品越越式料理 (雅蘭中心) (已結業)

星期五同幾個女人食飯其實都係想傾計多。大家住係唔同地區，旺角食飯之後返屋企比較方便😁朋友揀左依間越南餐廳，我以為係雅蘭中心入面，但兜左2個圈都搵唔到😒之後打俾朋友，原來係要係雅蘭中心出面行樓梯上去的😂😂入到去，大家已經開雞啄唔斷咁講野，都冇時間睇食咩😜見到有個4人餐，咁岩我地又4個女人，唔使林就揀左個4人餐！Appetiser 係蓮藕BB 魷魚沙律，佢係泰式做法，個蓮藕BB酸酸辣辣，又爽又脆，而且咬一口，仍然見到仍d 窿窿，好得意😁😁魷魚都好爽，整碟前菜都好有特色😘之後再黎係沙嗲串，由於掛住講，d 餸又上得快，d 沙嗲串食個時都凍左lu.因為凍左食個時都減左少少分，不過要讚既係佢唔靭，可惜味道唔出，幸好個沙嗲醬好香花生味，如果有埋花生粒就更加好😊之後上既魚子墨魚餅，喜出望外，唔係cheap cheap 餅，有墨魚粒，又有咬口👍🏻雖然佢用魚子做賣點，但我覺得下面既墨魚餅更勝一籌👍🏻👍🏻再黎個鮮蝦米紙卷，d蝦肉唔霉，仲幾新鮮。配一條條粉絲，多一份層次感又唔會搶左米紙同蝦既味道😋隻會安雞其實我都唔知係咩，睇落去同食落去都似炸子雞😂😂食落皮脆，食得到雞肉既鮮味。再黎我鐘意既馬拉盞炒芥蘭，馬拉盞

我喺旺角食過幾間越南餐廳，呢間裝修比較好，坐得舒服啲，所以入嚟試試。平時假日好貴，今日星期四，叫了午市套餐“品越湯檬粉” 包飲品及甜品。賣相ok, 但料就超少，呢個係招牌湯粉，應該有生牛肉，牛腩，牛及雞絲，可惜每樣得幾條，超迷理size, 牛肉兩片，其他就碎碎的，有啲似碗麵“味X一品”咁上下，所以一堆嘢，食唔出係牛腩定牛肉碎。湯底唔得，衰過“越X”, 甜品布甸無味，可以唔食，反而杯咖啡幾好。要食越南嘢，旺角有好多其他選擇，比佢更平更好。貴錢貴過人，又要加一，唔會再嚟！

放工後和小欣子一齊上堂，番左成日工再去上堂咁辛苦，梗係想食d好野，慰勞下自己個肚啦~~~因為我地都好掛住上年在峴港的美食和滴漏咖啡所以搵左間地點方便，正評又多的一試~講明先，我和小欣子都覺得品越環境唔錯，座位夠寬敞，裝潢和陳設都幾靚，粉色系的感覺都有少少峴港feel。另外，食物方面，味道黎計其實好味的，已經調較好符合香港人的口味，所以對於想尋找舌尖上越南的味道的我倆黎講，有d失望芒果軟殼蟹米紙卷，米紙厚左，影響了整體囗感，但值得一提的是中間的軟殼蟹尚算脆~咖哩牛腩配烤餅，首先讚下烤餅，一上枱好香，而且烤得剛好，唔會過火。咖哩牛腩亦值得一讚的首先是火爐仔上，一跟溫住佢，保持熱度，另外牛腩和牛筋製作時間非常足夠，牛筋甚至冧到化，好正!但是味道方面，見到有香料一齊煮的，但香料比例不多，帶唔出越南當地的獨特美味~越式雞絲金邊粉，可能峴港的街舖太好味的，他們的湯底大多係店舖門口當眼處滾住，勁足料，所以湯底會好鮮甜，而且他們大多會俾碟香葉香菜你，根據自己的囗味自己落。呢度的湯底，當然味精係左的，另外就真是和香港一般泰越式湯粉無特別分別。好掛住峴港的街舖呀～最後，滴漏咖啡當然不得不回味啦!小欣子冒住

