問卷手卷專門店 (已結業)

夜晚九點半都仲開緊鋪👍🏼去到都有五六個人等緊落單其實好快吓但廚房好似得一個師傅整緊，每次佢都要特登行出黎俾個手卷個客，呢個位都浪費左d時間講番個手卷今次要左海膽三文魚手卷($28)因為佢本身已經落左豉油，其實都唔使再加咩醬可能臨收鋪，d料俾得鬆手d海膽味道唔差，未算鮮但都甜he三文魚好大舊好正食完海膽都仲有好多三文魚送飯佢嘅飯偏酸 可能有人唔鐘意比起之前黎食今次食到最尾都仲有料呢度進步左

加拿大海膽手卷 （一格）今日一個人唔知食乜好就試下成日聽到人講既「問卷」啦！試試佢新到既 海膽手卷 來自加拿大！第一次試驚唔好食叫一格先！食落去好新鮮呀！而雖然係叫一格 但海膽份量都唔少架！另外可以加錢可以要多D 紫菜! 佢既紫菜好脆! 因為佢係即叫即做! 真心覺得好味！佢只加左日本豉油 其他醬料可以自己落！下次肚餓啲會叫2格（$80）或3格（$100）試試!-唯一唔好既係佢既料放係手卷面部, 食哂D海膽之後就食紫菜包白飯!!!

葵芳又開左間手卷專門店喇！樓上果間冇可都唔怕冇手卷食。問卷王…哩個有哂我想食既野 蟹子、虎蝦、海膽、三文魚 新鮮程度ok啦～最緊要紫菜係脆既！仲可以加一蚊要多塊紫菜😂 全部手卷都係即叫即整， 不過呢 手卷食到一半d料就冇哂🙈 淨番d白飯有d dry喔.... 如果d料延伸多少少就好喇！

$32咩都有 虎蝦飛魚籽海膽仲有淹沒左既三文魚 海膽甜而入口即溶 好容易入口 吾會好似之前食過壽司店既苦澀味 有三至四小塊 食完依part即刻想encore但鑑於食左勁多野 就留番下次 飛魚籽無落豉油有啲腥 不過落左之後都ok既 三文魚好正 虎蝦既印象比海膽蓋過左 下次再食再試真啲 依個手卷食到三分一就見到全白飯 但係再咬落啲又有好小一塊既三文魚 算不錯!醬汁都有好多種 海菭沙律 千島醬etc

今日同仔仔一齊行葵芳，見到一間新店，一於試試先，見到好多人排隊，好繁忙，係我落單時，收銀姐姐好親切送我仔仔一支波板糖，在百忙中都照顧到每一個客人，現在食店好少有！仲有一個好得意既號碼牌仔不過要有耐性排隊我點了帆立貝并海膽同加拿大海膽，一睇…嘩好豐富呀大大舊！一次滿足我全部要求味道方面好鮮甜，飯好夠味，紫菜好脆，仲有好多醬汁選擇，估唔到價錢平，都食到好野我一定會再幫襯，咁有人情味食店，一定會大力支持

今次食呢個手卷應該係最豐富嘅一次, 其實佢有好多款手卷, 不過見係新開所以試個特別啲嘅即叫即製, 等左一陣就食得問卷王($32)坦白講有啲後悔食呢個, 因為海膽同三文魚真係幾少不過食入口都唔差, 因為有唔同topping所以味道都算豐富, 只係海膽味唔突出, 想食下次都係要個海膽手卷順帶一提佢有幾隻醬可以比你落, 不過呢啲就跟個人喜好啦

