和平飯店 (大本型)

營業中

休息中

母親節嗰日一家人去和平飯店吃飯,買咗碟黃金蝦,大大隻的蝦炸得好鬆化,而且很有鮮味,再加上外層用濃濃的咸蛋黃包着爽甜彈牙的蝦,忍唔住要叫多碟呢度嘅小籠包味道不錯,皮薄餡靚,一放進口便流出啖啖鮮味的肉汁,實在太好味了

因為做義工既關係, 路經油塘哩個好少去既地方, 諗住搵間幾好樣既餐廳食個午餐先出發啦.餐廳外觀幾靚, 仲好窩心地用落地隔板間開每張圓枱, 仲有執枱專員.入座仲附送口罩紙套比食客放口罩, 亦會比水兜去洗餐具, 真係令食客多一分安心用餐. 不過...黎得食上海野, 小籠包係必食既, 35蚊有4粒, 好似都幾抵, 店員上菜既時候話薑絲後補, 為免攤凍, 唯有自己醮醋食左先, 有醋蓋住, 都仲有少少怪味, 而我朋友無落醋, 佢話係餿左, 於是我再試一粒無醋既, 只能說豬肉饀唔夠新鮮.再黎係外觀好標緻既東坡肉, 外形好古色古香, 仲提供較剪比你自己剪開黎食, 即係標榜佢係全舊豬肉去處理既. 剪落中心個層, 已經覺得要用好大力去剪, 食落去味道係可以既, 有陣藥材味, 不過舊肉完全似煲湯豬肉既咬口, 仲要一D豬肉味都冇.最後排骨粒湯麵, 抱住失望既心態去繼續食啦, 麵質OK既, 有少少咬口, 又唔會太軟淋淋, 清雞湯都唔會好油, 有少少味道. 排骨粒係多既, 不過都係同煲完湯既肉相約, 外觀會以為佢似係糖醋或醬油之類啦, 點知係完全無味, 雖然好多粒, 但骨多過肉.最尾我係無食晒D排骨既, 雖然係

母親節簡單慶祝，飲茶好似無咩新意，簡左和平飯店母親節套餐。一早訂左座位，酒家好好留左房間一張大台，坐得舒服又安心唔洗接觸甘多人。套餐可選4款小食，2款主食，固定黃金蝦，雲吞雞鍋，小龍包，甜品，仲包4杯野飲。成餐飯份量超充足，個個食到超飽。全部野食都正常水平，蝦新鮮大隻，炸完包裹咸蛋超香口，缺點無挑蝦腸。酸菜魚用新鮮魚，重口味偏辣，好足配菜仲有薯粉係入面，紅燒肉肥瘦適中。平時酒家都有類似4人餐，諗唔到食咩朋友可以一試。

比較少食中菜，但想食清清地，所以揀咗呢間餐廳🍴餐廳唔算大間，但坐得舒服，空間感大，服務員服務都OK。小籠包同鍋貼都唔錯，雖然小籠包入邊嘅湯汁唔多，但皮簿，鍋貼煎得很香口。花膠東坡肉一般，花膠唔夠淋，東坡肉質比較硬，醬汁亦相對上較少。乾煎大腸反而好出色，戴少少麻辣，炸得香脆可口。桂花魚亦一樣，炸得很香口，而酸甜汁亦很開胃，酸酸甜甜脆脆整體而言唔錯，餸菜款式很多，即使去幾次也不怕悶，因為每次都可以揀唔同嘅菜式試吓，所以會再食，下次想試吓佢嘅酸辣湯同蘿蔔鬚，睇圖片都好吸引

