和牛燒肉一郎 (百誠大廈)

營業中

休息中

周六下班同同事嚟呢間和牛燒肉一郎放鬆犒勞自己。呢度嘅環境真係太適合大聊特聊，大吃大喝啦！我同啲同事每次都嚟呢間感受高級嘅牛肉盛宴🐂。我哋都超愛，因為每個部位食落去都可以帶俾你唔同嘅層次口感🤤我哋通常都點Set D，其中會送個頭盤黑毛和牛4款而且另外有幾款係必點：M9 薄炙牛里脊肉、原隻魷魚筒、薄灸蔥花牛舌（鹽味）、、黑毛和牛牛里脊🥓M9 薄炙牛里脊肉經過微炙燒後，肉邊邊帶點焦香味，比起其他純牛肉類口感更為獨特。黑毛和牛牛里脊則係4片一盤，色澤鮮紅，脂肪比例均稱，肉片厚實唔係薄片噢！🥓薄灸蔥花牛舌（鹽味）亦都相當獨特，燒烤後帶點咸香口感，蔥花嘅點綴令口感更協和清香。🥓黑毛和牛4款基本上係呢間店嘅必點款，4款包括肉眼、牛肋肉、肩胛肉、一口牛，切塊或者肉片經過燒烤後嘅味道都有各自嘅特色，特別鍾意肩胛肉，肉質非常鮮美多汁，而且亦都係和牛部位入面比較稀有嘅部位之一噢！小驚喜🤩呢度周六仲有炸物自助bar，一口炸芝士、炸雞軟骨粒、吉列炸蝦、日式炸雞任你食~既然嚟咗就放縱地享受美食！同同事都係‘唔飽唔歸’嘅~

今日第一次嚟到位於佐敦嘅「和牛燒肉一郎」呢間日式燒肉放題店☺，餐廳嘅裝潢十分有日本風 味 !站喺店門口，可以感到一股濃厚嘅日式氛圍!餐廳環境乾淨整齊，光線明亮，心情都開朗 起來😎😎通常晚餐我都會選擇比較重口味嘅食物，所以今日我決定試吓佢哋嘅任食日式燒肉放題套餐!🤓牛五花(辣味噌醬)，牛五花煎得剛剛好，外脆內嫩，辣味噌醬嘅香辣味道真係一流，令成塊牛 肉更加惹味，真係食到停唔到口!牛舌(鹽味)，牛舌嘅厚度一致，煎嘅時間唔曬好耐，個鹽味恰到好處，同牛油香氣一齊夹，咬 落去口感煙韌，真係齒頰留香!薄灸蔥花牛舌(鹽味)，呢款牛舌特別薄，煎得好均勻，再加上蔥花嘅香味，真係一咬就覺得系 口裡融化左!香蔥海苔溫泉蛋拌飯，飯粒吸收晒溫泉蛋嘅滑溜，同埋香蔥海苔嘅香味，味道超級好，對於我 呢個egg lover黎講真系極品!「和牛燒肉一郎」十分推薦大家去試試!佢地serve嘅肉質都好新鮮，唔會有異味，唔曬驚踩雷😙😙😙

之前同公司成班同事試過佢喺荃灣嘅分店🙈 覺得食物整體嘅質素都幾高，而且我哋係用優惠券買，所以都覺得特別抵食，今日同另外一班朋友食飯，就決定試吓佢佐敦嘅分店！今次我哋就冇買到優惠券，直接Walk in，價錢係$188，如果飲酒精飲品嘅話就另外加多$8，可以飲清酒梅酒啤酒👍🏻我哋就先叫咗梅酒，甜甜地再加少少冰幾好飲，好多燒肉放題都唔包酒精飲品，其實呢一間嘅價錢加多$8都非常便宜🙈 啱晒啲鍾意飲酒嘅朋友🙈 由於呢一個係特價嘅套餐，老實講佢嘅肉類選擇唔算太多，牛肉只係得普通嘅牛五花，但係味道都絕對唔會失色，係有幾塊特別肥🙈 其餘整體上都唔錯，牛肉嚟講仲可以選擇牛脷，薄燒牛脷都做得唔錯，每一碟有5片，味道上同埋肉質我覺得還可以🙈另外仲有豬肉雞肉同埋海鮮嘅選擇，雞肉嚟講比較出色嘅有雞頸肉🙈我個人嚟講比較推介餐廳嘅香草醬🙈我覺得香草醬再加埋雞頸肉嘅味道非常出色，而且整體嘅口感都幾好食！我哋最後都叫多咗！豬頸肉亦都燒得非常香，鍾意豬頸肉嘅朋友絕對不能錯過🙈 海鮮嘅選擇都幾多有新鮮嘅蝦，我個人嚟講就比較鍾意食魷魚，再加咗上餐廳嘅燒汁，簡直實現到食魷魚自由🙈🙈 餐廳亦都提供日本蠔，每一隻都幾飽滿！餐廳出邊

