和牛燒肉一郎 (百誠大廈)

營業中

休息中

訂咗位，去到先至話燒烤爐壞咗，冇得燒嘢食。淨係得返丼飯。真掃興，之前冇通知。之後仲見到有人入場，唔知道佢哋有冇得食。如果可以做好啲，事先打電話嚟通知，咁就唔使山長水遠來到冇嘢食

最近同家姐去佐敦試咗呢間傳說中嘅和牛燒肉，果然冇失望！每一道菜都真係有水準，燒烤香氣四溢，真係心目中嘅首選燒烤餐廳呀!原條牛舌配香水檸檬🍋牛舌好爽口彈牙，加埋清新嘅香水檸檬，口感平衡又唔膩，幾特別嘅組合！生牛拖羅刺身 & 生牛肉刺身牛拖羅刺身切得啱啱好，油脂同肉質都幾細膩，入口順滑；生牛肉刺身口感又係另一種，清爽冇腥味牛舌三部曲：牛舌、特上牛舌捧、極上厚切牛舌鍾意牛舌嘅一定要試！普通牛舌夠爽口，牛舌捧又多層次感，厚切牛舌質感實在，一啖咬落好滿足！😋炸蝦 & 多春魚🐟🦐炸蝦好酥脆咸香，多春魚炸得啱啱好，食起嚟好香口唔會乾生牛肉壽司 & 生牛大腹肉壽司🍣壽司入口就係牛肉嘅鮮甜，飯量啱啱好，加埋牛大腹嘅油花，一啖入味，好正！甜品：菠蘿🍍食完燒肉之後嚟塊清甜嘅菠蘿，唔會太甜，啱啱好做個完美收尾總體嚟講，呢度嘅燒肉真材實料，唔會過於油膩，幾適合同朋友聚餐。燒肉同生肉款式夠多，CP值都唔錯，真係值得再嚟試！🔥

朋友生日要食餐好既慶祝吓，喺OpenRice搵吓有咩優惠券，見到呢間放題燒肉店人均$310就有6款黑毛和牛任食，好似幾抵～就決定試試佢🤓第一轉落單會有牌仔介紹係咩肉，可以試啱先再叫，雖然和牛嘅油花睇落幾靚幾均勻，不過食落肉味唔濃、油香都一般般，真係志在有和牛食吓🤣生牛肉壽司幾似魚生，不過都係試過就算😂冇咩特別味而且有啲薄💩特選薄炙牛里脊肉食落反而比和牛仲淋身啲，少少肥牛嘅感覺幾唔錯～好多款牛都切得薄得滯，冇咗個口感🥺所以我哋最鍾意嘅都係牛肉粒，啖啖肉得嚟又有油香😋雞肉豬肉都有好幾款選擇，最特別係雞頸肉，燒完好香又彈牙👍🏻海鮮方面有帆立貝、蝦、青口、蠔等等，帆立貝雖然唔大粒但都有彈牙嘅口感，以放題嚟講好唔錯，我哋都食咗好幾隻☺️熟食方面有自己出去夾嘅吉列蝦、炸雞軟骨，落單嘅有炸蠔、炸芝士、炸雞，主食有冷麵、拌飯和牛肉燥紫菜飯等等，選擇幾多、食落正常，係炸雞唔知點樣好似有層未熟嘅麵粉咁😂雪櫃有沙律同甜品，個人覺得tiramisu最好味😛唔會雪都乾曬硬曬，咖啡味幾濃～

難得有時間拍吓拖大家都掛住日本 想食好嘅日本燒肉所以揀咗呢間之前試過嘅燒肉店我哋試咗頂級放題套餐F。極上夏多布里昂，牛舌,牛舌拼豬五花肉，肉品滑溜，香味濃郁，一點騷味都冇！基本上一放入口就自然滑入口腔，又香又滑！雖然人多，但係份量絕無馬虎！仲要質素高。黑毛和牛六款就更加吸引，肉香四溢，口感鮮嫩，油花平均，切嘅厚度每片幾乎一模一樣！同埋點少得我哋超級鍾意嘅海鮮同埋菠蘿。海蝦，每一隻都好爽口，菠蘿係real fresh呀。仲有炸蝦炸到外脆內嫩，一定要趁熱食，咁就perfect。食物擺盤都非常講究，真係物超所值✨️。和牛燒肉一郎放題，真心推介俾大家，感受呢間餐廳嘅美食同優質嘅服務！簡直就係唔容錯過嘅選擇！

