和順記 (西九龍中心)

營業中

休息中

周日叫左外賣做下午茶 之前食過炸髀同西多真係好正 份量多同味道又出色 今次就想試下其他野🫰🏻叫左個豬扒撈丁$71 加左兩個小食 細薯格$25 同沙津菜$25 全單八折豬扒撈丁不過不失 麵既份量少但味道搭救 略嫌太多辣油細薯格一打開真係嚇親我 個樣明顯overcook 一咬落去硬過我條命🥲咁樣25蚊仲要得幾塊 樓下kfc個薯格仲靚仔過佢 咁都出到街真係…個沙津菜好似係得一種菜咁 再落幾滴醬汁咁就25 差過我係超市買黎自己整 唔敢再試小食🥲個樣唔似有心做 而且味道都唔掂 今次真係買個教訓 下次都係乖乖食番炸髀唔試其他野了🫠

今天要向大家介紹的是位於深水埗的和順記，這裡的美食真是讓人驚艷！不僅食物質素高，味道更是一級棒。進入food court的瞬間，就能聞到飄散在空氣中的香氣，讓人一下子就食指大動。首先介紹的是他們家的招牌菜，避風塘魷魚酥太陽蛋飯，只需$48元，這道菜真是讓人驚艷！太陽蛋鮮嫩可口，再加上外層酥脆的魷魚，真是一大享受。此外，他們還有首創的避風塘煎豬扒蛋飯，只需$49元，煎豬扒口感嫩滑，再加上蛋香，真是美味到讓人無法停止。除了主食之外，他們的小菜也非常值得一試。鹽酥杏鮑菇，只需$22元，外層酥脆，內裡卻鮮嫩多汁，是一道非常開胃的小菜。酥香雞軟骨，只需$25元，口感酥脆，肉汁十足，是一道絕對不能錯過的美食。最後，他們還有送飲品，讓人可以在享受美食的同時，喝到清涼解渴的飲品，真是貼心周到。總的來說，和順記真是一家值得大家前來，食物質素高，價格實惠，絕對是美食愛好者的天堂。和順記 (西九龍中心) (深水埗)深水埗欽州街37K號西九龍中心6樓6FC06號舖#和順記 #避風塘魷魚酥太陽蛋飯 #避風塘煎豬扒蛋飯 #鹽酥杏鮑菇 #酥香雞軟骨 #深水埗美食 #香港美食 #foodie #yum #delici

今日同女朋友黎到西九龍中心經過見到呢間店舖賣炸雞髀好吸引就決定試下餐牌有好多選擇，主打神級炸髀神級炸雞髀+薯條呢份係經典既下午茶組合雞髀份量驚人，足足有塊面咁大咬落肉質更有驚喜，好嫩滑同酥脆既外皮形成強烈既對比完美做到外脆內軟既口感仲保留到大量肉汁，好juicy證明係即叫即炸先可以做到絕對稱得上為神級流沙咸蛋黃炸雞髀撈丁炸雞髀上佈滿咸蛋黃，非常之香食落咸度剛好，吊出雞肉既鮮味同原味各有千秋，如果中意重口味既朋友就唔好錯過再配上撈丁，非常滿足黃金鹽酥花枝丸花枝丸好彈牙，食到濃濃花枝味加上鹽酥過外脆內軟口感好好😋

今晚放工就嚟咗係西九龍中心開咗分店嘅和順記食炸雞脾～🔸生炸雞脾皇（$43）呢間最出名就係食生炸雞脾，炸雞脾大過我塊面既，食完包你滿足🤭 雞皮炸到好乾身，脆卜卜，但係入面既雞肉又好嫩滑，不愧為招牌！😍🔸芥末牛柳配黑松露炒蛋飯（$52）牛柳肉質好淋，配上芥末汁又幾得意，黑松露炒蛋都好香，想食下牛既揀呢個就啱哂～🔸香煎豬扒撈公仔麵（$49）豬扒煎得好香口，撈公仔麵配搭招牌沙嗲汁，非常惹味，仲有隻太陽蛋，非常邪惡～

