和順記 (電氣道)

營業中

休息中

之前喺荃灣食過分店嘅炸畀完全沒有問題， 荃灣店好似冇咗， 今日經過天后分店， 見佢未關門 ，試下豉油皇雞髀， 簡直垃圾之王， 是但一間都好過佢， 鹹到一個點， 簡直係用 難食去形容 近期真係未食過咁難食嘅豉油皇雞髀， 仲要賣成52蚊， 下次都唔敢再幫襯

叫咗蕃茄雞扒烏冬外賣速遞，一打開蓋，被一件又乾又斷開嘅雞塊嚇親，之前叫呢間餐廳嘅外賣未試過咁恐怖。以為和順記出名炸雞髀，整件雞扒應該冇大問題，估唔到可以咁恐怖。如果做唔到合格嘅食物，不如唔好接order

Lunch時間去，職員都見到我行入去，佢冇問，我見有位咪自己坐低（有張四人空枱我都冇坐，去四人枱搭枱坐），坐低咗先有人行過嚟話你一位要搭枱喎，我話咪搭咗😑。佢話要去二人枱嗰啲搭，不過算啦，而家唔係太多人，坐住先，多人先過去。咁我問佢有冇menu？ 佢叫我掃QR code就有，咁我睇貼上牆個menu算，睇睇下，都係費事喺度食，起身走人算！！食個飯都咁多規矩，一坐低又依樣又嗰樣，已經冇mood食，以後都唔會再嚟食！！

呢一個嘅慢煮日式醬油豬軟骨飯，連埋凍檸茶要$73，大家可以睇吓相入邊俾咗啲咩我，究竟係唔係真係值$73呢？凍檸茶係幾好飲嘅白飯有一兜豬軟骨有三嚿其實我已經好肚餓，乜咁樣真係會飽咩？個廚師自己肚餓嘅時候食完係咪真係飽先？

和順記絕對係天后區最好食的炸雞髀，即使加價也要支持🫶🏼🫶🏼🫶🏼大大隻炸雞髀，皮脆肉嫩，肉汁Juicy，冇用炸粉和麵包糠都做到香脆，絕對性會吃個不停口👍🏼👍🏼👍🏼。

Lunch 間中都會幫襯和順記，今次試左佢嘅神級雞髀皇煎蛋飯。雞髀大大隻，外皮炸到超級脆。雞髀肉非常嫩滑。白飯用咗珍珠米，食落特別開胃。醬汁方面我揀咗沙嗲汁，非常惹味。雞髀飯嚟講仲有，巴蜀雞髀飯，避風塘雞髀飯，滷水雞髀飯，可以俾你慢慢揀。上菜速度非常快，就算好多人幫襯都好快有枱。之前仲食過佢嘅豬手飯，豬手炆得好腍。而且非常入味。飲品方面，有蝶豆花梳打，有四五款紅豆冰。選擇非常多。雞髀煎蛋飯連凍飲$71 ,價格合理。

塊雞（腿）認真大，一盒飯兩個人吃都夠飽。隻太陽蛋有少少流心，如果流心多d會更好。至於整體味道，一般茶餐廳味道，個人覺得略為鹹左d。而杯檸檬茶最不ok，飲到檸檬苦味。整體而言，除咗舊雞夠大，沒有特別令我想再光顧的地方。

嗰日突然之間有啲想食滷水雞髀，記得哩度有，就嚟食吓！。用 QR code落單，無論係飯定係汁，都有得俾你揀：多啲、少啲、或者「走」⋯⋯『神級炸雞髀皇煎蛋飯』$65『滷水雞髀皇煎蛋飯』$65⋯⋯雞髀真係好大隻，但有人話滷水髀好食過炸雞髀，原因係炸比較多鬆肉粉味；我就覺得滷水髀，可以再juicy啲！。📍 和順記 (電氣道) (天后)天后電氣道39號地舖。大食時間：Oct 2023好味指數：🌕🌕🌕🌑🌑回味指數：🌕🌕🌕🌑🌑舒適指數：🌕🌕🌕🌑🌑