和牛燒肉一郎喺香港有幾間分店，系我食過目前為止和牛放題最正嘅餐廳. 喺呢度可以食到最正最新鮮嘅和牛各種部位，一定系我同friend 嚟食飯嘅首選！夏多布裏昂系我認為最高級嘅和牛。燒烤後鮮香無比，配埋醬汁，更加入味，真系好好食🤤每一款牛肉都好新鮮，都有自己獨特嘅味道，尤其我最鍾意入面嘅牛肋肉，好有彈性，味道好正！五花肉搭配牛舌簡直系一流！喺口味同口感上都附有層次，好豐富. 牛肉眼好軟嫩，烤嘅時候好香，而且肉眼嘅雪花好多，睇落去超惹味！魷魚可口有彈性，燒後嘅魷魚超香！蔥花鹽味牛舌彈牙又唔會腥。蔥花同鹽味充分咁把牛舌嘅香味凸顯出嚟，食得停唔到口，仲想再食！烤菠蘿香味十足，甜味更加濃！

上個週末，終於返嚟和牛燒肉一郎（佐敦）試返一餐熟悉嘅燒肉套餐。之前係別嘅分行試過，呢次係佐敦呢度食都唔失所望，質素同味道依然好穩陣。😊原條牛脷配香水檸檬：牛脷口感厚實，加埋檸檬嘅酸香，好清新，開胃唔過重味！海蝦：每隻都好彈牙又鮮甜，燒得啱啱好，少少焦香，輕輕加鹽就好味喇。特上牛脷捧：薄切嘅牛脷片，紋理細緻，入口即化，嚼落仲有肉汁滲出，鍾意原汁原味嘅朋友會鍾意呢道。牛里脊肉：份量啱啱好，嫩滑細膩，唔使加太多調味，簡單鹽味已經足夠突出牛肉嘅香氣。薄灸蔥花牛脷（鹽味）：呢款牛脷片比之前嘅厚少少，加上香蔥，增添咗獨特嘅鮮味，食落有層次感。薄炙牛里脊肉：只要火候掌握得好好，油脂均勻分布，肉質又細嫩又軟，唔會覺得膩。生牛肉壽司：清爽嘅壽司飯香加埋鮮嫩牛肉，微微帶脂香，體驗好特別！雪糕：最後嚟一啖雪糕，幫成餐燒肉餐畫上甜美句號，清新解膩。燒肉同配菜種類豐富，牛肉同海鮮嘅搭配好有變化，下次可能會再嚟試其他套餐！

到爆食咗一次，就念念不忘，一直都想再嚟呢度食第二次，今次就帶咗好兄弟一齊嚟呢度食和牛燒肉，真係好爽，我前訂咗2位一齊食呢度嘅Set F 放題，一次吃到過癮！［夏多布里昂牛肉］呢度既然有我想念咗好耐嘅牛肉。牛肉嘅質地滑軟，非常鮮甜，又冇腥味，完美符合我對牛肉嘅要求！［黑毛和牛］六款嘅牛肉部位任我哋揀，而且仲好新鮮！！！每一款牛肉都帶住自己嘅風味，配上濃鬱嘅牛肉味撲鼻而來，喺口中咀嚼，仲可以食到香甜嘅味道，真係太正喇！［牛舌同五花肉］除咗六款嘅牛肉，牛舌嘅味道都好正，食落去好彈牙，口感好豐富！而五花肉都好香甜，唔會油膩，同牛舌一樣彈牙！兩款都好好味！［海鮮］魷魚綁成只嘅，燒起嚟好香，仲好有嚼勁！仲有青口嘅味道十分鮮美，滋味十足，好食到連殼都想食落去！帆立貝嘅口感就比較Q彈，肉質柔軟，同魷魚有住明顯嘅對比，口感好豐富！［鹽味牛舌］好兄弟食得最多嘅就係鹽味牛舌。鹹味嘅牛舌食落去好香，唔晒沾醬就非常好吃！而且烤過之後嘅牛舌更加滑嫩，令人回味無窮！好兄弟好鐘意呢度嘅食物，仲約我下個星期再嚟！

之前同朋友食過銅鑼灣分店，覺得佢哋嘅和牛好新鮮👍，所以今次就帶咗好鐘意食和牛嘅屋企人去佐敦分店試試🥩🐮～首先食咗五花肉，外皮燒到香脆，裡面肉質仍然軟嫩juicy，入口肥而不膩😋之後食咗海鮮，見到有好多種類，我哋食咗大蝦🦐、多春魚🐟同魷魚圈🦑～大蝦新鮮彈牙，食完即刻要再encore；多春魚燒到魚皮香脆，完全唔腥；魷魚圈彈牙有韌勁🤤仲食咗必食嘅鹽味牛舌，越咬越香，鹹鹹哋好開胃🥩～牛脊肉牛味濃郁，而且好滑軟，入口充滿牛肉嘅鮮甜味道😋最後當然要食埋甜品，佢哋嘅棉花糖賣相咗可愛，燒過嘅棉花糖外面變得焦香，外脆內糯，好好食🤤🍬

