問卷手卷專門店 (已結業)

路經葵芳，又有啲肚餓，忽然諗起之前喺某網站看見介紹海膽手卷的文章係葵涌廣場，都有幾間被介紹篩選一番，我決定去呢間問卷35蚊半板海膽手卷海膽算係幾鮮甜，紫菜都幾脆不過，啲飯比較似平時一般食開嗰啲白飯，冇咩酸味但其實我都係比較鍾意加拿大海膽，口感creamy d@@

即食手卷食手卷最緊要係乜嘢，可能有人話係溫度，有人話係飯嘅品種，又有人話係送嘅份量多與少。而我覺得最重要嘅係紫菜嘅脆度，熱辣辣的飯外面包住紫菜，一定要係脆卜卜先好食的，如果淋哂的話咬落去會好韌唔好食，而且紫菜嗰陣香味都會無左，會變左d濕淋的味道。點樣先可以喺塊紫菜仲脆嘅時候就食到？秘訣一定係快，即包即食，入面d飯暖笠笠之餘，外面仲脆就好正。好多外面的日式餐廳都做唔到呢樣，畢竟係因為程序好多，又落單又要整又要送到你張枱，到你食到嘅時候，無十分鐘都八分鐘，想熱食都難。葵芳廣場一向都有一家呢種即食手卷，一向都人來人往，好好生意，近呢一年開左呢間問卷，都係同一種形式，都一樣人來人往。今次就試左呢間，叫左兩條三文魚腩手卷，又幾足料喎，條三文魚好厚身下，仲要差不多成條手卷都有三文魚，再加埋d青瓜絲，先至21蚊一條，物超所值。加州太卷--一條有6卷(未記得影相已經喺甘落醬)，有青瓜，蟹柳，蟹子等等，味道唔算太特別，正常味道。我覺得呢間最特別之處係可以落好多種唔同味道嘅醬，有成10款左右比你自己落，好中意醬汁嘅我就最好，可以食下一啖呢個味，一啖嗰個味，豐富得很。

相信大家都知道，葵涌廣場出名有很多小食店，但相信大家這一家小店應該都不陌生。這家小店的手卷都有很多的選擇，而且價格亦相當經濟，如果一個正常食量的女孩子，這個手卷，應該是足夠飽肚的。但對於我來說，就還差一點。(所以就是這麼的肥...)單看到這個餐牌，我看了很久很久，因為「選擇困難症」，總是有夠辛苦的... LOL 最後我選了海膽拼三文魚，而我的朋友就選了海膽拚帆立貝，手卷是即叫即製的，等了約10分鐘，終於有得吃了，(因為有很多人買的關係啦)可以選擇自行加醬汁，但我決定什麼都不加上，就這樣吃了，這樣才吃到是原汁原味的感覺，就算新鮮與否也吃得出來。這個價錢，這個三文魚厚度，份海膽的重量，我覺得真的太有份量了啦!海膽很新鮮很鮮甜，絕無腥味，單是吃海膽也值回票價，還有紫菜夠脆身，絕不是那些已經濕氣很重的了啦!重點就是，由頭吃到尾都會吃到海贍的存在。真的真的CP值太高了啦!!!葵涌廣場果然是平民食店有很多。 

門面的裝潢很吸引，於是試了這店！門口檯上擺左一樽樽不同味既醬，供客人自行選擇！試左蟹子三文魚反卷，即叫即整，付款後，店員會俾一匙扣客人，上面有號碼！份量十足，十分吸晴！大大件反卷上的蟹子及沙律醬鋪得滿滿的！自行加了醬汁，每件反卷內都有三文魚，不是細粒上陣！還算新鮮厚重吧！這價格可享這食物，不錯

肚餓但未到晚餐又想食少少野, 係葵涌廣場行行下見到呢間手卷店, 就買左個手卷試下.叫左個甜蝦海膽手卷($28), 見到個樣已經覺得好足料, 而且係見著師傅即叫即整, d海膽都幾新鮮, 無腥味, 甜蝦好甜同埋無雪味, 而且d飯唔會濕笠笠, 而且紫菜夠脆, 我鐘意佢食到最尾吾會得返醋飯, 仲係有少少海膽係入面.

最近個個都討論海膽手卷，網上都有很多人到處尋找平抵正的海膽，而我亦被吸引到平民食堂的葵涌廣場。一間小店，有齊不同圖片的手卷照片，放便客人選擇食物！看見此店有半週年優惠～35元有半板海膽～海膽佈滿整個手卷海膽鮮甜唯一不足是手卷食到一半就只有白飯，有點DRY，如果有加少少料到白飯就更好

😳大大件手卷去邊度搵？去咗葵涌廣場掃街叫問卷？手卷專門店，就正係扶手電梯旁邊咋～見到人地件黃金魷魚手卷d餸多到不得了！😍我都叫咗件食😂果然真係，魷魚多到仲食到有d 呢hea....咁大件都係$16咋海膽手卷一樣滋味😍😍😍唔腥而且幾鮮甜芥末魷魚一樣份量好多呀呢個唔係好記得個名，好似係叫卷后！有海膽，帶子，甜蝦同芝士蟹籽岩哂我呢d貪心鬼樣樣都有😋😋😋以後去葵廣又多個好選擇啦💁🏼💁🏼💁🏼