兩個人去食叫咗D餐，諗住試下和牛。嘢食款式好多，係幾多嘢食，但嘢食完全都好唔新鮮，牛嘅味道一般，海鮮更加一般，keep住所有嘢都出緊水。但又，始終都係燒肉放題，唔好預期太高，和牛都只係gimmick，唔特別好食。好多人留言話出嘢食好慢，本身都驚驚地，但呢點我自己就唔覺，都出得幾快，個人覺得出餐速度合理嘅，至少冇催過，keep住有嘢食。btw：湯幾好飲，有驚喜。同埋啤酒任飲食星期五8點左右餐廳都只係半滿……總結：唔值呢個價，同樣都係連鎖燒肉放題，建議食返牛角🙃

我生日嗰日，朋友請我去佐敦食燒肉放題，我哋揀咗佢哋嘅放題Set E，任食145款食材同放題120 分鐘，真係令我覺得好幸福。🔘黑毛和牛六款 1️⃣和牛肉眼油花豐富，肉質鮮紅，食落去牛肉風味非常濃郁，口感亦相當有嚼勁。 2️⃣和牛肩胛肉牛肉味相當濃厚，肉質稍微硬D，但鮮味十足。3️⃣和牛牛肉角切油花分佈均勻細緻，口感柔嫩，鮮嫩多汁。4️⃣三角腹肉 肉質同脂肪適度配合，令牛肉入口即化。味道亦非常獨特。 5️⃣和牛牛肋肉 肉質幼嫩細滑，肉味極為濃郁，口感非常嫩滑。6️⃣和牛牛肋條口感軟嫩中帶有嚼勁, 汁多味美。 由於我好鍾意黑毛和牛牛肉角切(一口牛)，我就再落單多一份牛肉角切。海鮮拼盤裡面最鍾意食原隻魷魚筒 🦑，嗰鮮嫩嘅肉質，嚼勁嘅口感，食落去鮮味十足，食得津津有味當然唔可以錯過小食福岡明太子卷🍣，明太子嘅味道鮮美濃郁，滿口都係明太子嘅鮮味，口感仲略帶嚼勁，咬起嚟好緊實，非常好食。其他仲有勁勁勁多野食，真係好滿足!

嘿嘿，又係放題時間，今次揀咗呢間和牛燒肉一郎嘅放題。揀咗個Course D啱啱唔係星期五同埋週末，所以優惠價只係$478就可以食到和牛，而且仲係黑毛和牛。我總共可以品嚐到4款唔同嘅牛肉部位，每一種放喺烤盤上烤嘅味道都唔同，有啲就甜甜地，有啲就特別軟，有啲就鹹脆，真係好滿足呢種和牛自助。海鮮方面，原隻魷魚筒一上枱仲未烤之前成隻就係晶瑩剔透嘅，睇上去就係好好食嘅樣，烤嘅時候你會見到魷魚會即刻捲起來，但係唔可以烤太耐，唔然就會好難咬斷，大概烤5分鐘就可以沾住醬汁一齊食啦，而且會好Q彈。M9薄炙牛里脊肉烤完之後，口感真係好出色。因為薄炙，牛肉表面微微焦香，但內裡仍然保持嫩滑多汁。咬落去時，肉質非常細嫩，同時帶有和牛特有嘅油花，充滿濃郁嘅牛肉香味。味醂魚乾經過處理之後都係超好食嘅，有啲甜味，魚肉方面比較有嚼勁。特選拌生牛肉亦都係必叫嘅一道料理，牛肉唔係完全生嘅，有燒過一陣，再將蛋同牛肉攪拌埋一齊，令到整體變得比較濃稠，再嘗一口，口感唔會覺得好生，仲可以感受到肉嘅柔嫩感。熟成壺漬牛肋肉真係好經典，肉都裹著燒肉味噌醬，經過燒烤後，會有焦香嘅外皮同一啲微甜嘅味道。今日真係食咗好多蛋白質。