睇到好多人介紹葵涌廣場開左間賣相幾吸引既手卷/壽司店,細細間舖仔其實都幾難搵,而餐牌就已經貼晒係前面,睇落個樣都幾靚仔,不過見到最左邊有個叫爆炸蝦嘅壽司,好似幾得意咪叫個黎試下,可以揀爆炸蝦/三文魚都得,不過炸蝦聽落好似安全啲,就爆炸蝦啦出到黎...聽到啲啪啪聲...下....爆炸糖? 唔係掛...咁...我都識整爆炸三文魚/爆炸甜蝦/爆炸吞拿魚/爆炸海膽都得啦....枱上面都有幾種醬料比你自己落...不過佢早已幫我落咗沙律醬同豉油...咪即係豉油爆炸糖...入落去甜甜地又鹹鹹地...咬落去重有D喔喔聲...都算啦...睇下舊炸蝦....點解得吉烈皮...蝦呢?都已經拎中間戈件黎影...唔係D頭頭尾尾位...一份爆竹脆漿反卷咁就收我$25蚊...究竟係我叫錯野食定真係咁伏呢....

嚟得葵芳，食得卷X屋，點會唔嚟埋地下嚐新呢？ 其實公主我係有選擇困難症，有咁多款刺身揀都唔知點揀好，於是就揀咗四合一嘅問卷王——三文魚、海膽、虎蝦同蟹子。佢好聰明地整咗啲公仔牌，等你買完可以行埋一二邊企開等，唔洗好似樓上果間咁堆咗一大棚人，直頭迫唔到埋去買同落order。好喇，等咗一陣問卷王到手。第一時間食咗隻虎蝦先，好爽而且蝦味尚算濃。但可能太雜嘅關係，公主我唔係好食得出三文魚嘅肥美同味道，味道完全俾蟹子搶走晒。同埋海膽份量相對少，唔係好食得出香味。另外其實佢仲有好幾款沙律醬、紫菜沙律醬、蜜糖芥末醬⋯⋯今次無試因為覺得呢啲應該係for炸物或炸卷類，下次有機會要試試先。總括而言，$32有齊四款刺身算係相當親民，但係咪食得出每款味又係另一回事⋯⋯

睇到好多人介紹葵涌廣場開左間賣相幾吸引既手卷/壽司店,細細間舖仔其實都幾難搵,而餐牌就已經貼晒係前面,睇落個樣都幾靚仔,不過見到最左邊有個叫爆炸蝦嘅壽司,好似幾得意咪叫個黎試下,可以揀爆炸蝦/三文魚都得,不過炸蝦聽落好似安全啲,就爆炸蝦啦出到黎...聽到啲啪啪聲...下....爆炸糖? 唔係掛...咁...我都識整爆炸三文魚/爆炸甜蝦/爆炸吞拿魚/爆炸海膽都得啦....枱上面都有幾種醬料比你自己落...不過佢早已幫我落咗沙律醬同豉油...咪即係豉油爆炸糖...入落去甜甜地又鹹鹹地...咬落去重有D喔喔聲...都算啦...睇下舊炸蝦....點解得吉烈皮...蝦呢?都已經拎中間戈件黎影...唔係D頭頭尾尾位...一份爆竹脆漿反卷咁就收我$25蚊...究竟係我叫錯野食定真係咁伏呢....

好肚餓 就腳 地下開左間手卷 於是試一試叫左飛魚籽手卷 只能說好大件😂佢相片有青瓜個d 事實係冇😓 全部都係魚籽仲要好厚先講魚籽 係不過不失 一開頭魚籽多到係咁跌 但當魚籽食到咁上下 就得返飯 魚籽算一般新鮮 未做到好多魚籽係口裹跳既感覺紫菜同飯都好多 紫菜都脆嫁