終於等到weekend, 又係尋食的時候， 突然好想食越南野，附近又有呢間品越，最緊要係唔洗等位住！坐在窗邊雅座，位置寬倘，環境不錯捒下野食先，我地叫左生牛肉湯粉，湯底都幾濃郁，有好香既香料味，牛肉嫰嫰的，粉係幼身的河粉，都好滑。另外，我地仲叫左馬拉盞炒豬頸肉通菜，少少辣同鹹香味怎可能冇「靚仔」呢？雖然油淋淋的菜，但又不會老過頭仲要係D豬頸肉大大塊，我地仲叫左串燒，雞豬牛各2串）肉都冇雪味，肉質都不太粗糙，合格

The place and environment is nice.The people is polite. We ordered many good food. I love fish. Yummy!However, we all are hungry and the food is yummy! We forget to take picture on some dishes before we ate. Good try and good experience! Will try again next time!

今日自己一個行旺角 經過雅蘭見到樓下個牌啲野食幾吸引 所以上左去試下入到去餐廳既環境幾舒服 員工有笑容 有主動提議食品 但就係缺乏一種親切既服務態度叫左一個湯檬 一個串燒蝦同埋一杯椰汁冰配菜好單調 吾吸引 小食配菜用菜絲 顏色單調 串燒個度燒得太耐 用火太多 變得肉質失去鮮味 虎蝦明顯吾新鮮 蝦頭冇晒肉而且蝦肉好韌而主食豬頸肉都係太韌 食得出落油較重手 而值得一讚既係湯汁美味 配菜亦都足夠 檬粉有彈性有口感。最後比錢$158 比我想像中貴 可能因為我叫野食既時候冇留意價錢 所以買單戈下有啲嚇親要過百二蚊 望清楚張單 原來串燒大蝦得兩隻要$44 而個湯檬仲要過$60 價錢定位比較貴。

今晚約左客食晚飯，旺角區等人等位限時用餐其實都有點麻煩，途經雅蘭商場發現有間食越南菜，樓下望上去都幾舒適就試試。新派裝修風格，環境令人舒服。越式雞絲雜菜沙律味道清新加了小許魚露酸酸甜甜非常醒胃越式春卷香脆可口，越食越惹味越南香芒米卷芒果比較酸，整體口感可以，而且多食都不會怕肥。菠蘿炒飯炒飯油份恰當！雜錦串燒比較乾身故好韌口。香茅豬扒撈檬豬扒炸得剛剛好，都稱得上香稔軟嫩，配合撈檬同吃味道不錯。越南拼盤墨魚餅蝦餅還有一款忘記了，前倆者都彈牙可口，後比較乾身。酥炸軟殼蟹配咖喱汁，咖喱汁比較淡口！甜品玫瑰花椰汁糕及紫米椰汁糕都非常香甜軟滑。

今日同朋友突然想食越南菜 我之前係金鐘都見過有分店 所以就入左去食 入到去安排左我地坐較後既位置叫左兩個下午茶餐 一個生牛肉湯河同一個法式三文治 跟餐叫左兩杯凍檸茶生牛肉湯河個湯好多油同埋d河粉吾滑 仲有d河粉入口咬兩咬已經好似一pat野咁 另外個包d醬好多 掩蓋左其他材料既味 兩杯凍檸茶得甜味 完全冇茶味之後見到個香芒黑糯米個圖幾令就叫左黎試下 點知黑糯米冇甜味 d芒果好酸 完全見識到咩叫圖片只供參考最嬲既係次次舉手都要舉一段時間先有人應 明明個場都有足夠人係到 眼見有兩個著T-shirt既都忙緊 我都算 仲有個女既係著恤衫既 就企係到吾知做咩 但都吾過黎應我買單過百蚊 用呢個價錢 我會寧願食越棧

經過雅蘭，想揀d清清地既嘢食，見裝修幾靚，所以入左品越食碗檬粉。但坐低之後，覺得餐廳抽風麻麻，有陣'up up'地既味道 但礙於已經坐低，唔係幾好意思起身。點了lunch set鮮茄蟹肉丸湯檬，賣相唔錯，有鮮茄和蟹肉舖面。但湯底味道強差人意，冇乜味蟹肉也不太新鮮，梅梅地....札肉和肉丸味道就幾好。最後叫了侍應拎青檸和辣椒加於湯底，先食得落。埋單大概$80蚊。味道麻麻，不推介