原來而家西九龍中心6樓都有個foodcurt仔 見到呢間和順記keep住有好多外賣員等攞餐 咁即係佢嘅食物有一定嘅水準啦 我同媽咪又唔趕時間 所以都唔介意一路行住格仔舖一路等 本身諗住坐喺度即食 但太多人坐喺度未走我哋唯有外賣 生炸雞髀皇煎蛋飯(沙嗲汁) $53返到屋企打開見到隻雞髀出嚟真係嘩咗一聲 好大隻好聚手🤩 係我食過咁多隻雞髀裏面最大嘅一隻😆唔單止個樣得 內在都得 雞肉好嫩滑多汁 塊雞皮勁脆 鍾意佢嘅調味唔會太鹹另外推介大家揀沙嗲汁 個汁有少少好輕微嘅辣 揀嘅時候老闆娘都有提我地有少少辣 好貼心食落又有少少甜甜地 好惹味 呢個雞髀飯絕對會encore❤️芥末牛柳配黑松露煎蛋撈丁$52媽咪鍾意食牛揀咗牛柳俾佢 一打開黑松露嘅香即刻湧出嚟 牛柳嘅份量相對冇咁多 食落好有牛味而且幾好咬口 入邊有個甜甜地嘅豉油可以撈丁 呢個賣相冇雞髀飯咁豐富 但食材一樣有質素如果好似我媽咪咁唔係點食雞既都可以一試👍🏻

今日同朋友去了深水埗買電腦，之後就去了西九龍中心食tea，原來6/F都有個小foodcourt，朋友想食炸髀，就揀了這間出名食炸髀的和順記。下午茶都是三十幾蚊起，十分抵食，而且份量十足，還送熱飲。生炸雞髀及薯條炸髀即叫即做，超級大隻，炸至金黃香脆，咬開肉質嫩滑juicy，還有我至愛的炸粗薯。秘製麻辣雞扒撈丁撈丁十分爽口，有淡淡的麻辣香味，但又不算辣，十分惹味，雞扒煎至皮脆肉嫩。兄弟醬炆豬手飯豬手有三大件，炆至入口溶化，皮彈筋滑，而且十分入味，還有隻靚靚太陽蛋。特色豬扒包豬扒包烘至鬆脆，豬扒肉嫩腍，有些生菜及千島醬。黃金脆香雞翼&鹽酥花枝丸雞翼表面炸漿很薄又脆，雞翼juicy，花枝丸彈牙。

和順記已經食過好多次,之前成日去天后嗰間轉咗手價錢太貴質素又差咗，所以已經冇去. 最近原來西九龍有一間開咗，即管試吓. 先講價錢好合理，味道跟我最初食和順記的一樣！老闆好禮貌，睇得出老闆好用心機做…..唔似其餘兩間以為有生意有支持又加價又hea做！唔開名邊兩間食開和順記啲人應該知. 雖然西九龍呢間唔似其他咁多嘢食，但講真去得和順記主要都係食雞髀所以影響不大. 本來已經放棄和順記食嘢的我，好彩遇到呢間外賣小店. 😋

Let's eat again today. I have eaten their high-level fried spleen before. Today, I try to eat sirloin steak rice. The standard is really surprised me. I also ordered the fries, which is amazingly excellent. Plus the cc lemon together, which is really satisfied me. In addition to the quality of the food is guaranteed, the ingredients and cooking methods are relatively healthy. The chef can master the texture of the steak and it is really soft when I ate it.  The egg is a good mix with the steak a

同個女行到餓餓地就去美食廣場食晏見到開左和順記，最鍾意佢地個皇牌炸髀生炸雞髀王配薯菜嘩..隻雞髀大過塊面，出晒名既和順記，果然無令我失望⋯⋯大大隻雞髀外脆，執皮咬落去脆卜卜，大人細路都岩食，入面好鮮嫰多汁…煮得岩岩好，調味又正！仲有大大份即叫即炸既大薯條，食到好滿足😍加埋佢小小沙律菜都叫咁熱氣😆再叫支烏龍茶飲下，飯都唔駛食夠晒飽雞扒蛋撈讚岐烏冬首先肯定係讚岐烏冬，好好食！配上半生熟太陽蛋，撈小小蛋汁落烏冬，大啖大啖食雞扒大大塊又夠厚，皮脆內軟。同佢講小朋友食仲幫手剪開…好有心💕另下仲配有大量椰菜，食肉獸都唔駛怕