飯店在近年裝修過一遍，環境新淨，不知食物質數有否保持水準，於是入場再次品嚐。甫進入飯店，賓客寥寥，侍應反應迅速，態度亦不錯。背景音樂是廣東歌純音樂版，似乎與飯店格局不太般配。入座後點了一個2人套餐，總共包含7款菜式連一杯飲品。首先前菜是冷盤鎮江餚肉和五香牛展。餚肉脂肪口感像桂花糕，入口而不膩。牛展滿滿的牛味，厚薄適中。接著是主菜糟溜魚片與乾鍋排骨。魚片滑嫩，味道略淡。排骨略老，碟面鋪滿辣椒而且份量頗多。湯有竹䇠海皇羹，味道普通。另外有煎餃，亦屬正常，餃皮略厚。甜品是高力豆沙，包身軟而豆沙煙韌。總括來說，食物質數不錯，價錢略高。

農曆年初七，放寬防疫😷措施，食肆可以開到10pm，4人一台，我梗係急不及待同家人去食賀年🧧晚餐啦😋😋😋  呢間店嘅防疫😷措施做得唔錯，我地坐卡位，前後有防疫板之外，側邊路口位置仲有張防疫布，仲有每位客人派一個防疫紙袋，令你食得放心。和平飯店食物質素一向有保證，今晚食咗好多款食物：不等你小籠包呢個一定要叫。話明不等你，就梗係一上枱就要食啦😋。果然係熱辣辣，好好味，皮薄餡靚，加埋醋，一啖咬落去，好滿足喔😍生煎牛肉餅呢個絕對係我嘅至愛😘一定要讚讚😘，煎到金黃色，賣相靚不在話下，脆卜卜，唔會硬。牛肉份量啱啱好，肉質鮮嫩。😝雞絲粉皮雞絲🐔肉鮮嫩，粉皮花生爽口，配搭花生醬青瓜絲，口感唔錯呀。我鍾意啲調味啱啱好。另外order咗2個肉類，東坡肉同楊梅骨。呢2個我極力推薦👍🏻👍🏻東坡肉當然東坡肉比較邪惡，但係新年流流，放肆下啦🤣🤣唔緊要卦。肉質好鮮嫩，肥瘦適中，加埋個醬汁，一齊咬落去。好⋯⋯好味。😁楊梅骨排骨新鮮，個汁甜甜地，酸may may😛咁，個汁要黎送飯，一流喔。津白肉絲炒年糕呢個係招牌菜，年糕煙煙韌韌，肉質鮮嫩，份量足夠，加埋津白食口感唔錯，調味適中，趁熱食更加好喔😉蘿蔔絲酥餅今次我覺得唔係平

差不多半年以上冇去過，工作關係今日要去油塘附近，做完嘢便約家人去食飯。約七點四十五分入座，當時入座率8、9成左右。點餸後，等咗成半個鐘，我小朋友睇完成本多啦A夢，都未有上菜。很難找到待應去check單，先嚟咗一籠小籠包。小籠包完全唔熱，只可以講係微暖，明顯廚房煮完擺咗係到無人上菜；而最大問題係我從來未食過啲小籠包，裏面啲湯淡到只係有味過啲水小小！之後上嘅鍋貼同樣只係微暖，而且今次裏面直情完全冇湯！平時我小朋友食呢啲好論盡會攪到啲湯周圍都係，今次完全冇呢個煩惱！我今年8歲個仔食完，都識話北京樓、翡翠拉麵小籠包、上海姥姥啲好食好多。另外叫咗四樣嘢，都有兩樣唔熱。而最後都有一個砂鍋雲吞雞煲，要再同待應講，先上到菜。另外待應又唔會主動加水，見到隔離一兩枱客，都係自己拎壺茶去櫃檯自己冲水。知道這間食肆老闆經常標榜良心食肆同改革/創新經營管理模式，但見到今晚咁嘅情況，食物同服務同之前比較直線下降，完全只係覺得呢啲只不過做show嘅宣傳技量，今晚之後真係好難再有下次。

