吞POT 雞煲火鍋.住家菜 (山林道) (已結業)

同朋友諗住去食雞煲，想搵間喺尖沙咀嘅方便大家，搵到呢間喺山林道上樓嘅餐廳，仲以為喺間舊大廈入面，因為山林道嗰啲都比較舊，原來有棟叫銀座38係新嘅大廈呢😅滋補螺片花膠雞煲：雖然只叫了半隻，但螺片花膠都多，呢個湯底好好飲又唔怕太杰身自製鮮蝦雲吞：呢個雲吞冇乜特別，但蝦肉係爽口的蟹子墨魚滑：將蟹子同墨魚滑撈埋先煮，好有墨魚味，仲有墨魚粒粒，好有咬口頂級雪花肥牛：肉質厚身份量亦適中自家炸魚皮：估唔到呢個好食，好脆！冇煮就咁食都食到唔停口第一次寫食評就寫住咁多先😆

今日叔約了好耐無見嘅好友聚一聚，打邊爐就最啱，可以一邊吹水，一邊食嘢。餐廳不算好大，不過唔會迫，坐得都舒服。食物種類不算非常多，但要有都會有。我哋叫咗雞煲翅湯底，四個人食一隻雞，湯底唔咸，十分足料，叔未食都飲咗碗湯，雞嘅份量亦好多，四個人都密密食。叫咗份自制韮菜餃，餃子餡多大大隻，充滿韮菜香，亦好飽肚。蜂巢豆腐亦係大大片，放入湯底後吸滿湯汁，咬落去，除了豆味，更有湯的鮮甜，不錯。👍🏻呢度招牌自制爆芝響鈴，既然係招牌就叫來一試，侍應話係即叫即炸，一放低就叫我哋襯新鮮快食。響鈴睇都覺得脆，中間嘅芝士半溶，放到湯中烚兩秒，響鈴除了吸收了湯汁，同時仲維持到脆嘅口感，咬落去，啲芝士流出來，食一條就剛剛好，食太多可能會膩。總括，環境食物都不錯，非常適合一班朋友食飯吹水。

去到餐廳個個都係打邊爐又或者火鍋食，今日餐廳唔算多人，唔洗等位。牙痕，唔想食咁多嘢，但係又想食個雞煲， 入咗吞pot 點咗半隻雞。半隻雞煲麻辣(小辣)一上枱就食得，已經全熟了， 麻辣雞煲醬料香濃， 有大量新鮮洋蔥，蔥頭， 烹調進食時， 全程用細微電磁爐保溫住。 雖然得半隻雞，但係感覺分量都幾多下， 兩個人分，兩個人食都好七成飽 ， 胃部夠滿足， 抵食過打邊爐。加一，一人125@醬料費12@醬料選擇多，任添2碗白飯， 份量適中。

好耐無打邊爐啦！今日終於夠膽約一個好朋友一齊見個面十下十下🧛‍♂️上網揀咗間座位坐得闊落啲嘅火鍋店 原來仲有雞煲添 可惜得兩個人驚食唔晒 所以照舊齋打邊爐算啦🧛‍♂️叫咗個鴛鴦鍋 蕃茄薯仔濃湯加沙嗲鍋 重口味又得 清淡啲又得🧞‍♂️估唔到沙嗲湯底都咁多材料 有秀珍菇芽菜木耳🧚‍♂️ 木耳好大塊好爽口 秀珍菇吸左沙嗲湯底勁正🧚‍♂️因為兩個人食 唔可以叫得太多款式 下次一定要搵多啲人一齊食所以叫咗個餃餃陣 一共可以試到四款雲吞水餃🥟鮮蝦雲吞好大粒蝦 好新鮮 皮薄餡靚🧞‍♂️ 韭菜餃都好正味道鮮明 就算煮耐左個皮都冇穿🧞‍♂️韭菜超香沒有太多嘅調味料 唔會遮蓋左韭菜嘅清香因為朋友唔食牛 所以我哋叫咗羊肉片 羊肉嘅部位好靚 帶少少脂肪 肉質幾細嫩 唔會好似豬肉咁韌 羊肉最適合配沙嗲湯底 正🧚‍♂️我地仲叫左個紅薯粉 一半吸哂蕃茄薯仔既清甜 另外一半就落咗啲沙嗲湯 兩種風味都超滿足🧛‍♂️

今日老友又話一齊食雞煲，梗係奉陪到底啦！之前都有聽過依間餐廳，不過一路都未有機會可以試試去☺️☺️☺️☺️我哋叫咗一個重慶麻辣雞煲 ，因為我地兩個都唔係好食得辣，所以叫左個BB辣😊😊😊😊雞件非常好吃，好入味，仲要越食越惹味，所以要叫番個大檸樂飲飲去😅😅😅😅我地叫左幾個配料，有白鱔片、十全大補丸、粟米、冰菜，同埋一個小食Wasabi牛枊粒❤❤❤❤我同朋友就仲鐘意十全大補丸，首先新鮮啦，二黎就係粒粒都爆漿，你話正唔正☺️☺️☺️☺️☺️大愛呀！！！！另外就係冰菜，唔知點解，打邊爐食真係好正呢❤

