咖啡弄 (已結業)

星期日tea 叫左兩杯嘢飲一份窩夫 ，嘢飲到左但嘢食好耐都未到，等都等到冇哂心情，仲要三催四請先check清楚個order，最後緊係漏單啦，仲一句道歉都冇，認真失望，以後都唔會去。味道方面，嘢飲好一般，至於嘢食係難食，明顯見到雪糕溶哂，佢地係漏左單，個窩夫係幾舊麵粉....omg真係未食過咁難食既窩夫，相都冇影，得嘢飲，參考下囉大家。**建議唔好試都唔好再食

台灣過江龍咖啡弄剛來香港開業時排隊情況實在太誇張，小妹當然等熱潮過後才來朝聖😂訂位服務推行後節省了排隊時間，所以每次來之前我都一定會訂座~某天晚上又來同朋友吃，每次黎必點我最愛總匯三文治，餡料滿滿的，有雞扒，蛋，火腿，生菜蕃茄青瓜，麵包鬆軟 包著餡料一齊吃好美味，除左包包好食，旁邊伴碟既蛋沙律同墨西哥玉米片都係我最愛😋另外一款推薦食物，冇影相，就係玉米里肌起司可頌，其實即係芝士火腿牛角包，份量十足，牛角包酥脆，如果食物溫度熱d更好

食物還可以，唯服務實在是太差勁。請求解釋最低消費時，女服務員－面不耐煩。還說進門時不是有人已告知嗎？但她們知道說話聲往往被其他食客蓋過？而且她們說得甚快，實在叫人摸不著頭。然後，問她相關條款時，她指尖一伸，說餐牌有寫，然後别過面。此外，比鄰桌早叫的食物，但卻比人遲到，還是同款食物呢！後加單的都上菜了，先點的仍未來。最後，原來只收現金！為什麼沒有在進門或訂枱時提及？在尖沙咀區，真是始料不及！以後也不會再來。

I came here for a Christmas tea — and was very satisfied with my meal. The environment was very chill and laid-back, and the style expressed was very unique. The seating arrangements were quite cozy and relaxed, but there were quite a lot of other customers who wanted to enjoy this delicacy (unsurprisingly). The food set up is absolutely astonishing, and look great on Instagram photos. Great place to come for a quick chill out or relaxation.

因為要清假所以今日就俾自己舒服番一下, 去做完個massage後就去食個tea. 之前都黎過咖啡弄不過個時排隊排到傻, 今日既然唔洗排就去幫襯一下啦. 去到都一樣我都係好難分到邊個係店員邊個係客, 因為佢地都係casual wear. 安排左我坐位後, 我沒有即刻叫餐因為我真係想試下慢活, 而且呢間餐廳既tone & manner都令到我好舒服.我叫左個蝦沙拉吐司伴馬鈴薯同埋一杯岩鹽焦糖咖啡. 個吐司真係好靚, 好多隻唔細細既蝦仔mix埋沙律醬,放在一塊toast 既上面再混合左黑椒同蔥.食落去真係停唔到口... 一件係有Ｄ唔夠喉既! 旁邊既薯仔粒就有點失色, 因為唔係熱烘烘的係微溫only.杯岩鹽焦糖咖啡只係個presentation 已經足夠我開心, 隻杯又靚仲要有聖誕樹嫁幾唔捨得飲都要KO佢. 店員好好叫我先咬一口cream下面既nuts 再食一啖cream先再飲個杯coffee 同你就咁飲好唔同嫁. 我試左佢既方法再就咁飲. 真係好唔同呀! 不過店員既方法只可以試一兩口嫁咋, 因為好肥嫁

又一間bookmark左好耐既cafe抱住好期待既心情去，所以食完都幾失望，服務態度麻麻，個侍應好大聲一路講粗口俾我聽到😂croisant都幾大個，食完會幾飽，味道還可以，玫瑰歐蕾好重玫瑰味，個歐蕾(即係奶茶)正正常常啦，唔會專登再去第二次😂佢主打應該係甜品，menu 相都好吸引，不過食完正餐已經飽到冇胃口食甜品😂

