品越越式料理 (雅蘭中心) (已結業)

與朋友聚餐，點了越南炒飯和春卷，以及其他小吃，份量有點少，但味道不錯，是清爽的口感，適合吃膩了重鹹嗜甜的重口味外食，可以試一下越南菜，感覺比較清新和健康，清清腸胃也不錯。

Kelvin員工服務態度非常好👍🆗食物質素非常不錯！環境不錯座位寬闊！味道香味，用心介紹食物，沒有吹促客人食完未，趕客人走，食完客人可以座奈點，所以值得推介朋友👍。

晚飯時段曾來數次，電話訂座職員態度良好，用餐招呼一流！食物送餐速度快！推介米紙卷，串燒，鱸魚！menu款式幾多！環境舒適，朋友聚會傾計一流，最重要不設入座時間限制！

我第一次寫既食評就寫左比呢間不知所謂既店今晚同朋友聚會唔知食咩。咁朋友嗲d介紹食品越。咁睇食評都知道唔會抱太大期望,都知道食物普通.為左方便來左旺角分店（本人甚少來mk,不過食飯就算），門口好難搵已經算。一開門之後就話2位。有個男侍應（貌似年資都甚高既經理）帶左我地去4人檯，我地要搭檯既。搭一個中年男女，我都無乜所謂又唔係什麼餐廳。點知呢個男侍應就係我地面前同個客講，唔好意思我都想比個私人空間你地乜乜乜乜，我心諗你咁唔想得失客人點解仲係我地面前又講埋呢d野囉，你知唔知會比其他客人有hard feeling lor!如果你咁想毎一個顧客都咁有 private 就唔該分開d檯唔好咁迫啦攪笑！之後啦我朋友都覺得唔舒服就轉檯啦，轉完之後我地都係岩岩坐抵無耐啦，咁睇下佢比我既香水者，（同一侍應）做咩咁無禮貌叫我地嗌野食未，大佬你想催我地快d，可以好語氣d嗎？我知你唔係咩餐廳但係正常既一般服務都無？我唔係食緊茶餐廳囉！算，食到大半啦就突然個待應問：黎齊晒？我心諗當時我地傾緊計你都幾有禮貌囉。！！總括而言呢個裝修乾淨，野食麻麻，服務唔好既唔係平既餐廳。試完無下次。一肚火亂影！

雖然好多人排隊，但餐廳店員同經理服務態度超好。對客人有禮貌，又細心。連清潔嘅都好溫柔。食物無論主菜還是小食都有好多選擇。味道好好，超野味。啲飲品又靚又好飲！仲之就係好！

是日跟同事吃lunch, 來到品越. 平日十二時半到達, 不用等候便可入座, 實在有點不可思議, 這裡可是中環啊!店內地方頗大, 燈光有點昏暗, 自然的光線從窗外照射入店內, 餐廳頓時帶點柔和, 坐得頗輕鬆自在.Set Lunch選擇也不少, 筆者點選了河內生牛肉金邊粉+熱檸水(HK$64).不消一會侍應送上食物. 先說分量, 滿滿的一碗, 挺澎湃的. 試一口湯底, 有點失望呢, 湯的牛肉味很淡薄, 也帶油, 鮮味欠奉, 不用說是否帶甜味了.試一口金邊粉, 米香一般, 口感不算特別滑, 配上的牛肉軟淋, 可惜牛肉味不夠香濃, 整體真的很一般.熱檸水: 正常水準.同事請客, 筆者在此謝過.

只有芒果軟殻蟹米紙券同西柚霉soda值得推介。咖哩冇味，薄餅又厚。炒飯還可以。皇牌的墨魚餅都可以試試。但環境係一流的，即使唔係坐卡位都好有氣氛。但兩位人食左$550就有所保留會唔會再去...

大熱天時，選擇了這間坐得舒適的越南餐廳。甫入內已見環境寬敞明亮。其時已過午飯時間，人不算多。選擇了靠窗卡位，台面已擺放好午餐及下午茶menu。王牌牛河。有我喜愛的香葉味，牛腩，牛展等頗入味，可惜河粉不夠滑，有點粗糙。椰子冰味道稀而淡，太多冰，友人點的梳打特飲亦不出色。上菜速度不一，我食了差不多一半，友人的餐點才上桌，另有兩客小食在差不多完餐，催了兩次下才施然上桌。有點失望，其時已飽，怎麼吃下去？牛油雞十分惹味，豬頸肉米紙卷在飽肚情況下已失去吸引力，味道普通。希望服務生及廚房可改善上菜情況，前菜應早小小上。另外，應改善食物衛生情況，因有一樣食物發現頭髮(忘了哪碟)。。。

今日放工約左屋企人，原本想去瓊華，但多人多到誇張，最後轉戰呢度，因為唔駛等位⋯點左個二人餐，揀左沙律、牛仔粒、豬頸肉紙米同炒飯老實說，全部味道都係麻麻地，更唔好講好食但最難食係個牛仔粒，一陣臭牛味，食左幾粒已經極限另外仲點左兩杯三色冰，好淡⋯呢間野⋯無下次

收工有點累就唔想出街食，所以揀左呢間越式餐廳叫外賣。我地叫左個燒大虎蝦柚子沙律（$88），兩隻蝦微暖，蝦頭有d膏，不過講真呢兩隻點都唔算大虎蝦囉🙄柚子好juicy，仲好多腰果，適合內心深處想減肥又唔想食太齋嘅女士😆香芒軟殼蟹米紙卷（$72）👍🏻👍🏻軟殼蟹唔係好大隻，不過有肉食嘅，仲夾埋青瓜粒，好清新，份量剛好，唔會一咬就散晒，點埋個汁，開胃😎生牛肉湯河（$64）個外賣碗有d質素，易拎住食，唔會辣手😂個湯仲夠熱，牛肉夠薄，少肥，最鍾意👍🏻呢間外賣質素overall 都算唔錯!