小妹叫咗辣酒花螺雞煲，好窩心地可以俾你揀幾多辣度，小妹叫咗BB小辣，岩我地食少少辣嘅人。雞煲一到，焗一焗就可以食，雞肉好滑好嫩，叫咗半隻雞 足料 夠食，食完雞仲可以食花螺，味道鮮甜。之後可以叫職員加湯，打邊爐。仲叫咗手打四寶丸，有牛丸、蝦丸、墨魚丸、黑墨魚丸，手打果然唔同，真材實料，勝在鮮味夠，口感彈牙，好有豐富感。水魷魚爽口 好新鮮。蟹柳好食，唔同其他蟹柳，甜甜地，值得試。嘢飲叫咗大檸樂，有 3-4 塊檸檬😍雖然間餐廳叫「吞pot」，但員工一啲都唔吞pot，工作勤快，有禮貌，值得讚！

我同朋友仔一向好鍾意打邊爐，呢間吞pot之前都食過，近排空閒啲，就黎尖沙咀分店開餐🤪🤪我哋都係冇嗌到雞煲，因為兩個人真係食唔晒🤣🤣 鴛鴦煲都OK ge，湯底入邊原來都有好多配料🤩呢度既肉類唔錯，我地今次叫左羊肉🥰 難得大家都鍾意食❣️今次重點應該係呢個：餃餃陣🤩 Total 8粒 $120～其實都唔平🙈🙈但就可以一次過試晒佢嘅自家製韭菜餃、雲吞、蟹肉雲吞同魚皮餃😆😆 每一款都好鮮味！其中蟹肉雲吞味道夠晒特別😛我哋都係健康人士😎😎 所以點都要叫啲菜hahaha 仲有豆腐、芋絲...我哋都覺得呢度環境唔錯，有好多特色嘅火鍋配料！😆 等疫情過後，一定要叫多啲朋友嚟食✌🏻

今日同朋友聚一聚，而家人大個咗，都想搵一啲舒舒服服嘅環境，又可以大家傾吓計❤️❤️❤️依家餐廳滿足晒我哋嘅要求❤️❤️❤️見好耐冇食個雞煲，我哋就叫咗一個，重慶麻辣雞煲 ，BB辣，半隻雞😊😊😊😊雞肉都算好滑，越食越辣，亦都好足料❤️❤️❤️👍🏼👍🏼👍🏼👍🏼白鱔片，新鮮，唔會食到有腥味❤️😊十全大補丸，粒粒丸都係爆漿㗎，正到冇人有❤️❤️❤️Wasabi牛枊粒，好少何喺其他餐廳食到，好嘢未啊❤️❤️❤️

男友book咗山林道一間雞煲dinner，座building幾靚，入到去有落地玻璃，環境都幾闊落一坐低侍應就拎醬料架過黎比我地溝醬餐牌自己tick野食，都幾多野揀雞煲一上枱嗰下就聞到超香，個汁好惹味，侍應話啲雞已經熟晒，可以直接食唔駛等～最出色係啲洋蔥，超級爽甜，索埋啲汁好好食～另外叫咗幾樣配料打邊爐，響鈴新鮮炸起熱辣辣，侍應叫我地趁熱試下，嗰下仲食緊雞煲未打邊爐，聽佢話點雞煲啲汁食，又脆又惹味🤣蔬菜籃啲菜幾新鮮，菇都有三款；烏冬煙韌，兩個人嗌呢幾樣其實都夠飽因為我地叫既雞煲係bb辣，食落唔算太刺激，所以剩係叫咗一杯大檸茶share飲。大檸茶名符其實真係好大杯，叫少甜真係唔算太甜，飲落解辣但又唔會有飲糖水既感覺，唔錯～

好耐沒吃雞煲了，決定找一間多like的雞煲，大吃大喝！見到好多人都讚呢間雞煲所以一試，的確沒有令人失望。火鍋種類選擇多，配料亦有很多不同類別。一坐下，店員姐姐十分友善，先放下醬料九官格讓我們自行混醬。首先，叫了個招牌重慶香辣雞煲。半隻雞肉已經足夠兩個人吃飽有突，配菜充足絕對夠晒誠意，招牌菜果然名不虛傳！！特別一提既是雞煲醬，十分香辣和入味，店員待雞肉ok才打開煲蓋，服務一流又夠細心。個人推介呢間的即炸響鈴，上台前店員都有提我們「剛剛炸起，小心熱時亦要盡快吃掉。」點了雞煲醬一吃發現，響鈴超脆！內裏鬆脆！真心一大驚喜！蔬菜籃亦有很多不同種類的蔬菜和菇菌類。最尾也叫了我們打邊爐必吃的烏冬，塾一塾底。飲品方面，我叫了一杯大檸茶，一杯足夠兩人既份量，抵飲。烏冬配上雞煲湯底，亦是一流，滿足滿足！最後把蔬菜籃吃光，也剛剛好完成這次滿足的一餐。