寫過不少海膽食評，知道一分錢一分貨的道理；只是出於好奇心，看了新假期對這小店的報道，放棄於葵涌廣場三樓的掃街行動，轉戰這家手卷店。雖然我不是貓，但給好奇害死了。葵涌廣場是美食和購物天堂 (有男生告訴我這是他們的地獄)，不乏價廉物美的選擇。假若血拼到只剩下三十元以下，要充一充飢絕對不難，這兒連十多元一碗飯都有，雖然款式奇特，最有趣的要選是燒賣飯。付同樣的錢，不選港式也可，拍得住爭鮮的平價日本小食如手卷、卷物、壽司都有。手卷來說，一樓的卷之物一向旺場，或許是有樣學樣之故，地下 (唯一麵家/夾糖店附近) 新開了一家手卷店。不知店名由來，只知店名裡的問號，在我心內呼應著。小店有著一度很高的紙板 (爛笑話: 像大押)，檔口其實沒什麼空間，布簾後是廚房。主打手卷，所以貼出來的相片幾乎全是手卷款式。價錢由$12至$45 不等，最貴的是"半板馬糞紫海膽手卷"。除手卷外，貼於收銀處旁的單張上寫有卷物、刺身和小食；其中一板海膽只是 $108，一板之大小和質素存疑。金融市場有對衝基金，我都要對衝一下風險，沒有點半板海膽手卷，只點了個海膽拼三文魚手卷 ($25)，過了三分鐘後即取。聲稱是賣點的各款醬汁，共有六

我同我女朋友見到openrice&新假期推介的新店"問卷手卷專門店"!…睇上去个鋪頭格局ok起收銀个面有好多手卷反卷相片，又影得幾靚，於是就叫左个 芝士蟹子吉烈猪扒反卷試同三文魚并海胆手卷…都只係25蚊!大舊…飽肚!仲點係紫菜仲係好脆三文魚新鲜…海膽甘甜，食手卷最大問题如果食到低冇醤計就乾巴巴咁但係呢度啲係自己任加!加完在加之前見到openrice話d醬汁加得小…根本唔请楚就寫，原來重點是要自己加!我問過老板，你買咁平有冇錢鎌，老板話，小本生意只求客人食得开心，

見飲食網介紹呢間新手卷店雖然格局同1樓既一模一樣, 款式又接近, 諗住俾個機會新人, 又俾自己多個選擇, 行去嗌左個三文魚反卷然後... 伏來了1條手卷卷到"岩岩蠶蠶", 唔方唔圓, 又切到高低不一1條幼到屎既手卷仲要切開6件, 每件就好似粒骰咁細HKD18食6粒骰, 每粒3蚊, 仲細件過, 仲慘過食爭鮮上面d沙律醬得薄hehe一層, 都唔知支黎做咩? 咩味都無調到D飯凍既, 三文魚凍既, 仲要爆多筋, 每食1件都有渣想lur番出黎收到實物食左第1件已經想放棄諗住只係1件係咁, 就一於食哂你5件, 結果6件都令人好好好失望材料差, 無技術, 鮮度無都唔明點解有人讚佢超哂班話會再去食多次我連相都唔想為佢影張, 浪費時間論食物方面真係同1樓個間比都無得比較要讚最多讚佢有發泡膠兜俾手卷既人同埋有6款唔同口味醬料做噱頭但壽司本身都唔好食, 加咩醬都救唔到既然連格局都做到1樓個間咁, 預左要俾人比較只希望問卷店快快改進, 到真正有長龍既一日我再來為你寫番個好味既食評

今日又係去掃街嘅日子喇，不過今日得我自己一個人，所以只可以買少份量嘅野食 諗住由葵涌廣場地下嗰層掃去三樓，就發現有幾間新開嘅野食係地下扶手電梯附近上次就食咗鹽水雞，係對面嗰到竟然又開咗間手卷~~上面嘅勁回味有太多人係到啦，所以我決定係呢間問卷到做個調查選擇同勁回味都差唔多，黎黎去去都係手卷最想食嘅都係Basic嘅三交魚手卷，價錢都係15蚊咋舊三文魚都幾大舊，都幾新鮮嫁，食到落底唔會淨係得啲醋飯略厭啲飯多咗少少我下次會再去試下其他卷先得

小弟星期五…放學后冇咩做!在葵涌廣場行街…見到新開的手卷店…店名可愛經店中的靚靚姊姊推介后…試咗一個"問卷王"…飯的醋味…紫菜的脆…魚生的鮮…竟然超哂班!比起我一直吃開比較有名的那間…更有心好做…更好服務!還有秘製蜜糖芝芥末醬及海苔醬自己任落…簡直完美!店鋪在商場地下…暫時未有太多人知道!這星期還會吃多次…免得遲了日后要排隊!