品川日本料理 (已結業)

放題食得多，不過呢間放題面海落地大玻璃，景觀非常開陽啊！坐落喺荃灣嘅新商場海之戀商場入邊！景色一流！佢個名都係介紹為海景放題😂😂實至名歸！商場入邊有好多店舖都未開😅所以人流唔算多，不過如果要來食嘅話book位比較穩陣！食方面應有盡有仲有海膽軍艦壽司，刺身新鮮好味！有赤貝，北寄貝，劍魚腩，甜蝦，三文魚，帶子等👍👍不過難得佢有蒸蛋食，有興趣可以試吓！酒方面有梅酒，清酒，啤酒都好似有！如果鍾意飲酒嘅超級抵呢個餐廳嘅景觀真係一流👍👍

今日要OT，唯有揀9:15個Round ~🌝🌚🌝入到去，侍應安排左海景位，對住個景食係真係特別有Feel!刺身普通款基本上都有齊，帆立貝、油甘魚、劍魚楠、象拔蚌等。好夠冰涷，上菜速度超快，確保食入口係最鮮美！壽司全部好迷你。吾洗驚食到飽曬，食吾到其他野~我第一round 基本上全部都點左1件，第一round 全部清曬！份量剛好✌🏻Encore推介:海膽軍艦誠意推介，海膽好鮮甜！👍🏻軟殼蟹手卷都不錯👍🏻外脆內軟~芝士年糕岩曬芝士控。口感煙韌，裏面有少少拉絲~菠蘿串超多汁！切埋個芯，超細心。🍍鹽🧂燒海蝦+雞軟骨 我各encore 左1打😎黃金芝士燒帆立貝 💕有少少沙律醬，加一層炙芝士溶入帆立貝之中，必食🤪最後甜品，每人仲有一杯Haagendaz 要讚下啲服務態度。由於我食尾圍，10:15仲encore咗一輪，估吾到比足我地，冇漏過單。

今日同朋友去左呢間新假期伏周刊介紹, 呢間野係非一般難食，仲非一般的貴。原本對放題都冇咩期望，都係食果D野啦。但呢間要 $288未加一 @位 ，質素係差過MK兆萬上樓百幾蚊果D。食物差，種類少，最恐佈係飲品原本有茶的，但比人拎哂之後係冇REFILL，我都真係第一次見。其中話有海膽壽司，但5件佢有一件冇內容。見到咁，真心嬲左。芝麻雞翼～差。羊X～冇。天婦羅～硬加粉。壽司～可有可無。刺身～亂比一通。串燒～隔夜燒定。烏冬～怪味。手卷～紫菜霖到韌。甜品～有等於無。

今日老公生日，我地去食他最愛嘅日式放題。 地點位於荃灣西鐵站上蓋海之戀商場，非常方便。環境優雅舒適，對住個海景， 令人心情放鬆。地方非常大，座位寬敞， 可能時間尚早嘅關係，所以人唔洗等位， 實在太好了。 而家都係用手機落單代替用紙張， 方便之餘仲好環保。三文魚刺身非常厚切，冰凍鮮甜， 魚油香和肥美，口感一流。甜蝦腐皮卷， 樣貌吸引， 壽司大小適中 ，甜蝦鮮甜， 再配細片青瓜和少許海膽，非常滋味。 黑松露生蝦壽司， 生蝦爽甜，大到遮蓋全件壽司飯， 再配少許黑松露，感覺高檔和惹味。比目魚煎得非常香口而且帶點金黃色，外脆內滑，醃得好惹味，好有驚喜，食完唔夠要再encore!鰻魚壽司又幾過穩，配上一片梳打餅，感覺新穎呀！隨意再點了好幾款壽司， 呢度特別地罕有有海膽壽司和魚籽壽司，這些壽司相對都是貴價d呀，竟然可以任食又不錯喎。天婦羅即叫即整，新鮮滾熱辣，香脆粉薄，火喉剛剛好，唔會太乾太濃。甜品飲品雪糕任君選擇， 雖然款式唔算多，但都已經好足夠，基本上都食唔晒。

。book左枱，門口等好耐安排唔到枱入座。侍應一野放低碟炸雞翼，成隻雞翼飛跌落地，就走左去算。串燒不凍不熱。俾左個生日蛋糕侍應，懷疑冇放入雪櫃，成個蛋糕出哂水。最後，本人半夜就腸胃炎，又屙又嘔.......

