惠，😍😍又打邊壚又雞煲都係$400 幾蚊2 個人落到樓，性價比好高👍👍

平時d雞煲邊壚店都好嘈，好多人，今日想同屋企人食得舒服d靜d, 就黎左尖沙咀哩間雞煲店！分店係山林道既位置，近近排新開mask lab 附近，去到打開menu見到野食選擇好多！冬天就到，我地想食得暖身d就簡左個雞煲，食完食邊壚就配埋淮山，響鈴，蝦滑同菜籃等等！藥膳雞煲既味道吾會好濃，岩岩好，而且雞半隻已經好多！2個人都食到好飽！而且好貼心吾會比埋雞頭雞尾你，雞好滑好嫩，上菜時已經煮好左！岩哂等吾切既懶人！自家製響鈴一定要推介！好脆好豐富口感，起出望外，可以稱為鎮店之寶！單食都好多層，好鬆化，而且無咩額外味道，真正自家製💪🏻🤲🏻👍蝦滑都好爽彈，吾會好諗/ 好硬，岩岩好！成個環境都好舒服，服務員態度都好好💪🏻🤲🏻值得推介比大家

一直想食吞POT好耐😋終於同朋友約到時間 間餐廳離地鐵站算近,算方便,女仔搵都唔算太難搵入到去雖然地方唔算太大，但係疫情底下，亦都做到每張枱相隔有足夠嘅距離👍🏻令食客食得好安心啊☺️一坐低梗係嗌一個佢哋嘅招牌雞煲啦😋我哋嗌左麻辣雞煲BB辣🌶上到嚟個雞煲勁香😍聞到都流晒口水🤤雞肉好嫩滑，食得出係好新鮮嘅雞，而且一啲都唔會煮得過火👍🏻BB辣唔係好辣，所以淨係食小辣嘅人都可以試吓😉佢啲香料真係好足料啊食完變雞煲梗係打埋邊爐啦🥘店員幫我哋加咗湯落去，我哋嫌唔辣喇，所以店員好貼心，俾咗啲醬料我哋！另外加我哋嗌左一個美國肥牛同一個招牌自製即炸響鈴，入邊仲包左芝士🧀響鈴好鬆脆，而且加咗芝士超級特別啊😍肥牛好有牛味，而且油脂分布得好平均好味🥩食邊爐梗係要嗌大大杯嘢飲啦！我哋嗌左大檸樂，以為係普通size～點知係勁誇張總結雖然價錢唔算好平，但係食物質素非常之高👍🏻所以對得住佢嘅價錢抵食

下午吃得有點豐盛，晚上又跟友人到尖沙咀山林道的吞pot 雞煲！ 乾燥天氣挑選了招牌養顏滋補螺片花膠雞煲銀座38，即港鐵佐敦D出口5分鐘。這裡午市主打健康菜，今期有8款還送老火湯😱😱晚市搖身一變做雞煲及火鍋！ 時間尚早但已有數台客人了！ 😁地方寬大，燈光暗暗地，適合跟一班朋友聚聚。 多人更提供有房間多膠質的花膠黏著咀巴，螺片有咬口，雞肉皮層不多。 餐牌上火鍋配料很多，肉類、手打丸類、海鮮有十多款式 不用重覆點 🤣 但我已抱著肚只能等下次了

最近天氣涼咗想打下邊爐所以選擇左呢一間雞煲，呢一度都比較高層望到開陽景觀。另外抗疫措施都比較做足，客人要量體溫而且有社交距離隔板。職員好細心帶我們入座，問我哋鍾意食啲咩，而我自己就唔係幾鍾意食辣，職員就介紹了一個比較養生嘅雞煲湯就是花膠雞煲湯！一般的調味料都有齊。唔駛等好耐個花膠雞煲湯就已經到咗啦。原先估計呢啲花膠湯都唔會係咁濃郁嘅味道，殊不知呢個花膠湯聞落去已經好大浸花膠味！我即刻要試吓佢！食落去個雞比較滑和嫩身，味道同個花膠湯融為一體！感覺似煲左10個鐘以上的濃湯，非常美味！如果大家鍾意一啲非傳統嘅雞煲湯底，呢一個真係非常之值得推介的！之後點咗份廣島蠔，都好厚肉！浸落去啲花膠湯底別有一番風味！仲叫咗碟萵筍片！都幾新鮮同爽口！招牌自創爆芝響鈴！呢個真係非常值得推！！！首先呢一個響鈴係新鮮熱辣炸出來的！上到碟嘅時候職員好細心咁叫我地要小心熱，真係超級熱！然後咬入去入邊啲芝士係溶化出來！芝士味非常出！口感一流！佢比一般的芝士竹輪仲要好食！果然係招牌菜！韭菜餃，粉皮比較薄，韭菜餡料豐富，殺落去濃濃

前排，和朋友去左吞POT 雞煲火鍋打邊爐過下口癮。醬油費$12/位胡椒豬肚雞煲(半隻)：由於本人中意啲較淡味既湯底，所以點左依個雞煲令自己食落去冇甘漏口。雞煲中充滿胡椒香口味道，食落帶少少胡椒既辣味，豬肚份量吾會太少，口感彈牙又爽口。當中仲有腐竹、粟米同白蘿蔔片，全部同樣地吸入左湯底既味道，食起黎更加惹味啊！雞件好口感嫩滑，仲啖啖肉；大家值得一食啊！手打四寶丸：手打牛丸，手打蝦丸，手打墨魚丸和手打黑墨魚丸。手打牛丸既牛味濃郁，咬落好多汁咇出。手打蝦丸口感幾爽口，口感彈牙，鮮味幾出。一次過可以食到手打墨魚丸和手打黑墨魚丸，個人較喜歡食手打墨魚丸，口感同樣彈牙；但手打黑墨魚丸口感會有多少少漿力甘。