和順記雖然是茶餐廳，但就有不少創新又吸睛的菜式！當中包括神級炸雞髀、豬扒西多士、手打雞肉餅、吉列豬扒三文治等，全部大件夾抵食。最出名的無疑是神級炸雞髀，足足成塊面咁大！巨型雞髀以菠蘿、甘筍、西芹等6至7款蔬菜醃足6小時，果酸會讓雞肉變得更鮮甜。落鑊炸時要保持200度油溫，才能做出外脆內嫩的大雞髀！客人也可配上煎蛋飯一起吃，更滿足。豬膶麵炸燒賣都十分推介，豬膶有咬口唔鞋，湯底都飲埋，炸燒賣超脆，估唔到個辣椒豉油都特別，有花椒油味。

今日約埋朋友一齊係天后搵美食，聽聞和順記雞髀好出名決定試下。✨豬扒奶油西多士（$60）厚厚的西多士配搭奶油十分香口，還有煎豬扒多一種滋味，🥬面頭有一些蔬菜可以解化油膩的感覺。✨雙拼三文治（$37）餐蛋治好大份，一半已經等於其他餐廳既一份😂大滿足✨麻辣雞髀皇煎蛋飯（$67）落單之前以為麻辣味直接和雞髀融為一體，原來是麻辣醬分開上，咁都幾方便呀！可以自己控制辣度，如果發覺麻辣唔啱自己都可以選擇食原味炸雞髀，唔洗擔心過辣食唔到呢個既問題🥵✨神級鹽酥雞髀皇煎蛋飯（$69）鹽酥雞不嬲都正，鹽酥雞髀自然不會差，鹽酥味滿滿呀！味道又不會過鹹very good！✨流沙鹹蛋黃雞髀皇煎蛋飯（$75）鹹蛋黃份量都不少呀，雞髀表皮有一大Pat鹹蛋黃醬🤩同行朋友不想吃飯，把飯換做薯條同樣美味。✨滷水雞髀皇（$47）睇雞髀顏色都知道滷水味十足，滷到入曬味，雞髀肉醃到好鬆軟，肉質一流。✨炸米粉春卷（4個$30）出色既一道小食，炸到好脆，好好味😋✨炸豬肉燒賣（6粒$15）價錢便宜，抵食之選，還可以點麻辣醬食。✨避風塘魷魚鬚（$58）魷魚鬚炸過加上避風塘口味好過癮，仲有蝦片墊底。✨芒果梳打（$30）賣相好靚，有檸檬片擺

見呢排咁多人，拎住隻雞髀打卡引到我都想試吓🤣🤣環境乾淨 牆上面有好多比你打卡嘅相鹹蛋黃炸髀好有騖喜 食過荃灣真和順記都唔夠呢個好食面頭既鹹蛋黃 好癲大雞髀 size 肉質嫩滑juicy無雪味，咬落有肉汁，果然係生炸煎蛋半熟，可以蛋汁撈飯西多士同豬扒異常地夾中間仲有流心蛋漿流出嚟添，好鬼正 呢餐真係超邪惡連嘢飲都好靚打卡一流我哋仲叫做炸魷魚鬚 炸得超香 食唔停口有啲蝦片喺底同埋叫左麻辣燒賣 佢哋ge麻辣醬係秘製嘅好入味春卷仔都唔錯

🌳滷水雞髀皇$55滷水雞髀皇係餐廳嘅招牌菜，份量非常誇張，好似大過我塊面😂肉質鮮嫩，滷水入味，估唔到天后有隱世雞髀店🍗食完已經好掛住隻巨髀🤤🌳雙拼三文治$38選咗餐蛋治🥪餐肉相當厚身，三文治口感鬆軟，表面有微微烘過嘅痕跡，都幾大份吓🌳炸豬肉燒賣麻辣汁$15燒賣炸得好酥脆，搭特製麻辣汁一齊食，好味到聽唔到口🌳樽仔奶茶$28奶茶口感滑順、茶香濃郁👍🏻可以考慮吓推出市面🌳蝶豆花荔枝梳打$30梳打味道清新，加入蝶豆花令飲品變成紫色，打卡好好睇😍🦥和順記 (電氣道) (天后)天后電氣道39號地鋪

