品越越式料理 (雅蘭中心) (已結業)

平日夜晚2個人食，本身諗住便飯一餐，無特別影相。唔使等位，兩個人坐細枱，環境尚算舒服好坐，但有少少臭味，好似係啲酸嘢擺左好耐嘅味咁，但OK啦，好阿Q咁諗住食完閃。叫左個二人餐，據我記憶係 豬扒沙律 》豬頸肉米紙卷》串燒拼盤》炒金邊粉》甜品（椰汁芒果黑糯米）》茉莉花蜜兩杯。呢間嘢食物質素麻麻地，豬扒沙律，豬扒係好食嘅，但個沙律係平時伴碟個啲椰菜絲咁，加粒蕃茄仔，如果以「沙律」黎講真係無乜誠意.. 炒金邊粉上菜只係暖暖地，有兩隻蝦混入面入面，無乜其他餸，甜品係比較有驚喜，算係好食。有一樣嘢要讚嘅係職員態度好好，有換碟、斟水、問我地好唔好食，所以拉番少少分。埋單加一要＄190一個人，以咁既食物質素其實唔多值，講真丫，而家咁多越式餐廳，平過佢、好食過佢既真係大把.. 我諗都真係要努力啲先得。

第一次寫食評唔洗等位，哩間餐廳環境不錯 又幾舒服 坐位空間亦足夠食左2款不同的撈檬 串燒豬頸肉同香茅豬扒撈檬！2款味道都很好！ d肉好香口而且撈檬既汁都好好味，唔太辣太酸！配料都好足仲叫左個軟殻蟹香芒紙卷，口感特別，值得一試

串燒拼盤，撈檬，炒金邊粉都幾好食。個串燒附上的沙嗲醬都好食。侍應好nice, 座位寬敞，又會主動加水，服務態度非常好。只係嘈左小小，傾偈要好大聲先聽倒。最好訂左枱先去，都幾多人等位。

第一次黎呢間越式餐廳，位置有啲難搵，因為如果直接經雅蘭中心上去係搵吾到架！要特登係山東街個度上樓梯先去到，所以想去既朋友要留意啦！同朋友每人各自叫了一個菠蘿海鮮炒飯同涼拌濛粉再加一個豬頸肉米卷。米卷味道就普通，炒飯同濛粉就整得幾好食，尤其係炒飯，用原隻菠蘿裝住海鮮炒飯🖒🖒搞到我忍吾住特登用匙羹再去刮啲菠蘿肉黎食~我同朋友都叫左杞子桂圓茶~🖒🖒

位於彌敦道呢間品越嘅環境真係好舒服，tea time比較少人，兩個人都可以坐四人的卡位，有大玻璃窗可以望落街，闊落嘅環境的確令人心擴神怡D😌😌夏天食撈檬感覺好fresh，其實醉翁之意不在酒，在乎撈檬嘅汁也！😝😝叫咗雞肉串燒撈檬，生菜好新鮮，檬粉質感都OK，整體可以！加$8可以轉飲青檸梳打。上次試咗抄金邊粉，覺得油咗D，tea time加錢可以叫小食，媽媽叫咗酸辣無骨鳳爪，佢大讚好大碟丶好抵食！如果約friend傾計，呢到坐得幾舒服！

Came across this name awhile back and happened to be in the neighbourhood so I thought I'd check it out. Great environment and services for sure but food .... not even come close to good. Especially their "dripping" coffee is worse than a long black at McCafe

辛勞了一星期，星期五外出食飯，品嚐越南越菜的海鮮菠蘿飯，拼盤串燒-微辣-(豬牛雞各二串，燒菠蘿一件。)食物的熱度尚欠一點。(唔夠熱)。服務態度尚好，環境優美舒適，地方位置就腳。

辛勞了一星期，星期五外出吃過晚飯，越南菜。擇選了海鮮菠蘿飯，串燒拼盤-微辣-(豬牛雞各二串，燒菠蘿一件。)但食物的熱度不夠熱啊。服務態度尚好，環境優美舒適，地方位置方便就腳。

想起吃越南菜 就找到呢一間諗住試一試 不過位置有啲難找 因為喺雅蘭中心後面 要搵一輪先找到進入餐廳 環境寬敞舒適 餐牌都很多特式選擇 唔只越式 仲有啲泰式咁 而且賣相不錯 味道就要試下了我地點左個咖喱牛腩，炒金邊粉，豬頸肉米紙卷 野飲我自己就叫左玫瑰甘桔蜜~咖哩用煲仔燒住 牛腩夠淋 有幾舊薯仔 不過咖哩唔夠濃 不過送簿餅食都唔錯米邊粉煮得唔夠熱，唔夠淋 而且太乾身 亦唔夠味 豬頸肉米紙卷就好味，材料都算充足整體講呢間食物65分 環境75分（適合傾計），服務70分

隔了二個月又約朋友來旺角品嚐品越，隨了味道，地點及舒適度都是我選擇其中原因，這次依然保持水準酸酸甜甜柚子，肉肥汁多正好是開胃前菜，配上脆卜卜腰果非常合味，廚師先將蝦殼去除既入味又易食熟辣辣脆卜卜春卷配上九層塔香葉再用生菜包著一齊食回味無窮腰果炒高麗菜，味道不錯略嫌油比較多了點這個拼盤有札肉、粉卷、豬頸肉同越式無骨鳳爪，一次過可以試齊四款不同食物軟殼蟹是即叫即做所以上檯是仍保持溫度仲係脆口好有冬蔭功味的炒飯，粒粒都滲入冬蔭功醬料味香噴噴，居然食到尾聲都可以如此好胃口