呢間位於佐敦嘅《和牛燒肉一郎》，係真正嘅日式燒肉放題天堂！環境好舒適兼且乾淨，一試成主顧。無論放工食定係週末聚會，呢度絕對係你嘅最佳選擇。餐廳裝潢簡潔有日式風情，質素真係一流心。任食日式燒肉放題套餐，款式超多，樣樣都好食，真係超滿足！分享下我哋嗰既推薦餐單啦：黑毛和牛六款包括肉眼、肩胛肉、一口牛、三角腹肉、牛肋肉、牛肋條等，肉質鮮嫩多汁，每款都各有風味，尤其係牛肉嘅甘香，真係無得頂！2色蔥花牛舌（鹽味）牛舌切得厚薄適中，鹽味調得岩岩好，加上蔥花嘅香味，燒到啱啱好一啖一啖超好味。原隻魷魚筒魷魚筒新鮮彈牙，燒到外層微焦，內裡鮮甜，沾上一啲日式醬油，更加完美！牛舌（鹽味）牛舌鹽味一向係燒肉嘅皇牌之一，每一口都充滿肉香，嫩滑多汁，成啖肉令人回味無窮。香草雞頸肉雞頸肉嫩滑而且入味，香草嘅香氣更加提升咗風味，燒到外脆內嫩，真係一流！

上個星期日，我同朋友約咗喺百誠大廈嘅一家專食和牛放題嘅餐廳食飯，叫做「和牛燒肉一郎」🐮。呢間餐廳偏日式同燒烤類型，裝潢簡約而高級。啱啱嗰日佢哋有炸物自助吧🍤，多款炸物任你揀，例如：一口炸芝士🧀、炸雞軟骨粒🍗、吉列炸蝦🦐、日式炸雞🍛。嚟到呢到，梗係唔少得攞和牛肉。我哋攞咗SET D，入面有四款黑毛和牛，包括肉眼🥩、牛肋肉🍖、肩胛肉同一口牛。呢四款黑毛和牛部位都有獨特嘅口感同味道。最令我難忘嘅係肉眼同一口牛，肉眼帶有濃郁嘅肉香，入口即化；一口牛嫩滑多汁，充滿濃郁嘅牛肉香氣。我哋仲攞咗鹽味嘅薄灸葱花牛舌，呢道菜經過輕灸並搭配葱花同鹽調味。牛舌內部多汁，鹽味調味適中，提升咗牛舌嘅鮮美，搭配葱花嘅清香，味道絕佳。作為牛肉愛好者，我哋仲攞咗M9薄灸牛里脊肉。牛里脊肉有極高嘅脂肪分布同嫩滑嘅肉質，新鮮嘅肉帶住濃郁嘅肉香同奶油香，對一名牛肉愛好者嚟講簡直係一種享受。除咗多款牛肉，餐廳仲有賣海鮮🦑。我哋攞咗原只鱿魚筒，非常新鮮，口感柔軟且帶有嚼勁。雪糕🍦、醬料、飲料🥤、沙律🥗同炸物🍤全部都可以任食呢次體驗非常唔錯，如果你鍾意食牛肉同對牛肉有高要求，不妨嚟試吓。不過要注意，如果你想試佢哋嘅炸物自助吧，記得

🥩 和牛燒肉一郎 ♨️和牛燒肉一郎 位於佐敦 ♨️ 主打日式燒肉放題 🥩 充滿日式烤肉嘅氛圍🏮🥩 黑毛和牛六款比晒6款和牛不同部位；包括肉眼、肩胛肉、一口牛、三角腹肉、牛肋肉同牛肋條，全部都質高味美，油脂分布均匀，燒得啱啱好，入口即溶🥩 任食日式燒肉放題套餐選擇超多 每款肉質 鮮嫩多汁🥩 2色蔥花牛舌（鹽味）」牛舌厚薄適中 鹽味調得剛剛好再鋪上兩種唔同嘅蔥花 燒到微焦 滋味可口🥩 生牛肉刺身牛肉刺身薄切 非常滑嫩配上醬油同芝麻 入口即溶