4人約旺角附近食飯，聽朋友介紹黎試下叫左幾樣野，小食份量好少，略唔抵！味道OK 口味清新 擺盤幾靚 但個人覺得份量少 並不是好抵食呢個豆腐味道一般 炸的酥酥得 但係都覺得冇咩出彩既地方最好食既係呢個春雞飯，好香，但又不會膩，飯係雞肉入邊，好入味，正！覺得唔夠味仲可以自己加多D汁。湯粉不錯，越南香料味好重，個人比較鍾意，湯頭都好正，幾濃郁，料多，唔錯特飲都可以一試Sevice都幾好，坐得舒服

下班心血來潮想吃越南菜，抬頭一看見這家La'taste環境不錯，在這悶熱之天氣下也就不作它選了。 La'taste走的是新派越菜路線，在一片湖水藍色的襯托下，一系列原木桌椅配上和暖色調，帶出年輕跳脱的印象，用餐環境温喛、舒適。最初還以為是越棧一類的速食越菜，只是翻開餐牌一看，菜式多樣化而精緻，也有好些fusion菜式。 天氣悶熱的關係，先點上飲品來降温吧！較喜歡這杯薄荷葉鮮青檸梳打($32)，薄荷清新，配上青檸的清酸，感覺十分refresh。而菠蘿椰子沙冰($35)菠蘿椰子味較淡薄，味道只是一般而已。 三文魚籽黑魚籽墨魚餅($62)賣相精緻的一道，黄金香脆的墨魚餅以黒魚籽點綴，墨魚膠十分彈牙鮮甜，加上金不換的辛香，口感味道甚有層次。 魷魚藕苗沙律($78)在餐牌上看到「藕苗」二字已是兩眼發亮。此物甚為稀罕，嘗過後滋味難忘，這是蓮藕的幼苖，食味卻是兩碼子的事。藕苗新鮮爽脆，而且清甜多汁。汁醬微辣帶酸，魚露香氣十足，更欣賞的是那魷魚鮮嫩得很，十分可口的涼拌菜。 冬蔭公海鮮飯($108)置放在煎鍋上，相當足量的説。用上大蝦、帶子、青口、鮮鱿等。海鮮用料十足，香燒大蝦燒得鮮美香口，還帶點點蝦膏

想轉一轉口味，於是選擇了較少吃的越南餐廳，餐廳裝潢帶著西式感覺，頗有特色及整齊。燒大虎蝦柚子沙律虎蝦不算太大隻，中規中矩，不過燒得幾香口，肉質算彈牙，而柚子肉甜甜酸酸得頗開胃。香芒軟殻蟹紙米卷也是很清新的菜式，但略嫌軟殻蟹未夠脆。蛋包海鮮炒金邊粉蛋有點厚，而金邊粉調味不太足夠，加上太濕未算乾身。

旺角一向都係我開飯既主場，今日比我見到佢地裝修設計都幾有特色又幾靚，咁咪黎試試佢。馬拉盞炒芥蘭 - 芥蘭略硬，馬拉盞味不足，勉強合格。會安炸春卷 - 春卷包生菜係越南菜既指定動作。即炸即上菜，只要夠熱再點酸汁就可以好好食。咖喱牛腩 - 炆牛腩既時間唔多夠，牛腩咬唔開，咖喱味淡，配肉食都還可以，但唔可以用黎點麵包同薄餅。法式麵包印度薄餅 - 未算香脆，可能係發酵時間不足，或者係麵粉比例出問題，薄餅入間空氣唔夠，所以比較實。燒大蝦柚子沙律 - 全晚覺得最多食都係得依個，不過柚子仍算大舊，材料唔夠多元化，感覺唔夠豐富。

第一次同朋友去呢間店到試越南菜，上到樓以為要等位，原來係等隔離既火鍋店，侍應安排左我地3個人坐6人的卡位，喜出望外以為咁好啦，可以坐得舒服一點。坐左一陣就落單，首先上左一個河內雞湯金邊粉，份量十足，牛肉湯底，略為咸左些少，金邊粉夠滑，整體都合格。第二樣係乾炒雞絲金邊粉，粉既份量剛剛好，唔太油，加左2片青瓜增強少許清新感。正當我們就快食完的時候就追單，中伏既時間黎啦，吹左3次先幫我地跟左樣野食，就係龍利魚米卷，要一個鐘才能整好，仲要全間鋪都坐唔夠三分一人，都唔明白點解要整一個鐘囉！其實仲有一樣野食一直都追唔到，當我地叫埋單同cancel時候，個侍應走過黎同我地講話唔見左張單，類似對唔住的說話一大埋，唔會再有下次