約左人未夠鐘四圍行見到已開門又冇人排隊即管試下馬糞海膽新鮮唔腥性價比高豉油和其他醬料都已經一枝枝預備好放左架上這樣芥辣就可按自己喜好落多或少芥辣都夠味，唔係落多多都完全冇辣味嗰啲會再幫襯

平時收工都會行下葵涌廣場，見呢間問卷都開左一段時間，一於行落兩層試下啦！佢地有好多款式，而且價錢都係由$15至$45 不等！都好抵喎！今次試下海膽三文魚手卷，只係$28！海膽唔算好多，兩啖食哂，不過三文魚就好大舊，係可以用「舊」字泥形容！幾乎每一啖都食到三文魚，而且海膽同三文魚都係新鮮既！👍🏻👍🏻最like 既係有好多醬俾客人自助形式加落手卷度食，試左海苔沙律醬同蜜糖芥茉醬，都好好味！👍🏻👍🏻👍🏻下次一於試埋佢個＄45半板馬糞海膽手卷

有冇新界區嘅朋友仔📢介紹一下葵涌區嘅好野先，葵涌廣場真係好多又平又好味嘅野小食，當然都有好多平嘅衫褲鞋襪買，係中學時代嘅最愛👭呢間問卷算係新開嘅手卷店，佢真係有好多好多選擇，一定有一款岩你口味。每次我都忍唔住食呢個海膽三文魚手卷，真心足料！新鮮！抵食！閒閒地你去連鎖壽司店𡁻個三文魚手卷都要廿幾蚊，呢度都係咁上下價錢，但係⋯🤓🤓飯？唔會好多！刺身？多！正！醬？任你落！你一路食，食咗一半，佢啲料都仲有架，唔會好似得返啲白飯冇哂餸咁😛寫到好似好誇張咁🙄🙄🙄不過佢真心食過番尋味，去親葵芳都會食，滿足到味覺之餘，仲岩岩好有少少飽肚😌睇下佢個淨海膽手卷都好足料架。不過留意返，有朋友食過個帆立貝芝士蟹籽，啲料係冇咁多、冇落到咁底架☝🏻️

次次去葵廣都想食手卷，今次食左地下嗰間。叫左兩個，黃金魷魚 同 三文魚海膽黃金魷魚: 材料豐富都鮮甜！好少店有提供呢款手卷架三文魚海膽: 海膽唔夠新鮮，份量較少... 三文魚正常，但食到底啲料已經冇哂，淨食飯而家進步左有發泡膠碟，食得冇咁呢Hea...希望可以改善材料分佈問題...食到底得飯有啲無奈

今日終於一嘗好出名嘅手卷。 我order了馬糞海膽手卷，半份馬糞海膽都只係＄45，等左15分鐘。馬糞海膽size比較小，但是鮮味十足，份量夠多。姐姐點了加拿大海膽手卷，價錢一樣，但是海膽的size比較大，口感豐富。

又是未到晚飯時間 - 口痕也。見大排長龍，心血來潮還是試一試，雖然人多，但手卷尚算很快便到手。味道很新鮮，也應足一格大海膽！正！味美！題外話，號碼牌也可愛得很😄

因為見到網上介紹呢間係葵廣的手卷店，見佢好似尖東間「勁回味」有好多手卷選擇，而且價錢都合理，有次經過葵廣就特登去問卷買個手卷試下。佢其實真係幾多選擇，眼花撩亂下，穩陣起見梗係試下佢個招牌「問卷王」啦～「問卷王」有海膽、三文魚、蟹籽同虎蝦。看似性價比都幾高，咁多料都係$35，點知一食就知出事，三文魚同蟹籽都算正常水準無咩驚喜，但一食個虎蝦刺身竟然係「梅」既，一d刺身應有的彈性都無，好似解凍左好耐。最大鑊係個海膽，溶到一pat pat，又腥又臭，勁難食！救命！成個手卷食到一半，我直情想放棄....題外話：我食完果晚又肚痛又痾，唔知關唔關個又腥又臭的海膽事！

這間手卷店與眾不同的是有不同口味的醬汁可以自行配搭，除了傳統的豉油芥辣外，還有新潮的海苔沙律醬，蜜糖芥末醬，千島醬，滿足不同客人的口味。放工時段人龍較多，不過5分鐘左右就有得吃了。海膽三文魚手卷 - $28相對於樓上的卷之屋，材料份量雖然沒有那麼多，只有面層，中間就已經沒有了，但勝在夠新鮮。這手卷顛覆了一向對海膽的觀感，原來海膽也能如此鮮甜細滑。壽司飯比起平時的酸度高，少許黏牙，整體來說不錯！