今日同同事係尖沙咀行街，心血來潮想食雞煲，即刻上openrice睇下有咩好食，見到呢間啲雞煲都好似唔錯於是就上左黎食。間雞煲係山林道銀座38，位置黎講都幾易搵。黎到既時候1800,唔算多人坐落都唔迫，幾好！雞煲佢有唔同口味，有辣有唔辣，睇你鍾意咩口味la~~我同同事四個人今次選擇左全隻雞既極品雞煲翅，冬瓜，牛肉，自創爆芝響鈴，韮菜餃。雞煲翅上檯我哋即刻關心下入面有啲咩la~金黃色既湯底配上嫩滑既雞，足料既翅同螺頭片，真係好好味，本身以為啲雞會愈煲愈老，但其實到左最後啲雞煲到離骨，啲肉都唔老，好食值得一讚既係佢呢個自創爆芝響鈴，一上檯既響鈴係岩岩炸起既，熱辣辣既響鈴加流緊既芝士睇落都好好食，放落雞煲浸完之後仲要索哂啲雞湯，超好食！！另外，佢既冬瓜都好好味~~唔算好厚既冬瓜放入湯一陣就食得，食左咁多肉之後食冬瓜解膩又健康，多汁既冬瓜一放入口就融化！！正！！總括呢間吞pot值得再食😁

呢間不嬲都是我至愛雞煲之一。 自從朋友介紹去過 之後，已經翻不了身。每次食雞煲都諗起它。雖然不是便宜，但質素好好。訂位又方便。分店又多。去過尖沙咀分店後更是回不了頭，旺中帶靜。

難得香港既疫情慢慢有緩和既跡象,相比之前會更放心同朋友約埋出去食久違既雞煲.今次就揀左呢間樓上雞煲去試下勝左坐得多舒服質素又好.極品雞翅煲就點左一隻雞既份量,內裏夠晒足料,翅份量夠豪爽,入口爽脆.除左翅外仲有螺片,入口爽彈,雞湯清甜又夠鮮味,未放火鍋料前就飲左幾碗滋潤下.雞件雖然係冰鮮雞但處理得好好,入口同樣嫩滑得黎又無雪味,就算到後期滾左一段時間,雞肉都同樣夠滑.自制韭菜餃每隻都大大隻,內裏韭菜餡夠哂足料,咬入口韭菜香而不辣,多菜少肉感覺更健康.韭菜餃餃皮唔算好厚咬落帶點煙韌.頂級安格斯牛小排呈鮮紅色,色澤光鮮,牛脂分佈均匀,脂肪相對較少但入口牛香味一樣濃郁.雖然薄切但入口不失嚼勁.蜂巢豆腐中間滿佈空洞能夠充份吸入雞湯既精華,入口一層層質感鬆較,中間鎖住好多湯汁,一咬破皮而出.雞湯精華中夾雜住豆味入口更濃香.冬瓜片最正就係吸力夠強,可以吸晒湯底既精華.最後一邊食一邊飲返杯大檸茶超解渴.

當晚入到去有兩三枱客食緊我哋坐低就開始消毒餐具男員工就擺低醬料俾我哋落「可以加左醬料先」咁其實我哋消毒完餐具都會落嘅眼見都冇俾我地遲黎嘅客人即係我哋冇阻住其他客人用果盤醬料只係擺低咗5分鐘佢就黎你催促我哋「麻煩可以加咗醬料先」我唔知點解佢要催我地啦打咁多邊爐都冇其他餐廳會係咁樣朋友見OpenRice有優惠諗住問吓佢哋用唔用得啦，叫左聲「唔該」。另一員工整理緊汽水，答我地「講」。hello??! 呢度唔係大排檔，價錢都唔係大排檔。預期你會答「係」跟住行過嚟都唔會太過分吧。跟住開始食雞煲啦食食吓個男員工又行過嚟叫朋友個碗一定要墊住張餐紙。冇解釋原因㗎我哋都冇問啦好煩啊。成餐飯都好似俾佢監視住咁。食物OK但唔會再嚟呢間分店。

今晚同密友們打邊爐，抱住愉快同期待嘅心情黎到呢度食雞煲！叫左雞煲翅湯底，貪佢湯濃，又無醬油炒咁咸，同無咁油膩嘛，4個人叫左1隻雞，原來份量好足料！我覺得夠6至8個人食！仲有好多翅，湯底奶白色勁香濃，未打邊爐先飲2碗湯！食左一輪雞煲翅，開始打邊爐喇，白鱔肉質睇落去肥美晶瑩，份量亦都唔少，食落爽口鮮嫩，係火鍋不二之選。芝士響鈴都係第一次食，即炸效果非常特出，浸2秒後即食，食落好香脆，半溶芝士係響鈴中間流出黎，有創意。一向對牛小排情有獨鍾，今次都係叫牛小排！半價左140蚊有咁大碟真係好抵食！份量係多到驚人，而且質素最重要，肉質夠爽嫩，肉味濃，油花分佈平均，係非常高質嘅火鍋配料。就到時間嘅一定要享用配料半價優惠。性價比高，服務亦週到，同朋友黎打邊爐談心最開心不過。