\ 是日靚茶 /今日下午去探住喺天后嘅朋友👭佢就介紹咗呢間近期人氣爆燈嘅💗天后和順記。價錢得宜之餘，仲驚喜滿滿，一定再encore!🐣神級炸雞髀皇（淨髀）一上枱，哇～大過塊面，以為玩緊巨大化🤣一咬極厚，啖啖都係肉，嫩滑濕潤，肉汁豐富好juicy😝炸粉份量恰到好處，唔會太厚，雞皮脆卜卜。真·皮脆肉嫩！一路食聞到熱辣辣油香味，但食落完全唔油膩。🤣#炸雞髀關注組🐷炸豬肉燒賣配麻辣汁（6粒）炸得好脆，麵粉感唔會太重，特製麻辣汁好惹味。#燒賣關注組🥩瑞士汁西冷牛扒煎蛋配沙律菜 (可配飯)多重風味，可配瑞士汁/咖喱汁/沙嗲汁/黑椒汁。老闆設計好細心，因為好多女仔驚肥，唔想食太多飯，可以轉沙律菜，就唔洗食咁多carbs😌西冷牛扒肉身厚度剛好，香濃嫩滑，柔軟多汁。冇一大舊脂肪或者筋，口感滿分。配上特製瑞士汁，味道升級。🐷薑汁豬膶米粉呢碗係朋友揀嘅，試咗幾啖，勁好味，好有眼光呀😚豬膶新鮮好爽口，0騷味，大推呀❤️米粉軟度岩岩好，質地柔韌，富有彈性。🌸蝶豆花芒果梳打顏色超夢幻，好吸like🥰有外表仲有內涵～花調清新，芒果帶微微酸甜，加埋梳打水涼透心❤️好岩夾埋炸雞髀同時享用，中和返味道唔會太heavy😍

快樂高質茶餐|和順記 (天后) 上次晴美同一大班foodie識食之人來到天后的和順記食下午茶野食好食!人好傾得! 👍🏻鹵水雞髀皇霎眼一看,超巨大，甚至大過晴美的餅面🤣🤣真心抵贊係鹵水好入味,肉質嫩滑，一點都唔hea。外賣左一隻,回家後再翻熱,風味依然~ 👍🏻蔥炒豬扒食肉獸絕對不可錯過！炒蒜干同蔥令到豬扒十分香口,而且份量不少(店家也太實在了吧~) 👍椒鹽炒魷又當場秒清空,雖然不過不失,但有誰可以拒絕椒鹽炒魷的愛? 👍蝶豆花菠蘿冰🤣🤣漸層超美~超適合打卡~菠蘿的酸甜也很解渴唷~ 感興趣的友友們可以抄進美食地圖裡喔~和順記 (電氣道)天后電氣道39號地舖港鐵天后站 A2 出口, 步行約1分鐘

突然很想吃炸雞髀，就趁著平日中午來收藏很久的和順記朝聖！店內裝修很適合打卡呀！這個招牌牆好正！下午茶菜單好抵食！服務也很親切。上菜速度很快，一下子就滿滿一桌。神級炸雞髀皇（淨髀)誘人的金黃色外皮，一口咬下酥脆的口感，肉質軟嫩多汁，超推薦！而且真的超級大！比手掌還大呀！凍奶茶冰冰涼涼的，茶味和奶味均衡，配炸雞髀好享受！避風塘魷魚鬚經典避風塘味，香氣十足，上桌熱辣辣，好惹味。特色豬扒奶油西多士 香煎豬扒好多汁，口感軟嫩，上面的生菜加上煉奶是很特別的口味。豬扒和西多士中間還有一層芝士，也太足料！西多士香甜綿密，和豬扒一起吃或是分開吃都很不錯，口味更多層次。這間茶餐廳口味都不錯，價錢也合理，不過我覺得份量好大呀，下次要約多一點朋友一起試其他菜色！