同同事收工後過嚟呢間餐廳嘆美味嘅燒烤。揀咗佢哋嘅放題Set D。過百款燒烤食材任我哋食，落單後好快我哋嘅食物就到咗。🍣生牛肉壽司燒烤之前嚟食個生牛肉壽司，壽司上面肥美嘅牛肉片，食落更有咬口，味道亦都好鮮美，完全冇牛肉嘅血腥味，好食。🍤炸蝦天婦羅炸蝦色澤金黃，外脆內嫩嘅口感超級爽脆，鮮香味十足又好入味，係同事嚟呢度必點嘅炸物。🥓豬肋骨豬肋骨肉質豐腴，肉汁豐富，口感鮮嫩多汁，仲散發住陣陣嘅肉香味，係燒烤嘅必備食材。🥓原條五花腩五花腩嘅肉質細嫩，燒起嚟香氣四溢，外脆內嫩，燒烤感十足，食落簡直係一種享受。🥓薄燒蔥花牛脷（鹽味）牛脷經過輕燒後再簡單調味，造成咗豐富層次嘅口感。脂肪適中嘅牛脷，口感極之獨特，食落去可以感受到牛脷嘅鮮美多汁，正。🥓薄燒牛脊肉牛脊肉脂肪較少，口感非常嫩滑，入口真係即化即溶，味道亦都好濃郁，係人人都鍾意嘅牛肉。

最鍾意呢間放題餐廳！2個鐘任食任拎，輕輕鬆鬆就回本，啲肉質真係冇得彈，就連海鮮都超新鮮～正呀🤤牛肉豬肉雞肉任你拎，食到好飽好開心🤩「和牛西冷」一上枱真係嘩咗一聲😳 真係勁大塊西冷！見到啲紋理咁分明就知好高級，燒到五成熟嗰陣牛肉味散發出嚟，嫩滑香甜好過癮～「和牛牛肉角切一口牛」餐廳好貼心已經切好一口嘅份量，輕輕燒一下就可以一口食落肚～肉質鮮嫩飽滿，配埋生菜一齊食可以解膩😌「牛里脊肉」里脊肉都係我最鍾意嘅部位之一！燒完之後肉質仲保留住細膩嘅口感，原汁原味唔加任何一點調味料已經好好味！❤️「和牛牛肋條」牛肋條肉質肥瘦相間，燒完之後入口即溶，仲帶住淡淡嘅奶香味～呢個部位我哋都encore咗好多碟😋「豬頸肉」豬肉都好好食🙌 燒到微微燶再配埋醬汁一齊食，肉質軟嫩又有咬口，真係好好食呀🤤「海蝦、帆立貝」仲有各種海鮮可以任拎，海蝦同帆立貝都超新鮮，一點異味都冇～

唔好食、叫咗D餐、話有六款和牛、其實只有兩款牛只係味道唔同就叫有六款、分別係薄切切同埋唔係薄切、薄切嗰隻薄到紙咁、一放落個網度就黐實晒，根本拎唔起、每燒一次個網就燶晒、又要叫侍應換網、玩死啲侍應、厚少少嗰隻又韌又冇牛肉味、所謂和牛肉完全唔掂、海鮮蝦、扇貝、蠔全部歌急凍貨、無鮮味有啲霉無一樣可以叫第二次、叫左個拉麵咸到痴線、點個手卷啲飯唔知擺咗幾耐乾嘅、最好食係個棉花糖、兩個人埋單八百幾蚊，我唔會再食第二次、可能要叫到九百幾蚊一個人嗰先會有啲質素、環境係好坐嘅、侍應都好服務、好勤力咁幫我哋換網執碟

老婆生日，帶佢嚟呢間燒烤店食肉食到飽。呢度係自助餐燒烤店，有啲set可以揀，都係無限追加，食到飽。呢度重點係佢地既和牛肉，仲有好多牛牛模型黎做佈置。極上夏多布里昂，睇落好高級，肉質好軟滑，有均勻既脂肪，入口唔油膩。之後仲上咗黑毛和牛六款，有牛里脊肉、和牛西冷、和牛三筋、三角腹肉、牛肋肉同和牛牛肋條。擺埋一齊搞到我地躍躍欲試。攞去烤之後，散發濃郁既牛肉味，更加刺激我既味蕾。味道都好正，好有咬勁，口感豐富。之後我地仲點咗啲牛脷料理，有搭配五花肉嘅，兩色蔥花牛脷同薄灸蔥花牛脷。牛脷肉質好細膩，口感獨特，燒熟後更加軟嫩入味。最後仲點咗炸蝦，食多咗牛肉，忽然食炸蝦，感覺好唔錯。炸得好均勻，外酥里嫩，好好食。我同老婆都食到好飽，超滿足嘅。