朋友同我分享佢對「和牛燒肉一郎」嗰份熱愛～話佢哋嘅食物品質高同埋價錢又好合理。聽完之後，我哋決定今日带一家人嚟呢度享受個放題晚餐🫶🏻🫶🏻我哋叫咗任食日式燒肉放題套餐🍖呢度嘅放題套餐真係好抵，款式多到你唔知點揀，啲肉質超靚、而且選擇多，每一啖都食到都非常滿足😛黑毛和牛六款：呢款係頭盤黎，肉眼、肩胛肉、一口牛、三角腹肉、牛肋肉、牛肋條，各款都係頂級和牛，油花均勻，肉質嫩滑，每一啖都係極致享受，無得頂～2色蔥花牛舌（鹽味）🌿牛舌薄切上灑滿蔥花，加埋鹽味調味，如果烤得啱啱好，蔥花搭上肉嘅香味非常香脆嫩滑，入口即溶，真係一流😆😆生牛大腹肉壽司🍣大腹肉脂肪分佈均勻，入口即化，配埋壽司飯，油香四溢～我係第一次食！即刻驚艷到我呀！口感一流啊！菠蘿🍍新鮮嘅菠蘿非常甜美多汁，烤過之後更加提香解膩，食完燒肉嚟一嚿真係啱晒！嚟「和牛燒肉一郎」食燒肉放題～無令我失望😋👍。如果你係鐘意食日式燒肉嘅～呢度係你唔可以錯過嘅好地方～我爸爸媽媽都已經開始post去佢哋嘅社交平台推介比佢哋嘅朋友，哈哈哈！

一向鍾意和牛燒肉一郎呢間燒肉店，今次終於抽空嚟到佐敦品嚐晚餐啦！🔔🤝🤝🤝任食日式燒肉放題套餐🤝🤝🤝正呀‼️‼️有黑毛和牛四款，單係名就已經非常吸引！而呢個係頭盤黎，肉眼、牛肋肉、肩胛肉、一口牛，每款都係頂級和牛，肉質鮮嫩多汁，真係好味到冇得輸😺😸每一口都能獲得前所未有嘅味蕾享受，絕對值得推介！😚😚而炙燒牛外橫膈膜嫩滑多汁，牛舌(鹽味)嚼勁十足，特選拌生牛肉鮮嫩得嚟又有嚼勁，真心好食到爆🔅香草雞腿肉香氣撲鼻，香蔥海苔溫泉蛋拌飯更係一絕，每一口都充滿咗日本嘅風味！😻😻特選拌生牛肉一試就讓人驚艷，口感細膩且十分香醇，味道淡雅帶有淡淡嘅甘甜，口感清新悠長，呢個味道絕對令我念念不忘，而且會再次期望回來品嚐！最後，香草雞腿肉口味亦剛剛好，外脆內嫩，香氣四溢，食落口感豐富，絕對係另一亮點！👍👍👍

一間高質嘅燒肉餐廳真係唔容易，呢間會係其中一間。牛肉品質唔止高，最正係仲可以任食！有牛肉，雞肉、豚肉、海鮮、甜品、飲品都可以任點任食。🥩黑毛和牛六款：六款唔同部位嘅牛肉擺喺盤度，油脂睇落去就十分誘人，微微燒熟後嘅和牛又嫩又香。🥩2色葱花牛舌（鹽味）：簡單咁用咗鹽嚟調味嘅牛脷，配埋碎碎嘅葱花一齊燒嚟食，好好咁凸顯出濃郁嘅牛肉味~👅可極上厚切牛舌：推介燒到5成熟，豐富嘅油脂喺高溫燒烤之中滋滋流出，柔軟而多汁嘅肉質喺口中瞬間溶化，食得出啖啖鮮嫩嘅完美口感！🥩生牛肉刺身：生牛肉質地同熟肉唔同，原汁原味薄切嘅生牛肉最大咁保留咗牛肉嘅生鮮美味，口感柔軟得入口即化！🥩生牛大腹肉壽司：米飯香同生牛肉香味好巧妙咁融合埋一齊，沾少少wasab同豉油一齊食簡直perfert~🥒翠肉瓜：自助吧枱仲可以任揀任拾各種新鮮salad，燒烤後嘅翠肉瓜依然保持住水分，口感清甜爽口又解膩～