今餐係臨時約出黎食openrice揀左旺角呢個對我地2個都就腳既地方咁岩上個禮拜先食過隔離既拉麵, 所以知道邊度入, 提提各位, 係山東街入口, 而唔係雅蘭正門入大約8點40分左右上到去, 安排坐2人位置就由呢刻開始, 接受一連串令人受寵若驚既服務一坐低, 隻手岩岩掂到餐牌, 係身邊經過既職員就已經問係咪落單, 仲要唔同人問左2,3次(總好過叫極唔應既)決定緊飲品之際, 有一男待應話我地知8點半後入坐有85折, 同埋推薦椰青, 咁就聽佢話叫2個~~椰青比平時見到既大好多, 果肉好多, 亦好易刮出椰青水清甜豬頸肉撈檬, 好多青瓜絲及配料, 口感不俗, 賣相及製法比「香河」出色及有heart但個酸汁仍有改善空間, 唔多夠酸豬頸肉另跟一小兜沙嗲醬, 味道亦可再調濃味些少蝦膏炒高麗菜, 雖然成整已經變左橙色, 但蝦膏味其實好淡, 同普通蒜茸炒菜差唔多三文魚籽黑蟹籽墨魚餅, 係平面既碟上用青瓜墊底, 相信用筷子更靈巧既人亦夾唔起成舊唯有分開食之前未食過黑蟹籽, 原來味道同普通蟹籽無分別峴港焗扇貝, 外層係蛋漿同芝士焗香, 里面仲係濕潤唔會乾爭爭, 唔錯唯製法有點兒簡單, 亦唔太食得出係扇貝...

星期六訓到自然醒，已經12點幾。見餓就落街揾野食，香港又熱又濕嘅4月，想食啲醒神野。所以就去左品越食個午餐set蝦餅札肉湯濛。個粉份量適中，湯底好香。而跟餐嘅青檸同辣椒更加係成個粉嘅靈魂。加埋入碗粉入邊令到個湯底嘅鮮味更出色。札肉加左入熱湯後食，不過不失。反而，蝦餅無乜蝦味，小失望。不過都叫大件，食得飽嘅。午餐附送一杯餐飲，我叫左奶茶。就係平平無奇嘅一杯奶茶囉。如果個茶底再濃啲會好飲好多。小二，埋單76蚊落樓。佢好處係76蚊都可以簽咭，方便左落街未㩒錢嘅我。

4月3日 星期一 晴同朋友下午4點去到餐廳，環境依舊不錯～ 生意難做，成場得10個客，職員反而有6-7個～叫左下午茶餐 - 咖哩牛腩湯矇、生牛肉湯河、鳳爪、凍檸茶、熱檸茶。好耐無黎，仿佛變左一間茶餐廳，服務員大聲傾計，大都關於工作上，例如晚市甜品準備好未，請人請邊條女，「1999年果個呀乜乜乜，2001年呀何乜乜，岩你啦.....我幫你打比佢啦」，行路拖住腳踭行咁啦～食物十分鐘就黎到，係咖哩味湯底既牛腩湯矇，牛腩同矇正常，生牛河正常，鳳爪吾錯(辣)，凍檸茶正常，熱檸茶(室溫 · 即20度)，所以叫經理換個～我：個熱檸茶凍架喎。(禮貌地)經理：好，幫你整返熱佢。(禮貌地)跟手經理同水吧同事講，中間我聽得吾太清楚，只聽到話叮返熱佢，係佢無熱茶定無熱水我就吾知喇～Total $140

Back at it again with the pho journeys. Getting right to it - pho broth is good - there is a distinct beefiness to the broth. I feel this is a qualifying factor that differentiates between good and fail (Bêp) phos. Decor is decent and turquoise-themed, with very spacious seating. Another aspect that stood out was the food presentation, which is actually in line with tastiness. Also ordered a chicken wing with shrimp biscuit side snack. Rather than simply delivering the biscuit, chefs sprinkled v

每當我需要一個人靜靜哋坐吓做吓功課我都會嚟呢度，皆因地點方便，餐廳環境舒適，食物好味😋差不多每次午餐都點鮮茄蟹肉丸湯檬+凍奶茶。湯底有鮮味，除咗蟹肉丸外仲有不少蟹肉、番茄肉、扎肉及肉碎。 調味方面可加魚露同青檸，如食得辣的話加埋指天椒就更惹味。 凍奶茶味道亦濃，絕配👍🏼友人到達時已是下午茶時間，因爲佢己食lunch, 我點咗法式豬頸肉扎肉三文治同佢share😋由於是即叫即製，大約要等15分鐘。 一試之下法飽果然香脆，豬頸肉及扎肉非常有質感，加上酸菜去除肉類油膩感。雖然此店座立於繁忙的旺角市內，但餐廳環境卻十分清靜，店員亦有禮，堪稱為鬧市中的綠洲👍🏼