和藏 (已結業)

同女朋友慶祝週年 佢上網搵左間隱世既半放題 話好多好野食 叫左個二人餐一坐低就上左個刺身拼盤係個餐包埋 啲刺身全部都好新鮮特別係帶子同赤貝！好鮮甜 放題部分好多，有基本既海鮮，熟食，刺身，甜品，仲有燒烤部分！例如帶子，蟹，菠蘿等等，等等之後佢上左個鐵板燒大蝦，真係有手掌咁大隻啲肉仲好彈牙tim. 鍾意海鮮既我已經lam晒脷再上左個鐵板燒牛肩 好香 加埋佢啲醬汁送飯一流呀 佢啲牛肉仲勁少肥膏 啖啖肉驚喜不斷，佢之後上左個燒鮑魚 超級彈牙新鮮 食完仲覺得好唔夠喉 女朋友同我係咁爭食松葉蟹肉窩，佢入面放左好多蟹肉，基本上每啖飯都會食到好多好多蟹肉 食蟹肉仲多過食飯已經食到好飽，點知仲有個牛肉粥，啲牛肉好靚，令到煲白粥即刻甜晒 所以就算好飽我地都食晒成煲當大家都真係飽到再食唔落野，佢再黎多個車打cheese脆件，佢啲cheese好香，拉都拉到成層樓咁高😂最後我地都食埋佢.今個晚餐真係超值，好多野食，而且質素好高. 特別喜歡佢放題有埋燒烤部分 值得推介

經朋友介紹知道呢座工廈有得食半自助式既自助餐，食物種類又多，一於黎試下！呢度環境幾舒服，同三五知己來都有私人空間可以傾下計～半自助式係因為佢哋除左有自助式仲包括左指定菜式...頭盤就有刺身拼盤，除咗一般嘅三文魚、帶子、象拔蚌、希靈魚、生蝦等等，仲有大響螺！肉質清甜又有咬口，好正呢個黑松露醬伴鮮露整既鮑魚，好香黑松露味，加埋鮮露令到鮑魚嘅鮮味再提升煎USA佐肩牛可以自己煎有得玩有得食，牛肉肥瘦均勻，好香牛味，完全唔會韌。醬汁大蝦見到就已經流晒口水，蝦肉好實、好鮮甜，加上醬汁別具滋味！我個人比較鍾意食有骨嘅嘢，呢個鹽燒三文魚旗岩晒我，外層好香脆，連d骨都食得！唔識挑骨既都岩食！重點係入面嘅肉非常鮮嫩車打芝士脆件好邪惡！芝士拉到超級長！！麵包又好脆好脆！！食到咁上下就出去行吓睇吓有咩好食，海鮮方面有青口、田螺、小龍蝦等等..另外仲有燒物，種類都算多。燒元貝一d都唔馬虎，中等size嘅元貝淋上醬汁再加上一啲蟹子，口感豐富！仲有任食生蠔！蠔好大隻好鮮甜！！呢個價錢真係好抵！最後臨走之前食埋呢個用牛肉煲嘅白粥，開頭見到覺得冇咩特別，食落去別具滋味，好意外佢嘅味道非常鮮甜。

想食自助餐既媽媽同我講，佢話見到間係葵涌工廈既和藏半自助餐，價錢算平，叫我帶佢試試睇下好唔好食和藏講明係食海鮮，雖然係工廈裡細細唔算超大，但都有海鮮自助bar，長腳蟹、青口款款都有得食。我地叫左個餐係又好幾款主食，其中一樣係焗龍蝦，龍蝦肉大舊爽口，用芝士焗得超香，食起黎非常滿足。燒魚鮨又係超好味，燒得魚油香味出哂來，外邊魚樣煎得卜卜脆，連平常麻麻地魚既我都覺得好味。主食餐還有燒牛小排，牛小排配上醬汁嫩滑美味，不會太肥，卻肉質不韌，令人一再回味。芝士培根脆件焗得脆口，仲撒左d香草上去，熱溶溶既芝士係中間，如果配埋湯仲正。其他熟食有炸物又有炒豬扒等等，還有好幾款甜品如啫喱、泡芙、雪糕雪米糍