雖然係台灣cafe，但次次去台灣都無食，反而喺香港就食過幾次。因為太耐無食窩夫口痕既關係，放假當然拉埋男朋友去食去到大約五點零鐘，門口己經排左七、八個人，喺門口等左半個鐘終於可以入座。記得初初食果時都有啲台妹店員，依家變哂香港藉我地一共點左四樣野：- 現烤燻雞吐司披薩 $54- 鹽味焦糖冰淇淋鬆餅 $58- 茉香蜜桃冰茶 $46- 冰抹茶歐蕾 $44現烤燻雞吐司披薩 $54每一次黎都要嗌，因為真係好好食如名所見，PIZZA底係烘到香脆既多士，面頭舖左烤雞、芝士同蕃茄，烤雞好嫩滑，經烤焗後一啲都唔乾，混合左融化既芝士同JUICY既蕃茄汁，口感既清新又濕潤，正旁邊既雞蛋沙津都好好食，唔會太濕，加埋千島醬好惹味。鹽味焦糖冰淇淋鬆餅 $58比起出面果啲呢個好抵食，四塊厚實既窩夫，每塊都有手掌咁大，結實，唔會「軟奶奶」，但外層硬左啲，應該整既時間耐左，呢點扣分雪糕幾好食，入口好滑，食落滿滿既奶香同牛油味，溝埋窩夫一齊食好夾。反而用黎點既cream質感太rich同甜膩，唔夠輕盈，鹽味焦糖醬好杰身，同窩夫唔太夾。建議嗌窩夫既話揀其他口味。茉香蜜桃冰茶 $46飲唔出茉香，但冰茶就好清涼，入口有種薄荷既

話說自己開始減肥, 所以每餐都唔想食得太heavy, 同老公, 囝囝行完街後, 就上左去食飯. 叫既食物都唔算太多, 但都食唔晒!今晚點左一個咖喱牛腩飯, 芒果雪糕鬆餅, 洋金菊荔香茶.我地都發現牛腩飯既飯量, 多左好多. 仲記得以前食既時候, 咖喱汁太好味, 可惜白飯太少. 今次黎食, 就覺得好多飯左, 可以撈晒D咖喱汁食! 味道依然保持水準, 好夠辛辣味道 , 牛腩都炆得好夠腍. 我地又食到清晒碟!可能因為細食左, 所以覺得四件鬆餅有點兒多~~ 不過我地都好努力食. 因為鬆餅焗得好外脆內軟, 而且好厚實飽肚, 用黎蘸酸酸甜甜既芒果漿黎食份外覺得清新, 側面仲有不同生果食, 更覺健康.洋金菊茶味好清淡得黎又不失菊花香, 食完濃味食物飲一口, 可以解解口味.  不要看少呢個銀壺, 倒極都仲有得飲! 

打算簡簡單單食下窩夫食下三文治就一餐滿足下個肚就黎左呢到。呢到主要三文治， 窩夫，飲下咖啡；果茶；花茶等等。到了店，職員都會說限時1.5小時，最底消費一杯飲品。芥末培根起士三文治（$58）紅豆抹茶冰淇淋鬆餅（$54）熱柚桔茶（$54）午餐食下甜品好滿足😊

呢間野以前都想試，但成日夜晚行過開都見到人龍，排足成條街咁長，真係等到花兒也謝了都未有得開餐。但朋友話而家唔使再排長龍都可以食到，所以黎會一會佢。果不期然，黃金晚飯時間真係未見長人龍出現，等左只係10分鐘就可以入座，座位都OK舒適。兩個女仔黎得台式CAFÉ食野，想當然係點佢既王牌之選，三文治同埋窩夫，(註:該店規定每人限必點各一杯飲品)，唔太記得個有限制用餐時間，好似係1小時15分鐘。呢個士多啤梨窩夫，暖暖地配合個雪糕食係最正，個窩夫好鬆化，外層脆口內裡很綿。即使到後期個窩夫唔再暖，齋點配個CREAM食都係好有O趙口感覺，唔好睇一碟得4件好似份量好少，每人食兩件都已到頂，超越性價者之選。個培根三文治咪道不錯, 味道很搭調， 口感層次豐富，因為嚐愛多醬，所以落單時有要求要多醬汁,更見好味，使到三文治唔乾身。唔太記得係咩名，呢個好似係oreo沙冰, d沙冰好綿配上微朱古力碎也不會感到濟或偏甜, 都ok的呢杯咖啡不得了, 因為係愛cream人士, 所以要求爆cream,店員真係有聽到我所求, 比到爆cream既量，咖啡唔澀, 非常好飲品系列選擇淋瑯滿目，下回再試下其他飲品。終於試到，感覺良好