超級雞髀皇三點三下午茶會諗住食啲乜? 茶餐廳嘅炸雞髀薯條😋 星期日悠悠閒閒, 周圍行下街, 食下嘢, 就係最佳嘅選擇! 仲要撞啱地鐵故障, 留喺深水埗周圍逛, 就諗起去西九龍中心嘅 " 和順記" 食生炸雞髀皇!🍗" 雞髀打人牙骹軟" , 雞髀永遠都係香港文化美食之一 , 由街鋪仔, 去到茶餐廳食野, 一定會見到炸雞脾配薯條。生炸雞髀皇配薯菜 - $60攞到上枱見到都 "嘩, 嘩" 聲嘅超級大雞髀🍗, 真係即叫即炸, 份量十足, 足足有成塊面咁大, 炸到金黃香脆, 皮脆肉嫩, 非常之juicy! 配埋新鮮香脆嘅薯條🍟同沙律菜🥗, 飽到頂到心口呀! 😂生炸雞髀皇(鹽酥)配太陽蛋撈麵🍝 - $54 + $2沙嗲汁呢個生炸雞髀撈麵, 我哋轉咗做鹽酥雞脾, 個皮炸得更加香脆, 陣陣鹽酥雞味道, 皮脆肉嫩, 配埋沙嗲汁撈麵, 沙爹汁有少少香辣, 味道唔錯, 仲有隻煎得啱啱好嘅太陽蛋, 食落好惹味呀!鹽酥花之枝丸 -$18/4粒花枝丸用鹽酥炸粉一齊炸, 食到香脆彈牙! 估唔到咁好食😋所有飯麵仲可以配熱飲, +$3配凍飲, 又或者+ $5要罐裝汽水, +$8配特飲。舖名: 和順記 (深水埗西九龍中心

今天在西九龍中心逛街六楼美食廣場新開了一間分店(和順記)要坐言起行回憶超大隻熱騰騰香噴噴炸雞脾🍗,以前在油麻地吃過超大隻炸雞脾，想拾回昔日的味覺🥰🥰🌟炸雞脾+薯條~雞脾大大隻香噴噴，皮薄肉嫩，雞皮炸得卜卜脆好鬆化，肉質鮮嫩肉滑好juicy 😋而且好入味🌟芥末汁牛柳配黑松露炒蛋飯~牛柳鬆化嫩滑，濃烈黑松露炒蛋香氣滿溢，再添上芥末汁佐飯,味道一流👍👍🌟避風塘豬扒~愛好濃味蒜味的人士一定喜歡，這是非一般碟頭飯🌟藥膳豬潤淮山麵~豬潤粉嫩爽口，沒有腥臊味，配上濃郁藥膳湯底+明目杞子，感覺暖胃醒神“正”

同朋友去深水埗買嘢，朋友話西九龍中心新開咗一個好岀名食炸雞髀，佢之前係油麻地食過，話好好味，一定要帶我去試試。我地叫咗2隻雞髀，一隻係生炸雞髀皇，另一隻係鹽酥雞髀皇同一個秘製豬扒撈丁share食。~~雞髀皇唔係講笑，真係真係真係好大隻，大過我隻手。雞髀即叫即炸，雞皮食落好脆卜卜，d雞肉十分嫩滑，好多汁。雖然係炸，但食落一d都唔油。跟餐仲有薯條，薯條份量都好大，都係炸得好脆。~~ 秘製豬扒撈丁豬扒好香好嫩滑，撈丁都好好味，本身已經落咗醬汁，好夠味。另外，會俾埋辣椒油，加埋係更加好味，少少辣，好過癮。

相信各位鍾意食雞髀的朋友，必定聽過和順記， 和順記在港九新界都有分店，主打特大雞髀，而今次和順記喺西九龍中心開業 ，就讓🌶📝試試水準！-___________🏖餐廳環境🏖___________ 由於店舖在西九龍中心的food court內，所以對於餐廳環境沒有太大的評語，大大個招牌寫著《和順記》而正中央的布簾是一隻超大雞髀圖案，非常吸睛。- _____________🍽食物🍽_____________生炸雞髀皇煎蛋飯 $51推介指數 ■■■■■🌶📝應該吃了這個飯不下十次(在其他分店)，所以對於它應該要有的質素很了解。雞髀一樣大隻， 絕對是新鮮炸好，非常熱辣辣，而且能做到外脆內爆汁，一點也不馬虎。太陽蛋配上傳統豉油汁飯， 每一粒飯都包裹著蛋和豉油的香味，簡直令人回味無窮，飯下還有些椰菜墊底，營養均衡。雞肶飯的大小亦絕對足夠男仕吃飽。- _________🌶辣椒紙總結📝__________整體：🌶🌶🌶🌶環境：🌶🌶🌶員工：🌶🌶🌶 食物：🌶🌶🌶🌶🌶(滿分為五隻🌶) - 總括來說，這間和順記的質素與其他分店相約 ，而且就算外帶到辦公室才享用，味道及新鮮度一樣不會受影響， 唯一要挑剔是，就算已經提

今天有空到西九龍中心逛逛，閒逛六樓見到一間新開冇耐的和順記雞髀皇，剛好肚餓點了避風塘豬扒飯，點解唔係食皇牌雞脾？因為習慣先試其他，但都冇失望，豬扒入口鬆軟，一啲都唔韌，避風塘調味料用來撈飯，一個字，正