C餐 每位 408 蚊(加一) 每人包有(2 小時任食) 🍴磯燒南非六頭鮑魚🍴用左磯燒既甜醬汁整鮑魚 醬汁唔濃 同鮑魚既鮮味剛好match, 而鮑魚好新鮮 一食就知🤓 無得呃 , 新鮮彈牙既鮑魚加d甜磯燒汁 加d葱花調味已經無得輸👍🏻🍴芝士焗波士頓龍蝦🦐🍴半隻龍蝦大大隻😍 上面鋪滿住焗得好爽脆既芝士🧀 一整開d芝士 龍蝦香味發哂出黎 除左有芝士香味外又唔會蓋過蝦既鮮甜， 口感嫰滑， 焗得出色！😋🍴北海道洋葱堂煎小牛排(80g) 🐂🍴用左鐵板 keep住將生既牛小排炒熟佢 連埋香料同洋葱 好香😋 自己鍾意炒到幾熟都得，牛小排比較煙靭小脂肪 口感彈牙同夠肉味 加埋少少洋葱味 yummy ! 🐮😍會付送 📣安格斯🐮牛肉shabushabu粥底火鍋📣 同📣生蠔自助餐📣 任拎😋😋勁正！牛肉比較薄身🐂 油脂偏多放落煲住既粥底好快熟 食落好爽滑 好味 ! 😋而生蠔用左法國既芬大奇蠔 fine de claire蠔 蠔身偏長薄身 先甜後咸🤓 幾夠礦物同海水味， 啱鍾意食濃既朋友😋如果4至8 位會送🍴築地海產刺身冰山🍴🦐🦑🐟有爽口鮮甜既赤貝， 厚切口感既三文魚，鮮甜帶子， 新鮮彈牙赤蝦， 榮螺片， 象

友人介紹這間超間位於葵興工廠區的海鮮自動餐，今晚相約朋友專程來到品嚐，呢間自助餐好大，好寛敞，樓底高甚有空間感。來到當然要食海鮮自助餐，個人覺得凍蝦、青口、蟹肉都新鮮好吃，長腳蟹好食係推介，鮮甜到無比。生蠔唔係最頂級，但新鮮有蠔味，食蠔會值回票價。D熱盤，我最愛呢個燒牛排，D牛排好有牛味加埋D甜洋蔥，好Match。另外有碳燒三文魚鯺，燒到魚油出晒，咁香豐膄，加埋D甜甜燒汁，同魚味夾到震。另外當晚的蒸蛋亦十分滑溜，好正。食唔飽，重可以去自助Bar 取食材打邊爐，照顧周到。甜品方面，泡芙好吃，還有果凍和豆腐花(好滑好有豆味)都不錯，應有的美食和飲品都有，難得工廠區有咁好的自助餐食，下次會再來！

工廠半自助餐@葵興近年我都少咗食自助餐一來食唔到咁多，二來覺得啲野食冇咁精緻不過今次朋友介紹嘅呢間和藏打破咗我嘅睇法啲野煮得好好食，自助餐好多野都係即製自助餐有即燒嘅食物，種類都多燒蟹子帶子勁好食，帶子好大隻～除咗蟹子仲有好多配料可以揀另外食咗個燒蟹膏都好正，我一個人都食咗兩個，哈哈！生蠔都係要先開比你，所以好新鮮朋友好鍾意食生蠔，食咗成打都有海鮮冰山有好多種唔同嘅海鮮，同酒店差不多我樣樣都食咗啲，都幾新鮮～自助餐仲有個粥嘅  shabu  shabu，好得意～ 安格斯牛肉淥兩淥就熟，食完可以再  refill菇都有幾款，好鮮甜好好食我哋一開頭個套餐都好多野食呢個煎牛肉好  juicy，食得出牛肉質素係靚嘅有鮑魚食，好矜貴！味道好鮮美啲芝士多到流出嚟，好邪惡  😂 個包脆卜卜，好特別嘅做法～三文魚鮨一樣都係卜卜脆，好滋味 龍蝦用芝士焗，好惹味要剪開兩半先影到，好勁野飲都有好多選擇，食燒物飲啤酒就  fit  哂甜品都有好多種，我最鍾意呢個雲呢拿雪糕  pancake！個皮煎到熱辣辣，但係入面個雪糕就凍嘅食到一冷一熱好唔同，好好味 😋