海之戀商場有好多睇到海景嘅餐廳,今日晏晝就去食日本放題🍢🍣🍮🦐🐚🐟餐廳幾大，坐位非常闊落，坐得好舒服👍 坐咗個對住海景嘅卡位😚食物屬一般街坊式放題， 但也有驚喜位😆首先座位坐得舒服，非一般闊落，可以伸到腳果隻， 坐得輕鬆兩粒鐘👍刺身新鮮冇乜雪味，尤其吞拿魚食落冇揸，值得一讚，刺身可以食番幾轉回本👍串燒、天婦羅屬一般正常口味，燒魚做得幾好， 多款壽司出乎意料嘅對味😋最愛有機燒菠蘿，完全焦糖化好甜多汁🤤雖然價錢有些少貴，但可以對住海景休休閒閒hea住食，好舒服呀😚

朋友好鐘意食魚生，所以同佢食親飯都大多數係放題，佢今日約左我去荃灣海之戀商場內食放題，坐低後，店員教我地以二維碼落單叫食物，這任務當然交比熟悉的朋友啦，我見到餐廳有一角係自助Bar，比人任拎飲品、小食、沙律及甜品，我一於出去揀下飲品、小食先。估唔到見到有清酒同梅酒，於是拎左一瓶同朋友對飲下，返到去見到滿枱都係食物，忍唔住即刻起動，魚生片切得好厚身，塊塊都好肥美，加上哩度款式都算好齊好豐富，我最鐘意食既北寄貝爽口彈牙，哩度仲有埋象拔蚌、榮螺同馬刀貝刺身，都係出面比較少食到的，全部都好新鮮同爽口，令到我同朋友食唔停口，要不停Encore再Encore，至於小食方面，泰式鳳爪醃得非常入味，而泰式生蝦都好鮮甜彈牙,哩度仲有燒比目魚，相比之下哩度海鮮款式選擇較多元化，種類多，至於甜品方面選擇雖然唔算多，勝在有Haagen dazn雪糕食，價錢方面，依家有9折優惠，計起同出面食開既價錢都係差唔多，有機會會再同其它朋友黎捧場。

史上食過最差嘅一次放題👎🏻👎🏻食物質數極差👎🏻食物款式超少👎🏻侍應態度差👎🏻不是單一侍應態度出現問題👎🏻平日晚上去食, 收$278一位, 完全唔值呢個價👎🏻仲要俾錢去受氣👎🏻絕對絕對唔會再去😤😤😤😤請我唔洗錢都唔會再去😤😤😤雖然呢度有個限制, 要寫200字先可以去評分！但為咗可以寫出真。感受！真。遭遇！所以一返到屋企就努力寫出嚟同大家分享！聰明嘅你可以諗下值唔值得去！！！！

好耐冇去過荃灣海濱，荃灣西站一出就見到新開咗年幾既海之戀商場，好方便👍🏻我同朋友揀咗呢間日本餐廳 - 品川日本料理，以平日嚟講都算幾多人客。一入門口就見到幾間較特別嘅房，用咗有日本特色嘅趟門設計，一大班朋友一齊傾偈就最啱喇，可惜今次預約前唔知有呢一類房間所以試唔到。講起放題，又點少得五花八門嘅壽司同刺身😋，呢間餐廳可以直接用App落單，除咗甜品飲品外app已經有齊所有食物。食物類別有好多，例如前菜、炸物、天婦羅、串燒等，其中壽司都分開咗幾個類別，有黑松露系列、醬燒系列等。喺香港嘅日本餐廳食放題，其實啲款來來去去都差唔多，但呢間餐廳喺壽司上加咗啲黑松露醬，感覺幾新鮮亦唔會搶走壽司嘅鮮味！😋而刺身盆上亦用咗唔同假花做點綴，我哋嘅應該係桃花，用埋後面荃灣西海濱作背景去打卡一流！總括而言，食物嘅種類真係幾多，我哋冇叫過重複嘅食物。而我哋都叫咗一啲平時喺日本放題餐廳比較少食到嘅菜式，例如土匪雞翼、清酒煮蜆、章魚燒、仲有鮮奶燕窩等等。出面仲有得攞一啲日本小食、酒同甜品，除咗普通甜品外，仲有大家都鍾意食嘅Häagen-Dazs雪糕，每人限攞一杯有我最鍾意食嘅士多啤梨味，朋友就揀咗新出嘅哈密瓜味，好滿