今日返工唔順利，就想食放題平復心情。啱啱好諗起之前親戚介紹嘅【和牛燒肉一郎】，又喺公司附近，就決定去試吓！舖頭門口擺咗兩隻黑色和牛，仲有一個好得意嘅牛公仔，眼仔仲有星星，一見就知呢度實好特別！舖頭入面嘅櫃擺咗好多酒，竟然都係放題形式，梗係要叫返杯嚟安慰吓自己。我第一輪叫左幾樣野，樣樣都好好味，食完真係心情會變好！黑毛和牛六款：和牛片嘅顏色粉紅色粉紅色，好新鮮，廚師都好勁，每一塊都切到好薄，燒完入口即溶，正呀！味醂魚乾：呢個係我食過最好味嘅魚乾！！！！成個口感特別好，真係太鍾意喇！香草雞腿肉：雞腿肉嘅味道醃得好啱啱好，燒完之後特別香甜，好送飯！香蔥海苔溫泉蛋拌飯：呢碗飯有我最鍾意嘅溫泉蛋，仲配埋香蔥，每一啖飯都特別香，好滿足我個胃口！

朋友生日梗係要食餐正嘅啦!!都唔係第一次幫襯，之前就同朋友喺另一間分店食過，嗰啲牛肉燒完之後真係入口即溶，真係唔係誇張!我同我啲朋友都食到念念不忘。今日都一樣叫咗最豪華嘅F餐，套餐入面有幾款最值得推薦:極上夏多布里昂、黑毛和牛六款 、當日黑毛和牛精選、大虎蝦、甲羅燒、帆立貝等等，仲有自助吧檯可以任拎甜品同飲品添!我哋就係為咗【極上夏多布里昂】而嚟 !呢個部位係牛肉入面最軟嫩嘅地方，亦都係最珍貴嘅部分，燒到外皮微焦，就係完美嘅口感，食過真係唔會忘記嘅美味!【黑毛和牛六款】其他部位都唔錯，每一片都切到薄厚度均勻，望住啲佈滿花紋嘅肉身，就知道呢個質素真係好好!身為肉食狂嘅我哋真係停唔到口，每一片牛肉都咁多汁，肉香十足又好嫩口!除咗和牛之外，佢哋嘅海鮮都好新鮮，睇吓呢個【特大越南大虎蝦】，個頭差唔多有我手掌咁大!燒完之後蝦肉厚實又好鮮美，一點腥味都冇!而其他食物當然都唔失色，但因為真係太太太多選擇，所以就唔全部講晒 我同朋友都好鍾意呢間和牛放題餐廳，CP值超高，而且餐廳都好有氣氛感，不過大家去之前記得Book位，以免撲空呀~

今日同同事一齊嚟到位於佐敦嘅日式燒肉放題餐廳「和牛燒肉一郎」🏮。呢間餐廳嘅裝修好有日本感，風格獨特而且環境舒適，加上任食既餐牌選擇非常多元化，真係吸引到我哋一試！✨🌸極上夏多布里昂更係我哋嘅最愛，肉質好軟滑，脂肪分佈均勻，入口唔油膩，簡直係人間美味！✨🌸黑毛和牛六款（肉眼、肩胛肉、一口牛、三角腹肉、牛肋肉、牛肋條）每一款都係精品，肉質鮮嫩，味道濃郁，燒得啱啱好，真係令人食指大動！🌸當中兩色蔥花牛舌（鹽味）真係不得了，鹽味調味啱啱好，牛舌嫩滑多汁，蔥花嘅香氣更係一絕！💯🌸原隻魷魚筒係頭盤入面亦係必試之選，魷魚新鮮彈牙，燒得香口，配埋特製醬汁，真係一試難忘！❤️🌸特大越南大虎蝦亦係一大亮點，蝦肉鮮甜多汁，燒得啱啱好，食落去真係好滿足。🌸餐廳嘅每一款食物用料非常之好，每款都能品嚐到對食品既執著。真心推薦「和牛燒肉一郎」，呢度嘅日式燒肉絕對能滿足你嘅味蕾💚。如果你都鍾意食燒肉，「和牛燒肉一郎」絕對唔係你可以錯過嘅好去處🏆