老公話搞搞新意思，同我去工廠大廈開餐呢度係食半自助餐嘅～啲檯檯櫈櫈都 set 得幾有空間有少少似我哋上次去食私房菜咁個半自助餐同之前食嗰啲有啲唔同唔係淨係食一個 main course 跟住就食 buffet而係有成個餐咁㗎喎，好豐富！第一樣就係食 sashimi platter隻蝦好彈牙，其他刺身都好肥美煎洋蔥小牛扒～ 每塊牛肉都好長好大塊好有肉汁食肉獸老公表示食得好過癮 😂芝士焗龍蝦～ 切開咗啲肉好易整出嚟食個龍蝦鉗就老公幫我拆，都好大嚿肉鮑魚炆得好好味呀 👅 好大隻但係都煮到好淋好易咬燒汁嘅三文魚，個魚皮整到好香脆芝士煙肉嘅脆脆，一定要趁熱食！啲芝士仲流緊心㗎 😋松葉蟹肉窩飯加埋啲紫菜同蟹籽食起嚟好有咬口，啲飯都好有𡁻勁老公問點解人哋煮個飯都好食啲 😂出面有好多燒海鮮，全部都係即叫即燒㗎燒蟹蓋蟹膏係最受歡迎，所以店員一次過要燒好多隻場面非常壯觀呀 😆生蠔都係即叫即開㗎老公話排得好快，幫我排咗兩轉攞咗四隻！生蠔好新鮮，size 都算大 每張檯有個小粥底火鍋，用粥底打邊爐啲嘢快熟好多！蔬菜烏冬可以喺出面攞肥牛就 order，都係可以任食 😋打完邊爐個粥都好甜！dessert 有自製嘅

碰巧家人生日，放工已經七點，不想去得太遠，最後家人提議再訪和藏，原來爸媽對呢間餐廳念念不忘，覺得抵食又好味。。。兩年後再訪，餐廳嘅食物擺放位置與坐位與以往一樣，不過宜家特別多增添了燒烤區。。。除了供應一般熟食外，仲有海鮮區，供應貝類，凍蝦仲有小龍蝦，小龍蝦真係好好味，所以都忍唔住食咗幾隻。其餘食物供應與一般餐廳相若，有沙律，湯，甜品等。。。海鮮嘅對面就係即開生蠔同埋燒烤區。當晚供應美國生蠔，平民buffet有即開生蠔梗係相當吸引啦，美國嘅生蠔雖然唔算好大隻，但係鮮味十足，淡淡海水味，鮮味冇窮，負責開蠔嘅姐姐，不停手密密開， 真係辛苦晒。我哋一家人差唔多都食咗60隻生蠔。即開生蠔旁邊就係即燒蟹子蟹蓋，扇貝，不須點醬料也很鮮味，其實呢個buffet真係好抵食。。每檯都會送上招牌海鮮船每樣海鮮都好新鮮，份量適中，令每個人都可以試到不同嘅刺身。包括有麵包蟹，帶子，甜蝦，螺片，赤貝，象拔 蚌， 希靈魚 ，三文魚等等。。。。。半自助餐當然有主菜喇。我哋選咗B餐。主菜還有燒牛肉，連一個Gas爐上台，食客可以自由控制火候，生熟隨意， 一點真係不得不讚。另外仲有醬燒鮑魚 ，辣味豬手， 其中蟹子鍋飯超美味

同朋友捐窿捐罅到工廈食 semi buffet呢個體驗好新奇，上到去係去咗另一個世界咁 😂我哋揀咗 C 餐安頓好之後好快個【刺身冰山】就送上喇啲刺身睇落好有光澤好新鮮 😋仲有平時少啲食到嘅象拔蚌同赤貝，好爽甜好好食！我都幾鍾意 semi buffet 呢種形式有人 serve 又可以自己出吓去攞嘢食【磯燒南非六頭鮑】估唔到工廈都有鮑魚食 😂三隻都整得好入味，仲要厚身過嚟一啲都唔韌非常超水準！【芝士焗波士頓龍蝦】隻龍蝦長過我隻碟，好霸氣 😤個身同隻鉗都好好肉好彈牙芝士味都好香【北海道洋蔥堂煎小牛扒】個 presentation 好靚，小牛扒山好正咁最搞笑係職員上菜時自信咁話係靚牛嚟煎兩煎唔好整得太熟先食～我交咗比朋友烹調 😂 好快就食得啲牛肉肉味好濃郁真係好好食！我哋連啲洋蔥都清埋呀【炭燒三文魚鮨】外表就平實啲但個魚皮好脆口，係勁好食！同埋我無試過咁樣食法，好有新鮮感so far 個餐嘅嘢食都係好有水準 👍🏻【車打芝士培根脆件】拉哂絲咁～個包成個都好香脆，一人一隻角都唔會滯套餐食到咁上下就出去享用一下個 buffet最吸引當然係【即開生蠔】啦 😝每次可以攞兩隻，個職員開得好快好厲害所以條