平日放假最好就係去拍拖食放題，因為可以享受到平日Lunch hour既超抵優惠，仲要吾洗同人迫，可以輕鬆自在嘆番餐，慢活一下。今日去新商場海之戀Donki行街，順便試下品川既日式放題。平日Lunch hour, 12點開始，無限任點任食，食足120分鐘，都係位位$248, 仲要免加一，真係好抵食吖!!~餐廳環境係180度無敵大海景，望住個海食放題都開胃d。刺身有吾少選擇，三文魚、油甘魚、帆立貝、甜蝦、劍魚腩、赤貝、象拔蚌、鮑片......刺身種類好多，而且質素不錯，肉質鮮甜，沒有雪味。除了刺身，壽司都有好多選擇，特別推薦黑松露壽司系列，我地order左黑松露帆立貝壽司、黑松露油甘魚壽司、黑松露劍魚腩壽司,全部都係手握壽司，上面既刺身夠肥美鮮甜，係必食之選!!~三文魚子壽司、海膽壽司、拖羅壽司,每件都細細件，份量少少的，選擇又夠多，甘就可以試多啲吾同口味同款式啦!!~日式料理有牛油粟米、牛油帶子、燒菠蘿、清酒煮蜆、燒比目魚。牛油帶子味道夠濃，充滿牛油香味。比目魚煎得香脆。吉列炸蠔、芝麻雞翼、土匪雞翼、榴槤炸彈、芝士年糕、章魚小丸子、日式炸餃子、日式炸牛乳、炸香蕉、台式香腸。雞翼炸得外脆內

最差嘅日本放題...食物方面：清酒煮蜆一上枱已經凍，蜆肉好唔新鮮櫻花蝦蠔仔粥，拎上枱嘅時候嚇一跳，睇落似嘔吐物。不過已經是最夠熱的食物了。串燒牛脷：凍嘅蒸水蛋：上面只有兩片魚蛋，蛋內完全冇料。蒸蛋完全冇蛋味。屋企自己蒸好食過佢。刺身：三文魚、油金魚正常。但榮螺片有沙，象拔蚌刺身有怪味。海膽軍艦壽司：海膽唔新鮮，得一pat仔海膽，仲要變晒色牛油炒粟米：太多牛油，食一啖就成口油膩辣酒煮花螺：花螺有沙，味道難食正常嘅食物 （只是正常，唔係好食）：燒帶子、炸生蠔、天婦羅較欣慰：有Häagen-Dazs雪糕

放工同同事去食放題，本來想食個間要等好耐，咁就諗著海之戀開既餐廳應該都OK，點知全哂伏！奉勸大家唔好食！！呢個真係要放第一張😑😑😑我真係未試過去食放題，啲炸蠔可以咁既樣，幾粒蠔仔痴埋一齊，想點呀😂 啲炸粉仲多個啲蠔，又油淋淋🤮 芝士年糕，啲芝士味淡到差啲食唔出，層皮油到得人驚，食一半即放低。炸牛奶，牛奶味香甜～但炸皮厚同略硬，唔會encore芝士焗帆立貝，好味（終於），同平常食放題食到嘅差唔多。清酒煮蜆，完全冇酒味，亦都冇任何湯底味，同攞水煮冇分別。呢張相係未食之前，啲湯少到。。。好腥，不過冇乜沙（因為出邊自助區兜炒蜆，啲沙多到成口都係。。）牛肉又硬又韌，啲調味又怪怪地，有浸臭味（真係唔好意思都要講）份量又少！牛舌個味係OK既，燒烤類來講佢都算唔錯，不過唔熱，應該係放耐左。同埋啲侍應上碟嗰陣連張單都唔拎走，想點。。。刺身食落OK，但亦唔覺特別好好味，同一般食到嘅放題差唔多創意壽司，味道一般。賣相差，我地仲以為得個蝦頭，個味又唔夾，唔知想點。飲品選擇都算多。唔知點解雪糕櫃要鎖著，要拎要問職員解鎖😪可能係哈根大師，唔想啲人拎哂掛。。。.出面自助區啲野食，真係唔試都冇乜所謂，茶碗蒸同屋企蒸水