前幾晚同朋友去咗佢強烈推薦嘅「和牛燒肉一郎」，環境溫暖，燒肉嘅香味充滿全場，坐低即刻有食慾！▶️ 極上夏多布里昂呢個部位真係嫩滑，肉質細膩，輕輕一烤，肉味濃郁中帶油香，每一啖都好滿足😋▶️ 黑毛和牛六款一齊上六款黑毛和牛，每款口感唔同，有啲嫩滑有啲嚼勁，食落層次豐富，配燒肉醬一流。▶️ 牛舌拚豬五花肉牛舌切得夠薄，烤一烤好香口，帶少少嚼勁。豬五花肉就更加香，燒到微焦嘅油脂味一撲出嚟，真係好香～🥓▶️ 2色蔥花牛舌（鹽味）牛舌加咗兩種蔥花，鹹香夠味，口感彈牙，輕輕一咬就充滿蔥香味，唔錯！🌿▶️ 特上牛舌捧厚切嘅牛舌特別有嚼勁，食落好彈牙又有牛肉獨特香氣，口感獨特。▶️ 海蝦新鮮又彈牙，輕輕一烤就出晒鮮甜味，帶出咗蝦嘅原味，簡單又好味。🦐▶️ 和牛肉眼和牛肉眼燒完有油香，肉質均勻，入口帶少少脂香，輕輕加鹽已經非常夠味。呢度嘅燒肉質素高，選擇多元化，每一道都係精品，燒肉愛好者唔可以錯過嘅餐廳！✨

想再食呢間燒肉好耐～難得平日收工有時間一於過嚟試下😂今日就揀咗D套餐～一個價錢可以自由任揀想食嘅～食到飽🙈.《原條牛舌配香水檸檬》最中意呢道菜～一打開啲煙就飄岀黎～用咗檸檬煙燻～好香嘅檸檬味～食個陣再加埋野菜食一流～惹味👍🏻.《和牛西冷》牛舌肉質彈牙～薄切比厚切冇咁肥膩～食多幾片都唔怕😬.《原條五花肉》五花肉燒一下就得～但都唔怕會好易燒到好乾身～燒完之後肉味皮好香濃～肥少少都值得一試🙈.《薄炙牛里脊肉》和牛牛里脊肉油脂分布好多好靚～食落牛味幾香～不過由於佢係薄燒～所以唔好燒太耐～動作要快😂.《牛里脊肉》牛里脊肉油脂滲透出來的香氣～回味無窮😍😍.《雪條&芝士布甸》食完咁多肉一定要食下甜品～雪條同芝士布甸係最愛第一名👏🏻👏🏻.提提大家平日晚市都幾full booking～建議大家訂咗位先好嚟🙈整體都覺得幾好食～和牛嘅款式都幾多🫶🏻🫶🏻

女朋友生日，唔知應該帶佢去邊度食晚餐，就諗起咗之前同佢一齊嚟食過嘅呢間佐敦和牛燒肉一郎，之前食過佢就非常鐘意呢度，今次諗住再帶佢嚟食多次晚餐，慶祝佢生日！呢度嘅餐廳中間有路軌，送餐好快好方便，然後我咗叫咗兩個人，set D，見到有幾樣小菜好吸引，雖然系另外收費，都係叫咗嚟食，物超所值。牛西冷嘅牛肉質地比較實淨，咬落去好有彈性同嚼勁，濃鬱嘅肉味喺口中散開，正呀！五花肉嘅肉燒咗之後有住優質嘅香味，同時仲可以食到五花肉本身嘅鮮甜味道，女友特別鐘意！我蓋食到兩種唔同味道嘅牛舌，有檸檬同鹽味嘅。檸檬嘅牛舌酸酸甜甜，食落去好開胃，而鹽味嘅牛舌就鹹鹹地，味道好特別。兩種味道嘅牛舌各有特色，更加帶出咗牛肉本身嘅味道。佢哋嘅蝦子都有兩種，一種綁炸嘅，好酥脆，咬落去特別爽口！另外一種系海蝦，燒咗之後好香，而且蝦子仲鮮甜多汁，令人食到停唔到口！仲有提拉米蘇，鳳梨同雪糕。鳳梨唔會太酸或太甜，食落去好清爽，煮飯後生果好解膩！食咗咁多嘅燒物，梗係要食啲凍冰冰嘅雪糕解膩，仲可以綜合一下口味。佢哋嘅蛋糕好軟，仲好香，好啱煮飯後甜點！女友食到好開心，祝佢生日快樂！