最近不少餐廳掀起自助餐(Semi-Buffet)的風潮，今日朋友帶我食半自助餐，於是到葵興其中一楝工廈(內心覺得佢整蠱我)，沿路平平無奇上到6樓，門口天花有一盞水晶燈指是我哋到咗。餐廳裝潢以暖色調型格時尚設計為主，分別有不同大小開放式房間，感覺寬躺又有聚會空間，品嚐美食最緊要坐得舒適，餐廳坐位夠曬寬闊自選套餐分別有B&C兩款，兼任食其他食品如海鮮、沙律、甜品等，對胃口不算大而又想食buffet的我來說是最適合我揀左B餐：意大利海鮮冰山，有三文魚非常肥美，甜蝦非爽口彈牙新鮮，帶子新鮮，青囗肉質天生就粗 但多汁鮮甜，螺肉爽滑味美並營養價值頗高✨堂燒USA左肩牛片即場炙燒邊玩邊食，油脂豐富; 和牛味道濃郁，肉質細膩溫柔，入口即溶✨黑松露伴譏燒鮑魚，餐廳將鮑魚切細方面入口，鮑魚煙韌爽口有咬感並充滿黑松露的香醇，隱隱吃出鮮味✨松葉蟹蓋燒盛載味道濃郁的蟹膏，再加入蟹子直燒，味道香濃有口感✨炭燒三文魚脂有脆口的魚皮，燒烤味重，只要一咬，它的魚脂爆出，不會腥也不覺油膩✨車打芝士培根脆片焗法包本身脆口，軟熟的內層是啖啖的芝士和培根同好濃嘅牛油，令其烤得更香，食落香軟，很吸引✨高溫松葉蟹蓋鍋飯開蓋，已聞到

朋友知道我中意食自助餐同海鮮，今日專登帶咗我嚟試下...原本諗住喺工廈入面食自助餐都冇咩特別期望...但結果真的令我喜出望外.....餐廳裝潢以簡約為主，座位也算寬敞，不像有些放題自助餐座位迫得要命⋯⋯所以用餐環境整體感覺也算舒服....呢度用半自助刑式...需要先選擇一些固定的食物set,然後其他的如生蠔，磯燒海鮮，沙津，飲料，甜品同一些熟食等等都可以任攞任食...我地今晚揀左個B餐...先來一客刺身拼盤...有三文魚，刺身蝦，螺，象拔蚌等...雖然賣相不夠突出，但勝在夠新鲜....再黎一個黑松露磯燒鲍鱼...估唔到又很夾喎，不但食黑松露嘅香味，仲有鮑魚嘅鮮甜....唔錯！跟住我仲想介紹多一個鐵板佐肩牛片...牛肉入口即溶，亦好有牛肉味...非常好食....其實食完他們的set都已經有七成飽...不過當然食埋佢個即開生蠔啦！生蠔亦好新鮮...估唔到在工廈也食到咁有水準的半自助餐！

因為一直見電視都有介紹,加上又係facebook見到有不定時既廣告,好似好吸引咁,所以好想去一試。適逢朋友生日,所以約埋一齊去慶祝。去到開頭見到個刺身拼盤都好靚仔,點知去到自助區啲野食都比較少,我地係食19:00但去到條魚已經得返條骨都無再refill返…啲菜又得返幾條咁…都算喇。我地係黎食蠔 & 燒虎蝦,點知開蠔個位小姐可能開左成個鐘好攰啦,個樣開到好唔耐煩,黑晒面咁。相比起旁邊燒蝦個位哥哥,真係好大對比。個位哥哥好有禮貌又有笑容,仲會同啲客傾下計咁。最火滾係成餐飯未食完20:00連粥都未到就比杯溶晒既綠茶雪糕黎,跟手叫你埋單先🙄大佬,洗唔洗趕到咁呀? 21:00未夠就收爐,開蠔個位小姐就去執檯…應該唔會再去,因為食物質素又唔算高,但價錢就同酒店差唔多。講真堅失望!!!