夜晚9點同朋友行完驚安，佢條日本癮起，想食日本野，見商場有間放題收11點，平日夜晚9點3後入座HK$258加一再九折，價錢算正常，試試佢。餐廳好大好開揚，有大海景，不過唔係無敵，因為夜晚漆黑一片，日頭我估唔錯嘅。落單要用電話掃QR Code，落完單之後，出去拎野飲，順便睇下有咩前菜拎，飲品除左罐裝汽水同樽裝茶外，仲有啤酒、清酒，食物有湯、炸雞塊、茶碗蒸、沙律、甜品等等。刺身望落色水唔差，食落都唔腥冇雪味，蝦同貝類都算甜，但魚類就爭少少鮮味。叫左幾款火焰壽司，火焰壽司燒完之後增添平庸食材嘅香氣，海膽就細粒左啲，食落較淡。特色壽司望落幾靚，但冇切走蝦頭食落有啲唔方便，蝦配青瓜幾爽甜，少少黑松露醬提升左帆立貝。食完刺身就到熱食，牛肉鍋湯底甜甜地，牛肉牛味唔濃，但肥瘦適中唔韌。牛柳粒同帶子炒得夠熱，但韌左少少。清酒煮蜆幾香，蜆都幾多但細隻左啲同埋有沙。辣酒黃金螺香而不辣。跟住到炸物，芝麻雞翼好香脆，吉列炸蠔層皮唔會過厚，炸牛乳外脆內軟，幾欣賞天婦羅嘅脆皮，有啲似啤酒炸魚，好食唔油膩。串燒方面，特別鍾意蝦同牛舌，唔會燒到乾晒，蝦夠實淨鮮甜，牛舌表面微焦夠晒香。最後每人有一杯Haagen-Dazs

環境舒適,闊落.坐窗口可以對住個海景100 - 140cm高的小朋友係要收費$158位食物落order要用微信掃 QR code落單出面自助食品有例湯,炸雞塊,梅酒,清酒,布甸,沙律,橙,蒸水蛋.當然有飲品柜Haagen dazs雪糕每人只限一杯,但係取時就要用電話掃 QR code填表,我就唔知喇因為我朋友出去嘅🤭.還有另外一個牌子嘅雪糕,味道有海鹽,焦糖,榴槤等等.我哋冇人食過,所以唔知咩味道.刺身方面有馬刀貝,北寄貝,赤貝,鮑魚片,甜蝦等等.當然一定有三文魚,不過我哋已經好耐冇食喇,所以今次都冇食過.刺身都新鮮㗎熟食方面佢有個粥就真係好好味.叫左熱嘅湯烏冬比阿仔食,但係變咗凍烏冬,烏冬入口即溶,仔都唔食燒物就有我嘅至愛雞軟骨,燒蝦都唔錯㗎炸物就真係一啲都唔掂喇.天婦羅粉漿實在太硬唔脆.小丸子一嚿麵粉

唔上網睇吓都唔知原來海之戀有放題食！見到做緊優惠，所以放工就走去試吓。佢最大賣點係可以睇到海景😍我食6:30至8:00。店員會俾個QR code你落單，超級方便。等緊嘢食嗰陣就梗係攞嘢飲啦，飲品都幾多選擇㗎！有酒精類飲品。通常放題一開波都係食刺身我就習慣每樣都試少少先嘅，估唔到又幾新鮮喎！我最鍾意就係食甜蝦，都算幾大隻🦐🦐炙燒類嘅壽司我都叫咗幾件，大細適中，唔驚食完啲飯會好飽肚，等我個肚仲有空間食其他嘢😝6:30 ，天未黑睇到個海景，都算唔錯，不過可惜呢幾日落好大雨個天就麻麻地！相信如果好天可能會睇到日落🌄炸物都做得唔錯，首先天婦羅外層粉漿唔會太厚，好鬆脆，中間隻蝦都好爽口！另外，芝麻雞翼好好食，雞肉都幾滑，仲有肉汁，唔會乾爭爭。仲有估唔到佢會有秋葵天婦羅，幾特別！超級推薦串燒牛舌！！！⭐️⭐️⭐️⭐️⭐️雖然唔算話太厚，但係好入味，好有咬口，仲好juicy！出面串燒店食，都要成二三十蚊一串！我今次encore 再encore😍😍😍仲有銀雪魚西京燒⭐️⭐️⭐️⭐️⭐️呢樣野喺日式餐廳食都成8 90蚊😍😍好正呀！牛肉鍋都唔錯，係壽喜燒湯底啊😚😚清酒煮蜆都幾重酒味！蒜香一口牛，都唔錯，牛肉粒唔會韌👍🏻最後，甜