而家疫情嚴峻😷，好多餐廳都推出外賣優惠。平時去開大本型和平飯店堂食都唔錯，見佢近期推出外賣快線優惠，就試下啦！😃  價錢由$28至$52不等，仲可以加$10配酸辣湯。外賣款式都算多。我order左四個餸。  宮保雞丁唔錯喎，料有雞肉、花生、紅椒。花生脆卜卜，唔會淋，雞肉🐔嫩滑，鍾意佢味道酸May May ，好開胃，值得推介喔😉  紅燒豆腐魚塊🐟就差少少，豆腐略嫌較硬，魚塊淋嘅🤨，味道一般囉🤨  原隻鮑魚蒸雞🐔味道還可以，鮑魚ok大啦，但只得一隻，呢個價錢算ok啦。雞肉嫩滑呀😛  雪菜蝦仁炒年糕係我嘅至愛😍，今次都無失望。雪菜蝦仁如果可以多d就更好。蓮糕煙煙韌靭，口感唔錯。大家不妨試下呀🥰

當時限聚4人，我地6個人，打去book位，佢好醒目咁話幫我地分2張枱。 去到佢俾左個尾尾位我地，左右兩張枱，安排好好，有時d野食可以拎過隔離枱，但又唔會阻到人。叫左個拼盤，本來打算share食，但份量好少，應該係3-4人份量，最後叫多左一個。 呢個價錢黎講性價比麻麻。炒萵筍份量幾多下，但就比較清淡，冇咩味咁。炒年糕同擔擔麵幾好食，小籠包皮夠薄，爆湯，炸銀絲卷都係新鮮炸起。雖然我地坐喺督督位，但d staff都幾常過黎收野同加茶，上菜都上得幾快，座位都幾寬敞，整體用餐經驗都幾好，只係少少貴，唔係叫左好多野，但埋單都7百幾。

上星期日和家人在南昌站的分店用膳後，送了幾張5 張 $50的 coupon ,再加上之前的coupon, 合共有6張，可惜due date 仍然沒有改變，仍是11月30日，所以一定要用，否則太浪費！致電查詢可以怎樣用，以為要消費至定$才可以用，原來不用，所以可以一次過用晒全部coupon😍！所以當然立即行動！我第一次去油塘店，感覺比南昌店方便及舒服！砂鍋濃湯餛飩雞可能個鍋太大，還是隻雞太細，覺得份量很少⋯⋯，幸好仍然有一隻雞髀🍗，而且餛飩啖啖肉小籠包皮薄喊靚，兩間店舖一樣水準！糟溜魚片魚片好滑，但如果可以完全冇魚骨就最好，小朋友及老人家可以安心去食！炸南瓜餅驚多過喜！我以為上錯菜！1）外型不像南瓜2） 餡料竟然是豆沙P.S 今晚只要付HKD37😁

*✲ﾟ*。🥟抵食Kabu 集團旗下 上海菜💛雞絲粉皮 鮑魚拌麵 小籠包 高力豆沙都幾好食😋
不過賽螃蟹個味就比較淡🙈Kabu pass會員食滿$400就可以免費換松子桂花魚 條魚勁大條 好抵😮同屋企人去就啱哂喇💁🏻‍♀️疫情關係 Kabu 集團嘅餐廳都有執枱專員 感覺衛生啲👍🏻‼️ 外賣自取有半價
23/11 之前食滿$200或以上 就會送你1張$50「再幫襯銀票」現金券💵
呢張現金券仲可以累積使用🤩 其他株式会社旗下品牌(牛角/溫野菜/牛涮鍋)都用得😍
-✨ 雞絲粉皮 ($48)✨ 花雕醉雞 ($68)✨ 賽螃蟹 ($78)✨ 原隻鮑魚鴛鴦拌麵 ($68)✨ 不等你小籠包(四件)($38)✨ 高力豆沙(三件) ($42)✨ 松子桂花魚($228)-📍 和平飯店Peace Cuisine ▫️ 鯉魚門油塘大本型2樓237號▫️ 深水埗深旺道28號V Walk 2樓26號舖-