其實佢唔係唔好味或者係價錢貴 而係佢之前實在要排太耐隊仲要係街排所以令人卻步 最近聽到朋友講而家唔駛排好耐 所以就決定再去去到樓下發現以前長長既人龍的確係冇左 上到去只係等左10分鐘就有位啦 墨爾本龍蝦堡 - 龍蝦肉既份量好澎湃 每一啖咬落去都有龍蝦肉 佢鮮嫩既肉質同沙律醬撈埋提升左個鮮味 個包本身有少少甜甜地 再加上佢烘左個表面 令到佢脆脆地 同龍蝦肉既質感成對比 其實最重要既係呢個注明係數量有限 所以點都要試下啦 果然冇令我失望呀肉米里肌起士可頌 - 鬆軟溫暖既牛角包夾住半溶既芝士 已經令人流晒口水 芝士面有粟米粒及煙肉粒 底下仲要有生菜及火腿 材料十足 一定要試呀可能真係有一段時間冇黎啦 原來佢而家加左幾款粉麵 檳城海鮮叻沙冬粉 - 本來呢個係我男友叫既 不過我被佢既香味吸引左 即刻搶左黎食左先 通常食呢d粉麵我慣左飲左個湯底先 因為個湯好飲既話個麵都唔會太差 呢個湯個味好濃 係我鐘意既喇沙個種味 坦白講佢冬粉既粉量唔算好多 但係佢既餸就好多 其實芫茜下面係有半隻糖心蛋 而相中既魷魚只係得半隻 另外仲有半邊係浸左入個湯入面 魷魚除左大舊之外仲要係彈牙爽口 冬粉亦好煙韌 果然係有驚

咖啡弄超級出名，還要排隊排很久，所以次次都無機會去食！收工，同同事在附近經過，見到難得人流少左，就撞下運氣，上去睇下多唔多人！出奇地等幾個字，就可以入去！我們點左個BBQ豬扒三文治，豬扒夠晒厚，啖啖肉，BBQ醬汁好夠味玉米里肌起士可頌，好好味，牛角包加半溶芝士加上煙肉粒，芝士味好濃郁，新鮮蕃茄，還有另上一小碗粟米，沙律菜芥末芝士培根三明治，用料十足，有煙肉，新鮮蕃茄，芝士配埋個芥末更一流！雜果冰淇淋鬆餅，厚厚既鬆餅，配上雜果，雪糕！但就有點硬身！如果可以鬆軟D,會更吸引！

收工同同事去尖沙咀行街(係，我真係好鐘意去尖沙咀行街😂）。行左陣就話不如去食咖啡弄，因為好耐無食但又好掛住啲甜品同主食☺️特別推介小龍蝦多士同士多啤梨窩夫！大愛啊！❤️❤️❤️食完又好想編下行程去返轉台灣添😋😋😋

以前排隊排好多人，依家無咁多人排隊，終於輪到我去試下係門口等左一陣，大約15分鐘就可以入去啦～～「吞拿魚巧巴達」好好食，不過佢有少少辣，食唔到辣嘅朋友，可以揀其他款式。「鹽酥雞」超好食～～不過有d貴，下次要飛過台灣食到飽終於食到有實在口感嘅鬆餅，而且lee度紅豆 好好味不過柚桔茶一般，而且好貴，唔值！最後提提大家，lee度只接受現金

週一公眾假期去到食咖啡弄；人數比以前少了超級多；排隊大概10分鐘左右就可以入座。等位既時候有個講普通話既員工係咁向廚房同餐廳內其他員工大叫溝通...其實佢地明明可以用對講機，點解要大叫。我地叫jor一個咖喱吞拿魚包；一個抹茶紅豆waffle餅；仲有一份鹹酥雞；而飲品就叫jor熱柚柑茶；仲有抹茶紅豆歐蕾。食物唔錯～幾好味～個吞拿魚包帶有小小辣味，好食鹹酥雞都好好味，有檸檬配所以唔會太油膩。而個waffle我自己覺得好好食啊！但係整體價錢偏貴，尤其係飲品，平均一杯都要40-50蚊，同食物既價錢幾乎差唔多，有啲傻眼。小食例如鹹酥雞細細一份都要50幾蚊！整體價錢貴！不過食物的確唔錯～佢係cash only，所以大家記得禁定錢。