和記廚房

營業中

休息中

要讚下依家飯店嘅招牌脆皮炸豬手👍🏻真係整得好好味。以前係第二道食炸豬手，通常個皮好厚又硬，好多時食淨三分一都係塊皮咬唔入。今次原全唔同，皮又薄又香脆，小朋友都食多幾件餸😊🐷😊不過提提大家*飯店無啤酒賣，要食豬手送酒就要自己出去買😅本人亦比較喜歡食細隻嘅燒乳鴿，唔太喜歡厚肉，因為細乳鴿連骨都炸香先至係最正😋此店亦不過不失。嘟嘟通菜炒很好野味，好有鍋氣。金橘柚子炸鱔球個名好有趣，不過試過就好了😑唔知係因為汁太多還是粉太多，完全唔脆口，晒左d鱔😔豉椒炒蜆嘅鍋氣欠奉，又唔係好差，不過唔會再試🙄

近年香車街街市多了不少人前去搵食,最人氣的大概是老闆娘雲南米線了而香車街街市晚上可說是另一番景象,這晚我們光顧的卻是小菜形式的小炒店,其實這裏有很多間小炒店,選擇這間的原因是它設有冷氣房間🙈點了好幾樣小菜,粉絲大蝦煲,京都骨,雜菜煲等等所有小菜都相當有鑊氣!且用料絕不求其👍🏻粉絲大蝦煲有多隻新鮮大蝦,粉絲吸收了湯汁,非常入味海鮮雜菜煲亦不欺場,不會是只有一堆菜而欠缺配料😆這兒的小菜價錢不貴,加上如此質量,可謂性價比高,最點是炎炎夏日設有冷氣,直頭大勝一籌😎

補寫是日相約左一班舊同事黎依間食飯，地點算方便，因為近荃灣滿樂大廈附近，巴士落車行一陣就到。印象中好少黎依種熟食市場食野，佢既環境都ok, 算係乾淨企理，又有冷氣。5個人叫左煎蓮藕餅（出奇地好食，因為我麻麻地蓮藕），金磚豆腐、油麥菜、醉雞、沙嗲肥牛粉絲煲、豬手、樣樣都好唔錯，反而出名既豬手就比想像中無咁好。價錢亦公道，加埋野飲啤酒每人都係百零，而家求其去一間出名少少既大排檔食下野飲下啤酒都要兩百零蚊。下次會帶屋企人再黎試。

今晚食dinner老婆話趁住天氣仲未好熱想去食下大排檔嘆下佢哋嘅鑊氣，咁就去咗香車街嘅熟食市場。兜咗個圈最後喺和記到坐低咗。其實呢度天氣熱都可以嚟食嘅因為佢哋有d位係有冷氣但係大部分都係冇嘅。去得大排檔式嘅食肆，都預咗裝修欠奉最緊要係啲嘢好食。我哋今晚叫咗豉汁蒸大鱔、黑米醋骨同埋金銀蛋浸莧菜。呢度上菜嘅速度好，話咁快就上曬三個餸。黑米醋骨好明顯係用油泡過。但係食落一啲都唔油膩同埋個米醋好香好純，真係好食豉汁蒸大鱔好有鱔既鮮味同埋蒸得好滑。金銀蛋浸莧菜同出面水準差唔多值得一讚嘅係佢哋三個餸一啲都唔油膩同埋煮嘅味道比較淡唔似得其他食肆好濃味。淡嘅意思係味道啱啱好同埋食完都唔會口渴。兩個人三個餸分量好夠，都係二百七十蚊唔使性價比非常之高。所以六點半鐘未到就已經坐到爆曬如果你哋要嚟試下就要早啲啦。

Lee排同老公周圍去大排檔揾食，睇下邊間最夠鑊氣，最有風味！原本去樓上嗰間食，點知冇位，甘一場黎到就揾間最多人的試下先！兩個人係比較容易有位，一去到就有位喇！我食過好多雞煲，lee個都算係頭三位最難食的👎🏻👎🏻👎🏻雞肉「鞋」，雞原全吾入味，d汁仲怪怪又咸👎🏻👎🏻👎🏻一睇lee個蒜蓉開邊蝦就已經知中伏👎🏻👎🏻👎🏻！我喺屋企仲整得好味過佢，d蝦肉質好淋，仲要一d都吾新鮮😰lee個南瓜蛋白帶子已經係全餐飯最好味的，不過吾係好味，只不過係可接受，d南瓜水滴滴，原全冇南瓜味😖😖不過服務係吾錯，但我吾會再黎