價錢定位太高 色香味全缺 比上不足 比下亦不及 相比其他越南餐廳 市場定位混亂 為何越南菜會出現火鍋？pizza ? 創新還是自取滅亡 .. 還真搞不懂 ？ 一心想吃越南湯河 .. 一位叫raymond的經理竟然推介我吃火鍋.. 心想 如果我想吃火鍋 我為甚麼不去牛氣 .. 而且是198元 牛氣火鍋任吃甚麼都包 都只是158起 .. 真搞不懂 ！ 傻的嗎？一間越南餐廳的推介竟然不是越南菜 而是隔壁的日式火鍋 ... 只能說我見識少吧 ...

今日叫了一個四人套餐。有串燒，鹽燒魚，菠蘿炒飯，紙米卷，墨魚餅，吞拿魚沙律。再加一個金邊粉。食物質素在賣相及味道都屬上佳。最出色就係經理，服務一流，充滿活力，服務態度一流。期望再加多點特式菜式。值得再次幫襯!

今天中午午飯時間，我和同事都想試一下新口味，於是我們便去這間餐廳吃越式菜。環境方面，餐廳坐位十分舒服，而且十分乾淨，環境一流。不過，雖然今天是閒日，有午市套餐，不過最便宜都要$56，最貴甚至要$72，另加一服務費，其實都幾昂貴。於是，2位同事叫了最便宜的迷你春卷湯檬，而我叫了脆皮蝦卷湯檬。脆皮蝦卷湯檬方面，脆皮蝦卷不是即炸，只是暖和而已。而且，蝦卷的脆皮十分厚，又比較硬，味道一般。另外。蝦卷內沒有原隻鮮蝦，只是蝦膠而已，不是太抵吃。湯檬方面，我叫了全走。湯底味道都不錯，檬粉都算粗身，而且都算入味，味道不錯。湯檬十分大碗，一定飽肚。迷你春卷方面，春卷賣相一流，但味道一般。而且春卷內沒有蝦肉，只是雜菜和豬肉，都是不太抵吃。午餐送熱飲和甜品，我叫了熱檸茶，只得2塊檸檬，不過味道都不錯。甜品是奶凍，不過十分難吃！奶凍上的汁/果醬的味道十分怪，有少少藥水味，我又不知道是什麼汁/果醬。奶凍完全沒有奶味，而且口感都不像奶凍，口感比較像啫喱。總知十分難吃！價錢方面，迷你春卷湯檬$56，脆皮蝦卷湯檸$62，另加一服務費，3人總共$191，十分昂貴！總結來說，這間餐廳的午餐十分昂貴，我這碗要$70，但味道

Noticed La' taste's nice restaurant decoration and decided to try it out for lunch. No queue as it was before noon.The restaurant has a nice ambiance, good external & internal decoration, well lit and good spacing between tables (e.g. Not cramped). The menu is quite good as well with lots of pictures of the dish and drinks being offered.Decided to go with La'taste assorted pho with "mint soda" drink upgrade from their lunch menu.Service is good & quick, the drink and pho comes out just like the

昨天去旺角整電話，突然好想食越南粉，上openrice search後發現雅蘭有間越南餐廳rating唔錯於是一试。餐廳裝修幾靚，環境幾舒服。我見午餐menu冇乜啱，於是散叫了香茅豬扒湯檬。份量都幾多，豬扒夠大塊，好食，好鬆化。湯檬的香料都好齊，好食。下次再來食埋晚餐先

今晚同朋友係附近搵野食，就入咗呢間越菜餐廳，環境唔錯，服務都ok,蝦餅檬粉就一般喇，牛油雞翼味道不錯 ，還有小食盤非常特別，點酸甜汁非常好味，食越菜最好飲椰菁，個人喜好，價錢比普通越菜餐廳貴少少，有機會再次光顧。