因為妹妹用200元申請做會員能夠享有很多間食店的折扣優惠外更贈送一堆美食卷可以在各大餐館食用這次在「和平飯店」免費「松子桂花魚」電子割引券 x1張 (2020年2月1日起)要吃夠400元才用，我們多人吃晚飯一定夠我們6人要分桌，因爲限聚令。和平飯店吃上海美食，的我覺得他的飯菜非常美味，很高水準。先講個送的松子魚，份量足，甜甜酸酸的味道，加上滑溜的魚肉，外皮好脆，又沒有多骨，有沒有魚腥，非常美味，我和孩子吃不停口。另外一個最喜歡的就是回鍋肉，好正宗，我在客家回鍋肉的味道，帶一點辣的，又有香濃的豆瓣醬，來一口肥美的豬肉加上椰菜非常好的組口。另外一個欣賞的就是老火湯，多人吃也夠，我妹妹叫錯了，本來打算想叫雲吞雞，但叫了紅棗胡椒豬肚雞湯，鮮甜白色的湯水，淡淡胡椒味，非常暖胃，我把滑溜的雞和豬肚全吃掉了。那個小籠包做得一個皮很薄，但是那個湯卻不是很濃郁，吃得出是新鮮肉。

同家人嚟到大本型和平飯店，必試松子桂花魚，因為酸酸甜甜好好食，肉質鮮嫩。多人食一定要嗌一條。小籠包多汁皮薄。上海回鍋肉都幾好食但係我覺得有點太油。因為天氣轉涼見到有胡椒豬肚雞湯就嗌咗嚟試。原來都幾大煲，四個人每人可以飲到幾碗，胡椒味重，豬肚夠爽，超好飲。因為有小朋友所以嗌咗一個賽螃蟹，蛋白好滑，味道剛好唔太咸，小朋友好鍾意食。最後嗌咗一個高力豆沙做甜品，但係有啲失望因為以為個皮會熱，點知係微暖，不過紅豆餡都幾好食。職員嘅服務態度幾好，有攞一個籃畀我放袋，而且疫情期間有專人嚟收碟，所以上菜同收碟會係唔同職員，做得幾好。

又係油塘大本型2樓叫和平飯店6折外賣，唔知幾次啦，之前都無影相呢次買左紅燒排骨粒湯麵52紋和陽春湯麵28 紋 6折後共48紋紅燒排骨粒湯麵呢次唔係第一次叫呀，呢次好有驚喜歡呀（排骨份量比上次叫多一倍呀），睇相勁多排骨呀食極都有～排骨總煮得超入味，又好有肉味正湯底雖然唔係好清甜，但清淡無咩味精都合格以上總之小女子勁喜歡食呀陽春湯麵唔係好正宗，佢即是無著紅燒排骨粒之後嘅湯麵，2，3粒蔥粒，，但陽春湯麵唔係好多蔥花嘅咩，雖然我都唔係好識分總之6折外賣，係超抵食，我住附近，相信會keep 住買

係油塘大本型2樓有間上海嘢食～和平飯店因屋企附近，認識著呢間上海店舖就上癮啦，，因他做緊抗疫6折外賣，我買著幾次啦，味道都OK，嘢食份量同堂食一樣，價錢外賣6折就超抵食，正今日因想食呢個 原隻飽魚花膠紅燒肉飯88紋，因小女子勁喜歡食紅燒肉，勁開心入著店舖叫著呢個飯，，個飯一上來好有驚喜呀，同店舖張圖一模一樣，份量勁足，食果下超幸福呀飽魚大個匙羹少少，咬落好有口感，味道好淋好入味，正 花膠份量好足，有5，6塊，好淋入味但唔爽，到紅燒肉啦，未做到入口即溶，但有肉味，如果紋得再淋哋就入味好多，但呢個飯真心覺得物超所值呀另叫著個菜肉餛吞38紋，，有6粒，勁大粒，味道入味得來清淡，淨食佢都飽唔4呀飽魚飯係限量架，想食就快手啦