一班佬食飯，首選梗係大排檔啦。呢度啲野食正常水準咁啦，但勝在環境加分，佢坐出面嘅話你大聲啲都唔怕嘈到隔離枱，仲有啲燈泡點綴，唔錯架。食物方面，叫左呢幾樣炒硯都ok，起碼無沙肉都飽滿嘅。而個炒通菜就油左啲，不過不失。小炒王係正常質素，無咩特別。但其餘兩樣就好食了。煎蠔餅，睇都睇到佢粉漿唔會太多，係啱啱好嘅，蠔仔都大隻同炸得乾身唔油膩。上枱已切開細塊，一啖一舊。👍呢個口水雞定麻辣雞，惹味之餘又唔會太辣，佢個麻辣味係順喉的唔會話一食就嗆，送啤酒一流。推薦要點。👍邊吹水邊食，耐左又唔會催你埋單，呢度真係幾啱黎飲返杯架。

和記廚房是熟食中心最大一間小炒食肆，有間冷氣房，其餘的是室外座，想坐冷氣房要預早訂座。這裏似間酒樓，電腦落單好有系統，地方和食具清潔，有開放式燒味部廚房。餸菜選擇多，價錢平，想食私房菜如海鮮餐可預早同老闆傾。想去乾淨地方食大排檔，這是不二之選。鷄煲蟹酥炸鯪魚球干炒牛河可以焦糖燉蛋

咁岩去左荃灣，朋友帶路去左福來村，香車街街市樓上既大排檔，環境都不差。二樓有好多餐廳，我地今次去試既係「和記廚房」，好彩有冷氣！點選幾個餸，包括：「和記小炒王$58」、「上湯浸時蔬$42」、「菠蘿炸大腸$68」、「椒鹽豆腐$42」、「蜆介鯪魚球$55」、「豉椒炒蜆$68」。等左一陣就上菜啦，「和記小炒王」材料係蜆肉、魷魚、魚乾仔、腰果、枸菜花。味道好惹味，又香口。「上湯浸時蔬」好簡單既菜式，但菜好嫩口，唔會煮得太老。「菠蘿炸大腸」未食已經流曬口水，食落好香口好脆，配上菠蘿更開胃，但份量略少。「椒鹽豆腐」夠曬大件，大約有9件，外脆內軟，味道不會太鹹，豆腐控必食！「蜆介鯪魚球」大約有10粒，鯪魚肉十足，配上蜆介醬，超惹味，真係可以叫多幾碗飯！「豉椒炒蜆」夠獲氣，新鮮，但蜆肉比較細小，不過都幾辣，建議唔食得辣既朋友要叫小辣。最後，呢間大排檔都算係抵食之選，適合三五成群，叫幾多小炒餸菜，再叫埋啤酒，聚腳既地方！推薦去食！

荃灣…..我由細混到大, 香車街市熟食檔成日聽人講……之但係從來沒有黎食過, 今日終於成事, 今日食一樓的和記廚房。和記廚房大部分坐位係露天檯, 我班朋友仔怕熱, 訂左有冷氣的室內檯, 大熱天時啱既, 露天還是留番秋涼先啦。黃金茄子茄子先走油再加鹹蛋黃炒, 惹味鹹香, 送冰凍啤酒一流,邪惡了點吧。德國鹹猪手朋友之前食過, 必食咁話, 果然…皮脆肉又嫩, 猪皮炸得卜卜脆, 好甘香, 猪手唔係太大隻, 猪手肉炸後仍保留肉汁, 醃得入味, 鹹香爽口, 又係送酒良物。層層疊煎藕餅香蔥、新鮮半肥瘦五花腩混合蓮藕炸成。藕餅肉汁豐富, 香而不膩, 鹹度適中, 其實味道非常好, 唯……菜名有點誤導成份, 我完全食唔出有蓮藕口感既? 唔通用左蓮藕粉撈肉?魚腐時蔬魚腐好一般, 無乜魚肉口感, 亦無魚味。椒鹽鮮魷大量蒜泥, 香口惹味, 炸漿薄薄一層 , 入口唔太油, 加埋椒鹽, 鹹鹹香香, 好明顯又係佐酒恩物。連啤酒汽水, 埋單不用 $100, 唔計環境, 以食味計, 真係抵到無朋友, 一定再來。

價錢合理，食物質素好，每樣菜色保持水準，三五知已飲下酒的好去處推介豉汁蒸鱔，味道比其他餐廳入味，好有家庭感覺。還有我的最愛-避風塘雞軟骨，再加支冰冷的啤酒真是一流享受