孝敬老豆同佢早食父親節飯！去個自助餐位拎下野食先！有齊打邊爐既野！仲有蒸魚！炒牛肉可以食住先！最正既依度有串燒食啊！即就即燒好新鮮！蝦啊帶子啊雞肉啊同菠蘿都有！個菠蘿燒得勁甜！仲有生蠔即叫即開俾你食！勁新鮮！蒸六頭鮑魚好正啊！鮑魚勁彈牙！而且仲好鮮！芝士焗龍蝦個賣相已經贏左啦！勁多芝士！好香！而且有龍蝦除左蝦尾夠肉外！仲有好多蝦膏！原來仲會送個魚生！仲有個甜品同沙律區！食埋個忌廉泡芙同朱古力蛋糕真係開心！

怎麼開始記錄吃到葵興這種層次的交流吃喝旅程？話說我的朋友約去葵涌區食晚飯我想沒問題葵芳新都會什麼也沒有不可能但葵興根本未由這地鐵站出閘！然後畢竟來到了首先驚訝完全沒有想像中的難找出E exit 有一個九龍貿易中心的新鮮感建築連結地鐵與大連排道我反而覺得自己大鄉里十二分易找到美華工業大廈做夢未估算這廈外面十分有型但卻是十足十葵盛的古董工廈一樣以致我終於上到6 樓和藏時禁不住不斷翻閱開飯 情報看完才摸其門大廈實在非常似工廠然後發現吃海產方面倒灑家上面一大盤冰魚生跟著上清酒蒸鮑魚勢利小人的在下肅然起敬⋯⋯非常淡口清甜的汁實屬高手蒸鮮鮑功力一流出我意表😌鐵板煎小牛片下鋪大量洋蔥我急翻覆炒亂朋友們沒有我的威權惟有任我快炒他們快吃因為芝士焙焙波士頓龍蝦要出場了半只波士頓燒烤龍蝦是餐C包括了⋯⋯這龍蝦最精彩的是多膏其實燒烤桌俊哥燒的珍寶海蝦滋味更精緻但我的龍蝦富有紅膏當然我食得不會浪費說回我點的套餐C 高溫松葉蟹肉窩飯好吃特色深特我心- 本是無飯癮的卻常被日本人 捉弄全部野這飯算極品我的套餐408$很值得推薦無論是這工廈的轉型和藏水產出品的質素都令本人大開眼界眼光放遠一點特別是他們的冰箱竟然有韓國人

貓貓今日係和藏食左個難忘既晚餐。貓貓被華麗既餐廳嚇左一跳。工廠大廈點解會有呢啲咁高檔既餐廳，真係好靚。貓貓首先被呢個靚靚既海鮮刺身冰山吸引左。有螺，珊瑚蚌，甜蝦，三文魚，勁多，仲要勁新鮮。出邊仲有好多海鮮任食，生蠔都係任食架，貓貓見到生蠔已經濕左個嘴啦。私房菜完全好豪華咁豪俾你地食。貓貓超開心，好耐冇食過咁豪既野食。清酒鮑魚。鮑魚係幾咁肥美，鮑魚質感彈牙，食入口陣清香既酒味同埋醬油混入鮑魚陣鮮味，口感豐富，貓貓真係見識到私房菜既威力。呢個私房堂煎小牛排，唔可以唔食。靚牛肉由生整到熟，自己鍾意幾熟自己整。貓貓鍾意啱啱熟，即刻夹上黎食。好滑，牛肉配料入味，洋蔥係下層經過煎散發出黎既香味滲入牛肉，成個牛肉好入味。真係超級好味，貓貓又食到又失禁啦！個嘴！呢個松葉蟹肉窩飯，味道清淡。慢慢食，品嚐個原汁原味既鮮味。貓貓發覺食完呢個私房菜，開始鍾意食私房菜，因為味道夠講究，全部都係高手煮既菜色。貓貓齋食呢幾個菜色已經好飽，未有機會食出邊沙律同生果。不過已經好抵，抵返曬。