放工後到附近揾食，最後揀左呢間大牌檔。食完係值得上黎俾番個讃！大約6：30到場，時間尚早，所以不用等位。上到二樓，有唔少室外露天座位，侍應帶左我地入冷氣房，環境舒服！夠鑊氣涼拌鮑汁豆腐，好似凍豆腐花，好滑，夏天食最O岩！椒鹽鮮魷拼九肚魚，九肚魚外脆內軟，好香口 ，簡直係皇牌冇得輸！牛仔骨，肉質嫩滑，有少少辣味，好正。雞煲蟹，料夠足，雞肉鮮，湯都好好飲。款式夠多除左大排檔食物，仲有鹵水同泰菜，選擇夠多。今餐試左泰式串燒、椰汁冰、同埋鹵水拼盤，份量適中。上菜速度快侍應有禮貌，又唔洗追單。

同朋友聚舊想坐耐啲就揀左泥食呢間我地叫既都係普通既菜1）煎蠔餅 好一般 略嫌多粉 蠔唔夠新鮮2）西檸雞 唔夠酸 又係太多粉 無咩雞肉3）鵝片 幾好味 雖然薄切 但都有肉汁 下面仲有好多豆腐乾花生4）飛天通菜 唔老但好油 5）豆腐肉鬆煲 辣辣地 有火喉 幾搶口 唔錯整體都係一般 不過服務態度好好 麻煩左佢地唱錢兩次都無不滿 笑容十足環境舒服乾淨 一班人聚會傾耐啲都唔怕

依日另一半要特別返公司做野~等佢通知收工先去食飯~原本以為好快攪掂點知收工再會合..已經8點~問問另一半想食咩..佢話想打冷星期六依個時間..任何一間食店都好多人~唯一多人之中又有位既就係"香車街熟食中心"~所以唔比佢諗..就直接話過去囉因為再諗真係等食宵夜架啦~行左一圈..最終揀左"和記廚房"依間食店除左打冷~仲有小炒及泰菜選擇~食物款式都ok多老闆欽點.."鵝片(例牌)"..下層好多花生&豆腐鵝片好瘦~感覺乾左少少..肉質都有彈性~味道就無特別出色"韭菜豬紅"汁底又係屬普通~唔夠香辣惹味~豬紅份量好足掙扎緊..點"啫啫通菜煲"定"黑椒豬手煲"最終揀左"黑椒豬手煲"~太軟腍+d肉散晒~味道普普通通整體大排檔環境光猛都幾乾淨~服務有禮貌..但食物只屬普通

一行四人誤打誤撞咁嚟左呢間食店食飯環境企理都算乾淨，除左有小菜打冷仲有泰國菜Tim 四個人叫左：椒絲腐乳通菜，話梅豬手，椒鹽九肚魚，燒豬頸肉，魚雲豆腐白菜湯份量啱啱好，四個人剛好食晒最好味的一道菜，好有鑊氣，每條菜都有濃濃的腐乳味但又唔會覺得鹹好失望的一道菜，一D脆的感覺都冇，好＂淋＂咬落下就係一＂劈＂野咁，完全食唔到椒鹽味，調味粉同件食物都唔夾奶白色的湯好似家中煲的魚頭湯咁，一D都唔鯹，幾鮮甜加埋D豆腐，一定好清熱!個豬頸肉份量都算ok多，燒到啱啱好又唔太乾身，食落都幾爽口個汁係無得頂呀，少少酸又少少辣令人好開胃豬手份量比較細，初初以為係冷盤，點知原來係熱食㗎好似食緊淡味的豬腳薑咁，食唔到有咩話梅味，冇咩特別

朋友介紹之下，晚上來到這間大排檔吃晚飯。上去二樓露天位坐，有風扇，環境都唔錯。菜式方面，有中式和泰式，任君選擇。我哋今次主要吃中菜。我哋點了豉椒炒蜆、辣酒花螺、椒鹽魷魚+九肚魚、串燒。。。豉椒炒蜆的蜆肉非常入味，夠豉椒味，又有鑊氣，而且不會每隻蜆的肉都黏住殼，咬不出蜆肉。辣酒花螺，鍋面滿佈辣椒，螺都沉在鍋底，要撈起來才看到。螺肉辣得好惹味，肉質夠鮮唔韌，唔系得個辣字，比較有驚喜，我哋都爭住吃！串燒選了沙爹雞肉串燒，雞肉夠嫩滑，唔會太硬，味道不俗。椒鹽魷魚同椒鹽九肚魚，外層炸得夠鬆脆，唔會乾到硬左一舊，魷魚都幾爽唔韌，我覺得九肚魚好吃點，因為九肚魚入口即溶，配飯吃真的不錯！如果九肚魚大塊點就更好啦～